1 ತಿಮೊತಿ 6:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ತಿಮೊತಿ, ತಾರಾ ಹತ್ತಮಾ ವಪ್ಸಿನ ದಿದಲ ಚೊ಼ಕಿ ಬೊಧನೆ ಚೊ಼ಕಿತರಾ ವಚಾ಼ಡ. ದುನಿಯಾನಿ ವಿಚಾರನಾ ಕೆಟ್ಟ ಸಂಗತಿಯೊ ಕವಾನಾ ಮನಕ್ಹೊ ಕ್ಹರಿನಾ ವಿರುದ್ದ ವಾದ ಕರಾಲಾ ಮನಕ್ಹೊಕ್ಹು ದುರ ರ‍್ಹೆ. ತ್ಯುನೆ ತಿನೆ ಗ್ಯಾನ ವ್ಹೈ ಕೈನ ಕದ್ಯಾತುಬಿ ತೆ ಕ್ಹರಿನು ಗ್ಯಾನ ನ್ಹವೈ.

1 ತಿಮೊತಿ 6:20 ပူးပေါင်းရင်းမြစ်များ

ಅಪೊಸ್ತಲೊ 16:1

ಪೌಲಾ ದರ್ಬೆ ವರಿ ಲುಸ್ತ್ರ ಗಾಮೊಯೆ ಗಯೊ. ತಿಮೊಥಿ ಕವಾಲೊ ಕ್ರಿಸ್ತನೊ ಶಿಷ್ಯೊ ತ್ಯಾ ವ್ಹತ್ತೊ. ತಿನಿ ಯಾಬಿ ವಿಸ್ವಾಸಿ ವ್ಹತ್ತಿ. ತಿನೊ ಬಾ ಗ್ರಿಕವಾಲಾ ವ್ಹತ್ತೊ.

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 17:21

ಅಥೆನೆಯೊನೊ ರಹೆಲ ಗಾಮ್ಮಾ ಬಿಜಾ಼ ಗಾಮಾವಾಲಾ ನವಾ ನವಾ ಸಂಗತಿಯೊ ಕವಾನು ವರಿ ಐಕಾನು ಛೊಡಿನ ವರಿ ಬಿಜಾ಼ ಕಾಮನೆ ಟೈಮ ನೈ ದೆತಾತಾ.

ರೊಮಾಪೂರ 1:22

ತ್ಯುನಾಕ್ಹು ತ್ಯುನೊನೆ ಗ್ಯಾನಿಯೊ ವ್ಹೈ ಕೈನ ಕೈಲಿನ ಪಿಸಾಳಾ ಥಯಾಸ.

ರೊಮಾಪೂರ 3:2

ಹೊ, ಯಹುದಿಯೊನೆ ಘನ್ನಾ ತರಾನು ಖಾಸ ಕವಾನು ಛೆ. ಕ್ಹಾರಾವೊತಿ ಘನ್ನು ಖಾಸ ಸು ವ್ಹೈ ಕದ್ಯಾಮ, ಕ್ಹುದಾ ಯೆಹುದಿಯೊಪರ ಬರೊಕ್ಹೊ ಮ್ಹೆಲಿನ ತಿನು ವಾಕ್ಯಾ ತ್ಯುನೊನೆ ದಿದ್ಯೊ.

1 ಕೊರಿಂಥ 2:6

ವರಿಬಿ ಶಾಣ್ಯಾ ರ‍್ಹಯಲವಾಲಾ ಮನಕ್ಹೊನೆ ಹಮೆ ಆತ್ಮಿಕನಿಯೊ ವಾತೊ ಕಯ್ಯೆಸ. ಎ ಭುಲೊಕನು ಗ್ಯಾನಬಿ ನ್ಹವ್ಹೈ, ಹಾಳ ಥಾವಾನೊ ಅದಿಪತಿಯೊನಿ ಗ್ಯಾನಬಿ ನ್ಹವೈ, ಎ ದುನಿಯಾನಾ ಅದಿಪತಿಯೊ ತ್ಯುನಿ ಅದಿಕಾರ ಜ಼ವೈಲಿವಾಲಾ ಥಾವಸ.

