1 ತಿಮೊತಿ 5:17 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁷ ಸಬೆನೆ ಚೊ಼ಕಿತರಾ ಚ಼ಲೈನಿಂಜಾ಼ವಾಲಾ ಮ್ಹೊಟಾ ರ‍್ಹಯಲವಾಲಾ ಮರಯಾದಿನೆ ವರಿ ಬೆ ಪಟ್ಟ ಪಗಾರನೆ ಯೊಗ್ಯ ವ್ಹೈ. ಖಾಸ ಕರಿನ ಉಪದೆಶ ವರಿ ಶಿಕ್ಲಾವಾನು ಕಾಮ ಪುರಾ ಮನಸೆ ಕರಾಮಾ ಹಮೆಶಾ ತಿಮಾ ರ‍್ಹಯಲವಾಲಾ ಮ್ಹೊಟಿ ಮರ್ಯಾದಿ ದಿವಸ.

1 ತಿಮೊತಿ 5:17 ပူးပေါင်းရင်းမြစ်များ

ಮತ್ತಾಯ 24:25

ದೆಕೊ, ಮಿ ಪೈಲಾಜ಼ ಮಿ ಕವಾಡ್ಯೊಸ.

ಲುಕ ಬರ್ದಲ ಸುವಾರ್ತಾ 10:7

ತೆ ಘರಮಾ ರ‍್ಹೈನ ತ್ಯುನೆ ದಿವಾನು ಅನ್ನ ತುಮೆ ಖಾವೊ ವರಿ ತ್ಯುನೆ ದಿವಾನು ತುಮೆ ಪಿವೊ, ಕಾಮಕರಾಲೊ ಪಗಾರನೆ ಲಾಯಕ ವ್ಹೈ ತಿನಾಹುತಿ ತೆ ಘರ ಛೊಡಿನ ಬಿಜೆಕ ಘರಮಾ ಜಾ಼ವೊನಕೊ.

ಲುಕ ಬರ್ದಲ ಸುವಾರ್ತಾ 12:42

ಯೆಸು ಅಮ್ಮ ಕದ್ಯೊ" ಗ್ಯಾನಿ ರ‍್ಹಯಲ ವರಿ ಬರೊಕ್ಹಾನೊ ಥಯಲ ಆಳ ಕುನ್ನ ವ್ಹೈ? ಟೈಮ ಟೈಮೆ ಕರೆಟ್ಟ ಕುಲಿ ಆಳೊನೆ ಅನಾಜ಼ ತುಕಾ ಕರಿನ ದಿವಾನಾ ಘರಪರ ನೆಮಿಸಲ ಆಳಜ಼ ಬರೊಕ್ಹೊ ವಾಲೊ ವ್ಹೈ.

ಯೊಹಾನ 4:38

ತುಮೆ ನೈ ರಾಬಲ ಬೆಳಿ ಕಾಟಾನೆ ತುಮೊನೆ ಮೊಕ್ಲಾಡ್ಯೊಸ. ಬಿಜಾ಼ ರಾಬ್ಯಾ, ತೆನೈಸೊ ತ್ಯುನೆ ರಾಬಲ ಹುತಿ ತುಮೆ ಫೈದೊ ಖಾವೊಸಿ" ಕೈನ ಕದ್ಯೊ.

ಅಪೊಸ್ತಲೊ 11:30

ತ್ಯುನೆ ದೊಕ್ಡಾ ಮಳೈನ ಬಾರ್ನಬ ವರಿ ಸೌಲಾನೆ ದಿದ್ಯಾ. ಪಾಚಾ಼ತಾ ಬಾರ್ನಬ ವರಿ ಸೌಲಾ ತಿನೆ ಲೈನ ಯುದೆಯಮಾ ರ‍್ಹಯಲ ಸಭೆನಾ. ಮ್ಹೊಟಾವೊನೆ ದಿದ್ಯಾ.

ಅಪೊಸ್ತಲೊ 20:35

ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ.

ಅಪೊಸ್ತಲೊ 28:10

ತ್ಯುನೆ ಹಮನೊನೆ ಘನ್ನಾ ಮರ್ಯಾದಿ ದಿನ್ನ ಹಮೆ ತ್ಯಾತಾ ಹಮ್ಮಾರು ಪ್ರಯಾಣ ಅಗಾ ಬಡಾಯೆಲ ಪರ ಹಮನೊನೆ ಚಾಯೆಲ ಥಯಲ ಕ್ಹಾವಾನು ಲೈನ ಹಡಗಮ್ಮಾಮ್ಹೆಲಾ.

