2 ಕೊರಿಂಥ 5:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

2 ಕೊರಿಂಥ 5:21 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 1:35

ದೆವದುತ ಮರಿಯಳನೆ ಪವಿತ್ರ ಆತ್ಮಾ ತುಪರ ಆವಸ. ಕ್ಹಾರಾವೊತಿ ಮ್ಹೊಟೊ ರ‍್ಹಯಲ ಕ್ಹುದಾನಿ ತಾಕತನಿ ಛವ್ಲಿ ತುಪರ ಆವಸ. ತಿನಾ ಹುತಿ ಹುಟ್ಟಾನು ಪವಿತ್ರ ಬಚ್ಚು಼ ಕ್ಹುದಾನೊ ದಿಕ್ರೊ "ಕವೈಲಿವಸ.

ಅಪೊಸ್ತಲೊ 3:14

ಯೆಸು ಪರಿಶುದ್ಧ ವ್ಹತ್ತೊ ವರಿ ಚೊ಼ಕು ವ್ಹತ್ತೊ. ತೆನೈಸೊ ತುಮೆ ತಿನೆ ಇನ್ಕಾರ‍್ಯಾ. ತಿನಾ ಬದ್ಲಿ ಕಲಾಸ ಕರಲವಾಲಾನೆ ಛೊಡು ಕೈನ ಪಿಲಾತನ ಕನ ಮಾಂಗಿಲಿದ್ಯಾ.

ರೊಮಾಪೂರ 1:17

ಕಾಕದ್ಯಾಮ ಸುವಾರ್ತೆ ಎ ದೆಕಾಡಿನ ದಿವಸ ಕ್ಹುದಾ ಮನಕ್ಹನೆ ತಿನಾ ಕ್ಹಾತೆ ನಿತಿವಂತ ಥೈನ ಇಮ್ಮ ಕರಸ ಎ ಪೈಲಾತು ಲಾಸ್ಟ ಲಕ್ಕಾ ಬರೊಕ್ಹಾಕ್ಹು ಥಾವಸ. ಇನಾ ಲಿಂಗತ ಪವಿತ್ರ ಗ್ರಂಥ ಕವಸ; "ಕಯೊ ಮನಕ್ಹ ಕ್ಹುದಾನಾ ಕ್ಹಾಮೊ ತಿನಾಕ್ಹು ತಿನೆಜ ನಿತಿವಂತ ಕರಿಲಿವಸ ತೆ ಬರೊಕ್ಹಾಕ್ಹು ಜಿವ್ನಾ ಕರಸ"

ರೊಮಾಪೂರ 4:25

ಅಪ್ನಾ ಪಾಪೊನಾ ಹುತಿ ಯೆಸುನೆ ಮರಾನೆ ದಿದ್ಯಾ. ಅಪೊನೆ ನಿತಿವಂತವಾಲಾ ಕರಾನಾಹುತಿ ತಿನೆ ಮರಲವಾಲಾವೊಮಾತೊ ವರಿ ಜಿವ್ತೊ ಕರಿನ ಉಟಾಡ್ಯೊ.

ರೊಮಾಪೂರ 5:19

ಯಕ್ಲೊ ಕ್ಹುದಾನೆ ವಾತ ದಾಟಿನ ಗಯಲ ಹುತಿ ಕ್ಹಾರಾ ಮನಕ್ಹೊ ಪಾಪಿ ಥಯಾ. ತೆನೈಸೊ ಯಕ್ಲೊ ಕ್ಹುದಾನಿ ವಾತ ಪುರಾ ಕರಲ ಹುತಿ ಕ್ಹಾರಾ ಮನಕ್ಹೊ ನಿತಿವಂತವಾಲಾ ಥಾವಸ.

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

2 ಕೊರಿಂಥ 5:17

ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.

