1 ತಿಮೊತಿ 6:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ತೆಳಾಮಾ ತ್ಯುನೆ ಸ್ವರ್ಗಮಾ ಯಕ್ಕ ಗಾಟ್ರು ಭಾಂದಿನ ಮ್ಹೆಲಲ ಲಿಂಗತ ಥಾವಸ. ತೆ ಗಾಟ್ರುಜ಼ ತ್ಯುನಿ ಅಗ್ಲಿ ಜಿವನಾನೆ ಘಟ್ಟ ಫಾಯಾ ವ್ಹೈ. ಇಮ್ಮ ತ್ಯುನೆ ಕ್ಹರಿನಿ ಜಿವಿತ ಪಡದಿಲಿವಸ.

1 ತಿಮೊತಿ 6:19 ပူးပေါင်းရင်းမြစ်များ

ಮತ್ತಾಯ 19:21

ಯೆಸು ತಿನೆ, ತು ಪರಿಪುರ್ಣ ಥಾವಾನೊ ರ‍್ಹಯೊಮ, ಗೈನ ತುನೆ ರ‍್ಹಯಲ ಕ್ಹಾರು ಇಕ್ಕಿನ, ಗರಿಬೊನೆ ದೆ, ತೆಳಾಮಾ ತುನೆ ಪರಲೊಕಮಾ ಆಸ್ತಿ ರ‍್ಹವಸ. ಪಾಚ಼ಲ್ತೊ ತು ಮಾರಾ ಪಾಚೊ ಆ ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 12:33

ತುಮೊಕನ ರ‍್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ‍್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ‍್ಹತಿ ನೈ. ತಿನಾಹುತಿ ಹಮೆಶಾ ರ‍್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ.

ಲುಕ ಬರ್ದಲ ಸುವಾರ್ತಾ 16:25

ತೆ ವಾತೆ ಅಬ್ರಹಾಮ ತಿನೆ ದಿಕ್ರಾ ತಾರಿ ಜಿವಿತಮಾ ತು ಸು ಕರ‍್ಯೊ ತುನೆ ಗ್ವತ್ತ ನತ್ತಿಸು? ತ್ಯಾ ತುನೆ ಕ್ಹಾರಿ ಸುಕಾ ವ್ಹತ್ತಿ. ತೆನೈಸೊ ಲಾಜ಼ರತೊ ತಿನಿ ಜಿವಿತ ಪುರಾ ಕಷ್ಟ ವರಿ ತ್ರಾಸ ಖಾದ್ಯೊಸ. ತಿನಾ ಹುತಿ ತೆ ಸ್ವರ್ಗಮಾ ತಿನೆ ಸುಖಾ ಛೆ. ತು ಕಷ್ಟ ಖಾವಡ್ಯೊಸ.

ಲುಕ ಬರ್ದಲ ಸುವಾರ್ತಾ 16:9

ಮೊಸ ಕರಿನ ರಾಬೆಲ ಆಸ್ತಿಕ್ಹು ದೊಸ್ತ ಕರಲಿವೊ ತೆ ಆಸ್ತಿ ತುಮೊನೆ ಛೊಡಿನ ಜಾ಼ತಾಮಾ ತ್ಯುನೆ ತುಮೊನೆ ಹಮೆಶಾ ರ‍್ಹವಾನ ಜ಼ಗಾ ಬಲೈಲಿವಸ.

ಲುಕ ಬರ್ದಲ ಸುವಾರ್ತಾ 18:2

ಯಕ್ಕ ಗಾಮಾ ಯಕ್ಕ ನ್ಯಾಯಾ ಕರಾಲೊ ವ್ಹತ್ತೊ. ತಿನೆ ಕ್ಹುದಾನೊ ಭೆ ನ್ಹೊತೊ ವರಿ ಮನಕ್ಹೊ ತಿನಾ ಹುತಿ ಸು ಬೊಲಸ ಕೈನ ತೆ ವಿಚಾರ ಕರತೊ ನ್ಹೊತೊ

ಲುಕ ಬರ್ದಲ ಸುವಾರ್ತಾ 18:22

ತೆಳಾಮಾ ಯೆಸು ತಿನೆ"ತು ಕರಾನು ಕಾಮ ಬಿಜೆಕ ಛೆ. ತಾರಿ ಆಸ್ತಿ ಇಕ್ಕಿನ ಆಯಲ ದೊಕ್ಡಾ ಗರಿಬೊನೆ ದೆ. ತೆಳಾಮಾ ತುನೆ ಸ್ವರ್ಗಮಾ ಇನೊ ಪ್ರತಿಫಲ ಮಳಸ. ತು ಮಾರಾ ಪಾಚೊ಼ ಆ"

ಗಲಾತ್ಯ 5:6

ಯಕ್ಲೊ ಕ್ರಿಸ್ತ ಯೆಸುಮಾ ರ‍್ಹತಾಮಾ ಸುನ್ನತಿ ಥೈಸು ನತ್ತಿ ಕೈನ ಕವಾನು ಖಾಸ ನ್ಹವೈ. ಖಾಸ ಸುವೈ ಕದ್ಯಾಮ ಮಯಾಕ್ಹು ಕರಾನೊ ಬರೊಕ್ಹೊ.

