2 ಕೊರಿಂಥ 6:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಜೆಲ ಎ ಕ್ಹಾರ. ಅಂಗ ಭಾಗಿನ ಕಾಮ ಕರಾ. ನಿಂದರ ನೈಸೊ. ಭುಕ್ಕ ಟೈಮ ಮಾ ಬಲಹಿನ ಮಾ ಭುಕ್ಕ. ಎ ಕ್ಹಾರ ರ‍್ಹಯಲ ವಿಷಯಮಾ ಘನ್ನ ಸಮಾಧಾನ ದೆಕಾಡ ದಿವ;

2 ಕೊರಿಂಥ 6:5 ပူးပေါင်းရင်းမြစ်များ

ಮತ್ತಾಯ 14:10

ತೆ ಯೊಹಾನನಿ ಗರ್ದನ ಕತ್ರಿಲಾವೊ ಕೈನ ಆಳೊನೆ ಮೊಕಲ್ಯೊ.

ಮತ್ತಾಯ 14:3

ಹೆರೊದ ತಿನಾ ಭೈನಿ ಬೈಕೊನಾ ಹುತಿ ಯೊಹಾನನೆ ಧರೈನ ಜೆಲ್ಮಾ ಘಾಲಾಲಗಾಡ್ಯೊತೊ.

ಮತ್ತಾಯ 9:15

ಯೆಸು, ಹಿವಾನಾ ಟೈಮಮಾ ನ್ಹೌರಾನಾ ಕ್ಹಾತೆ ರ‍್ಹವಾನಾ ದೊಸ್ತೊ ದುಖಿ ನೈ ಥಾತಾ. ತೆನೈಸೊ ನ್ಹೌರೊ ತ್ಯುನೊನೆ ಛೊಡಿನ ಜಾ಼ವಾನೊ ಟೈಮ ಆವಸ. ತೆಳಾಮಾ ತ್ಯುನೆ ದುಖಿ ಥಾವಸ ವರಿ ಉಪಾಸ ಕರಸ.

ಅಪೊಸ್ತಲೊ 13:3

ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ.

ಅಪೊಸ್ತಲೊ 14:19

ಪಾಚಾ಼ತಾ ದಕ್ಹಾ ಯೆಹುದಿಯೊ ಅಂತಿಯೊಕ್ಯತಾ ವರಿ ಇಕೊನಿಯತಾ ಐನ ಪೌಲಾನೆ ವಿರುದ್ದ ಮನಕ್ಹೊನೆ ಭಡಕೈನ ಪೌಲಾನೆ ದಗ್ಡಾ ನಾಕಿನ, ತೆ ಮರ‍್ಯೊ ಕೈನ ತಿಳ್ದಿಲಿನ ಗಾಮತಾ ಭಾರಾ ಜಗ್ಗಿನ ಕಾಡ್ಯಾ.

ಅಪೊಸ್ತಲೊ 14:23

ಪೌಲಾ ಬಾರ್ನಬ ಹರ ಯಕ್ಕ ಸಭೆನೆ ಮ್ಹೊಟಾವೊನೆ ಇನಿ ಲಿದ್ಯಾ. ತ್ಯುನೆ ಎ ಮ್ಹೊಟಾವೊನಾ ಹುತಿ ಉಪಾಸ ರ‍್ಹೈನ ಪ್ರಾಥನಾ ಕರಿನ ತ್ಯುನೊನೆ ಪ್ರಭುನಾ ಹತ್ಮಾ ವಪ್ಸಿನ ದಿದ್ಯಾ.

ಅಪೊಸ್ತಲೊ 17:5

ನಂಬೆಲವಾಲ ಯಹುದ್ಯೊ ಸಂಗಟ ಪಡಿನ ಬಾಜಾ಼ರಮಾ ಫರಾವಾಲಾ ದಕ್ಹಾಜ಼಼ನಾ ಪಾಲತು ಮನಕ್ಹೊನೆ ಬಲೈನ ಗುಂಪ ಕರಿನ ಗಾಮ್ಮಾ ಗದ್ದಲ ಕರಿನ ಪೌಲ ವರಿ ಸಿಲನೆ ಗಾಮಾನಾ ಸಬೆನಾ ಕ್ಹಾಮಾ ಲೌ ಕೈನೈ ತ್ಯುನೊನೆ ಹುಡಕತ್ತಾ ಯಾಸೊನಾ ಘರಕನ ಐನ ಮುಟ್ಯಾ.

