1 ತಿಮೊತಿ 1:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಹಮ್ಮಾರೊ ರಕ್ಷಕ ಥಯಲ ಕ್ಹುದಾ ವರಿ ಯೆಸುಕ್ರಿಸ್ತ ತೆ ಹಮಾರಾ ಕೈದಾನಿ ಆದೆಶಕ್ಹು ಪೌಲಾ ಥಯಲ ಯೆಸುಕ್ರಿಸ್ತನೊ ಅಪೊಸ್ತಲ ಥಯೊ.

1 ತಿಮೊತಿ 1:1 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 1:47

ಮಾರಿ ಆತ್ಮಾ ಮಾರೊ ರಕ್ಷಕ ಥಯಲ ಕ್ಹುದಾನಾ ಹುತಿ ಖುಶಿ ಥಯುಸ್ಸ.

ಲುಕ ಬರ್ದಲ ಸುವಾರ್ತಾ 2:11

ತೆ ಸುವೈ ಕದ್ಯಾಮ ಆಜ಼ನಾ ಟೈಮಮಾ ತುಮಾರಾ ಹುತಿ ದಾವಿದನಾ ಗಾಮ್ಮಾ ಯಕ್ಲೊ ರಕ್ಷಕ ಹುಟ್ಯೊಸ. ತೆ ಕರತಾ ಥಯಲ ಕ್ರಿಸ್ತ ವ್ಹೈ.

ಅಪೊಸ್ತಲೊ 9:15

ತೆನೈಸೊ ಕರ್ತಾ ತಿನೆ, ತು ಜಾ಼; ಮ್ಹೊಟಾ ಕಾಮನಾ ಹುತಿ ಮಿ ಸೌಲಾನೆ ಇನಿಲಿದ್ಯೊಸ. ತೆ ಮಾರಾ ಹುತಿ ರಾಜಾ಼ವೊನೆ ಯಹುದಿಯೊನೆ ವರಿ ಬಿಜಾ಼-ಬಿಜಾ಼ ಮನಕ್ಹೊವೊನೆಬಿ ತಿಳಸು ಕೈನ ಛೆ.

ರೊಮಾಪೂರ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಅಪೊಸ್ತಲ ಥಾವಾನಾ ಹುತಿ ಮನೆ ಬಲಾಯೊ. ಕ್ಹುದಾನಿ ಸುವಾರ್ತೆ ಕ್ಹಾರಾ ಮನಕ್ಹೊಕನ ಕವಾನಾ ಹುತಿ ಮನೆ ಇನಿಲಿದ್ಯೊ.

1 ಕೊರಿಂಥ 1:1

ಪೌಲಾ ಬರ್ದಾನು ಪತ್ರ. ಕ್ರಿಸ್ತ ಯೆಸುಮಾ ಅಪೊಸ್ತಲ ಥಾವಾನಾಹುತಿ ಮಿ ಕ್ಹುದಾನಾ ಚಿತ್ತನಿಂಗತ ಬಲಾಯಲವಾಲೊ ವ್ಹೈ. ಮಿ ಎ ಪತ್ರ ಕ್ರಿಸ್ತಮಾ ಅಪ್ನೊ ಭೈ ಥಯಲ ಸೊಸ್ಥೆನನಾ ಕ್ಹಾತೆ ಬರ್ದಾಡೊಸ.

1 ಕೊರಿಂಥ 9:17

ಮಿ ಸ್ವಂತ ಇಷ್ಟಾಕ್ಹು ಎ ಕಾಮ ಕರ‍ಲ ರ‍್ಹವತ್ತೊ ಕರೆಟ್ಟ ಇನಾಮ ದಿದ್ಯಾ. ತೆನೈಸೊ ಎ ಕಾಮ ಮನೆ ದಿದಲ ವ್ಹೈ ತಿನಾಹುತಿ ಕರತವ್ಯಕ್ಹು ಕರಾಡ್ಯೊಸ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

ಗಲಾತ್ಯ 1:1

ಅಪೊಸ್ತಲ ಥಯಲ ಪೌಲಾ ಮಿ ಬರ್ದಾನು ಪತ್ರ. ಮನೆ ಅಪೊಸ್ತಲ ಕೈನ ಇನಿಲಿದಲ ಮನಕ್ಹೊ ನ್ಹವೈ. ಮನೆ ಮನಕ್ಹೊ ಮೊಕ್ಲಲವಾಲಾ ನ್ಹವೈ. ಮನೆ ಅಪೊಸ್ತಲ ಕೈನ ಕರಲ ಕುನ ವ್ಹೈ ಕದ್ಯಾಮ, ಯೆಸು ಕ್ರಿಸ್ತ ವರಿ ಬಾ ಥಯಲ ಕ್ಹುದಾ ವ್ಹೈ. ಯೆಸುನೆ ಮರಲವಾಲಾವೊಮಾತೊ ಉಟಾಡಲವಾಲೊ ಕ್ಹುದಾಜ಼ ವ್ಹೈ.

