2 ಕೊರಿಂಥ 6:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ಅಪೆ ಘನ್ನ ಪ್ರಸಿದ್ದ ರ‍್ಹ ವಳಕ ತೆನ ಸೆವ ಕರಾ. ಮರಲ ಕೈನ ನೈ ಗ್ವತ ತೆ ತಬಿ ನೊಹಾ. ದೆಕಿನ ಶಿಕ್ಷಾ ಛೆ ಕೈನ ಕುನ ವ್ಹತ್ತಾ ತಬಿ ಖಲಾಸ ಕೈನ ಥಯಾಸ.

2 ಕೊರಿಂಥ 6:9 ပူးပေါင်းရင်းမြစ်များ

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 19:26

ತೆ ನೈಸೊ ಹತಕ್ಹು ಕರಲ ಮೂರ್ತಿಯೊ ದೆವಸ್ಥಾನ ನ್ಹವೈ ಕೈನ ತೆ ಪೌಲಾ ಕೈನ ಎಪೆಸಮಾ ಎಕಜ಼ನೈ ಕಮ್ಮಸೆ ಕಮ್ಮ ಆಸ್ಯಸಿಮೆಮಾ ಘನಾ ಮನೊಕ್ಹೊನೆ ದೆಕಾಡಿನು ದಿವಾನು ಪ್ಹರೈಪಾಡ್ಯೊ ಕೈನ ತುಮೆ ದೆಕೊಶಿಬಿ ವರಿ ಐಕೊಶಿಬಿ.

ಅಪೊಸ್ತಲೊ 25:19

ತ್ಯುನೆ ಕದಲ ಸಂಗತಿಯೊ ತ್ಯುನಾ ಧರಮಶಾಸ್ತ್ರನಾ ಪ್ರಕಾರ ಜಿವ್ನಾ ಕರಾಡೊತೊ ಕೈನ, ಪೌಲಾ ಕವಾನು ಮರಿಗಯೆಲ ಯೆಸು ಜಿವಾಸಾಡೊಸ ಕೈನ ಯಕ್ಲಾನಾ ವಿಚಾರಮಾ, ತಿನಾ ಉಪ್ಪರ ದಕ್ಹಾ ವಿವಾದ ಥವಾನು ವಾತೊ ಬೊಲ್ಯಾ.

ಅಪೊಸ್ತಲೊ 25:26

ತೆನೈಸೊ ತಿನಾಹುತಿ ಕೈಸರ ಆವಾನೆ ಕೈಜ಼ ಕಾರಣ ದಿಕ್ಹಿನ ಆಯು ನೈ. ಜೆಲಮ್ಮಾರಹೆಲವಾಲಾನಾ ಹುತಿ ಆರೊಪ ಘಾಲೆಲ ತಪ್ಪ ದಿಕ್ಹೆವಾಚಿ, ತಿನೆ ವಳಾವಾನು ಚೊ಼ಕು ನ್ಹವೈ ಕೈನ ಮನೆ ದಿಕ್ಹಿ ಐ ನೈ.

ರೊಮಾಪೂರ 15:19

ಅದ್ಭುತ ಕಾಮೊ ಕರಾನಿ ತಾಕತ ವರಿ ಮ್ಹೊಟಾ ಕಾಮೊ ದೆಕಲ ಹುತಿ ಕ್ಹುದಾನಿ ಆತ್ಮಾನಿ ತಾಕತಕ್ಹುಜ಼ ಮಾರು ಕಾಮ ಪುರಾ. ಮಿ ಜೆರುಸೆಲಿಮತೊ ಇಲ್ಲುರಿನೆ ಪ್ರಾಂತ್ಯ ಲಕ್ಕಾ ಕ್ರಿಸ್ತನಿ ಸುವಾರ್ತೆ ಕೈನ, ಮಿ ತೆ ಕರ್ತವ್ಯ ಪುರಾ ಕರ‍್ಯೊ.

ರೊಮಾಪೂರ 8:36

ಕ್ಹುದಾ, ತಾರಾ ಹುತಿ ಹಮೆ ದಿನ್ನಾ ಮೌತನೆ ಗುರಿ ಥಯಾಸ; ಮನಕ್ಹೊ ಹಮೊನೆ ಕಾಟಾನಾ ಬಕ್ಕರಿಯೊ ಲಿಂಗತ ಅಪ್ನಾ ಕ್ಹಾತೆ ಥಾವಾಡ್ಯುಸ. ಕಿರ್ತನೆ 44:22

1 ಕೊರಿಂಥ 11:32

ತಿಮ್ಮ ಸುಬಿ ಪ್ರಭುನಾ ಪೈಸ್ಲಾನೆ ಅಪೆ ಮ್ಹೈ ಥಯಮ ತ್ಯುನೆ ಅಪೊನೆ ದಂಡ ದಿನ್ನ, ತಿದ್ದಸ. ದುನಿಯಾಮಾ ಅಪೆ ತಪ್ಪ ನೈ ಕರಾಲಾ ಲಿಂಗತ ಕರಸ.

1 ಕೊರಿಂಥ 15:31

ಹೊ ಭಾಯೊ ಭೆನೊ, ಹರಯಕ್ಕ ದಿನ್ನ ಮಿ ಮೌತನಾ ಮ್ಹೊಡಾಮಾ ಛೆ. ಅಪ್ನೊ ಪ್ರಭು ಯೆಸು ಕ್ರಿಸ್ತಮಾ ತುಮಾರಾ ಹುತಿ ಮನೆ ರ‍್ಹವಾನಿ ಹೆಮ್ಮೆಕ್ಹು ಎ ಕ್ಹರಿಬಿ ಕವಾಡ್ಯೊಸ.

1 ಕೊರಿಂಥ 4:9

ತೆನೈಸೊ ಕ್ಹುದಾ ಮನೆಬಿ ವರಿ ಉಗ್ರಲ ಅಪೊಸ್ತಲೊನೆಬಿ ಲಾಸ್ಟ ಸ್ಥಾನ ದಿದ್ಯೊಸ ಕೈನ ಮನೆ ದಿಕ್ಹಸ. ಕ್ಹಾರಾ ಮನಕ್ಹೊನಾ ಕ್ಹಾಮಾ ಹಮೆ ಮೌತನೆ ಗುರಿ ಥಯಲವಾಲಾ ಥಯಾಸ. ಹಮೆ ದೆವ ದುತೊನೆಬಿ ಮನಕ್ಹೊನೆಬಿ ಕ್ಹಾರಿ ಜಗತ್ನೆ ಮಜಾ಼ಕ ಥಯಾಸ.

2 ಕೊರಿಂಥ 11:6

ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.

2 ಕೊರಿಂಥ 4:2

ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.

2 ಕೊರಿಂಥ 5:11

ಪ್ರಭುನು ಭೆ ಸುವೈ ಕವಾನು ಅಪೊನೆ ಗ್ವತ್ತ ಛೆ. ತಿನಾಹುತಿ ಕ್ಹರಿನೆ ವಪ್ಪಿಲಿವಾನಾಹುತಿ ಮನಕ್ಹೊನೆ ಮದತ ಕರಾನೆ ಅಪೆ ಕೊಶಿಶ ಕರಿಯೆಸ.ಅಪೆ ಕೆವಾ ಛೆ ಕವಾನು ಕ್ಹುದಾನೆ ಗ್ವತ್ತ ಛೆ. ತುಮೆಬಿ ತುಮಾರಾ ಮನಸೊ ಕಿಮ ಛೆ ಕವಾನು ವಳಕ್ಯಾಸ ಕೈನ ಬರೊಕ್ಹೊ ಛೆ.