ರೊಮಾಪೂರ 12:8

ಪ್ರೊತ್ಸಾಹ ಕರಾನಿ ವರಾ ಹೊಂದಿಲಿದಲವಾಲೊ ಬಿಜಾ಼ವೊನೆ ಪ್ರೊತ್ಸಾಹ ಕರಾದೆ. ವಾಟಿಲಿವಾನೊ ವರಾ ಹೊಂದಿಲಿದಲವಾಲೊ ವರಾ ಹೊಂದಿಲಿದಲವಾಲೊ ಮ್ಹೊಟಾ ಮನಸೆ ದಿವಾದೆ. ಅದಿಕಾರನಿ ವರಾ ಹೊಂದಿಲಿದಲವಾಲೊ ಅದಿಕಾರಮಾ ರ‍್ಹತಾಮಾ ಮ್ಹೈನತ ಕರಿನ ರಾಬು. ಮರಗಾನು ವರಾ ಹೊಂದಿಲಿದಲವಾಲೊ ಖುಶಿಕ್ಹು ತೆ ಕರಾದೆ

ರೊಮಾಪೂರ 15:27

ಮೆಕೆದೊನಿಯಾ ವರಿ ಅಖಾಯಾಮಾ ರ‍್ಹಯಲ ವಿಸ್ವಾಸಿಯೊ ತ್ಯಾನಾ ಗರಿಬ ಮನಕ್ಹೊನೆ ಕ್ಹುಶಿಕ್ಹು ದೊಕ್ಡಾವೊಕ್ಹು ಸಹಾಯಾ ಕರ‍್ಯಾಸ. ಮೆಕೆದೊನಿಮಾನಾ ವರಿ ಅಖಾಯಾಮಾನಾ ವಿಶ್ವಾಸಿಯೊ ತ್ಯುನಾ ಮನ್ಸೆಜ಼ ಎ ಕಾಮೊ ಕರ‍್ಯಾ. ತೆ ತ್ಯುನು ಕರ್ತವ್ಯ ವ್ಹೈ. ಯಹುದ್ಯೊ ನೈ ರ‍್ಹಯಲ ತ್ಯುನೆ ಆತ್ಮಿಕಾಮನಾ ರ‍್ಹಯಲ ಆಶಿರ್ವಾದೊ ಪಾಲ ಹೊಂದಿಲಿದಲ ಹುತಿ ತ್ಯುನೆ ತ್ಯುನೊಕನ ರ‍್ಹಯಲ್ಮಾ ದಿನ್ನ ತ್ಯುನೆ ತೆ ಆಶಿರ್ವಾದೊ ಹೊಂದಿಲಿದ್ಯಾಸ.

ರೊಮಾಪೂರ 16:12

ತ್ರುಫೈನಳನೆ ತ್ರುಫೊಸಳನೆಬಿ ಮಾರು ನಮಸ್ಕಾರ ಕವೊ. ತ್ಯುನೆ ಪ್ರಭುನಾ ಹುತಿ ಘನ್ನು ತ್ರಾಸ ಖೈನ ಸೆವಾ ಕರ‍್ಯಾಸ. ಮಾರಿ ಮಯಾನಿ ಭೆನ ಥಯಲ ಪೆರಸಿಸಳನೆ ಮಾರಾ ನಮಸ್ಕಾರ ಕವೊ. ತೆಬಿ ಪ್ರಭುನಾ ಹುತಿ ಘನ್ನಿ ತ್ರಾಸ ಖೈನ ಸೆವಾ ಕರಾಡಾಸ.

1 ಕೊರಿಂಥ 15:10

ಮಿ ಹಮ್ನಾ ಎ ಸ್ಥಿತಿಮಾ ರ‍್ಹವಾನು ಕ್ಹುದಾನಿ ಮರ್ಗಾಕ್ಹುಜ಼ ವ್ಹೈ. ತಿನಿ ಮರ್ಗಾ ಮಪರ ವ್ಯರ್ಥ ಥೈ ನೈ. ಮಿ ತ್ಯುನಾ ಕ್ಹಾರಾವೊತಿಬಿ ಹೆಚ್ಕಿ ಶ್ರಮಾ ಕರಿನ ಸೆವೆ ಕರ‍್ಯೊಸ. ತೆ ಕರಲವಾಲೊ ಮಿ ನ್ಹವೈ, ಮಾರಾಮಾ ರ‍್ಹವಾನಿ ಕ್ಹುದಾನಿ ಮರ್ಗಾಜ಼ ಕರಲ ವ್ಹೈ.

1 ಕೊರಿಂಥ 16:16

ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ಸೆವೆಮಾ ಹಮೊನೆ ಮದತ ಕರಾಲಾ ವರಿ ಕೊಶಿಶ ಕರಾಲಾ ಕ್ಹಾರಾ ಜ಼ನಾವೊನೆ ತುಮೆ ವಪ್ಸಿನ ದಿವೊ.

