1 ತಿಮೊತಿ 1:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಪೈಲಾ, ಮಿ ಕ್ರಿಸ್ತನಾ ವಿರೊದ ಬೊಲ್ಯೊತೊ. ತಿನೆ ಮಿ ತ್ರಾಸ ಕರ‍್ಯೊತೊ. ತಿನೆ ದುಖ ಥಾವಾವರಕ್ಹು ಕಾಮೊ ಕರ‍್ಯೊತೊ. ವರಿಬಿ ಮಿ ಸು ಕರಾಡ್ಯೊಸ ಕವಾನು ಮನೆ ಗ್ವತ್ತ ನೈರ‍್ಹಯಲ ಹುತಿ ಕ್ಹುದಾ ಮನೆ ಮರಗ್ಯೊ. ಬರೊಕ್ಹೊ ನೈ ರ‍್ಹತಾಮಾ ಮಿ ತೆ ಕ್ಹಾರು ಕರ‍್ಯೊತೊ.

1 ತಿಮೊತಿ 1:13 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 12:47

ತಿನೊ ಮಾಲಕ ತಿನಾಕ್ಹು ಸು ಆಸ ಮ್ಹೆಲ್ಯೊಸ ಕೈನ ತೆ ಆಳನೆ ಗೊತ್ತ ವ್ಹತ್ತು. ತೆನೈಸೊ ತೆ ಆಳ ತಯ್ಯಾರ ನ್ಹೊತೊ. ವರಿ ತಿನೊ ಮಾಲಕ ದಿದಲ ಕಾಮ ತೆ ಆಳ ಕರ‍್ಯೊ ನ್ಹೊತೊ. ತಿನಾಹುತಿ ತೆ ಆಳನೆ ಮಾಲಕ ಶಿಕ್ಷಾ ದಿವಸ!

ಲುಕ ಬರ್ದಲ ಸುವಾರ್ತಾ 23:34

ತೆಳಾಮ ಯೆಸು, ಬಾ, ಅವ್ನೊನೆ ಮಾಫ ಕರ. ಅವನೆ ಸು ಕರಾಡಾಸ ತಿಳದ್ಯಾ ನತ್ತಿ "ಕೈನ ಪ್ರಾಥನಾ ಕರ‍್ಯೊ. ಸೈನಿಕೊ ಚಿಟಿಯೊ ಘಾಲಿನ ಯೆಸುನಾ ವಣ್ಣಾ ಕಿನೆ-ಕಿನೆ ವಾಟಿಲಿದ್ಯಾ.

ಅಪೊಸ್ತಲೊ 22:4

ಎ ವಾಟಮಾ ರ‍್ಹಯಲವಾವೊನೆ ತ್ರಾಸ ದಿವಾಲೊ ಥೈನ ದಾಣ್ಗಾವೊನೆ ವರಿ ಬಾಕ್ಡಿಯೊನೆ ಬೆಡಿಯೊ ಘಾಲಿನ, ತ್ಯುನೊನೆ ಜೆಲ್ಮಾ ಘಲಾತೊ ವ್ಹತ್ತೊ, ಖಲಾಸ ಕರಾನೆಬಿ ಪಾಚೊ಼ ಸರಕ್ತೊ ನ್ಹೊತೊ ತೆಕ್ಲೊ ತ್ರಾಸ ದೆತೊತೊ.

ಅಪೊಸ್ತಲೊ 3:17

"ಭಾಯೊ ತುಮೆ ಕರಲ ರ‍್ಹವಾದೆ, ತುಮೆ ಗ್ವತ್ತ ವಾಚಿ ಯೆಸುನೆ ಇಮ್ಮ ಕರ‍್ಯಾಸ ಕೈನ ಮನೆ ಗ್ವತ್ತ ಛೆ. ತುಮಾರಾ ನಾಯಕೊಬಿ ತಿಳ್ದಿಲಿದ್ಯಾ ನೈ.

ಅಪೊಸ್ತಲೊ 8:3

ವಿಸ್ವಾಸಿಯೊ ಜೆರುಸಲೆಮ ಛೊಡಿನ ಗೈ ಪಡಾಡಾತಾ. ಅಪೊಸ್ತಲೊ ಯಕ್ಕಜ಼ ತ್ಯಾಜ ವ್ಹತ್ತಾ. ವಿಸ್ವಾಸಿಯೊ ಜುದೆಯ ವರಿ ಸಮಾರ್ಯನಾ ಬಿಜಿ-ಬಿಜಿ ಜ಼ಗಾ ಗಯಾ.

ಅಪೊಸ್ತಲೊ 9:1

ಸೌಲಾ ಕರ್ತನಾ ಶಿಷ್ಯಾವೊನೆ ಭುಚ್ಕಾ಼ಡತೊ ವರಿ ತ್ಯುನೊನೆ ಖಲಾಸ ಕರು ಕೈನ ಕೊಶಿಶ ಕರಾಡೊತೊ. ತಿನಾಹುತಿ ತೆ ಮ್ಹೊಟಾ ಯಾಜಕಕನ ಗೈನ,

ಅಪೊಸ್ತಲೊ 9:13

ತೆ ವಾತೆ ಅನನಿಯಾ - ಪ್ರಭು, ತೆ ಮನಕ್ಹ ಯೆರುಸೆಲಿಮಮಾ ತಾರಾ ಪರಿಶುದ್ಧ ಮನಕ್ಹೊನೆ ಕೆಕ್ಲು ಕೆಟ್ಟ ಕರ‍್ಯೊಸ ಕವಾನು ಮಿ ಮನಕ್ಹೊನಾ ಮ್ಹೊಡಾತೊ ಐಕ್ಯೊಸ.

ಅಪೊಸ್ತಲೊ 9:5

ತೆಳಾಮಾ ತೆ, ಪ್ರಭು ತು ಕುನ್ನ ವ್ಹೈ” ಕೈನ ಪುಚ಼ತಾಮಾ ತು ಕಿನೆ ತ್ರಾಸ ಕರಾಡೊಸ ದೆಕ ತೆ ಯೆಸುಜ಼ ಮಿ ವ್ಹೈ.

1 ಕೊರಿಂಥ 15:9

ಮಿ ತಬಿ ಅಪೊಸ್ತಲೊಮಾ ನ್ಹಾನೊ ವ್ಹೈ, ಅಪೊಸ್ತಲ ಕವಾನಾ ನಾಮನೆಬಿ ಲಾಯಕ ನತ್ತಿ. ಕಾಕದ್ಯಾಮ ಸಭೆವಾಲಾ ಮನಕ್ಹೊನೆ ತ್ರಾಸ ದಿದ್ಯೊ.

1 ಕೊರಿಂಥ 7:25

ಹಿವಾ ನೈ ಕರಿಲಿದಲ ಮನಕ್ಹೊನಾ ಹುತಿ ಹಮ್ನಾ ಮಿ ಬರ್ದಾಡೊಸ. ಇನಾಹುತಿ ಪ್ರಭುಕ್ಹು ಆಯಲ ಕಯುಜ಼ ನಿಯಮ ಮಕನ ನತ್ತಿ. ಪ್ರಭುನಿ ಕೃಪಾಕ್ಹು ಬರೊಕ್ಹಾನೆ ಯೊಗ್ಯ ಥಯಲ ಮನಕ್ಹ ನಿಂಗತ ಮಾರಾ ವಿಚಾರೊ ತುಮಾರಾ ಕ್ಹಾಮೊ ಮ್ಹೆಲುಸ.

ಗಲಾತ್ಯ 1:13

ಮಾರಿ ಪಾಚ಼ಲಿ ಜಿವಿತನಾ ಹುತಿ ತುಮೆ ಐಕ್ಯಾಸ. ಮಿ ಯಹುದಿ ಧರಮವಾಲೊ ವ್ಹತ್ತೊ. ಕ್ಹುದಾನಿ ಸಬೆನೆ ಮಿ ಘನ್ನೊ ತ್ರಾಸ ಕರ್ತೊತೊ. ಕ್ರೈಸ್ತ ರ‍್ಹಯಲ ಸಬೆನೆ ಹಾಳ ಕರಾನೆ ಕೊಶಿಶ ಕರ‍್ಯೊತೊ.

ಫಿಲಿಪ್ಪಿ 3:6

ಆಸಕ್ತಿ ದೆಕ್ಯಾಮ್ಮಾ ಮಿ ಕ್ರಿಸ್ತನಾ ಸಭೆನೆ ತರಾಸ ಕರಲವಾಲೊ ವ್ಹೈ, ಧರಮಶಾಸ್ತ್ರನಾ ನಿಯಮನಾ ಪ್ರಕಾರ ದೆಕ್ಯಾಮ್ಮಾ ಮಿ ತಪ್ಪ ನೈಸೊ ವ್ಹೈ.

1 ತಿಮೊತಿ 1:16

ತೆನೈಸೊ ಮನೆ ಮರಗಾ ಮಳಿ. ಯೆಸು ಕ್ರಿಸ್ತ ತಿನೆ ಘನ್ನು ತಡ್ದಿಲಿವಾನು ಮಾರಾಮಾ ದೆಕಾಡಾನಾ ಹುತಿ ಮನೆ ಮರಗಾ ದಿದ್ಯೊ. ಪಾಪಿಯೊಮಾ ಕ್ಹಾರಾತಿ ಮ್ಹೊಟೊ ಥಯಲ ಮನೆ ಕ್ರಿಸ್ತ ತಿನಿ ತಾಳ್ಮೆ ದೆಕಾಡ್ಯೊ. ಹಮೆಶಾನೊ ಜ಼ಲಮನಾ ಹುತಿ ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾ ಮನಕ್ಹೊನೆ ಮಿ ವಳಕ ಥೌ ಕೈನ ತೆ ಮನೆ ಮರಗ್ಯೊ.

ಇಬ್ರಿಯ 4:16

ತಿನಾಹುತಿ ಅಗಾ ಪಾಚಾ಼ ಕರ‍್ಯಾವಾಚಿ ತಿನಿ ಕೃಪಾ ಕವಾನಿ ಸಿಂಹಾಸನನಾ ನಜಿಕ ಧೈರ್ಯಕ್ಹು ಐಯೆ. ಅಪೊನೆ ಜರುರತ ರ‍್ಹತಾಮಾ ಅಪೊನೆ ಚಾ಼ಯೆ ಥಯಲ ಮದತ ಅಪೆ ತ್ಯಾ ಕೃಪಾ ವರಿ ಮರಗಾ ವ್ಹಂದಿಲಿಯೆಸ.

1 ಪೆತ್ರಾ 2:10

ಯಕ್ಕ ಕಾಲಮಾ, ತುಮೆ ಕ್ಹುದಾನಾ ಮನಕ್ಹೊ ನ್ಹೊತಾ. ತೆನೈಸೊ ಹಮ್ನಾ ತುಮೆ ಕ್ಹುದಾನಾ ಮನಕ್ಹೊ ಥಯಾಸ. ಪೈಲಾ ತುಮೆ ಮರಗಾ ಮಳಿ ನ್ಹೊತಿ. ತೆನೈಸೊ ಹಮ್ನಾ ತುಮೆ ಕ್ಹುದಾನಿ ಮರಗಾ ಮಳಿಸ್.