1 ಕೊರಿಂಥ 3:19

ಕಾಕದ್ಯಾಮ, ಎ ದುನಿಯಾನಿ ಗ್ಯಾನ ಕ್ಹುದಾನಿ ನಜ಼ರಮಾ ಪಿಸಾಳು ಪನ್ನ ಥಯುಸ" ಕ್ಹುದಾ ಗ್ಯಾನಿಯೊನೆ ತ್ಯುನಾ ಚಾಲಕತನಾಮಾ ತ್ಯುನೊನೆಜ಼ ಧರಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. (ಯೊಬ 5:13)

ಕೊಲೆಸ್ಸೆ 2:18

ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.

ಕೊಲೆಸ್ಸೆ 2:8

ಮೊಸ ಕರಾನಾ ವರಿ ಕಾಮ ನೈಸೊ ಆವಾನಾ ತತ್ವಗ್ಯಾನ ಭೊದನೆಕ್ಹು ತುಮೊನೆ ಕುನ್ನ ತ್ಯುನಾ ಬಸಮಾ ಕರಲಿದ್ಯಾ ವಾಚಿ ಹುಶಾರ್ ರ‍್ಹವೊ. ಆ ಕ್ಹಾರು ಮನಕ್ಹೊನಿ ಪದ್ಧತ ವರಿ ಲೊಕನಿ ಬೊದನೆನೆ ಸಂಬಂದ ಪಡೆಲ ವ್ಹೈ ಕ್ರಿಸ್ತನೆ ನವೈ.

2 ಥೆಸಲೊನಿಕ 1:4

ಕ್ಹುದಾನಿ ಸಭೆಮಾ ತುಮಾರಾ ಹುತಿ ಖುಶಿಕ್ಹು ಕಯೆಸ. ತುಮೊಮಾ ರ‍್ಹಯಲ ಬರೊಕ್ಹೊ ತಡ್ದಿಲಿವಾನಾ ಹುತಿ ಬಿಜಿ಼ಯೊ ಸಭೆಮಾ ಕಯೆಸ. ತುಮೆ ಕಷ್ಟ ಪಡ್ಯಾತಬಿ ವರಿಬಿ ತ್ರಾಸೊ ಖಾದ್ಯಾತಬಿ ಬರೊಕ್ಹಾಮಾ ಜಿವ್ನಾ ಕರಾಡಾಸ.

2 ಥೆಸಲೊನಿಕ 2:15

ತಿನಾಹುತಿ ಮಾರಾ ಭಾಯೊ ಭೆನೊ, ಘಟ್ಟ ಥೈನ ರ‍್ಹವೊ ಹಮೆ ವಾತೊನಾ ಮುಲಕ ವರಿ ಪತ್ರನಾ ಮುಲಕ ತುಮೊನೆ ಕದಲ ಭೊದನೆ ಬರೊಕ್ಹೊ ಕರಿನ ರ‍್ಹವೊ.

1 ತಿಮೊತಿ 1:11

ತೆ ಉಪದೆಶ ಮನಕ್ಹೊನೆ ತಿಳಸಾನಾ ಹುತಿ ಕ್ಹುದಾ ತುನೆ ದಿದಲ ಸುವಾರತೆನು ಯಕ್ಕ ಭಾಗ ಥಯುಸ. ನಸಿಬವಾಲೊ ಥಯಲ ಕ್ಹುದಾ ಕಂತು ಎ ಮಹಿಮಾನಿ ಸುವಾರ್ತೆ ಐಸ.

1 ತಿಮೊತಿ 1:2

ತು ಬರೊಕ್ಹೊ ರ‍್ಹಯಲವಾಲೊ ಥಯಲಕ್ಹು ಮನೆ ಕ್ಹರಿನೊ ದಿಕ್ರಾ ಲಿಂಗತ ಛೆ. ಬಾ ಥಯಲ ಕ್ಹುದಾಕ್ಹು ವರಿ ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಕ್ಹು ಕೃಪಾ ಮರಗಾ ಶಾಂತಿ ತುನೆ ಮಳಾದೆ.

1 ತಿಮೊತಿ 1:4

ವಿಚಾರ ಕರಲ ಕಾನಿಯೊನೆಬಿ ವರಿ ತುಮಾರಾ ಪಿತೃವೊನು ಖಾಂದಾನನೆ ಧ್ಯಾನದ್ಯುನೈ ಕೈನ ತ್ಯುನೊನೆ ಆಗನ್ಯಾ ದೆ. ತೆ ಸಂಗತಿಯೊ ವಾದ-ವಿವಾದ ಲಾವಸ. ತ್ಯವಾಕ್ಹು ಕ್ಹುದಾನಾ ಕಾಮನೆ ಸುಜ಼ ಉಪಯೊಗ ನತ್ತಿ. ಕ್ಹುದಾನು ಕಾಮ ಬರೊಕ್ಹಾ ಕ್ಹು ಕರು.

