2 ಕೊರಿಂಥ 11:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಯೆಸುನಾ ಹುತ ಹುತಿ ಅಪೆ ಉಪದೆಶ ಕರಲ ಕಾಮೊ ಬಿಜಾ಼ ಕಾಮೊ ಕವಾನು ಸುವಾರ್ತೆ ತುಮ ಐನ ಉಪದೆಶ ಕವಸ ತುಮ ತಡ್ದಿಲಿನ ರ‍್ಹ ತುಮ ಅಪೊನೆ ವಿಧೆಯ ಕರಿ ಪವಿತ್ರ ಆತ್ಮಾ ಕವಾ ರ‍್ಹಯಲ ಆತ್ಮಾ ಸುವಾರ್ತೆ ವಿಧೆಯ ನೈ ಕರಾ ಘನ್ನ ಚೊ಼ಕ ವ್ಹತ್ತಾ ಥಯಾಸ ತುಮ ಹಮಾರಾ ರ‍್ಹಯಲ ವಿಷಯಮಾ ತಡ್ದಿಲಿನ ರ‍್ಹೌ.

2 ಕೊರಿಂಥ 11:4 ပူးပေါင်းရင်းမြစ်များ

ಮಾರ್ಕ 7:9

ಯೆಸು ತ್ಯುನೊನೆ ಕದ್ಯೊ ತುಮೆ ತುಮಾರಾ ಗ್ಯಾನ ಉಪಯೊಗ ಕರಲಿನ ಕ್ಹುದಾನಿ ಪದ್ದತಿ ದುರ ಕರಾಡಾಸ ವರಿ ತುಮಾರಿಯೊ ಪದ್ದತಿಯೊ ಮನಕ್ಹೊನೆ ಕರೊ ಕೈನ ಶಿಕ್ಕಲಾವಾಡ್ಯಾಸ.

ಅಪೊಸ್ತಲೊ 4:12

ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ‍್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.

ರೊಮಾಪೂರ 8:15

ಅಪೆ ಹೊಂದಿಲಿದಲ ಆತ್ಮಾ ವರಿ ಅಪೊನೆ ಗುಲಾಮೊ ಕರ‍್ತೊ ನೈ ವರಿ ಅಪೊಮಾ ಬೆ ಹುಟ್ಸಾತೊ ನೈ. ಅಪೆ ಹೊಂದಲಿದಲ ಪವಿತ್ರ ಆತ್ಮಾ ಅಪೊನೆ ಕ್ಹುದಾ ಬಚ್ಚಾಲಿಂಗತ ಕರಸ. ಎ ಆತ್ಮಾನಾ ಮುಲಕ ಅಪೆ ಕ್ಹುದಾನೆ ಬಾ ಬಲೈಯೆಸ.

1 ಕೊರಿಂಥ 3:11

ಫಾಯಾ ಕೆಳಾಮಾಜ಼ ಘಾಲ್ಯಲ ಛೆ. ತೆ ಫಾಯಾ ಯೆಸು ಕ್ರಿಸ್ತಜ಼ ವ್ಹೈ. ತೆ ಫಾಯಾ ನೈಸೊ ಬಿಜಿ಼ ಫಾಯಾ ಬಿಜು಼ ಕುನ್ನಜ಼ ನೈ ಘಾಲಸಕ್ತು. (ಯೆಶಾಯ 28:16)

2 ಕೊರಿಂಥ 11:1

ಮಿ ಕಮ ಗ್ಯಾನ ರ‍್ಹ ತುಮ ಮಾರ ಹುತ ಹುತಿ ತಡ್ದಿಲಿನ ರ‍್ಹೌ ಕೈನ ಮನಸ ಕರುಸ ತುಮ. ತೆನೈಸೊ ತುಮ ಯಕ್ ಮಾರ ಹುತ ಹುತಿ ತಡ್ದಿಲಿನ ರ‍್ಹ.

2 ಕೊರಿಂಥ 2:12

ಕ್ಹುದಾ ಮಾರಾ ಹುತಿ ಬಾಕಲ ಕಾಡ್ಯೊಸ ಕೈನ ವಿಚಾರ ಕರಲಿನ ಕ್ರಿಸ್ತನಿ ಸುವಾರ್ತೆ ಕವಾನೆ ಮಿ ತ್ರೊವಾ ಕವಾನಾ ಗಾಮೆ ಆಯೊ.

ಗಲಾತ್ಯ 3:2

ಎ ಯಕ್ಕ ವಿಷಯ ಮನೆ ಕವೊ. ತುಮೆ ಪವಿತ್ರ ಆತ್ಮಾನೆ ವ್ಹಂದೊಲಿದಲ ಕಿಮ ವ್ಹೈ? ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಲ ಹುತಿ ವ್ಹಂದ್ಯಾಸು? ನತ್ತಿ. ಸುವಾರ್ತೆ ಐಕಿನ ತಿಮಾ ಬರೊಕ್ಹೊ ಮ್ಹೆಲಿನ ಪವಿತ್ರ ಆತ್ಮಾ ವ್ಹಂದಿಲಿದ್ಯಾಸ.

1 ತಿಮೊತಿ 1:3

ಮಿ ಮಕೆದೊನಿಯೆ ಜಾ಼ತಾಮಾ, ತು ಎಫೆಸಮಾ ರ‍್ಹೆ ಕೈನ ತುಕನ ಮಿ ಮಾಂಗಿಲಿದ್ಯೊತೊ. ಕಾ ಕದ್ಯಾಮ ದಕ್ಹಾ ಜ಼ನಾ ತ್ಯಾ ಸುಳ್ಳ ಸಂಗತಿಯೊ ಉಪದೆಶ ಕರಾಡಾಸ. ತು ತ್ಯುನೊನೆ ಆಗನ್ಯಾ ದಿನ್ನ ಹುಬ್ರಾಡ.

1 ತಿಮೊತಿ 2:5

ಕ್ಹುದಾ ಯಕ್ಲೊಜ಼ ವ್ಹೈ, ಕ್ಹುದಾನಾ ವರಿ ಮನಕ್ಹೊನಾ ವಚ್ಮಾ಼ನೊ ಯಕ್ಲೊಜ಼ ವ್ಹೈ. ಮನಕ್ಹ ಥಯಲ ಯೆಸು ಕ್ರಿಸ್ತಜ಼ ವ್ಹೈ.