ಗಲಾತ್ಯ 1:11

ಭಾಯೊ ಅಪೆ ಕದಲ ಸುವಾರ್ತೆ ಮನಕ್ಹೊಕಂತು ಆಯಲ ನ್ಹವೈ ಕೈನ ತುಮೊನೆ ಗ್ವತ್ತ ರ‍್ಹವಾದೆ.

ಕೊಲೆಸ್ಸೆ 1:27

ಎ ಮರ್ಮಾನಿ ಮಹಿಮಾ ಕೆಕ್ಲು ಛೆ ಕವಾನು ಬಿಜಾ಼ ಮನಕ್ಹೊನೆ ಕವಾನಾ ಹುತಿ ಕ್ಹುದಾ ಮನಸ ಕರ‍್ಯೊ.

2 ಥೆಸಲೊನಿಕ 2:16

ತುಮೆ ಕವಾನು ಚೊ಼ಕಿ ಸಂಗತಿಯೊ ವರಿ ಕರಾನು ಚೊ಼ಕು ಕಾಮೊಮಾ ತುಮೊನೆ ತಾಕತ ಆದರಣೆ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಬಾ ಥಯಲ ಕ್ಹುದಾ ತುಮೊನೆ ದಿವಾದೆ ಕೈನ ಹಮೆ ಪ್ರಾಥನಾ ಕರಿಯೆಸ. ಕ್ಹುದಾ ಹಮೊನೆ ಮಯಾ ಕರ‍್ಯೊ. ತೆ ತಿನಿ ಮರಗಾಕ್ಹು ಅಪೊನೆ ಚೊ಼ಕಿ ಆಸ ಹಮೆಶಾ ರ‍್ಹಯಲ ಆದರಣೆ ದಿದ್ಯೊ.

1 ತಿಮೊತಿ 1:12

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ಮಪರ ರ‍್ಹಯಲ ಬರೊಕ್ಹಾನಾ ಹುತಿ, ತಿನೆ ಸೆವಾ ಕರಾನೆ ಎ ಕಾಮ ಮನೆ ಮರಗಿನ ದಿದಲ ಹುತಿ ಮಿ ತಿನೆ ಸ್ತುತಿ ಕರುಸ. ತೆ ಮನೆ ತಾಕತ ದಿವಸ.

1 ತಿಮೊತಿ 2:3

ಎ ಚೊ಼ಕು ವ್ಹೈ ವರಿ ಅಪ್ನೊ ರಕ್ಷಕ ಥಯಲ ಕ್ಹುದಾನೆ ಎ ಪಸಂದ ವ್ಹೈ.

1 ತಿಮೊತಿ 2:7

ತಿನಾ ಹುತಿ ಸುವಾರ್ತೆ ಕವಾನಾ ಹುತಿ ಅಪೊಸ್ತಲೊ ಥಾವಾಹುತಿ ಯಹುದ್ಯೊ ನೈರ‍್ಹಯಲ ಮನಕ್ಹೊನೆ ಸುವಾರ್ತೆ ಕವಾಹುತಿ ಮನೆ ಇನಿಲಿದ್ಯೊ. ಎ ಕ್ಹರಿ ವ್ಹೈ ಎ ವಾತ ಸುಳ್ಳ ನ್ಹವೈ. ಕ್ಹರಿ ವಳಕಾದೆ ಕೈನ ಬರೊಕ್ಹೊ ಕರು ಕೈನ ಮಿ ತ್ಯುನೊನೆ ಸುವಾರ್ತೆ ಕದ್ಯೊ.

1 ತಿಮೊತಿ 4:10

ತಿನಾಹುತಿ ಅಪೆ ಕಷ್ಟಕ್ಹಾವಾಡಾಸ,ಪ್ರಯಾಸ ಕರಾಡಾಸ,ಕಾಕದ್ಯಾಮ್ಮ ಕ್ಹಾರಾ ಮನಕ್ಹೊನೆ, ವಿಶೆಷ ಕರಿನ ಬರೊಕ್ಹೊ ಕರಾವಾಲಾವೊನೆ, ರಕ್ಷಕ ಥಯಲ ಜ಼ಲಮ್ಮ ರ‍್ಹಯಲ ಕ್ಹುದಾನಾ ಉಪ್ಪರ ಹಮೆ ಬರೊಕ್ಹೊ ಮ್ಹೆಲಾಲಾ ಥಯಾಸ.

