1 ತಿಮೊತಿ 3:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ತೆ ಸಭೆನಾ ಮ್ಹೊಟಾ ಮನಕ್ಹೊನಾ ಕೆಟ್ಟ ವಾತೊಮಾ ಪಡೆನೈಸೊ ಚೊ಼ಕೊ ಥೈನ ರ‍್ಹೌ. ತುನೆ ಯಕ್ಕಲಿಜ಼ ಬೈಕೊ ರ‍್ಹೌ. ತೆ ಘನ್ನೊ ಗ್ಯಾನಿ ರ‍್ಹೌ; ಮನಕ್ಹೊ ಮರ್ಯಾದಿ ದಿವಾನೆ ಯೊಗೈ ರ‍್ಹೌ

1 ತಿಮೊತಿ 3:2 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 1:6

ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ.

ಲುಕ ಬರ್ದಲ ಸುವಾರ್ತಾ 2:36

ದೆವಾಲಯಮಾ ಅನ್ನಳ ಕವಾಲಿ ಯಕ್ಕ ಹೆಣ ಮನಕ್ಹ ಕ್ಹುದಾನಿಯೊ ವಾತೊ ಕವಾಲಿ ವ್ಹತ್ತಿ. ತೆ ಅಶೆರನ್ನಿ ಖಾಂದಾನ್ನಿ ಫನುವೆಲನಾ ಕುಟುಂಬವಾಲಿ ವ್ಹತ್ತಿ. ತಿನೊ ಹಿವಾ ಥೈನ ಕ್ಹಾತ ವರಕ್ಹ ಥಯಲಪರ ತಿನೊ ಮಾಟಿ ಮರಿ ಗಯೊತೊ. ತೆ ಹೆಣ ಮನಕ್ಹನಿ ವೈಸ ಘನ್ನಿ ಥೈತಿ

ರೊಮಾಪೂರ 12:13

ಕಮಿಮಾ ರ‍್ಹಯಲ ಕ್ಹುದಾನಾ ಮನಕ್ಹೊನೆ ಮದತ ಕರೊ. ಅತಿಥಿ ಸತ್ಕಾರ ಕರೈಲಿವಾಲಾವೊನೆ ಹುಡಕೊ, ತುಮಾರಾ ಘರೊನೆ ಬಲಾವೊ.

ಫಿಲಿಪ್ಪಿ 2:15

ಇಮ್ಮ ತುಮೆ ತಪ್ಪ ನೈಸೊವಾಲಾ ವರಿ ಯಕ್ಕಜ಼ ಮನಸ್ಸವಾಲಾ ಥೈನ ವಾಕಿ ಗ್ಯಾನ ಪಿಸಾಳಾವೊನಿ ಜಾತನಿ ವಚಮ್ಮಾ ಕ್ಹುದಾನಾ ತಪ್ಪ ನೈಸೊವಾಲಾ ಬಚ್ಚಾ ಥಾವೊಶಿ.

1 ತಿಮೊತಿ 3:12

ಸಭೆಮಾ ಸೆವೆಕರಾಲಾ ಯಕ್ಕಲಿನೆಜ಼ ಹಿವಾ ಕರಲಿದಲ ರ‍್ಹೌ. ತ್ಯುನೆ ತ್ಯುನಾ ಬಚ್ಚಾ಼ವೊನೆ ವರಿ ಘರವಾಲಾವೊನಾ ಮ್ಹೊಡೆ ಚೊ಼ಕು ಕವೈಲಿವಾಲಾ ರ‍್ಹೌ.

1 ತಿಮೊತಿ 3:8

ಇನಾ ಲಿಂಗತಜ಼ ಸಭೆಮಾ ಚೊ಼ಕಾ ಸೆವಕೊ ಥಯಲವಾಲಾ ತ್ಯುನಿ ನಡತೆಕ್ಹು ಬಿಜಾ಼ವೊಕ್ಹು ಚೊ಼ಕು ಕವೈಲಿವಾನೆ ಯೊಗ್ಯ ವ್ಹೈ. ಮ್ಹೊಡು ದೆಕಿನ ಬೊಲ್ಯಾವಾಚಿ ರ‍್ಹೌ. ತ್ಯುನೆ ದಾರು ಪಿನ ಟೈಮ ಕಾಡಾಲಾ ರ‍್ಹೌ ನೈ. ವರಿ ಬಿಜಾ಼ವೊನೆ ಮೊಸ ಕರಿನ ಸೌಕಾರ ಥಾವಾನೆ ಕರುನೈ. ದೊಕಡಾನಿ ಆಸ ರ‍್ಹೌ ನೈ.

1 ತಿಮೊತಿ 4:3

ತೆವಾ ಮನಕ್ಹೊ ಹಿವಾ ಕರಲ್ಯುನೈ ಕೈನ ವರಿ ದಕ್ಹು ಅನಾಜ಼ ಖೌನೈ ಕೈನ ತ್ಯುನೆ ಕವಸ. ತೆನೈಸೊ ಬರೊಕ್ಹೊ ರ‍್ಹಯಲವಾಲಾ ವರಿ ಕ್ಹರಿ ತಿಳದಿಲಿದಲವಾಲಾ ಸ್ತುತಿ ಕರಿನ ತೆ ಅನಾಜ಼ ಖಾವಾದೆ ಕಾಕದ್ಯಾಮ ತೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ.

