2 ಕೊರಿಂಥ 5:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಕ್ರಿಸ್ತನಿ ಮಯಾ ಹಮೊನೆ ವತ್ತಾಯಾ ಕರಸ. ಕಾ ಕದ್ಯಾಮ ಕ್ಹಾರಾ ಮನಕ್ಹೊನಾ ಹುತಿ ತೆ ಮರ್xಯೊಸ ಕೈನ ಅಪೊನೆ ಗ್ವತ್ತ ಛೆ. ತಿನಾಹುತಿ ಕ್ಹಾರಾ ಮರ್xಯಾ.

2 ಕೊರಿಂಥ 5:14 ပူးပေါင်းရင်းမြစ်များ

ಮತ್ತಾಯ 20:28

ತೆನೈಸೊ ಮನಕ್ಹನೊ ದಿಕ್ರೊ ಸೆವೆ ಕರೈಲಿವಾನಾಹುತಿ ಆಯೊ ನತ್ತಿ, ಸೆವೆ ಕರಾನಾಹುತಿಬಿ, ಘನಾಜ಼ನಾವೊನೆ ಬಿಡುಗಡೆನಾಹುತಿ ತಿನೊ ಜ಼ಲಮ ದಿವಾನೆ ಆಯೊ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 15:24

ಮಾರೊ ದಿಕ್ರೊ ಜ಼ವೈ ಗಯೊತೊ, ಎ ತಪ್ಪಿನ ಗಯೊತೊ. ಹಮ್ನಾ ವರಿ ಮಳ್ಯೊಸ" ಕದ್ಯೊ. ತೆನೈಸೊ ತ್ಯುನೆ ಖುಶಿ ಕರಾಡಾತಾ.

ಲುಕ ಬರ್ದಲ ಸುವಾರ್ತಾ 15:32

ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.

ಲುಕ ಬರ್ದಲ ಸುವಾರ್ತಾ 24:29

ತೆನೈಸೊ ತ್ಯುನೆ ಯೆಸುನೆ ಬಲೈನ ಹಮ್ನಾ, ರಾತ ಥೈಗೈಸ ಹಮಾರಾ ಕ್ಹಾತೆ ನ್ಹ್ಯಾಜ಼ ರ‍್ಹೆ ಕೈನ ತಿನೆ ಕೈಲಿದ್ಯಾ. ತಿನಾ ಹುತಿ ತೆ ತ್ಯುನಾ ಕ್ಹಾತೆ ತೆ ಗಾಮ್ಮಾ ಗಯೊ.

ಯೊಹಾನ 1:29

ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.

ಯೊಹಾನ 11:25

ಯೆಸು ತಿನೆ"ಮಿಜ಼ ಪುನರುತ್ಥಾನ ವ್ಹೈ ವರಿ ಮಿಜ಼ ಜ಼ಲಮ ವ್ಹೈ. ಮಪರ ಬರೊಕ್ಹೊ ಕರಾಲೊ ತೆ ಮರಲಪರಬಿ ವರಿ ಜಿವ್ತೊ ಥಾವಸ.

ಯೊಹಾನ 5:25

ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ.

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

ರೊಮಾಪೂರ 2:2

ಅಪರಾದ ಕರಾಲಾ ಮನಕ್ಹೊನೆ ಕ್ಹುದಾ ಫೈಸಲೊ ಕರಸ. ತಿನೊ ಫೈಸಲೊ ಕ್ಹರಿನೊ ವ್ಹೈ ಕೈನ ಅಪೊನೆ ಗ್ವತ್ತ ಛೆ.

ರೊಮಾಪೂರ 5:15

ತೆನೈಸೊ ಕ್ಹುದಾ ಗಿಫ್ಟ ಲಿಂಗತ ದಿದಲ ಆದಾಮ ಪಾಪ ಕವಾನು ನ್ಹವೈ. ತೆ ಯಕ್ಲೊ ಪಾಪ ಕರಲ ಹುತಿ ಘನ್ನಾ ಮನಕ್ಹೊ ಮರ‍್ಯಾ. ತೆನೈಸೊ ಕ್ಹುದಾನಿ ಮರಗಾ ಮನಕ್ಹೊನೆ ಮಳಲ ತಿತ್ತಿಬಿ ಮ್ಹೊಟಿ ವ್ಹೈ. ಯೆಸು ಕ್ರಿಸ್ತ ಕವಾಲಾ ಯಕ್ಕ ದಾಣ್ಗಾನಾ ಕೃಪಾನಾ ಮುಲಕ ಕ್ಹುದಾ ದಿವಾನೊ ಫ್ರಿನೊ ಜ಼ಲಮ ಘನ್ನಾ ಮನಕ್ಹೊ ಹೊಂದಿಲಿದ್ಯಾ.

