2 ಕೊರಿಂಥ 6:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಕ್ಹರಿ ವಾಕ್ಯ ಕ್ಹುದಾ ಮಹಿಮಾ ಎ ಕ್ಹಾರ ರ‍್ಹ ಮಾ ರ‍್ಹಯಲ ಹತೊ ರ‍್ಹಯಲ ನಿತಿವಂತ ಮಾ ರ‍್ಹಯಲ ಹತೊ ನಿತಿ ಕವಾನು ಆಯುಧೊ ಘಾಲ್ಲಿದಲ ಪರ ಘಾಲ.

2 ಕೊರಿಂಥ 6:7 ပူးပေါင်းရင်းမြစ်များ

ಮಾರ್ಕ 16:20

ಶಿಷ್ಯಾ ಕ್ಹಾರಿ ಜ಼ಗಾ ಗೈನ ತೆ ವಾತೊ ಕತಾ ಗಯಾ;ವರಿ ಕರತಾ ತ್ಯುನಾ ಕ್ಹಾತೆ ರ‍್ಹೈನ ಮ್ಹೊಟಾ-ಮ್ಹೊಟಾ ಕಾಮೊ ಅದ್ಭುತ ಕರತೊ ತಿನಾ ಹುತಿ ತ್ಯುನೆ ಕವಾನಿ ಸುವಾರ್ತೆ ಘಟ್ಟ ಕರತೊ ವ್ಹತ್ತೊ)

ಅಪೊಸ್ತಲೊ 11:21

ಪ್ರಭು ವಿಶ್ವಾಸಿಯೊನೆ ಮದತ ಕರಾಡೊತೊ. ಮನಕ್ಹೊ ಘನ್ನಾ ಸಂಖ್ಯೆಮಾ ಪ್ರಭುನೆ ಬರೊಕ್ಹೊ ಕರಿನ ಚಾ಼ಲಾನು ಶುರು ಕರ‍್ಯಾ.

1 ಕೊರಿಂಥ 1:24

ಕ್ಹುದಾಕ್ಹು ಬಲಾಯಲ ಮನಕ್ಹೊ ಯೆಹುದಿಯೊಬಿ ಯಹುದ್ಯೊ ನೈ ರ‍್ಹಯಲವಾಲಾಬಿ ತ್ಯುನೊನೆ ಕ್ರಿಸ್ತ ಕ್ಹುದಾನಿ ತಾಕತ ಥಯೊಸ; ವರಿ ಕ್ಹುದಾನಿ ಗ್ಯಾನ ಥಯೊಸ.

2 ಕೊರಿಂಥ 13:4

ತೆ ತಾಕತ ಟೈಮ ಪರ ರ‍್ಹಯಲ ಶಿಲುವಿ ಘಾಲ ಕ್ಹರಿ ವ್ಹೈ.

2 ಕೊರಿಂಥ 2:17

ಕೆಕ್ಲಾಲಿ ಮನಕ್ಹೊ ಕ್ಹುದಾನಿ ವಾಕ್ಯಾ ತಿಮಾ ಸು ಚಾ಼ಯೆ ತೆ ಘಾಲಿನ ಕೈನ ವ್ಯಾಪಾರ ಕರಸ. ಹಮೆ ತೊ ತಿಮ್ಮ ನವೈ. ಕ್ಹುದಾ ಕಂತಾಜ ಇನಿಲಿದಲವಾಲಾ ಥೈನ ಕ್ಹುದಾ ಕ್ಹಾಮಾ ಕ್ರಿಸ್ತ ಯೆಸುನಾ ಅನ್ಯೊನ್ಯತೆಮಾ ಹಮೆ ಸು ಹೊತ್ತು ತೆಜ಼ ತುಮೊನೆ ಕದ್ಯಾಸ.

2 ಕೊರಿಂಥ 4:2

ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.

2 ಕೊರಿಂಥ 7:14

ತಿನಾಹುತಿ ಕದ್ಯಾಮ ಮಿ ತಿತ ಕ್ಹ ತುಮಾರಾ ಹೆಮ್ಮೆ ಕ್ಹರಿ ವ್ಹೈ. ಇಮ್ಮ ಹೆಮ್ಮೆ ಹುತ ಹುತಿ ಮಿ ನೈ. ತಿನಾ ಬದಲ ಅಪೆ ನೈ ತುಮ ಕದ್ಯೊ ಕ್ಹಾರ ಕಿಮ ಕ್ಹರಿ ವ್ಹೈ ಎ ತಿಮ್ಮ ತಿತ ಕ್ಹ ತಾರ ಹುತ ಹುತಿ ಹೆಮ್ಮೆ ಕ್ಹರಿ ವ್ಹೈ ದಿಕ್ಹ ಐನ.

ಎಫೆಸ 1:13

ಎ ತುಮೊನೆಬಿ ಲಾಗು ಥಾವಸ. ತುಮೆ ಕ್ಹರಿ ಭೊದನೆನಾ ಹುತಿ ಕದ್ಯಾಮ ತುಮಾರಿ ರಕ್ಷಣೆನಾ ಹುತಿ ಸುವಾರ್ತೆನಾ ಹುತಿ ಪುಚ್ತಾ಼ಮಾ ಕ್ರಿಸ್ತಮಾ ಬರೊಕ್ಹೊ ಮ್ಹೆಲೊ. ಕ್ಹುದಾ ತಿನಿ ವಾಗ್ದಾನನಾ ಲಿಂಗತ ತುಮೊನೆ ಪವಿತ್ರ ಆತ್ಮಾನೆ ದಿವಾನಾ ಮುಕಾಂತರ ತುಮೊಪರ ತಿನಿ ಖಾಸ ರ‍್ಹಯಲ ಶಿಕ್ಕೊ ಘಾಲ್ಯೊ.