ಅಪೊಸ್ತಲೊ 20:31

ತಿನಾಹುತಿ ಮಿ ಡೊಳಾಮಾನು ಪಾನಿ ಕಾಡ್ತೊ ತನ್ನ ವರಕ್ಹ ದಿನ್ನ ರಾತ ಛೊಡ್ಯಾವಾಚಿ ಹರಿ ಯಕ್ಲಾನೆ ಗ್ಯಾನ ಕದ್ಯೊಸ ಕವಾನು ತುಮೆ ಶೆ ಕರ್ಲಿನ ಹುಶಾರ ಥೈನ ರ‍್ಹವೊ.

ಅಪೊಸ್ತಲೊ 23:10

ಲಡಯಿ ಘನಿ ಥಾತಾಮಾ ತ್ಯುನೆ ಪೌಲಾನೆ ಯಳ್ದಿನ ಚುರ-ಚುರ ಕರಸ ಕೈನ ಅದಿಕಾರಿ ಬುಚಕಿನ ಸಿಪಾಯೊನೆ ತುಮೆ ಗೈನ ತ್ಯುನಾ ವಚ಼ಮಾತ್ತಾ ತಿನೆ ಝಬರದಸ್ತಿ ಕರಿನ ಧರಲೈನ ಕೊಟೆಮಾ ಘಾಲುಕೈನ ಅಪ್ಪಣೆ ಕರ‍್ಯೊ.

ಅಪೊಸ್ತಲೊ 23:35

"ತುಪರ ತಪ್ಪ ಕದಲವಾಲಾ ಆಯೆಲ ಪರ, ತಾರು ಕಾರ್ಯ ಪುರಾ ವಿಚಾರ ಕರುಸ ಕೈನ ಕದ್ಯೊ, ತಿನೆ ಹೆರೊದನಾ ಜೆಲಮಾಘಾಲಿನ ಕೈದು ಕೈನ ಅಪ್ಪಣೆ ದಿದ್ಯೊ.

ಅಪೊಸ್ತಲೊ 24:27

ಬೆ ವರಕ್ಹ ಥಯಲ್ಪರ ಫೆಲಿಕ್ಸನಿ ಜ಼ಗಾಪರ ಪೊರ್ಕಿಯ ಪೆಸ್ತನ ಕವಾನೊ ರಾಜ್ಯಾಪಾಲ ಆಯೊ. ಫೆಲಕ್ಸ ಯಹುದಿಯೊನಿ ಮಯಾ ಗಳಸು ಕೈನ ಪೌಲಾನೆ ಜೆಲ್ಮಾಜ಼ ಮ್ಹೆಲಿನ ಗಯೊ.

ಅಪೊಸ್ತಲೊ 26:10

ಯೆರುಸೆಲಿಮಮಾ ತಿಮ್ಮಜ಼ ಕರ‍್ಯೊತೊ. ಖಾಸ ಯಾಜಕ ಕ್ಹು ಅದಿಕಾರ ಪಡ್ದಿನ ಕ್ಹುದಾನಾ ಮನಕ್ಹೊಮಾ ಘನ್ನಾ ಜ಼ನಾವೊನೆ ಜೆಲ್ಮಾ ಮುಕ್ಕಿನ, ತ್ಯುನೊನೆ ಮರ್ವಾನಿ ಶಿಕ್ಷಾ ಥಯಲ್ಪರ, ಮಿ ತಿನೆ ಸಮ್ಮತಿ ಕರೊಸ.

ಅಪೊಸ್ತಲೊ 26:29

ಪೌಲಾ ಚೊ಼ಕು ವೈಸು ಕಟ್ಟವೈ ತೆ ಮನೆ ಖಾಸ ನ್ಹವೈ. ತು ಯಕ್ಲೊಜ಼ ನ್ಹವೈ ತೆಳಾಮಾ ಮನೆ ಕರಾನು ಹರಯಕ್ಲೊ ಮಾರಾನಿಂತ ಥೌ ಕೈನೆ ಮಿ ಕ್ಹುದಾನೆ ಪ್ರಾರ್ಥನಾ ಕರುಸ. ತಿನಾಹುತಿ ತೆ ಸಂಕೊಲೆಯೊ ಯಕ್ಕಜ಼ ತಮನೊನೆ ನಕೊ ಕೈನ ಕದ್ಯೊ.