1 ಕೊರಿಂಥ 3:9

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

2 ಕೊರಿಂಥ 6:1

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ವ್ಹೈ. ಇನಾಹುತಿ ಹಮೆ ತುಮೊಕನ ಸು ಮಾಂಗಿಲಿಯೆಸ ಕದ್ಯಾಮ. ತುಮೆ ಕ್ಹುದಾಕಂತು ಹೊಂದಿಲಿದಲ ಕೃಪಾ ಉಪಯೊಗ ಥಾವಾ ವರಕ್ಹು ದೆಕಿಲಿವೊ.

ಗಲಾತ್ಯ 6:6

ಕ್ರಿಸ್ತನು ಸಂದೆಶ ಶಿಕ್ಕಾಲೊ, ತಿನೆ ಶಿಕ್ಲಾವಾಲಾನೆ ತಿಕನ ರ‍್ಹವಾನು ಕ್ಹಾರಿ ಚೊ಼ಕಿತನಾಮಾ ವಾಟೊ ದಿವುಜ಼.

ಫಿಲಿಪ್ಪಿ 2:16

ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

ಫಿಲಿಪ್ಪಿ 2:29

ತಿಮ್ಮ ರ‍್ಹತ್ತಾಮ್ಮಾ ತಮೆ ಮನೆ ಕರಾನು ಕಾಳಜಿಮ್ಮಾ ಕಮಿ ಭರಾನೆ ತೆ ಜ಼ಲಮ್ಮನು ಆಸ ಛೊಡಿನ ಕ್ರಿಸ್ತನಾ ಸೆವೆನಾ ಹುತಿ ಮಾರಾನಾ ಸ್ಥಿತಿಮ್ಮಾ ರ‍್ಹತ್ತಾಮ್ಮಾ ತಮ್ಮೆ ತಿನೆ ಪುರಾ ಖುಶಿಕ್ಹು ಕರ್ತಾನಾ ಪರ ಮಳೆಲಿಯೊ ತೆವಾವೊನೆ ಮರಿಯಾದಿ ವೈವಾಲಾ ಕೈನ ಮೊಜೊ.

ಫಿಲಿಪ್ಪಿ 4:3

ಮಾರಾ ದೊಸ್ತ, ತು ಮಾರಾ ಕ್ಹಾತೆ ಕಾಮ್ಮಕರಾವಾಲೊ ಥೈನ ಸೆವೆ ಕರೊತೊ ರ‍್ಹೈಹುತಿ ಯೆ ಬಾಕಡಿನೆ ಬಿ ಮದತ ಕರು ಕೈನ ತುಕನ ಮಾಂಗಿಲ್ಯುಸ. ಯೆ ಬಾಕಡಿಯೊ ಮಾರಾ ಕ್ಹಾತೆ ಸುವಾರ್ತೆನಾ ಹುತಿ ಸೆವೆ ಕರಿಯೊಸ. ಮಾರಾ ಕ್ಹಾತೆ ಸೆವೆ ಕರಾತ್ತಾ ರ‍್ಹಯಲ ಕ್ಲೆಮನ್ಸ ವರಿ ಬಿಜಾ಼ ಸೆವಕೊನೆ ಕ್ಹಾತೆ ಯೆ ಬಾಕಡಿಯೊ ಸೆವೆ ಕರಿಯೊಸ. ಯೆ ಬಾಕಡಿಯೊನು ನಾಮ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ.

1 ತಿಮೊತಿ 3:5

ತಿನಾ ಸ್ವಂತ ಘರವಾಲಾವೊನೆ ಆಳಾನು ನೈ ಗ್ವತ್ತ ರ‍್ಹಯಲವಾಲೊ ಕ್ಹುದಾನಿ ಸಭೆಮಾ ಆಳಾನೆ ಯೊಗ್ಯ ನತ್ತಿ.

1 ತಿಮೊತಿ 4:10

ತಿನಾಹುತಿ ಅಪೆ ಕಷ್ಟಕ್ಹಾವಾಡಾಸ,ಪ್ರಯಾಸ ಕರಾಡಾಸ,ಕಾಕದ್ಯಾಮ್ಮ ಕ್ಹಾರಾ ಮನಕ್ಹೊನೆ, ವಿಶೆಷ ಕರಿನ ಬರೊಕ್ಹೊ ಕರಾವಾಲಾವೊನೆ, ರಕ್ಷಕ ಥಯಲ ಜ಼ಲಮ್ಮ ರ‍್ಹಯಲ ಕ್ಹುದಾನಾ ಉಪ್ಪರ ಹಮೆ ಬರೊಕ್ಹೊ ಮ್ಹೆಲಾಲಾ ಥಯಾಸ.