ರೊಮಾಪೂರ 6:13

ತುಮಾರು ಅಂಗನು ಭಾಗನೆ ಪಾಪನಿ ಸೆವೆ ಕರಾನೆ ವಪ್ಸಿನ ದಿವೊನಕೊ. ತುಮಾರು ಅಂಗ ಪಾಪನೆ ವಪ್ಸಿನ ಕೆಟ್ಟ ಕಾಮನೆ ಚ಼ಲಾವಾನು ಚಿ಼ಜ ಕರಿಲಿವೊ ನಕೊ. ತಿನಾ ಬದ್ಲಿ ಮರಿನ ಹಮ್ನಾ ಜಿವ್ತೊ ಥೈನ ಉಟಿನ ಆಯಲ ಲಿಂಗತ ತುಮೊನೆ ಕ್ಹುದಾನೆ ವಪ್ಸಿನ ದಿಪಾಡೊ. ಚೊ಼ಕಾ ಕಾಮೊ ಕರಾನೆ ತುಮಾರು ಅಂಗ ಸಾಮನ ಥೈನ ಕ್ಹುದಾನೆ ವಪ್ಸಿನ ದಿವೊ.

ರೊಮಾಪೂರ 6:6

ಅಪ್ನಿ ಜು಼ನ್ನಿ ಜಿವಿತ ಕ್ರಿಸ್ತನಾ ಕ್ಹಾತೆ ಶಿಲುಬಿಪರ ಮರಿ ಗೈಸ ಕವಾನು ಅಪೊನೆ ಗ್ವತ್ತ ಛೆ. ಅಪ್ನಿ ಪಾಪನಿ ಚಾಳಿಕ್ಹು ಅಪೊಪರ ಕಯೊ ಅದಿಕಾರ ರ‍್ಹೌ ನೈ ಕೈನ ಅಪೆ ಅಗಾ ಪಾಪನಾ ಗುಲಾಮೊ ಥೈ ರ‍್ಹೌ ನೈ ಕೈನ ಇಮ್ಮ ಥಯೊ.

1 ಕೊರಿಂಥ 16:22

ಕುನ್ನತಬಿ ಕರ್ತಾನೆ ನೈ ಮಯಾ ಕರ‍್ಯಮ ತೆ ಶ್ರಾಪವಾಲೊ ಥಾವಾದೆ. ಹಮಾರಾ ಕರ್ತಾ ಆ!

1 ಕೊರಿಂಥ 2:14

ಆತ್ಮಿಕ ನೈಸೊ ಮನಕ್ಹ ಕ್ಹುದಾನಿ ಆತ್ಮಾನಿಯೊ ವಾತೊನೆ ಇನ್ಕಾರಸ. ತೆ ತಿನೆ ಪಿಸಾಳು ಪನ ಥೈನ ದಿಕ್ಹಸ. ತೆ ಕ್ಹಾರು ತಿಳ್ದಿಲಿವಾನೆ ತಿಕನ ನೈ ಥಾತು. ಕಾಕದ್ಯಾಮ ತೆ ವಿಷಯೊ ಆತ್ಮಿಕ ಥೈನ ವಿಚಾರ ಕರಾನೆ ಸಾಧ್ಯ ಥಾವಸ.

2 ಕೊರಿಂಥ 3:7

ದಗ್ಡಾ ಪರ ಬರ್ದಲ ಆ ಮೌತನೆ ಲಾವಾನು ಶಾಸನ ಘನ್ನು ಮಹಿಮಾಕ್ಹು ಭರಲ ವ್ಹತ್ತು. ತೆ ಮಹಿಮಾಕ್ಹು ಮೊಶೆನು ಮ್ಹೊಡಾ ಪರ ತೆ ಮಹಿಮಾ ವ್ಹತ್ತಿ ತೆ ಮಹಿಮಾ ದಕ್ಹಾ ದಿನ ಥಯಲ್ಪರ ಗೈ ಪಡಾನಿ ರ‍್ಹೈತಬಿ ತೆ ಮಹಿಮಾಕ್ಹು ಮೊಶೆನು ಮ್ಹೊಡು ದೆಕಾನೆ ಇಸ್ರಾಯೆಲ ಮನಕ್ಹೊನೆ ಥಯು ನೈ.

2 ಕೊರಿಂಥ 3:9

ತಪ್ಪ ಕರಾಲಾನೆ ಫೈಸಲೊ ಕರಾನೆ ರ‍್ಹಯಲ ಸೆವಾಜ಼ ಮಹಿಮಾಕ್ಹು ಭರಲ ರ‍್ಹಯಾರೆ ಆ ನಿತಿನಿ ಸೆವಾ ಹಜು಼ನ ಕೆಕ್ಲಿಕಿ ಮಹಿಮಾಕ್ಹು ಭರಲ ರ‍್ಹೌ?

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಎಫೆಸ 6:24

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಹಮೆಶಾನಿ ಮಯಾಕ್ಹು ಮಯಾ ಕರಾಲಾ ತುಮೊಪರ ಕ್ಹುದಾನಿ ಕೃಪಾ ಹಮೆಶಾಬಿ ರ‍್ಹವಾದೆ.

ಕೊಲೆಸ್ಸೆ 2:13

ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.

ಕೊಲೆಸ್ಸೆ 3:3

ಕಾಕದ್ಯಾಮ ತುಮೆ ಲೊಕನಾ ಪಾಲೆ ಮರಿನ ತುಮಾರೊ ಜು ಕ್ರಿಸ್ತನಾ ಕ್ಹಾತೆ ಕ್ಹುದಾಕನ ಛೆ.

1 ತಿಮೊತಿ 2:6

ಯೆಸು ಕ್ಹಾರಾ ಮನಕ್ಹೊನಾ ಜಾ಼ತನಾ ಪಾಪೊನಾ ಹುತಿ ತಿನೆ ತೆ ಒಪ್ಸಿನ ದಿದ್ಯೊ. ಕ್ಹುದಾ ಕ್ಹಾರಾವೊನೆ ರಕ್ಷಣೆ ಮಳಾದೆ ಕೈನ ಕ್ಹುದಾನಿ ಆಸನೆ ತೆ ಕರೆಟ್ಟ ಟೈಮ್ಮಾ ದೆಕಾಡಿನ ದಿದ್ಯೊ.

1 ತಿಮೊತಿ 5:6

ತೆನೈಸೊ ಮಾಟಿ ಮರಲವಾಲಿ ತಿನಾ ಮನಸ ಮನಸೆ ಆಯಲ ಲಿಂಗತ ಜಿವ್ನಾ ಕರಿಮ ತೆ ಜಿವ್ತಿ ರ‍್ಹೈತಬಿ ಮರಲಲಿಂಗತ ವ್ಹೈ.

ತಿತನೆ 3:3

ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.

ಇಬ್ರಿಯ 2:9

ದಕ್ಹಾ ಟೈಮ ಲಕ್ಕಾ ಯೆಸುನೆ ದೆವದುತೊತಿ ನಕ್ಕರಜ಼ ಕಮ್ಮ ಕರ‍್ಯೊ. ತೆನೈಸೊ ಯೆಸು ಸ್ವಾಮಿ ಅಪ್ನಾಹುತಿ ದುಕ್ಕ ಖೈನ ಮರಲಹುತಿಜ಼ ಅಪೊನೆ ಮಹಿಮಾನು ವರಿ ಮರ್ಯಾದಿನು ಕಿರಿಟ ಮಳ್ಯುಸ. ತಿನಾಹುತಿಜ಼ ಕ್ಹುದಾನಾ ಕೃಪಾಕ್ಹು ಯೆಸು ಸ್ವಾಮಿ ಕ್ಹಾರಾವೊನಾ ಹುತಿ ಕಷ್ಟ ಅನಭವಿಸಿನ ಮರ‍್ಯೊ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

1 ಪೆತ್ರಾ 1:8

ತುಮೆ ಕ್ರಿಸ್ತನೆ ನೈ ದೆಕ್ಯಾತಬಿ ತುಮೆ ತಿನೆ ಮಯಾ ಕರೊಶಿ. ಹಮ್ನಾ ತುಮೆ ತಿನೆ ನೈ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾಸ. ತುಮೊಮಾ ನೈ ಕವಾನಾ ಯಕ್ಕಲಿ ಖುಶಿ ಛೆ. ತೆ ಖುಶಿ ದೆಕಾಡಾನೆ ವ್ಹೈ.

1 ಯೊಹಾನ 5:19

ಕ್ಹಾರಿ ದುನಿಯಾಮ್ಮಾ ಕೆಟನಾ ವಿಷಮಾ ರ‍್ಹೈತಬಿ ಅಪೆ ಕ್ಹುದಾನೆ ಸಂಬಂಧಪಟ್ಟೆಲ ವಾಲಾ ಛೆ ಕೈನ ಅಪನೊನೆ ಗೊತ್ತ ಛೆ.