1 ತಿಮೊತಿ 5:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ತೆನೈಸೊ ಮಾಟಿ ಮರಲವಾಲಿ ತಿನಾ ಮನಸ ಮನಸೆ ಆಯಲ ಲಿಂಗತ ಜಿವ್ನಾ ಕರಿಮ ತೆ ಜಿವ್ತಿ ರ‍್ಹೈತಬಿ ಮರಲಲಿಂಗತ ವ್ಹೈ.

1 ತಿಮೊತಿ 5:6 ပူးပေါင်းရင်းမြစ်များ

ಮತ್ತಾಯ 8:22

ತೆನೈಸೊ ಯೆಸು ತಿನೆ, ಮರಲವಾಲಾಜ ತ್ಯುನಾ ತ್ಯುನಾಮಾ ಮರಲವಾಲಾವೊನು ತನ್ನದಿನ್ನು ಕರಿಲಿವಾದೆ. ಮಾರಾ ಪಾಚೊ಼ ಆ” ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 12:19

ಪಾಚಲ್ತೊ ಮಿ ಮಾರಾ ಹುತಿ ಘನ್ನಾ ವರಕ್ಹ ಚಾ಼ಯೆಥಯಲ ಅನಾಜ಼ ಕುಡ್ಸಿನ ಮ್ಹೆಲ್ಯೊಸ, ಖಾ. ಪಿ. ಖುಶಿ ಕರ! ಕೈಲ್ಯುಸ, ವಿಚಾರ ಕರಲಿದ್ಯೊ.

ಲುಕ ಬರ್ದಲ ಸುವಾರ್ತಾ 15:13

"ತೆಳಾಮಾ ತಿನೊ ನ್ಹಾನೊ ದಿಕ್ರೊ ತಿನೊ ವಾಟೊ ಲಿನ ಭಾರಲ್ಯಾ ದೆಶೆ ಗೈಪಡ್ಯೊ. ತ್ಯಾ ತೆ ಕೆಟ್ಟ ಚಟಾ ಸಿಕ್ಕಕಿನ ಪುರಾ ಆಸ್ತಿ ಹಾಳ ಕರಲಿ ಪಾಡ್ಯೊ.

ಲುಕ ಬರ್ದಲ ಸುವಾರ್ತಾ 15:24

ಮಾರೊ ದಿಕ್ರೊ ಜ಼ವೈ ಗಯೊತೊ, ಎ ತಪ್ಪಿನ ಗಯೊತೊ. ಹಮ್ನಾ ವರಿ ಮಳ್ಯೊಸ" ಕದ್ಯೊ. ತೆನೈಸೊ ತ್ಯುನೆ ಖುಶಿ ಕರಾಡಾತಾ.

ಲುಕ ಬರ್ದಲ ಸುವಾರ್ತಾ 15:32

ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.

ಲುಕ ಬರ್ದಲ ಸುವಾರ್ತಾ 16:19

ವರಿ ಯೆಸು ತ್ಯುನೊಕನ ಅಮ್ಮ ಕದ್ಯೊ" ಯಕ್ಲೊ ಸೌಕಾರ ವ್ಹತ್ತೊ, ತೆ ಸೌಕಾರ ಘನ್ನಾ ಚೊ಼ಕಾ ವಣ್ಣಾ ಘಾಲ್ಲೆತೊತೊ. ತೆ ಘನ್ನೊ ಸೌಕಾರ ರ‍್ಹಯಲ ಹುತಿ ತೆ ದಿನ್ನೆಬಿ ಚೊ಼ಕು ಚೊ಼ಕೊಜ಼ ಅನ್ನ ಖಾತೊ ಖುಶಿ ಕರ್ತೊತೊ.

ಲುಕ ಬರ್ದಲ ಸುವಾರ್ತಾ 7:25

ತುಮೆ ಭಾರಾ ಸು ದೆಕಾನೆ ಗಯಾತಾ? ನರಮ ವಣ್ಣಾ ಘಾಲ್ಲಿನ ಹುಬ್ರಯಲ ಮನಕ್ಹನೆ ಸು? ನೈ ನರಮ ವರಿ ಚೊ಼ಕಾ ವಣ್ಣಾ ಘಾಲ್ಲಿದಲ ವಾಲಾ ಮ್ಹೊಟಾ-ಮ್ಹೊಟಾ ಘರೊಮಾ ರ‍್ಹವಸ.

ಎಫೆಸ 2:1

ಪೈಲಾ ತುಮಾರಿ ಆತ್ಮಿಕ ಜಿವ್ನಾ, ತುಮಾರಾ ಪಾಪೊ ವರಿ ತುಮೆ ಅವಿಧೆಯತೆನಾ ಕಾಮೊಕ್ಹು ಮರಿ ಗಯಾತಾ.

ಎಫೆಸ 2:5

ಅಪೆ ಕ್ಹುದಾನೆ ವಿರುದ್ದ ಥೈನ ಕರಲ ಕಾಮೊಕ್ಹು ಆತ್ಮಿಕಮಾ ಮರಲವಾಲಾ ಥಯಾತಾ. ತೆ ನೈಸೊ ಅಪೊನೆ ಕ್ರಿಸ್ತನಾ ಕ್ಹಾತೆ ವಚಾ಼ಡ್ಯೊ. ತುಮೆ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ.

ಎಫೆಸ 5:14

ಹರಯಕ್ಕಬಿ ಚೊ಼ಕಿ ತರಾ ದೆಕಾಡಾನುಜ಼ ಉಜಾಲು ವ್ಹೈ. ತಿನಾಹುತಿ ಅಮ್ಮ ಬರ್ದಲ ಛೆ;

ಕೊಲೆಸ್ಸೆ 2:13

ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.

2 ತಿಮೊತಿ 3:6

ತ್ಯುನೊಮಾ ದಕ್ಹಾಜ಼಼ನಾ ಘರೊನೆ ಗೈನ, ಪಾಪಿಯೊ ಥಯಲ ಬಾಕಡಿಯೊನೆ ತೆ ಬಾಕಡಿಯೊ ಘನ್ನಾ ಪಾಪನಾ ಅಪರಾದೊ ಕ್ಹು ರ‍್ಹವಸ.

ಯಾಕೊಬ 5:5

ಭುಲೊಕಮಾ ತುಮೆ ಸುಖಾ ಕ್ಹಾವಾನಾ ಹುತಿ ತುಮೊನೆ ಪಸಂದ ಆಯಲ ತಿಮ್ಮ ಜಿವ್ನಾ ಕರಾಡಾಸ;

ಪ್ರಕಟನೆ 18:7

ತೆ ತಿನೆ ಘನ್ನಿ ವೈಭವಕ್ಹು ಜಿವ್ನಾ ಕರಿ. ತಿನಾಹುತಿ ತಿನೆ ತಿನಾ ತಕ್ಕ ತಿನೆ ತ್ರಾಸ ವರಿ ಸುಖಾ ಆವಾನಾ ವರಕ್ಹು ಕರೊ. ‘ಮಿ ಸಿಂಹಾಸನ್ಪರ ಬೈಟಲ ರಾಣಿ ವ್ಹೈ. ಮಿ ರಾಂಡಿ ನ್ಹವೈ, ಮಿ ಕೆಳಾಮಾಜ಼ ರೊತಿ ರ‍್ಹತಿ ನೈ’ ಕೈನ ತಿನಾಕ್ಹು ತೆಜ಼ ಕೈಲಿವಸ.

ಪ್ರಕಟನೆ 3:1

ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ.