2 ಕೊರಿಂಥ 11:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಎ ರ‍್ಹಯಲ ವಿಷಯಮಾ ಮಿ ಹೆಮ್ಮೆ ಪಡಾನು ಅಖಾಯಾಮಾನೊ ಯಕ್ಲೊಬಿ ನೈ ಹುಬ್ರಾಡ್ತೊ ಕ್ರಿಸ್ತಮಾ ಕ್ಹಾಮೊ ಕ್ಹರಿಕ್ಹುಜ಼ ಕೌಸ.

2 ಕೊರಿಂಥ 11:10 ပူးပေါင်းရင်းမြစ်များ

ಅಪೊಸ್ತಲೊ 18:12

ಗಲ್ಲಿಯೊನಾ ಅಖಾಯಾ ಪ್ರಾಂತ್ಯನೆ ಅದಿಪತಿ ರ‍್ಹತಾಮಾ ಯೆಹುದಿಯೊ ಮಳಿನ ಪೌಲಾಪರ ಪಡಿನ ತಿನೆ ಫೈಸ್ಲೊ ಕರಾನಿ ಜ಼ಗಾ ಲಾಯಾ.

ಅಪೊಸ್ತಲೊ 18:27

ತೆ ಥಯಲ್ಪರ ಅಖಾಯಾನೆ ಜೌ಼ ಕೈನ ತಿನು ಮನಸ ಥಾತಾಮಾ ಭಾಯೊ ತಿನೆ ಪ್ರೊತ್ಸಾಹ ಕರಿನ ತ್ಯಾ ರ‍್ಹಯಲ ವಿಶ್ವಾಸಿಯೊ ಇವ್ನೊನೆ ಮಳೈ ಲ್ಯು ಕೈನ ಪತ್ರಿಕೆ ಬರ್ದಿನ ದಿದ್ಯಾ.

ರೊಮಾಪೂರ 1:9

ಕ್ಹುದಾ ತಿನಿ ಸೆವೆ ತಿನಾ ದಿಕ್ರಾನಾ ಹುತಿ ಸುವಾರತೆನು ಉಪದೆಶ ಕರತೊ ಮಿ ಮಾರಾ ಮನಸೆ ತಿನಿ ಸೆವಾ ಕರಾಡ್ಯೊಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ. ಕಾಕದ್ಯಾಮ ಮಿ ಪ್ರಾಥನಾ ಕರತಾಮಾ ತುಮೊನೆ ಹಮೆಶಾಬಿ ಶೆ ಕರುಸ.

ರೊಮಾಪೂರ 16:5

ತೆನೈಸೊ ತ್ಯುನಾ ಘರೊಮಾ ಮಳಾಲಾ ಮನಕ್ಹೊನೆಬಿ ಮಾರಿ ವಂದನಾ ಕವೊ. ಮಾರೊ ಮಯಾನೊ ಥಯಲ ದೊಸ್ತ ಎಪೈನೆತನೆ ಮಾರಿ ವಂದನಾ ಕವೊ. ಎಶ್ಯಾ ದೆಶಮಾ ಯೆಸು ಸ್ವಾಮಿನೆ ನಂಬಲವಾಲಾ ಕದ್ಯಾಮ ತೆಜ಼ ಪೈಲಾ ವ್ಹೈ.

ರೊಮಾಪೂರ 9:1

ಮಿ ಕ್ರಿಸ್ತಮಾ ಛೆ ವರಿ ತುಮೊನೆ ಕ್ಹರಿಜ಼ ಕವಾಡ್ಯೊಸ. ಮಿ ಸುಳ್ಳ ನೈ ಬೊಲ್ತೊ. ಮಾರಿಯೊ ವಿಚಾರೊ ಪವಿತ್ರ ಆತ್ಮಾನಿ ಅದಿಕಾರಮಾ ಛೆ. ಎಜ಼ ಅನೆ ಸಾಕ್ಷಿ ವ್ಹೈ.

