19 ಪವಿತ್ರ ಆತ್ಮಾನು ಆಗ ಇಜ್ಜಾವೊ ನಕೊ.
ಜಿದ್ದಕರಾಲಾವೊ, ತುಮಾರು ಮನಸ್ಸ ವರಿ ಹತೊ ಚೊ಼ಕಾ ನೈ ರ‍್ಹಯಲಕ್ಹು ತುಮೆ ತಿನಿ ವಾತ ನೈ ಐಕಲಖು ವರಿ ಪವಿತ್ರಾತ್ಮ ತಮನೊನೆ ತಿಳಸಾವಾನಿ ವಿಷಯಮ್ಮಾ ತುಮೆ ಕೆಳಾಮಾಬಿ ವಿರುದ್ದ ಥೈನ ವ್ಹತ್ತಾ. ತಮಾರಾ ಪಿತೃವೊ ಅಮ್ಮಜ಼ ಕರ‍್ಯಾ ವರಿ ತುಮೆ ತ್ಯುನಾಲಿಂಗತ ಛೆ!
ಸಭೆಮಾ ಬೈಟಲ ಬಿಜೆಕ್ಲಾ ಮನಕ್ಹನೆ ಕ್ಹುದಾನಿ ಸಂದೆಶ ಮಳಿಮ, ಪೈಲಾ ಬೊಲಾಲೊ ತಿನಿ ವಾತ ಹುಬ್ರಾಡಾದೆ.
ಪವಿತ್ರ ಆತ್ಮಾನೆ ದುಖ ಕರೊ ನಕೊ. ತುಮೆ ಕ್ಹುದಾನೆ ಮಳಲವಾಲಾ ವ್ಹೈ ಕವಾನೆ ತೆಜ಼ ಕ್ಹುದಾನು ಪ್ರಮಾಣ ಥಯೊಸ ಕರೆಟ್ಟ ಟೈಮಮಾ ತುಮೊನೆ ಬಿಡುಗಡೆ ಕರುಸ ಕವಾನು ದೆಕಾಡಾನಾ ಹುತಿ ಕ್ಹುದಾ ತುಮೊನೆ ತಿನೆ ದಿದ್ಯೊ.
ತೆನೈಸೊ ಬರೊಕ್ಹೊ ಕವಾನಾ ಗುರಾಣಿನೆ ಧರಿಲಿವೊ. ಸೈತಾನನಾ ಆಗನಿಯೊ ಬಾಣೊ ಹುಬ್ರಾಡಾನೆ ತುಮೊನೆ ಇಕ್ಹು ಮದತ ಥಾವಸ.
ಪ್ರವಾದನೆನೆ ಹಿನಾವೊ ನಕೊ.
ತುಕನ ರ‍್ಹಯಲ ಮರಗಾನಿ ವರಾನೆ ತಿನೆ ಅಲಕ್ಷ ಕರೊ ನಕೊ ತೆ ವರಾ ತಮಾರಾ ಪ್ರವಾದಿ ಕರಲ ಹತ್ತ ವ್ಹೈ. ವರಿ ಮ್ಹೊಟಾ ಮನಕ್ಹೊಕ್ಹು ತಾರಾ ಉಪ್ಪರ ಹತ್ತ ಮ್ಹೆಲ್ಯಾಸ.
ಕ್ಹುದಾ ತುನೆ ಮರಗಿನ ದಿದಲ ವರದಾನ ತು ಶೆ ಕರಲ್ಯು ಕೈನ ಮಿ ಆಸ ಕರಾನು ಇನಾ ಹುತಿಜ಼ ವ್ಹೈ. ಮಿ ಮಾರಾ ಹತೊ ತುಪರ ಮ್ಹೆಲ್ತಾಮಾ ಕ್ಹುದಾ ತುನೆ ತೆ ವರದಾನ ದಿದ್ಯೊ. ತು ತೆ ವರದಾನನೆ ಜಿವ್ತೊ ಮ್ಹೆಲ.