1 ತಿಮೊತಿ 1:6

ದಕ್ಹಾ ಜ಼ನಾ ಎ ಗುರಿ ಚು಼ಕಿನ ನೈಸೊ ಕರಾನಾ ವಿಷಯಮಾ ಬೊಲ್ತಾ ರ‍್ಹವಸ.

1 ತಿಮೊತಿ 1:9

ಧರ್ಮಶಾಸ್ತ್ರನೆ ತಯ್ಯಾರ ಕರಲ ಚೊ಼ಕಾವೊನಾ ಹುತಿ ನವೈ ಕೈನ ಅಪೊನೆ ತಿಳದ್ಯುಸ. ತಿನೆ ತಯ್ಯಾರ ಕರಲ ತಿನಾ ವಿರುದ್ದ ಚಾ಼ಲಾಲಾ ವರಿ ತಿನೆ ನೈ ಚಾ಼ಲಿಲಿನ ಜಾ಼ವಾಲಾ ಮನಕ್ಹೊನೆ ವ್ಹೈ. ಕ್ಹುದಾನೆ ವಿರುದ್ದ ಥಯಲ ಮನಕ್ಹೊನೆ ವರಿ ಪಾಪಿಯೊನೆ, ಧರಮ ನೈಕರಾಲಾವೊನೆ ವರಿ ಪರಿಶುದ್ಧ ನೈರ‍್ಹಯಲವಾಲಾವೊನೆ, ಮಾ-ಬಾಪನೆ ಖಲಾಸ ಕರಾಲಾವೊನೆ ವರಿ ಮನಕ್ಹೊನೆ ಖಲಾಸ ಕರಾಲಾವೊನೆ,

1 ತಿಮೊತಿ 4:7

ಕ್ಹುದಾ ಕ್ಹರಿಕ್ಹು ಮಳಾನಿ ಕಾನಿಯೊ ಮನಕ್ಹೊ ಕವಸ. ತೆ ಕಾನಿಯೊ ಲಿಂಗತ ಚ಼ಾಲು ನಕೊ. ಕ್ಹುದಾ ನೆ ಕ್ಹರಿ ಕ್ಹು ಸೆವೆ ಕರಾನು ತುಮಾರಾಕ್ಹು ತುಮೆ ತಿಳ್ದಿಲಿವೊ.

1 ತಿಮೊತಿ 6:11

ತೆನೈಸೊ ತು ಕ್ಹುದಾನೊ ಮನಕ್ಹ ವ್ಹೈ. ತಿನಾಹುತಿ ಎ ಕ್ಹಾರಾ ಸಂಗತಿಯೊಕ್ಹು ದುರ ರ‍್ಹೆ. ತೆನೈಸೊ ನಿತಿವಂತ, ಭಕ್ತಿನಿ ಸೆವಾ ಬರೊಕ್ಹೊ ಸಮಾಧಾನ ಧೈರ್ಯ ಮಯಾ, ತಾಳ್ಮೆ, ಉದಾರ ಮನಸನೊ ಥೈನ ರ‍್ಹೆ.

1 ತಿಮೊತಿ 6:14

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಆವಾನೊ ಟೈಮಲಕ್ಕಾ ತು ಎ ಕಾಮೊ ತಪ್ಪವಾಚಿ಼, ಚು಼ಕ್ಯಾವಾಚಿ ಕರತೊ ರ‍್ಹೆ.

2 ತಿಮೊತಿ 2:1

ಕ್ರಿಸ್ತ ಯೆಸುನಾ ಮಯಾನಾ ದಿಕ್ರಾ ತಿಮೊತಿ, ತು ಮಾರೊ ದಿಕ್ರಾ. ಕ್ರಿಸ್ತ ಯೆಸುಮಾ ಘಟ್ಟ ಥೈನ ರ‍್ಹೆ.