1 ಕೊರಿಂಥ 16:15

ಸ್ತೆಫನನಾ ಘರವಾಲಾ ಅಖಾಯಮಾನಾ ಪೈಲಾನೊ ವಿಸ್ವಾಸಿ ವ್ಹೈ ಕೈನ ವರಿ ತ್ಯುನೆ ಕ್ಹುದಾನಾ ಮನಕ್ಹೊನಿ ಸೆವಾನಾ ಹುತಿ ತ್ಯುನೊನೆ ಒಪ್ಸಿನ ದಿದಲವಾಲಾ ವ್ಹೈ ಕೈನ ತುಮೆ ಗ್ವತ್ತ ರ‍್ಹಯಲವಾಲಾ ಛೆ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

2 ಕೊರಿಂಥ 1:23

ತುಮೊನೆ ಶಿಕ್ಷಾದಿವಾನ ರ‍್ಹೈನೆಕಾ ದುಖ ದಿವಾನು ರ‍್ಹೈನೆಕಾ ಮನೆ ಮನಸ ನ್ಹೊತು. ತಿನಾಹುತಿ ಮಿ ತುಮೊಕನ ವಾಪಸ ಫರಿನ ನತ್ತಿ ಆಯೊ.

2 ಕೊರಿಂಥ 10:15

ಅಪೆ ಹೆಮ್ಮೆ ಹಮಾರಾ ಕಾಮೊ ಹುತ ಹುತಿ ಆದರಣೆ ಥಯಾಸ. ಬಿಜಾ಼ ಮನಕ್ಹೊ ಕರಲ ಕಾಮೊ ಹುತ ಹುತಿ ಅಪೆ ಹಮೊನೆ ಅಪೊನೆ ಹೆಮ್ಮೆ ನೈ. ತಾರ ಬರೊಕ್ಹ ಕಿಮ ಘಟ್ಟ ಕರ್ಲ ಹಮ್ನಾ ಕಾಮ ಹಜು಼ನ ಖುಶಿ ರ‍್ಹಯಲ ವಿಷಯಮಾ ಕವಾಲಾ. ಕವಾನು ಬರೊಕ್ಹ ಹಮೊನೆ ಅಪೊನೆ ಆಸ ಛೆ ಕೈನ.

2 ಕೊರಿಂಥ 11:12

ತೆನೈಸೊ ನೈ ಮನೆ ನೈ ಕರಾ ಮದತ ನೈ ಕರಾ ದೆಕ ಕಯು ಪಗ್ಗ ಫರಿನ ಮಳೆ ನೈಸೊ ಮಿ ಕರಾ ನೈ ಕೈಲಿ ಅಗೊ.

2 ಕೊರಿಂಥ 11:31

ಕಿಮ ಮನಕ್ಹೊ ಕ್ಹುದಾನಿ ವಾಕ್ಯ ಬಿಜಾ಼ ಮಳೈ ವ್ಯಾಪಾರ ಕರಸ. ಅಪೆ ತೆ ನ್ಹ.

2 ಕೊರಿಂಥ 12:19

ಹಮೆ ಅಕ್ಲಿಯೆಲ ಲಕ್ಕಾ ತುಮರಾ ಕ್ಹಾತೆ ವಾದ ವಿವಾದ ಕರಾಡಾಸ ಕೈನ ತಿಳದಿಲಿದ್ಯಾಸ ಸು? ತುಮಾರಾ ಕ್ಹಾಮಾ ನೈ, ಕ್ಹುದಾನಿ ಸನ್ನಿಧಿಮಾಜ ಹಮೆ ಕ್ರಿಸ್ತಮಾ ರ‍್ಹೈನ ಬೊಲೆಸ. ಮಯಾನಾ ಭಾಯೊ ಹಮೆ ಆ ಕ್ಹಾರು ಕರಾನು ತುಮಾರಿ ಭಕ್ತಿ ವೃದ್ದಿನಾ ಹುತಿ ವ್ಹೈ.

2 ಕೊರಿಂಥ 9:2

ಮದತ ಕರು ಕವಾನಿ ಆಸ ತುಮೊನೆ ಛೆ ಕೈನ ಮನೆ ಗ್ವತ್ತ ಛೆ. ಮಕೆದೊನೊಯಾಮಾ ಮನಕ್ಹೊನೆ ತುಮಾರಿ ಹುತಿ ಹೆಮ್ಮೆ ಕ್ಹು ಕವಾಡ್ಯೊಸ. ಅಖಾಯಾಮಾ ರ‍್ಹಯಲ ತುಮೆ

ಗಲಾತ್ಯ 1:20

ಮಿ ಬರತ್ತೊ ರ‍್ಹಯಲ ಎ ಸಂಗತಿಯೊ ಸುಳ್ಳ ನ್ಹವೈ ಕೈನ ಕ್ಹುದಾನೆ ಗ್ವತ್ತ ಛೆ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

1 ಥೆಸಲೊನಿಕ 2:10

ವಿಸ್ವಾಶಿಯೊ ರ‍್ಹಯಲ ತುಮಾರಾ ಕ್ಹಾತೆ ಹಮಾರು ನಡುವಳಿಕೆಕ್ಹು ರ‍್ಹತಾಮಾ ತಪ್ಪ ಕರೆನೈಸೊ ರ‍್ಹೈನ ವರಿ ಪರಿಶುದ್ಧ ರ‍್ಹೈನ ವರಿ ಕೆಟ್ಟ ನೈಸೊ ರ‍್ಹೈನ ಜಿವ್ನಾ ಕರ‍್ಯಾತಾ. ಎ ಕ್ಹಾರು ಕ್ಹರಿ ವ್ಹೈ ಕೈನ ತುಮೆಜ಼ ಸಾಕ್ಷಿ ವ್ಹೈ ವರಿ ಕ್ಹುದಾಬಿ ಸಾಕ್ಷಿ ಥಯೊಸ.

1 ಥೆಸಲೊನಿಕ 2:5

ಹಮೆ ತುಮೊಕನ ಆಯಲ ತುಮೊನೆ ಚೊ಼ಕೊಜ಼ ಕೈನ ಸುಳ್ಳ ಕೈನ ತುಮೊನೆ ಮಳ್ಳ ಕರಲಿವಾನೆ ನವೈ ಕೈನ ತುಮೊನೆ ಗ್ವತ್ತ ಛೆ. ಹಮೆ ತುಮೊಕಂತಾ ದೊಕ್ಡಾ ಕಾಳ್ಳಿವಾನೆ ಕೊಶಿಶ ಕರ‍್ಯಾ ನೈ; ಹಮಾರಿ ಆಸ ಝಾಕಿಲಿನ ವೆಷ ಘಾಲ್ಲಿದ್ಯಾನ್ಹೊತಾ. ಎ ಕ್ಹರಿ ವ್ಹೈಕೈನ ಕ್ಹುದಾನೆ ಗ್ವತ್ತ ಛೆ.

1 ತಿಮೊತಿ 2:7

ತಿನಾ ಹುತಿ ಸುವಾರ್ತೆ ಕವಾನಾ ಹುತಿ ಅಪೊಸ್ತಲೊ ಥಾವಾಹುತಿ ಯಹುದ್ಯೊ ನೈರ‍್ಹಯಲ ಮನಕ್ಹೊನೆ ಸುವಾರ್ತೆ ಕವಾಹುತಿ ಮನೆ ಇನಿಲಿದ್ಯೊ. ಎ ಕ್ಹರಿ ವ್ಹೈ ಎ ವಾತ ಸುಳ್ಳ ನ್ಹವೈ. ಕ್ಹರಿ ವಳಕಾದೆ ಕೈನ ಬರೊಕ್ಹೊ ಕರು ಕೈನ ಮಿ ತ್ಯುನೊನೆ ಸುವಾರ್ತೆ ಕದ್ಯೊ.