2 ಪೆತ್ರಾ 2:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಎ ಸುಳ್ಳ ಬೊದಕೊ ಚೊ಼ಕಿವಾಟ ಛೊಡಿನ, ಕೆಟ್ಟ ವಾಟ ಧರ‍್ಯಾಸ. ಬಿಳಾಮನ ಬೆಯೊರನ್ನೊ ದಿಕ್ರೊ. ತಿನು ಧರಮನೆ ಛೊಡಿನ ಅಧರಮಕ್ಹು ಆಯಲ ಫೈದಾನೆ ಮಯಾ ಕರ‍್ಯೊ.

2 ಪೆತ್ರಾ 2:15 ပူးပေါင်းရင်းမြစ်များ

ಮತ್ತಾಯ 26:9

ಎ ತೆಲ ಮೊಗು ಇಕ್ಕಿನ ಗರಿಬೊನೆ ದಿವಾನೆ ಥಾತುತೊ ಕದ್ಯಾ.

ಅಪೊಸ್ತಲೊ 1:18

ಎ ಮೊಸನು ಕಾಮ ಕರಾನೆ ಯುದನೆ ದೊಕ್ಡಾ ದಿದ್ಯಾತಾ. ತೆ ದೊಕ್ಡಾಕ್ಹು ಯಕ್ಕ ಖೆತರ ತಿನಾಹುತಿ ಲಿದ್ಯಾ. ತೆನೈಸೊ ಯುದ ಮಾತು ಹೆಟು ಕರಿನ ಪಡಲ್ಪರ ತಿನು ಪೆಟ ಫುಟಿ ಗೈಯು. ತಿನಾ ಕ್ಹಾರಾ ಅತ್ತೊಡಾ ಭಾರಾ ಆಯಾ.

ಅಪೊಸ್ತಲೊ 13:10

ತಿನೆ, ತು ಸೈತಾನನೊ ದಿಕ್ರೊ ವ್ಹೈ! ಹರಯಕ್ಕ ಚೊ಼ಕಾನೆ ತು ದುಶ್ಮನ ವ್ಹೈ! ತು ಕೆಟ್ಟ ತಂತ್ರೊಕ್ಹು ಸುಳ್ಳಕ್ಹು ಭರಲ ಛೆ. ಪ್ರಭುನಿ ಸತ್ಯನೆ ಸುಳ್ಳ ಕೈನ ಬದಲಾನೆ ತು ಕೊಶಿಶ ಕರಾಡ್ಯೊಸ!

2 ಪೆತ್ರಾ 2:13

ತ್ಯುನೊಕ್ಹು ಘನ್ನಾ ಮನಕ್ಹೊ ತ್ರಾಸ್ಮಾ ಪಡಸ. ತ್ಯುನೆ ಕರಲ ತೆಜ಼ ಪ್ರತಿಫಲ ರ‍್ಹವಸ. ಎ ಸುಳ್ಳ ಬೊದಕೊ ಮನಕ್ಹೊನಾ ಕ್ಹಾಮಾ ಕೆಟ್ಟ ಕಾಮೊಮಾ ಖುಶಿ ರ‍್ಹವಸ. ತ್ಯುನೊನೆ ಖುಶಿ ಕರಾನು ಕೆಟ್ಟ ಕಾಮೊಕ್ಹು ತ್ಯು ಖುಶಿ ಥಾವಸ.

ಯುದ ಬರ್ದಲ ಪತ್ರ 1:11

ತ್ಯುನೊನೆ ಕೆಟ್ಟ ಪರಸ್ತಿಥಿ ಆವಸ. ಎ ಮನಕ್ಹೊ ಕಾಯಿನ ಚಾ಼ಲಲ ವಾಟ್ಮಾಜ಼ ಚಾ಼ಲಸ. ತ್ಯುನೆ ಆಸ್ತಿ ಗಳ್ಸಾನಾ ಹುತಿ ಬಿಳಾಮನನಿ ವಾಟ್ಮಾ ಚಾ಼ಲಾನೆ ತ್ಯುನಾಕ್ಹು ತ್ಯುನೊನೆ ವಪ್ಸಿನ ದಿದ್ಯಾಸ. ಕೊರಹನ ಕರಲಲಿಂಗತಜ಼ ಕ್ಹುದಾನಾ ವಿರುದ್ದ ಹೊರಾಡ್ಯಾಡ್ಯಾಸ. ತ್ಯುನೆ ಕ್ಹಾರಾ ಕೊರಹಲಿಂಗತ ಹಾಳಥಾವಸ.

ಪ್ರಕಟನೆ 2:14

"ತೆನೈಸೊ ತಾರಾ ವಿರೊದ ಕವಾನಿಯೊ ದಕ್ಹಿಯೊ ಸಂಗತಿಯೊ ಛೆ. ತಾರಿ ಸಬೆಮಾ ಬಿಲಾಮನ್ನಿ ಕೆಟ್ಟ ಭೊದನೆ ಲಿಂಗತ ಚಾ಼ಲಿನ ಜಾ಼ವಾಲಾ ಮನಕ್ಹೊ ಛೆ. ಇಸ್ರೆಲನಾ ಮನಕ್ಹೊನೆ ಇಮ್ಮ ಪಾಪಮಾ ಪಡೆ ಲಿಂಗತ ಕರು ಕವಾನು ಬಿಲಾಮ ಬಾಲಾಕನೆ ಕೆಟ್ಟ ಭೊದನೆ ಕರ‍್ಯೊ. ತಿನಾಹುತಿ ಇಸ್ರೆಲೊ ಮೊರತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಮುಕಾಂತರ ವರಿ ಕೆಟ್ಟ ಲೈಂಗಿಕನಾ ಪಾಪೊ ಕರಾನಾ ಮುಕಾಂತರ ಪಾಪ ಕರ‍್ಯಾ.