2 ಪೆತ್ರಾ 1:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಕ್ಹುದಾನಿ ಸೆವೆನೆ ಭಾಯೊನಿ ದೊಸ್ತಿನಿ ಮಯಾ ಕುಡ್ಸೊ

2 ಪೆತ್ರಾ 1:7 ပူးပေါင်းရင်းမြစ်များ

ರೊಮಾಪೂರ 12:10

ಕ್ರಿಸ್ತನಾ ಬರೊಕ್ಹಾಮಾ ಭಾಯೊ ಭೆನೊ ಲಿಂಗತ ರ‍್ಹೈನ ಯಕ್ನೆ ಯಕ್ಕ ಮಯಾ ಕರೊ. ತುಮೆ ತುಮಾರಾ ಹುತಿ ಆಸ ಕರಾನಿ ಮರಯಾದಿತಿಬಿ ಘನ್ನಿ ಮರ್ಯಾದಿ ತುಮಾರಾ ಭಾಯೊ ಭೆನೊನೆ ದಿವೊ.

ಗಲಾತ್ಯ 6:10

ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ಲಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.

ಕೊಲೆಸ್ಸೆ 3:14

ಆ ಕ್ಹಾರಾವೊತಿಬಿ ಅಪೊನೆ ಪುರಾ ಕರಾನು ಮಯಾಜ್ ತುಮಾರಾಮಾ ಜಾಸ್ತ ರ‍್ಹವಾದೆ.

1 ಥೆಸಲೊನಿಕ 3:12

ಹಮೆ ತುಮೊನೆ ಮಯಾಕರಲ ಲಿಂಗತ ತುಮಾರಿ ಮಯಾ ಘಟ್ಟ ಥಯಲ ಲಿಂಗತ ಯಕ್ಲಾನೆ ಯಕ್ಲಾಪರ ವರಿ ಬಿಜಾ಼ ಮನಕ್ಹೊಪರ ಮಯಾ ಹೆಚ್ಕಿ ಥಾವಾದೆ ಕರಿನ ಪ್ರಭುನೆ ಪ್ರಾಥನಾ ಕರಿಯೆಸ.

1 ಥೆಸಲೊನಿಕ 5:15

ಕುನ ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ ಕ್ಹಾರವೊನೆ ಚೊ಼ಕುಜ಼ ಕರೊ. ಯಕೆಕ್ಲಾನೆ ವರಿ ಕ್ಹಾರಾವೊನೆ ಹಮೆಶಾಬಿ ಚೊ಼ಕು ಕರಾನೆ ಕೊಶಿಶ ಕರೊ.

ಇಬ್ರಿಯ 13:1

ಕ್ರಿಸ್ತನಮಾ ಭಾಯೊ ಭೆನೊ ಥಯಲ ತುಮೆ ಯಕ್ಕನೆ ಯಕ್ಕ ಮಯಾ ಕರೊ ವರಿ ಅತಿಧಿ ಸತ್ಕಾರ ಕರೊ.

1 ಪೆತ್ರಾ 1:22

ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ.

1 ಪೆತ್ರಾ 2:17

ಕ್ಹಾರಾ ಮನಕ್ಹೊನೆ ಮರ್ಯಾದಿ ದಿವೊ. ಕ್ಹುದಾನಾ ಘರವಾಲಾ ಭಾಯೊನೆ ಭೆನೊನೆ ಮಯಾಕರೊ. ಕ್ಹುದಾ ಕ್ಹು ಭುಚ಼ಕೊ ವರಿ ರಾಜಾ಼ನೆ ಮರ್ಯಾದಿ ದಿವೊ.

1 ಪೆತ್ರಾ 3:8

ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ‍್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ಲಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ‍್ಹಯಲವಾಲಾ ಥೌ.

1 ಯೊಹಾನ 3:14

ಅಪೆ ಮರಣನೆ ದುರ ಕರಿನ ಜಿವ್ತಾ ರ‍್ಹವಾನೆ ಆಯಾಸ ಕವಾನು ಅಪೊನೆ ಗ್ವತ್ತ ಛೆ. ಕ್ರಿಸ್ತಮಾ ಮಾರಾ ಭಾಯೊ ಭೆನೊನೆ ಅಪೆ ಮಯಾ ಕಾರಿಕ್ಹು ಎ ಕ್ಹಾರು ವಳಕ್ಯೊಸ.

1 ಯೊಹಾನ 3:16

ಯೆಸು ತಿನೊ ಜ಼ಲಮಜ಼ ದಿದಲ ಹುತಿ ಕ್ಹರಿನಿ ಮಯಾ ಛೆ ಕವಾನು ಹಮೆ ವಳಕಿಲಿದ್ಯಾ ತಿನಾಹುತಿ ಭಾಯೊ ಭೆನೊನಾ ಹುತಿ ಅಪೆ ಜ಼ಲಮ ದ್ಯು.

1 ಯೊಹಾನ 4:21

ಕ್ಹುದಾನೆ ಮಯಾ ಕರಸ. ತಿನೆ ಭಾಯೊನೆ ಮಯಾ ಕರಸ ಕೈನ ಆಜ್ಞಾ ಅಪೆ ತಿನಾಕ್ಹುಜ ಹೊಂದ್ಯಾಸ.