ಗಲಾತ್ಯ 3:13

ಧರಮಶಾಸ್ತ್ರ ಅಪ್ನಾ ಉಪ್ಪರ ಕ್ಹರಾಪ ಲಾವಾ ವರಕ್ಹು ಕರಸ. ತೆನೈಸೊ ಕ್ರಿಸ್ತ ತೆ ಕ್ಹರಾಪ ತಿನಾ ಉಪ್ಪರ ಲಿದ್ಯೊ. ತೆ ಅಪ್ನಿ ಜ಼ಗಾ ತೆಜ಼ ಲಿದ್ಯೊ. ಕ್ರಿಸ್ತ ತಿನಾಕ್ಹು ತೆ ಕ್ಹರಾಪಮಾ ಪಾಡ್ಯೊ. ಪವಿತ್ರ ಗ್ರಂಥಮಾ ಬರ್ದಲ ಲಿಂಗತ"ಝಾಡನೆ ಅಟ್ಕಾಯಲ ಹರಿಯಕ್ಕ ಮನಕ್ಹ ಕ್ಹರಾಪ ಮಳಲಲಿಂಗತ ಥಯೊಸ.

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಫಿಲಿಪ್ಪಿ 3:9

ಇಮಾ ವಿಚಾರ ಸುವೈ ಕದ್ಯಾಮ್ಮಾ, ಮಿ ಕ್ರಿಸ್ತನೆ ಕಮೈಲಿನ ಧರಮಶಾಸ್ತ್ರನೆ ಫಲ ಥೈನ ರ‍್ಹಯಲ ಕ್ಹುದನಿ ನಿತಿ ನ್ಹವೈ,ಕ್ರಿಸ್ತ ಪರ ಭರೊಕ್ಹೊ ಕರ‍್ಯಾಮ್ಮ ಕದ್ಯಾಮ್ಮಾ ಕ್ರಿಸ್ತಪರ ಫೆಲಾನಾ ಭರೊಕ್ಹೊ ಫೆಲಾನಾ ಹುತಿ ಕ್ಹುದಾ ದಿವಾನಿ ನಿತಿ ಹೊಂದಿಲಿನ ಕ್ರಿಸ್ತಮ್ಮಾ ರ‍್ಹವಾಲೊ ವ್ಹೈಜ಼.

ಇಬ್ರಿಯ 4:15

ಅಪ್ನೊ ಮ್ಹೊಟೊ ಯಾಜಕ ಥಯಲ ಅಪೊನೆ ರ‍್ಹಯಲ ಕಮಜೊ಼ರಿ ವಳಕಾನೆ ತಾಕತವಾಲೊ ಛೆ ತೆ ಆ ಜಗತಮಾ ರ‍್ಹತಾಮಾ, ಕ್ಹಾರಿ ತರಾಮಾ ಅಪ್ನಾ ಲಿಂಗತಜ಼ ಶೊಧನೆಮಾ ಪಾಡ್ಯೊತಬಿ ವಟ್ಟಜ಼ ಪಾಪ ಕರ‍್ಯೊ ನೈ.

ಇಬ್ರಿಯ 7:26

ಯೆಸು ಅಪೊನೆ ಚಾ಼ಯೆ ಥಯಲ ಪ್ರಧಾನ ಯಾಜಕ ವ್ಹೈ. ತೆ ಪಾಪ ನೈಸೊ ಪರಿಶುದ್ಧ ನಿಷ್ಕಳಂಕಿ ಪಾಪಿಯೊನಾ ಪ್ರಭಾವನೆ ಮ್ಹೈ ಥಯಲವಾಲೊ ಹಬಾಳತಿ ಉನ್ನತ ಥಯೊಸ.

1 ಪೆತ್ರಾ 3:18

ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.

1 ಯೊಹಾನ 3:5

ಕ್ರಿಸ್ತ ಮನಕ್ಹೊನೆ ಪಾಪಕ್ಹು ಛೊಡಾವಾ ಹುತಿ ಆಯೊಸ ಕವಾನು ತುಮೊನೆ ಗ್ವತ್ತ ಛೆ. ತಿಕನ ಪಾಪ ಕವಾನು ನತ್ತಿ.