2 ಕೊರಿಂಥ 11:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಭಾಯೊ ವರಿ ಭೆನೊ ಮೆಕೆದೊನಿಯ ಸಭೆವಾಲಾ ಕ್ಹುದಾ

2 ಕೊರಿಂಥ 11:19 ပူးပေါင်းရင်းမြစ်များ

1 ಕೊರಿಂಥ 10:15

ತುಮೆ ತಿಳ್ದಿಲಿದಲವಾಲಾ ವ್ಹೈ ಕೈನ ತಿಳ್ದಿನ ಎ ಕವಾಡ್ಯೊಸ. ಮಾರಾ ವಾತೊ ತುಮೆಜ಼ ಪರಿಕ್ಷಾ ಕರಿನ ದೆಕೊ.

1 ಕೊರಿಂಥ 4:10

ಹಮೆ ಕ್ರಿಸ್ತನಾ ಹುತಿ ಪಿಸಾಳಾ ಥಯಾಸ. ತೆನೈಸೊ ತುಮೆ ತುಮೊನೆ ಕ್ರಿಸ್ತಮಾ ಘನ್ನಾ ಗ್ಯಾನಿಯೊ ಕೈನ ತಿಳ್ದಿಲಿದ್ಯಾಸ. ಹಮೆ ತಾಕತ ನೈಸೊವಾಲಾ ಥಯಾಸ, ತೆನೈಸೊ ತುಮೆ ತುಮೊನೆಜ಼ ತಾಕತವಾಲಾ ವ್ಹೈ ಕೈನ ತಿಳ್ದಿಲಿದ್ಯಾಸ. ಮನಕ್ಹೊ ತುಮೊನೆ ಮರ್ಯಾದಿ ದಿವಸ; ಹಮೊನೆ ತುಬಿ ತ್ಯುನೆ ಮರ್ಯಾದಿ ನೈ ದೆತಾ.

1 ಕೊರಿಂಥ 8:1

ಮುರತಿಯೊನೆ ಚ಼ಡಾಯಲ ಅನ್ನನಾ ಹುತಿ ಮಿ ಸು ಕೌಸ ಕದ್ಯಾಮ; "ತುಮೊನೆ ಕ್ಹಾರಾವೊನೆ ಗ್ಯಾನ ಆಯುಸ" ಕೈನ ಕೈಲಿವೊಶಿ. ಗ್ಯಾನ ತುಮೊನೆ ಅಹಂಕಾರಿ ಕರಸ. ಮಯಾ ತುಬಿ ಭಕ್ತಿನೆ ಘಟ್ಟ ಕರಸ.

ಪ್ರಕಟನೆ 2:2

"ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.

ಪ್ರಕಟನೆ 3:17

ತಾರಿಕ್ಹು ತುನೆ ಸೌಕಾರ ವ್ಹೈ ಕೈನ ಕೈಲಿವಾಡ್ಯೊಸ. ತು ಸೌಕಾರ ರ‍್ಹಯಲ ಹುತಿ ತುನೆ ಸುಜ಼ ಕಮಿ ಥಾತು ನೈ ಕೈನ ತು ವಿಚಾರ ಕರಿಲಿದ್ಯೊಸ. ತೆನೈಸೊ ಕ್ಹರಿಮಾಜ಼ ತು ಕೆಟ್ಟ ಪರಿಸ್ತಿತಿಮಾ ಪಡಲವಾಲೊ ಥಯೊಸ. ಕೆಟ್ಟ ನಸಿಬ ವಾಲೊ ವರಿ ದಲಿದ್ದರ ಥಯೊಸ, ಕುಡ್ಡೊ ಥಯೊಸ ವರಿ ಭೊಂಗಳೊ ಥಯೊಸ. ವರಿಬಿ ಎ ಕ್ಹಾರು ತುನೆ ಗ್ವತ್ತ ನತ್ತಿ.