1 ಥೆಸಲೊನಿಕ 5:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಭಾಯೊ ವರಿ ಭೆನೊ, ಹಮೆ ತುಮೊಕನ ಮಾಂಗಿಲಿಯೆಸ,ಹಮ್ನಾ ತುಮೊಮಾ ಮ್ಹೈನತಕ್ಹು ಕಾಮ ಕರತಾ ತುಮೊನೆ ಪ್ರಭುನಿ ವಾಟಮಾ ಚ಼ಲಾವಾಲಾವೊನೆ ವರಿ ಉಪದೆಶ ಕರಾಲಾವೊನೆ ಮರ್ಯಾದಿ ದಿವೊ.

1 ಥೆಸಲೊನಿಕ 5:12 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 10:7

ತೆ ಘರಮಾ ರ‍್ಹೈನ ತ್ಯುನೆ ದಿವಾನು ಅನ್ನ ತುಮೆ ಖಾವೊ ವರಿ ತ್ಯುನೆ ದಿವಾನು ತುಮೆ ಪಿವೊ, ಕಾಮಕರಾಲೊ ಪಗಾರನೆ ಲಾಯಕ ವ್ಹೈ ತಿನಾಹುತಿ ತೆ ಘರ ಛೊಡಿನ ಬಿಜೆಕ ಘರಮಾ ಜಾ಼ವೊನಕೊ.

ಯೊಹಾನ 4:38

ತುಮೆ ನೈ ರಾಬಲ ಬೆಳಿ ಕಾಟಾನೆ ತುಮೊನೆ ಮೊಕ್ಲಾಡ್ಯೊಸ. ಬಿಜಾ಼ ರಾಬ್ಯಾ, ತೆನೈಸೊ ತ್ಯುನೆ ರಾಬಲ ಹುತಿ ತುಮೆ ಫೈದೊ ಖಾವೊಸಿ" ಕೈನ ಕದ್ಯೊ.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಅಪೊಸ್ತಲೊ 20:35

ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ.

ರೊಮಾಪೂರ 16:12

ತ್ರುಫೈನಳನೆ ತ್ರುಫೊಸಳನೆಬಿ ಮಾರು ನಮಸ್ಕಾರ ಕವೊ. ತ್ಯುನೆ ಪ್ರಭುನಾ ಹುತಿ ಘನ್ನು ತ್ರಾಸ ಖೈನ ಸೆವಾ ಕರ‍್ಯಾಸ. ಮಾರಿ ಮಯಾನಿ ಭೆನ ಥಯಲ ಪೆರಸಿಸಳನೆ ಮಾರಾ ನಮಸ್ಕಾರ ಕವೊ. ತೆಬಿ ಪ್ರಭುನಾ ಹುತಿ ಘನ್ನಿ ತ್ರಾಸ ಖೈನ ಸೆವಾ ಕರಾಡಾಸ.

ರೊಮಾಪೂರ 16:6

ಮರಿಯಳನಿ ಮಾರಿ ವಂದನಾ ಕವೊ. ತೆ ತುಮಾರಾ ಹುತಿ ಘನ್ನಿ ಕಷ್ಟಮಾ ಕಾಮ ಕರಿಸ.

1 ಕೊರಿಂಥ 12:28

ಕ್ಹುದಾ ತುಮಾರಾ ಸಭೆಮಾ, ಪೈಲಾ ಅಪೊಸ್ತಲೊನೆ, ಬೆವಾ ಪ್ರವಾದಿಯೊನೆ, ತನ್ವಾ ಮಾಸ್ತರೊನೆ ನೆಮಿಶೊಸ. ಪಾಚಲ್ತೊ ಪವಾಡ ಕರಾಲಾವೊನೆ, ರೊಗ ಅರಾಮ ಕರಾಲಾವೊನೆ, ಉಪಕಾರ ಕರಾಲಾವೊನೆ, ಸಭೆ ಚ಼ಲೈ ಲಿನ ಜಾ಼ವಾಲಾವೊನೆ, ಘನ್ನಾ ಭಾಷಾ ಬೊಲಾಲಾವೊನೆ ನೆಮಿಶೊಸ.