ಅಪೊಸ್ತಲೊ 28:30

ತೆ ಥಯಲ ಪರ ಪೌಲಾ ಬಾಡಿಗೆ ಲಿದೆಲ ಘರಾಮ್ಮಾ ಬೆ ವರಕ್ಹ ತ್ಯಾ ರ‍್ಹೈನ ತಿಕ ಆವಾವಾ ಲಾವೊನೆ ಮರ್ಯಾದಿನ ಬಲಾವುನು ಕರ‍್ಯೊ.

ಅಪೊಸ್ತಲೊ 5:18

ತ್ಯುನೆ ಅಪೊಸ್ತಲೊನೆ ಧರೈನ ಜೆಲಮಾ ಘಾಲ್ಯಾತಾ.

1 ಕೊರಿಂಥ 15:10

ಮಿ ಹಮ್ನಾ ಎ ಸ್ಥಿತಿಮಾ ರ‍್ಹವಾನು ಕ್ಹುದಾನಿ ಮರ್ಗಾಕ್ಹುಜ಼ ವ್ಹೈ. ತಿನಿ ಮರ್ಗಾ ಮಪರ ವ್ಯರ್ಥ ಥೈ ನೈ. ಮಿ ತ್ಯುನಾ ಕ್ಹಾರಾವೊತಿಬಿ ಹೆಚ್ಕಿ ಶ್ರಮಾ ಕರಿನ ಸೆವೆ ಕರ‍್ಯೊಸ. ತೆ ಕರಲವಾಲೊ ಮಿ ನ್ಹವೈ, ಮಾರಾಮಾ ರ‍್ಹವಾನಿ ಕ್ಹುದಾನಿ ಮರ್ಗಾಜ಼ ಕರಲ ವ್ಹೈ.

1 ಕೊರಿಂಥ 4:11

ಹಮ್ನಾಬಿ ಹಮೆ ಭುಕ್ಕಾ ಥಯಾಸ; ತರಕ್ಹಾ ಥಯಾಸ; ಘಾಲಿವಾನೆ ಕಮ್ಮ ವಣ್ಣಾ ರ‍್ಹಯಲವಾಲಾ ಥಯಾಸ. ತೆಳಾಮ ತೆಳಾಮಾ ಹಮೊನೆ ಮಾರ ಬೆಟ್ತೊ ರ‍್ಹವಸ; ಹಮೊನೆ ಘರಬಿ ನತ್ತಿ.

1 ಕೊರಿಂಥ 7:5

ತಿನಾಹುತಿ ಮಾಟಿ ಬೈಕೊ ಯಕ್ಕನೆ ಯಕ್ಕ ದಾಂಪತ್ಯನಾ ಕಾಮೊ ಕರಾನೆ ಇನ್ಕಾರು ನೈ. ಧ್ಯಾನ, ಪ್ರಾಥನಾ ಕರಾಮಾ, ದಕ್ಹಿಯೆಳ ಯಕ್ಕನೆ ಯಕ್ಲಾ ದುರ ರ‍್ಹೆ ಸಕಸ, ತೆನೈಸೊ ತಿನೆ ಯಕ್ಕನೆ ಯಕ್ಕ ವಪ್ಪಗಿ ರ‍್ಹೌ. ತೆ ಥಯಲ ಪರ ಯಕ್ಕ ಥೌ. ನೈ ಥಯಾರೆ, ತುಮೊಮಾ ಹೊಂದಾಣಕಿ ನೈ ರ‍್ಹಯಲ ದೆಕಿನ ಸೈತಾನ ಶೊದನೆಮಾ ಪಾಡಸಕಸ.

2 ಕೊರಿಂಥ 11:27

ತೆನೈಸೊ ತೆ ಮನಕ್ಹೊ ತ್ಯುನಾ ಒದತಾ ಮನಕ್ಹೊ ಥೈಗೈ. ತೆ ದಿನ ಹುತಿ ಲಕ್ಕಾ ಜು಼ನ್ನ ವಡಂಬಡಿಕೆ ಒದತಾ ಟೈಮ.

ಎಫೆಸ 3:1

ಪೌಲಾ ಕವಾಲೊ ಮಿ ಕ್ರಿಸ್ತ ಯೆಸುನೊ ಸೆರೆ ಆಳ ವ್ಹೈ. ಯಹುದ್ಯೊ ನೈಸೊ ತುಮಾರಾ ಹುತಿ ಮಿ ಸೆರೆ ಆಳ ಥಯೊಸ.

