2 ಕೊರಿಂಥ 10:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಅಪೆ ಘನ್ನ ಹೆಮ್ಮೆ ನೈ. ಅಪೆ ರ‍್ಹ ತುಮ ನೈ ಆವಾನು ಘನ್ನ ಹೆಮ್ಮೆ. ತೆನೈಸೊ ಅಪೆ ರ‍್ಹ ತುಮ ಐನ ನೈ ಕ್ರಿಸ್ತ ತುನೆ ರ‍್ಹಯಲ ಸುವಾರ್ತೆನಾ ಹುತಿ ಸುವಾರ್ತೆ ರ‍್ಹ ಅಪೆ ಐನ ನೈ.

2 ಕೊರಿಂಥ 10:14 ပူးပေါင်းရင်းမြစ်များ

ಮಾರ್ಕ 1:1

ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತನಿ ಸುವಾರ್ತೆ (ಚೊ಼ಕಿಯೊ ವಾತೊ) ಶುರು.

ಅಪೊಸ್ತಲೊ 20:24

ತೆನೈಸೊ ಜ಼ಲಮ ವಚಾ಼ಡಿಲಿವಾನು ಶ್ರೆಷ್ಠೆ ವ್ಹೈ ಕೈನ ಮಿ ವಿಚಾರ ಕರ್ತೊ ನೈ; ಕ್ಹುದಾನಿ ಮರ್ಗಾನಾ ಹುತಿ ಸುವಾರ್ತೆ ಆಸಕ್ತಿ ಕ್ಹು ಸಾಕ್ಷಿನಾ ರೊಪಮಾ ಕವಾನು ನಿಯೊಗ ಕರ್ತಾ ಥಯಲ ಯೆಸುಕ್ಹು ಮಿ ವ್ಹಂದ್ಯೊಸ. ಎಜ಼ ನಿಯೊಗ ಉಪಯೊಗ ಕರಾನು ಮಾರಿ ಆಸ ವ್ಹೈ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

ರೊಮಾಪೂರ 2:16

ಮನಕ್ಹೊನು ಮನಸ್ಮಾ ದಡಿ ರ‍್ಹಯಲ ಸಂಗತಿಯೊನೆ ಕ್ಹುದಾ ಫೈಸಲೊ ಕರಾನಾ ದಿನ್ನೆ ಎ ಕ್ಹಾರು ಥಾವಸ. ಕ್ಹುದಾ ಯೆಸು ಕ್ರಿಸ್ತನಾ ಮುಲಕ ಮನಕ್ಹೊನೆ ಫೈಸಲೊ ಕರಸ ಕವಾನು ಸುವಾರ್ತೆ ಕೈನ ದಿವಸ. ಮಿ ಮನಕ್ಹೊನೆ ಕವಾನು ತೆಜ಼ ಸುವಾರ್ತೆ ವ್ಹೈ.

1 ಕೊರಿಂಥ 2:10

ತೆನೈಸೊ ಕ್ಹುದಾ ತಿನಿ ಪವಿತ್ರ ಆತ್ಮಾನಾ ಮುಲಕ ಅಪೊನೆ ಎ ಸಂಗತಿಯೊ ದೆಕಾಡ್ಯೊ. ಪವಿತ್ರ ಆತ್ಮಾ ಕ್ಹಾರುಜ಼ ಕ್ಹುದಾನಿ ಮ್ಹೊಟಿ ರಹಸ್ಯ ತಿಳದ್ಯೊಸ.

1 ಕೊರಿಂಥ 3:10

ಕ್ಹುದಾ ಮನೆ ದಿದಲ ವರಾ ಉಪಯೊಗ ಕರಿನ ಶಾಣ್ಯೊ ಶಿಲ್ಪಿ ಲಿಂಗತ ಮಿ ತೆ ಘರನೆ ಫಾಯಾ ಘಾಲ್ಯೊ. ಬಿಜಾ ಮನಕ್ಹೊ ತೆ ಫಾಯಾನಾ ಉಪ್ಪರ ಭಾಂದಾಡಾಸ. ತೆನೈಸೊ ಹರಯಕ್ಕ ಮನಕ್ಹ ತೆ ಕಿಮ್ಮ ಭಾಂದಾಡೊಸ ಕವಾನು ಹುಶಾರಕ್ಹು ರ‍್ಹೌ.

1 ಕೊರಿಂಥ 4:15

ತುಮೊನೆ ಕ್ರಿಸ್ತಮಾ ದಕ್ಹ ಹಜಾ಼ರ ಜ಼ನಾ ಮಾಸ್ತರೊ ವಸೆ, ತೆನೈಸೊ ಘನ್ನಾ ಜ಼ನಾ ಬಾಪೊ ನತ್ತಿ. ಸುವಾರ್ತೆನಾ ಮುಲಕ ಕ್ರಿಸ್ತ ಯೆಸುಮಾ ಮಿಜ಼ ತುಮೊನೆ ಆತ್ಮಿಕ ಬಾ ಥಯೊಸ.

2 ಕೊರಿಂಥ 2:12

ಕ್ಹುದಾ ಮಾರಾ ಹುತಿ ಬಾಕಲ ಕಾಡ್ಯೊಸ ಕೈನ ವಿಚಾರ ಕರಲಿನ ಕ್ರಿಸ್ತನಿ ಸುವಾರ್ತೆ ಕವಾನೆ ಮಿ ತ್ರೊವಾ ಕವಾನಾ ಗಾಮೆ ಆಯೊ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

ಕೊಲೆಸ್ಸೆ 1:5

ತಮೊನೆ ನಿರಿಕ್ಷೆ ರ‍್ಹಯಲನಾಹುತಿ ಕ್ರಿಸ್ತನಾ ಪರ ಬರೊಕ್ಹೊ ಮ್ಹೆಲ್ಯಾ ವರಿ ಕ್ಹುದಾನಾ ಮನಕ್ಹೊನೆ ಮಯಾ ಕರ‍್ಯೊ. ತಮೆ ನಿರಿಕ್ಷೆ ಕರಾನು ತಮಾರಾಹುತಿ ಸ್ವರ್ಗಲೊಕಮಾ ತಯಾರ ಕರ‍್ಯಾಸ ಕವಾನು ತಮೊನೆ ತಿಳ್ದಾಸ. ತಮೊನೆ ತಿಳ್ಸಾಯೆಲ ಕ್ಹರಿ ವಾಕ್ಯ ಕದ್ಯಾಮ ಸುವಾರ್ತೆನೆ ತಮೆ ಪುಚತ್ತಾಮ್ಮಾ ತೆ ನಿರಿಕ್ಷೆನಾಹುತಿ ತಿಳದಿಲಿದ್ಯಾಸ.

1 ತಿಮೊತಿ 1:11

ತೆ ಉಪದೆಶ ಮನಕ್ಹೊನೆ ತಿಳಸಾನಾ ಹುತಿ ಕ್ಹುದಾ ತುನೆ ದಿದಲ ಸುವಾರತೆನು ಯಕ್ಕ ಭಾಗ ಥಯುಸ. ನಸಿಬವಾಲೊ ಥಯಲ ಕ್ಹುದಾ ಕಂತು ಎ ಮಹಿಮಾನಿ ಸುವಾರ್ತೆ ಐಸ.