ಎಫೆಸ 3:17

ತುಮಾರಾ ಬರೊಕ್ಹಾನಾ ಮುಲಕ ಕ್ರಿಸ್ತ ತುಮಾರಾ ಮನಸ್ಸೊಮಾ ರ‍್ಹೌ ಕೈನ ಪ್ರಾಥನಾ ಕರುಸ. ತುಮಾರಿ ಜಿವ್ನಾ ಮಯಾಮಾ ಘಟ್ಟ ಥೈನ ರ‍್ಹೌ ಕೈನ ವರಿ ಮಯಾನಾ ಉಪ್ಪರ ಭಂದೌ ಕೈನ ಮಾಂಗಿಲ್ಯುಸ.

ಫಿಲಿಪ್ಪಿ 3:12

ಅಕ್ಲಾಮ್ಮಾಜ ಮಿ ಯೆ ಕ್ಹಾರು ಪಡದಿಲಿನ ಪುರಾ ಥಾವಾನಾ ಹುತಿ ಆಯೆಲವಾಲೊ ವ್ಹೈ ಕೈನ ಕತೊನೈ. ತೆನೈಸೊ ಮಿ ಸು ಹೊಂದೊಲಿವಾನಾ ಹುತಿ ಯೆಸು ಕ್ರಿಸ್ತಜ ಮನೆ ಧರಲಿದ್ಯೊ ತೆ ಹೊಂದಿಲಿವಾನಾ ಹುತಿ ಕೊಶಿಶ ಕರಾಡ್ಯೊಸ.

ಫಿಲಿಪ್ಪಿ 3:14

ಕ್ಹುದಾ ಕ್ರಿಸ್ತನಾ ಮುಲಕ ಅಪ್ನೊ ಉಪ್ಪರ ಬಲೈನ ಅಪ್ನಾ ಕ್ಹಾಮೊ ಮುಕಲ ಬಿರುದ ಹೊಂದಾನಿ ವಾಟ ಮಳಾದೆ ಕೈನ ನ್ಹಾಟಡೊಸ.

1 ತಿಮೊತಿ 6:12

ಬರೊಕ್ಹಾನಾ ಖೆಲಮಾ ತಾರಿ ಚೊ಼ಕಿತನಾಕ್ಹು ನ್ಹಾಟ ಲಿಂಗತ ಛೆ. ನ್ಹಾಟಾನಾ ಖೆಲಮಾ ಝಿತ್ತಾನೆ ತುಕನ ಥಾವಾ ಯಕ್ಲು ಕೊಶಿಶ ಕರ. ಹಮೆಶಾನೊ ಜಿವನ ಪಡದಿಲಿವಾನೆ ಕೊಶಿಶ ಕರ. ತೆ ಪಡದಿಲಿವು ಕೈನ ಬಲೈಲಿದಲವಾಲೊ ವ್ಹೈ. ಕ್ರಿಸ್ತನಾ ಬರೊಕ್ಹಾನಾ ಹುತಿ ಕ್ಹರಿ ತು ಘನ್ನಾ ಮನಕ್ಹೊನಾ ಕ್ಹಾಮೊ ವಪ್ಪಿಲಿವು.

2 ತಿಮೊತಿ 1:1

ಯೆಸು ಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ತಿಮೊತಿನೆ ಬರ್ದಾನು ಬೆವಾ ಪತ್ರ. ಕ್ಹುದಾನಿ ಚಿ಼ತ್ತಲಿಂಗತ ಮಿ ಅಪೊಸ್ತಲ ಥಯೊ. ಕ್ರಿಸ್ತ ಯೆಸುಮಾ ರ‍್ಹಯಲ ಜ಼ಲಮನಿ ವಾಗ್ದಾನ ಮನಕ್ಹೊನೆ ಕವಾಹುತಿ ಕ್ಹುದಾ ಅಪೊನೆ ಮೊಕಲ್ಯೊ.

2 ತಿಮೊತಿ 2:19

ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.

1 ಪೆತ್ರಾ 1:4

ಕ್ಹುದಾ ತಿನಾ ಬಚ್ಚಾವೊನೆ ದಿವಾನೊ ಆಶಿರ್ವಾದಮಾ ಆಸ ಛೆ. ತೆ ತುಮಾರಾ ಹುತಿ ಪರಲೊಕಮಾ ಮುಕ್ಕಲ ಛೆ. ತೆ ಹಾಳ ನೈ ಥಾತು ವರಿ ನಾಶ ಥಾತು ನೈ. ತಿನಿ ಸುಂದರ್ತಾ ಜವೈಲೆತು ನೈ.