ಫಿಲಿಪ್ಪಿ 1:13

ಕಿಮ ಕದ್ಯಾಮ ಮಿ ಯಕ್ಕ ಜೆಲಮ್ಮಾ ರ‍್ಹಯೆಲ ಕ್ರಿಸ್ತಾನಾಹುತಿ ‍ಹೈ ಕಯೆನ ರಾಜಾ಼ನು ಘರ ಕೈದಾಲಾ ಕ್ಹಾರಾ ಜ಼ನಾವೊನೆ ವರಿ ಬಿಜಾ಼ವೊನೆಬಿ ಗೊತ್ತ ಥೈಯು.

1 ಥೆಸಲೊನಿಕ 2:9

ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.

1 ತಿಮೊತಿ 4:10

ತಿನಾಹುತಿ ಅಪೆ ಕಷ್ಟಕ್ಹಾವಾಡಾಸ,ಪ್ರಯಾಸ ಕರಾಡಾಸ,ಕಾಕದ್ಯಾಮ್ಮ ಕ್ಹಾರಾ ಮನಕ್ಹೊನೆ, ವಿಶೆಷ ಕರಿನ ಬರೊಕ್ಹೊ ಕರಾವಾಲಾವೊನೆ, ರಕ್ಷಕ ಥಯಲ ಜ಼ಲಮ್ಮ ರ‍್ಹಯಲ ಕ್ಹುದಾನಾ ಉಪ್ಪರ ಹಮೆ ಬರೊಕ್ಹೊ ಮ್ಹೆಲಾಲಾ ಥಯಾಸ.

2 ತಿಮೊತಿ 1:8

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳ್ಸಾನಾ ಹುತಿ ಪ್ರಭುನಾ ಹುತಿ ಜೆಲ್ಮಾ ರ‍್ಹಯಲ ಮಾರಾ ಹುತಿ ಸರಮಾವೊ ನಕೊ. ತಿನಾ ಬದಲ ಸುವಾರ್ತೆನಾ ಹುತಿ ಮಾರಾ ಕ್ಹಾತೆ ತ್ರಾಸ ಅನಭವಿಸು, ತಿನಾಹುತಿ ಚಾ಼ಯೆ ಥಯಲ ತಾಕತ ಕ್ಹುದಾಜ಼ ತುನೆ ದಿವಸ.

2 ತಿಮೊತಿ 2:9

ಎ ಕಾರಣಕ್ಹು ತ್ರಾಸ ಖಾವಾಡೊಸ. ಕೆಟ್ಟ ಮನಕ್ಹ ಲಿಂಗತ ಬೆಡಿಯೊಕ್ಹು ಭಂದೈ ಗಯೊಸ. ರ‍್ಹೈತುಬಿ ಕ್ಹುದಾನಾ ವಾಕ್ಯಾನೆ ಬಂಧನ ನತ್ತಿ.

2 ತಿಮೊತಿ 4:5

ತೆನೈಸೊ ತು ಕ್ಹಾರಾ ಟೈಮಮಾ ತಾರಾಕ್ಹು ತುನೆ ಹತೊಟಿಮಾ ಮ್ಹೆಲ್ಲೆ. ತ್ರಾಸೊ ಐಯುಮ ತಡದಿಲೆ. ಸುರವಾತೆ ಕೆ. ಕ್ಹುದಾನಾ ಸೆವಕನೆ ಯೊಗ್ಯ ಥಯಲ ಕ್ಹಾರಾ ಕಾಮೊ ಕರ‍್ತೊ ರ‍್ಹೆ.

ಇಬ್ರಿಯ 11:36

ಬಿಜಾ಼ ದಕ್ಹಾಜ಼಼ನಾ ಬಿಜಾ಼ ಮನಕ್ಹೊನಾ ಹತೆ ಅಸೈ ಕರಿಲಿದ್ಯಾ, ಮಾರ ಖಾದ್ಯಾ, ಜೆಲ್ಮಾ ವ್ಹತ್ತಾ.

ಇಬ್ರಿಯ 13:17

ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ‍್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ‍್ಹವಾನು ತುಮೊನೆ ಫೈದೊ ನತ್ತಿ.

ಇಬ್ರಿಯ 13:23

ಮಾರೊ ಭೈ ಥಯಲ ತಿಮೊಥಿನೆ ಬಿಡುಗಡೆ ಥೈಸ ಕೈನ ತುಮೊನೆ ಗೊತ್ತ ರ‍್ಹವಾದೆ. ತೆ ಜಲ್ದಿ ಆಯೊಮ ಮಿ ತಿನಾ ಕ್ಹಾತೆ ಐನ ತುಮೊನೆ ದಿಕ್ಹುಸ.

ಪ್ರಕಟನೆ 2:10

ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.