1 ತಿಮೊತಿ 5:10

ತೆ ಚೊ಼ಕಾ ಕಾಮೊ ಕರಸ ಕೈನ ಕವೈಲಿದಲ ರ‍್ಹೌ. ಕದ್ಯಾಮ ತೆ ತಿನಾ ಬಚ್ಚಾ಼ವೊನೆ ರಾಕಿನ, ಆಯಲ ಮನಕ್ಹೊನೆ ಮರ್ಯಾದಿ ದಿದಲ ವಾಲಿ, ಕ್ಹುದಾನಾ ಮನಕ್ಹೊನಾ ಪಗೊ ಧ್ವಯಲವಾಲಿ, ತ್ರಾಸಮಾ ರ‍್ಹಯಲ ಮನಕ್ಹೊನೆ ಆಸ್ರೊ ಕರಲವಾಲಿ ವರಿ ತಿನಾ ಹತೆ ಥಯಲ ತೆಕ್ಲು ಚೊ಼ಕಾ ಕಾಮೊ ಕರಲವಾಲಿ ರ‍್ಹೌ.

1 ತಿಮೊತಿ 5:22

ತು ತಾರಾ ಹತೊ ಕಿಪರಬಿ ಮ್ಹೆಲಿನ ತಿನೆ ಸಭಾಪರ ಮ್ಹೊಟೊ ಕರಾತಿ ಅಗ್ದುರ ಮನಸ ದಿನ್ನ ವಿಚಾರ ಕರ. ಬಿಜಾ಼ ಮನಕ್ಹೊನಾ ಪಾಪಮಾ ಪಡೆನೈಸೊ ಶುದ್ಧ ಥೈನ ರ‍್ಹೆ.

1 ತಿಮೊತಿ 5:9

ರಾOಡಿ ಹೆಣ ಮನಕ್ಹೊನಾ ಲಿಸ್ಟಮಾ ಕ್ಹಾಟ ವೈಸ್ ಥಯಲ ರ‍್ಹೌ. ತೆ ತಿನಾ ಮಾಟಿನಾ ಬರೊಕ್ಹೊಮಾ ರ‍್ಹೌ.

2 ತಿಮೊತಿ 2:24

ಪ್ರಭುನೊ ಸೆವಕ ವಾದವಿವಾದ ಕರುಜ಼ ನೈ. ತು ಹರ ಯಕ್ಕಲಾವೊನೆ ಮರಗಾ ದೆಕಾಡು; ಚೊ಼ಕೊ ಉಪದೆಶ ಕರಾಲೊ ಥೌ; ತಾಳ್ಮೆಕ್ಹು ರ‍್ಹೌ.

ತಿತನೆ 2:2

ಶಾನಾ ಮನಕ್ಹೊನೆ ಸಿಕ್ಲಾ ತ್ಯುನೆ ಮರ್ಯಾದಿವಾಲಾ ವ್ಹೈ. ತ್ಯುನಾಕ್ಹು ತ್ಯುನೊನೆ ಹತೊಟಿಮಾ ಮ್ಹೆಲ್ಲ್ಯು ಮಯಾಮಾ ವರಿ ಬರೊಕ್ಹಾಮಾ ತಟ್ದಿಲಿವಾಲಾ ವರಿ ಘಟ್ಟ ಥೈನ ರ‍್ಹೌ.

ಇಬ್ರಿಯ 13:2

ಅತಿಥಿ ಸತ್ಕಾರ ಕರಾನು ಇನ್ಕಾರ ಕರೊ ನಕೊ. ಕಾಕದ್ಯಾಮ ತೆ ಕರಾಮಾ ದಕ್ಹಾ ಜ಼ನಾ ಕಳ್ಯಾವಾಚಿ ದೆವದುತೊನೆ ಸತ್ಕಾರ ಕರ‍್ಯಾಸ.

ಇಬ್ರಿಯ 3:14

ಅಪೊನೆ ರ‍್ಹಯಲ ಪೈಲಾನೊ ಬರೊಕ್ಹೊ ಲಾಸ್ಟಲಕ್ಕಾ ಅಪೆ ಘಟ್ಟ್ಟ ಧರ‍್ಯಾರೆ ಅಪೆ ಕ್ರಿಸ್ತನಾ ಹಿಸ್ಸಾಮಾ ಭಾಗಿದಾರ ಥಯೆಸ.

1 ಪೆತ್ರಾ 4:7

ಕ್ಹಾರಾ ಕಾಮೊನೆ ಮುಗ್ಸಾನೊ ಟೈಮ ನಜಿ಼ಕ ಆಯೊಸ. ತುಮೆ ಗ್ಯಾನವಾಲಾ ಥೈನ ತುಮಾರಾಕ್ಹು ತುಮೆ ತುಮೊನೆ ಹತೊಟಿಮಾ ಮ್ಹೆಲ್ಲಿವೊ. ತುಮೊನೆ ಪ್ರಾಥನಾ ಕರಾಹುತಿ ಎ ತುಮೊನೆ ಸಹಾಯಾ ಕರಸ.

1 ಪೆತ್ರಾ 4:9

ಗುಣ ಗುಟ್ಯಾವಾಚಿನ ಮಕ್ಹೊನೆ ಅತಿಥಿಸತ್ಕಾರ ಕರೊ.

1 ಪೆತ್ರಾ 5:8

ಯಕ್ಕಜ಼ ಮನಸ ವಾಲಾರ‍್ಹವೊ ವರಿ ಹುಶಾರ ಥೈನ ರ‍್ಹವೊ. ಸೈತಾನ ತುಮಾರೊ ದುಶ್ಮನ ವ್ಹೈ. ತೆ ವದ್ರಾನೊ ಶಿಯ್ಯಾ ಲಿಂಗತ ಕಿನೆ ಖೌ ಕೈನ ಹುಡ್ಕತೊ ರ‍್ಹವಸ ತೆ ಮನಕ್ಹೊನೆ ಹುಡ್ಕಾಡ್ಯೊಸ.