1 ತಿಮೊತಿ 4:14

ತುಕನ ರ‍್ಹಯಲ ಮರಗಾನಿ ವರಾನೆ ತಿನೆ ಅಲಕ್ಷ ಕರೊ ನಕೊ ತೆ ವರಾ ತಮಾರಾ ಪ್ರವಾದಿ ಕರಲ ಹತ್ತ ವ್ಹೈ. ವರಿ ಮ್ಹೊಟಾ ಮನಕ್ಹೊಕ್ಹು ತಾರಾ ಉಪ್ಪರ ಹತ್ತ ಮ್ಹೆಲ್ಯಾಸ.

1 ತಿಮೊತಿ 4:16

ತಾರಿ ಜಿವಿತ್ಮಾ ತಾರಿ ಬೊಧನೆಮಾ ಹುಷಾರಕಿಮಾ ರ‍್ಹೆ. ಚೊ಼ಕಿ ತರಾನಿ ಜಿವ್ನಾ ಕರತೊ ಬೊಧನೆ ಕರತೊ ತೆಳಾಮಾ ತು. ತುನೆ ತಾರಿ ಬೊದನೆ ಐಕಾಲಾವೊನೆ ವಚಾ಼ಡುಸ.

1 ತಿಮೊತಿ 4:6

ತ್ಯಾ ರ‍್ಹಯಲ ಭಾಯೊ ಭೆನೊ ಎ ಕ್ಹಾರು ಕದ್ಯಾಮ, ತು ಕ್ರಿಸ್ತ ಯೆಸುನೊ ಚೊ಼ಕೊ ಸೆವಕ ಥಾಸಿ ಕವಾನು ಬರೊಕ್ಹಾನಿಯೊ ವಾತೊ ವರಿ ಚೊ಼ಕು ಉಪದೆಶ ಕರಿನ ಚಾ಼ಲಲ ಹುತಿ ತಾಕತವಾಲೊ ವ್ಹೈ ಕೈನ ದೆಕಾಡಿನ ದೆಶಿ.

1 ತಿಮೊತಿ 5:19

ಸಬೆಪರ ಮ್ಹೊಟಾ ರ‍್ಹಯಲ ವಾಲಾವೊನಾಹುತಿ ತಿವ್ನಾ ವಿರುದ್ದ ಕುನಬಿ ಕತು ರ‍್ಹಯುಮ ಬೆ ಜ಼ನಾ ನೈತೊ ತನ್ನ ಜ಼ನಾ ರ‍್ಹಯಾಮಜ಼ ತಿವ್ನಿಯೊ ವಾತೊ ಐಕು ನಕೊ.

1 ತಿಮೊತಿ 5:3

ಕುನ್ನಜ಼ ನೈ ರ‍್ಹಯಲ ರಾOಡಿ ಹೆಣ ಮನಕ್ಹೊನೆ ರಾಕ.

2 ತಿಮೊತಿ 2:6

ಮ್ಹೈನತಕ್ಹು ಕಾಮ ಕರಾಲಾ ರೈತನೆ ಬೆಳಿಮಾ ಪೈಲಾ ಪಾಲ ಮಳು.

2 ತಿಮೊತಿ 4:2

ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.

ಇಬ್ರಿಯ 13:17

ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ‍್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ‍್ಹವಾನು ತುಮೊನೆ ಫೈದೊ ನತ್ತಿ.

ಇಬ್ರಿಯ 13:24

ತುಮಾರಾ ಕ್ಹಾರಾ ಸಭಾನಾಯಕೊನೆ ವರಿ ಪರಿಶುದ್ದ ಕ್ಹುದಾನಾ ಮನಕ್ಹೊನೆ ವಂದನೆ ಕವೊ. ಇಟಲಿ ದೆಶತಾ ಆಯಲವಾಲಾ ತುಮೊನೆ ವಂದನೆ ಕವಸ.

ಇಬ್ರಿಯ 13:7

ತುಮೊನೆ ಕ್ಹುದಾನಿ ವಾಕ್ಯಾ ಕದಲ ತುಮಾರಾ ಸಬೆನಾ ಭೊದಕನೆ ಶೆಂ ಕರಿಲಿವೊ. ತ್ಯುನೆ ತ್ಯುನಿ ಜಿವನಮಾ ಕಿಮ್ಮ ಚಾ಼ಲಿನ ಗಯಾ ಕೈನ ತುಮೆ ಶೆಂ ಕರಿಲಿನ ತ್ಯುನಾ ಬರೊಕ್ಹಾನಾ ಲಿಂಗತ ಚಾ಼ಲಿನ ಜಾ಼ವೊ.