2 ತಿಮೊತಿ 2:16

ಅಶುದ್ಧ ರ‍್ಹಯಲ ವ್ಯರ್ಥ ಸಂಗತಿಯೊ ಬೊಲಾಲಾ ಮನಕ್ಹೊಕ್ಹು ದುರ ರ‍್ಹೆ. ತೆಯ್ಯೊ ವಾತೊ ಮನಕ್ಹೊನೆ ಕ್ಹುದಾಕ್ಹು ಹಜು಼ನ ದುರ ಕರಸ.

ತಿತನೆ 1:14

ವರಿ ಯಹುದ್ಯೊ ವಿಚಾರ ಕರಿನ ಕದಲ ಕಾನಿಯೊ ತ್ಯುನೆ ವಪ್ಪಿಲೆತಾ ನೈ. ವರಿ ಕ್ಹರಿ ನೈ ವಪ್ಪಾಲಾ ಮನಕ್ಹೊ ಆಗನ್ಯಾ ಪಾಲಸ್ತಾ ನೈ.

ತಿತನೆ 1:4

ಮಿ ಎ ಪತ್ರ ತಿತಾನೆ ಬರ್ದಾಡ್ಯೊಸ. ಅಪ್ನೊ ಬರೊಕ್ಹೊ ಸಂಬಂಧಮಾ ತು ಕ್ಹರಿನೊಜ಼ ಮಾರೊ ದಿಕ್ರಾನಿಂಗತ ಛೆ. ಮಾರೊ ಬಾ ಥಯಲ ಕ್ಹುದಾಕಂತೊ ವರಿ ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತ ಕಂತೊ ತುನೆ ಕೃಪಾ ವರಿ ಶಾಂತಿ ಮರಗಾ ಮಳಾದೆ.

ತಿತನೆ 1:9

ಅಪೆ ಕವಾನಿ ಸುವಾರ್ತೆ ತೆ ಬರೊಕ್ಹಾ ಕ್ಹು ವಪ್ಪಿಲಿದಲ ರ‍್ಹೌ, ವರಿ ತೆ ಕ್ಹರಿ ಕ್ಹು ವರಿ ಯೊಗ್ಯ ಕ್ಹು ಮನಕ್ಹೊನೆ ಭೊದನೆ ಕರತೊ ರ‍್ಹೌ. ತೆ ಕ್ಹರಿನಿ ಬೊಧನೆನಾ ವಿರುದ್ದ ಮನಕ್ಹೊನು ತಪ್ಪ ದೆಕಾಡಿನ ದಿವಾ ವರಕ್ಹೊ ರ‍್ಹೌ.

ತಿತನೆ 3:9

ಗ್ಯಾನ ನೈ ರ‍್ಹಯಲ ಮನಕ್ಹೊ ಕರಾನಾ ಕಾಮೊ, ಮತ್ಲಬ ಸುಜ಼ ಗ್ವತ್ತ ನೈ ರ‍್ಹಯಲ ಖಾಂದಾನ ವಾಲಾ ಬೊಲಾನು. ಮೊಶೆ ಬರ್ದಲ ಧರಮ ಶಾಸ್ತ್ರನಾ ನಿಯಮೊನೆ ಲಾವಾನು ಲಡೈನಾ ಹುತಿ ದುರ ರ‍್ಹೆ, ತಿನಿ ಸುಜ಼ ಕಿಮ್ಮತ ನತ್ತಿ, ತಿಕ್ಹು ಮನಕ್ಹನೆ ಸುಜ಼ ಉಪಯೊಗ ನತ್ತಿ.

ಪ್ರಕಟನೆ 3:3

ತಿನಾಹುತಿ ತು ವಪ್ಪಿಲಿನ ವರಿ ಐಕಲ ಉಪದೆಶ ಇಕ್ಹರ‍್ಯಾವಾಚಿ ತಿನೆ ವಿಧೆಯ ಥೈನ ರ‍್ಹೆ. ತಾರಿ ಜಿವ್ನಾ ವರಿ ತಾರು ಮನಸ ಬದಲಿ ಕರಲೆ! ಹುಶಾರ ಥಾ! ನೈತೊ, ಮಿ ಚ಼್ವಟ್ಟಾ ಲಿಂಗತ ತುಕನ ಐನ ಘಾಬ್ರೊ ಕರಿಪಾಡುಸ. ಮಿ ಕೆಳಾಮಾ ಔಸ ಕವಾನು ತುನೆ ಗ್ವತ್ತ ಥಾತು ನೈ.