ಎಫೆಸ 3:20

ಅಪ್ನೊಮಾ ಕಾಮ ಕರಾನು ತಿನಿ ತಾಕತಕ್ಹು ಅಪೆ ಪುಚ್ಚಾತಿಬಿ ವಿಚಾರ ಕರಾತಿಬಿ ಕೆಕ್ಲೊಕಿ ಘನ್ನು ಘನ್ನು ಕ್ಹುದಾ ಕರಸ.

ಎಫೆಸ 4:21

ತುಮೆ ತಿನು ವಿಶಯ ಐಕ್ಯಾಸ ಕವಾನು ಮನೆ ಗ್ವತ್ತ ಛೆ. ತುಮೆ ತಿನಾಮಾ ರ‍್ಹವಾಕ್ಹು ಕ್ಹರಿ ಶಿಕ್ಯಾಸ. ಹೊ, ಕ್ಹರಿ ಕವಾನು ಯೆಸುಮಾ ಛೆ.

ಕೊಲೆಸ್ಸೆ 1:5

ತಮೊನೆ ನಿರಿಕ್ಷೆ ರ‍್ಹಯಲನಾಹುತಿ ಕ್ರಿಸ್ತನಾ ಪರ ಬರೊಕ್ಹೊ ಮ್ಹೆಲ್ಯಾ ವರಿ ಕ್ಹುದಾನಾ ಮನಕ್ಹೊನೆ ಮಯಾ ಕರ‍್ಯೊ. ತಮೆ ನಿರಿಕ್ಷೆ ಕರಾನು ತಮಾರಾಹುತಿ ಸ್ವರ್ಗಲೊಕಮಾ ತಯಾರ ಕರ‍್ಯಾಸ ಕವಾನು ತಮೊನೆ ತಿಳ್ದಾಸ. ತಮೊನೆ ತಿಳ್ಸಾಯೆಲ ಕ್ಹರಿ ವಾಕ್ಯ ಕದ್ಯಾಮ ಸುವಾರ್ತೆನೆ ತಮೆ ಪುಚತ್ತಾಮ್ಮಾ ತೆ ನಿರಿಕ್ಷೆನಾಹುತಿ ತಿಳದಿಲಿದ್ಯಾಸ.

1 ಥೆಸಲೊನಿಕ 5:8

ತೆನೈಸೊ ಅಪೆ ದಿನ್ಮಾ ರ‍್ಹಯವಾಲಾ ಹುತಿ ಅಪೊನೆ ಹತೊಟಿಮಾ ಮುಕ್ಕಿ ಲಿದೆಲ ರ‍್ಹೌ. ಅಪ್ನಾಕ್ಹು ಅಪ್ನೊನೆ ವಚಾ಼ಡಿಲಿವಾನೆ ಮಯಾ ಬರೊಕ್ಹೊ ಮ್ಹೆಲ್ಲಿದಲ ರ‍್ಹೌ. ರಕ್ಷಣೆನೆ ಆಸ ಅಪೊನೆ ಕಿರಿಟ ಲಿಂಗತ ರ‍್ಹೌ.

2 ತಿಮೊತಿ 2:15

ಕ್ಹುದಾನಿ ನಜ಼ರಮಾ ಯೊಗ್ಯ ಮನಕ್ಹ ಥಾವಾನೆ ತುಕ್ಹು ಥಾಯೆ ಯಕ್ಲು ಕೊಶಿಶ ಕರ ವರಿ ತುನೆಜ಼ ಒಪ್ಸಿನ ದೆ. ತಿನಾ ಕಾಮಮಾ ನೈ ಸರಮಾಲೊ ಕಾಮವಾಲೊ ಥಾ, ಕದ್ಯಾಮ ಕ್ಹರಿನು ಉಪದೆಶ ಯೊಗ್ಯಕ್ಹು ಕವಾಲೊ ಥಾ.

2 ತಿಮೊತಿ 4:7

ಖೆಲಮಾ ಮಿ ಚೊ಼ಕೊ ಖೆಲ್ಯೊ. ವರಿ ಮಾರಿ ನ್ಹಾಟ ಕ್ಹರಾಯೊಸ; ಮಾರಾ ಬರೊಕ್ಹೊನಾ ವಚಾ಼ಡಿಲಿದ್ಯೊಸ.

ಇಬ್ರಿಯ 2:4

ಎನೈಸೊ ಕ್ಹುದಾ ತಿನಾ ಅದ್ಭುತ ಕಾಮುಕ್ಹು, ಸುಚಕ ಕಾರ‍್ಯೊಕ್ಹು, ಘನ್ನಾ ತರಾನಾ ಮ್ಹೊಟಾ ಕಾಮೊಕ್ಹು ವರಿ ಪವಿತ್ರ ಆತ್ಮಾನಾ ವರಾಕ್ಹು ತಿನಾ ಮನಸೆ ಆಯಲ ತಿಮ್ಮ ದಿವಾನಾ ಮುಲಕ ತೆ ದೆಕಾಡಿನ ದಿದ್ಯೊ.

ಯಾಕೊಬ 1:18

ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.