ತಿತನೆ 1:3

ಕರೆಟ್ಟ ಟೈಮ ಆತಾಮಾ ಕ್ಹುದಾ ತೆ ಹಮೆಶಾನೊ ಜ಼ಲಮ ಜಗತ್ನೆ ದೆಕಾಡಿನ ದಿದ್ಯೊ. ಮನೆ ವಪ್ಸಿನ ದಿದಲ ಎ ಸಂದೆಶ ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಆಗನ್ಯಾಲಿಂಗತ ಕವಾಡ್ಯೊಸ.

ತಿತನೆ 2:10

ತ್ಯುನೆ ಸಾಮನೊ ಚೊ಼ರಿ ಕರುನೈ ವರಿ ತ್ಯುನೆ ಬರೊಕ್ಹು ರ‍್ಹಯಲವಾಲಾ ವ್ಹೈ ಕೈನ ದೆಕಾಡಿನ ದಿವೊ. ಆಳೊ ಇಮ್ಮ ಚಾ಼ಲಿನ ಜಾ಼ತಾ ರ‍್ಹಯಾಮ, ತ್ಯುನೆ ಕರಾನಾ ಹರ ಯಕ್ಕ ಕಾಮಮಾ ಅಪ್ನೊ ರಕ್ಷಕ ಥಯಲ ಕ್ಹುದಾನು ಉಪದೆಶ ಚೊ಼ಕು ವ್ಹೈ ಕೈನ ದೆಕಾಡಾನೆ ಥಾವಸ.

ತಿತನೆ 2:13

ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.

ತಿತನೆ 3:4

ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಮಯಾ ಮರಗಾ ದಿಕ್ಹಾಡಿಸ.

ತಿತನೆ 3:6

ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪವಿತ್ರ ಆತ್ಮಾ ಅಪೊಪರ ರಿಚಾ಼ಯೊಸ.

1 ಪೆತ್ರಾ 1:21

ತುಮೆ ಕ್ರಿಸ್ತನಾ ಮುಲಕ ಕ್ಹುದಾನೆ ವಳಕ್ಯಾ. ಕ್ಹುದಾ ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಪಾಚಲ್ತೊ ಕ್ಹುದಾ ತಿನೆ ತಾಕತ ದಿದ್ಯೊ. ತಿನಾಹುತಿ ತುಮಾರೊ ಬರೊಕ್ಹೊ ವರಿ ಆಸ ಕ್ಹುಹುದಾಪರ ರ‍್ಹವಾದೆ.

1 ಪೆತ್ರಾ 1:3

ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.

2 ಪೆತ್ರಾ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಸಿಮೆಯೊನ ಪೆತ್ರಾ ಅಪ್ನಾ ಕ್ಹಾತೆ ಘನ್ನಾ ಮ್ಹೊಟಾ ಬರೊಕ್ಹಾಮಾ ರ‍್ಹಯಲ ಮನಕ್ಹೊನೆ ಬರ್ದಾನು ಪತ್ರ. ಅಪ್ನೊ ಕ್ಹುದಾ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತ ಕ್ಹರಿನೊ ರ‍್ಹಯಲ ಹುತಿ ತೆ ಬರೊಕ್ಹೊ ತುಮೊನೆ ಮಳ್ಯೊಸ. ತೆ ಯೊಗ್ಯ ರ‍್ಹಯಲಜ಼ ಕರಸ.

1 ಯೊಹಾನ 4:14

ಕ್ಹುದಾ ತಿನಾ ದಿಕ್ರಾನೆ ದುನಿಯಾನೆ ರಕ್ಷಕ ಕರಿನ ಮೊಕಲ್ಯೊ ಅಪೆ ದೆಕ್ಯಾಸ.

ಯುದ ಬರ್ದಲ ಪತ್ರ 1:25

ತೆಜ಼ ಯಕ್ಲೊ ಕ್ಹುದಾ ವ್ಹೈ. ಅಪೊನೆ ವಚಾ಼ಡಾಲೊ ವ್ಹೈ. ಆದಿಮಾ ರ‍್ಹಯಲ ಲಿಂಗತಜ಼ ಹಮ್ನಾಬಿ ವರಿ ಅಗೊಬಿ ಹಮೆಶಾಬಿ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ತಿನೆ ಪ್ರಭಾವ, ಮಹತ್ವ, ಆಧಿಪತ್ಯ ವರಿ ಅದಿಕಾರೊ ರ‍್ಹವಾದೆ. ಆಮೆನ.