1 ಕೊರಿಂಥ 15:10

ಮಿ ಹಮ್ನಾ ಎ ಸ್ಥಿತಿಮಾ ರ‍್ಹವಾನು ಕ್ಹುದಾನಿ ಮರ್ಗಾಕ್ಹುಜ಼ ವ್ಹೈ. ತಿನಿ ಮರ್ಗಾ ಮಪರ ವ್ಯರ್ಥ ಥೈ ನೈ. ಮಿ ತ್ಯುನಾ ಕ್ಹಾರಾವೊತಿಬಿ ಹೆಚ್ಕಿ ಶ್ರಮಾ ಕರಿನ ಸೆವೆ ಕರ‍್ಯೊಸ. ತೆ ಕರಲವಾಲೊ ಮಿ ನ್ಹವೈ, ಮಾರಾಮಾ ರ‍್ಹವಾನಿ ಕ್ಹುದಾನಿ ಮರ್ಗಾಜ಼ ಕರಲ ವ್ಹೈ.

1 ಕೊರಿಂಥ 16:16

ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ಸೆವೆಮಾ ಹಮೊನೆ ಮದತ ಕರಾಲಾ ವರಿ ಕೊಶಿಶ ಕರಾಲಾ ಕ್ಹಾರಾ ಜ಼ನಾವೊನೆ ತುಮೆ ವಪ್ಸಿನ ದಿವೊ.

1 ಕೊರಿಂಥ 16:18

ತ್ಯುನೆ ಮಾರಿ ಆತ್ಮಾನೆ ವರಿ ತುಮಾರಿ ಆತ್ಮಾವೊನೆ ತಂಪ ಕರ‍್ಯಾಸತೊ. ಇಮ್ಮ ರ‍್ಹಯಲಕ್ಹು ಹವಾವೊನೆ ಗ್ವತ್ತ ಕರಿ ಲಿವೊ.

1 ಕೊರಿಂಥ 3:9

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

2 ಕೊರಿಂಥ 11:23

ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ..

2 ಕೊರಿಂಥ 5:9

ಕ್ಹುದಾನೆ ಮೆಚ್ಚೆಸಾನು ಯಕ್ಕಜ಼ ಅಪ್ನು ಉದ್ದೆಶ ವ್ಹೈ. ಅಪೆ ಅಪ್ನಾ ಅಂಗಮಾ ನ್ಹ್ಯಾ ರ‍್ಹತಾಮಾಬಿ ಪ್ರಭುನಾ ಕ್ಹಾತೆ ತ್ಯಾ ರ‍್ಹವಾನೆ ತಿನೆ ಮೆಚ್ಚೆಸಾನು ಯಕ್ಕಜ಼ ಉದ್ದೆಶ ವ್ಹೈ.

2 ಕೊರಿಂಥ 6:1

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ವ್ಹೈ. ಇನಾಹುತಿ ಹಮೆ ತುಮೊಕನ ಸು ಮಾಂಗಿಲಿಯೆಸ ಕದ್ಯಾಮ. ತುಮೆ ಕ್ಹುದಾಕಂತು ಹೊಂದಿಲಿದಲ ಕೃಪಾ ಉಪಯೊಗ ಥಾವಾ ವರಕ್ಹು ದೆಕಿಲಿವೊ.

ಗಲಾತ್ಯ 4:11

ತುಮಾರಿ ವಿಷಯಮಾ ಮನೆ ಭುಚ್ಕಾ಼ನೆ ವಾಟಾಡ್ಯುಸ. ತುಮಾರಾ ಹುತಿ ಮಿ ಕರಲ ಮ್ಹೈನತ ವ್ಯರ್ಥ ಥಾವಸ ಕೈನ ಮನೆ ಭೆಂ ಛೆ.

ಫಿಲಿಪ್ಪಿ 2:16

ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

ಫಿಲಿಪ್ಪಿ 2:19

ತಿನಾಹುತಿ ಮಿ ತಿಮೊಥಿನೆ ