2 ಕೊರಿಂಥ 5:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಇಮ್ಮ ರ‍್ಹಯಲಹುತಿ ದುನಿಯಾ ಮನಕ್ಹೊನಾಹುತಿ ವಿಚಾರ ಕರಾನು ಆಜತಾ ಅಪೆ ಕಿನಾಜ ಹುತಿ ವಿಚಾರ ಕರ್ತಾ ನೈ. ದುನಿಯಾ ವಿಚಾರ ಕರಲಿಂಗತ ಪಾಚ಼ಲ್ಯಾ ಕಾಲಮಾ ಹಮೆ ಕ್ರಿಸ್ತನಾ ಹುತಿ ವಿಚಾರ ಕರ್xಯಾತಾ. ಹಮ್ನಾ ತಿಮ ಹಮೆ ವಿಚಾರ ಕರ್ತಾ ನೈ.

2 ಕೊರಿಂಥ 5:16 ပူးပေါင်းရင်းမြစ်များ

ಮತ್ತಾಯ 10:37

ಬಾಪನಾ ಉಪ್ಪರ ರ‍್ಹವಾದೆ ಮಾನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ; ದಿಕ್ರಾನಾ ಉಪ್ಪರ ರ‍್ಹವಾದೆ ದಿಕ್ರಿನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ.

ಯೊಹಾನ 15:14

ಮಿ ದಿದಲ ಆಗನ್ಯಾ ಲಿಂಗತ ಚಾ಼ಲ್ಯಾಮ, ತುಮೆ ಮಾರಾ ದೊಸ್ತೊ ವ್ಹೈ.

ಯೊಹಾನ 2:4

ಯೆಸು"ಬೈ, ತು ಮನೆ ಕಾ ಕವಾಡಿಸ? ಮಾರು ಟೈಮ ಹಜನ ಆಯೊ ನತ್ತಿ" ಕೈನ ಜವಾಬ ದಿದ್ಯೊ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಯೊಹಾನ 8:15

ತುಮೆ ಮನಕ್ಹೊ ಕರಲ ಲಿಂಗತ ಫೈಸಲೊ ಕರಾಡಾಸ. ತೆನೈಸೊ ಮಿ ಕಿನೆಜ಼ ಫೈಸಲೊ ಕರ್ತೊ ನೈ.

2 ಕೊರಿಂಥ 11:18

ಕ್ಹುದಾ ಕ್ಹಾತ ಕಾಮ ರ‍್ಹ ಅಪೆ ನೈ ತುಮ ಕೈಲಿವಾನು ಸು ಕದ್ಯಾಮ; ಕ್ಹುದಾ ಪಡ ಮರ್ಗ ಜ಼ವೈ ಹುಬ್ರಾಡ ನಕೊ.

ಗಲಾತ್ಯ 5:6

ಯಕ್ಲೊ ಕ್ರಿಸ್ತ ಯೆಸುಮಾ ರ‍್ಹತಾಮಾ ಸುನ್ನತಿ ಥೈಸು ನತ್ತಿ ಕೈನ ಕವಾನು ಖಾಸ ನ್ಹವೈ. ಖಾಸ ಸುವೈ ಕದ್ಯಾಮ ಮಯಾಕ್ಹು ಕರಾನೊ ಬರೊಕ್ಹೊ.

ಫಿಲಿಪ್ಪಿ 3:4

ಮಿತೊ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ಮ್ಹೆಲಾನೆ ಬಿ ಮೌಕೊಛೆ. ಬಿಜಾ಼ ಕುನಬಿ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ಮ್ಹೆಲಾನೆ ವಿಚಾರ ಕರ‍್ಯಾಮ್ಮಾ ಮಿ ತಿನಾತಿ ಹೆಚ್ಚಗಿ ತಿಮ್ಮಜ ವಿಚಾರ ಕರಸಕಸಿ.

ಕೊಲೆಸ್ಸೆ 3:11

ಆ ಗ್ಯಾನ ಮಾ ಮಿ ಗ್ರಿಕ ವ್ಹೈ ಮಿ ಯಹುದ್ಯನೊ ವ್ಹೈ ಕೈನ ಫರಕ್ ನತ್ತಿ, ಖತ್ನಾ ಕರಿಲಿದಲವಲೊ ಖತ್ನಾ ನೈಕರಿಲಿದನವಾಲೊ ಕೈನ ಸುಜ಼ ಫರಕ ನತ್ತಿ, ಮಾರೊ ಮನಕ್ಹ ವ್ಹೈ ಮಾರೊ ಮನಕ್ಹ ನವೈ, ಆಳ ವ್ಹೈ ಆಳ ನವೈ ಕವಾನು ಸುಜ಼ ಫರಕ ನತ್ತಿ, ತಿನಾಹುತಿ ಕ್ರಿಸ್ತಜ ಕ್ಹಾರು ವ್ಹೈ ವರಿ ಪುರಾವೊಮಾ ರ‍್ಹವಾಲೊ ವ್ಹೈ.

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.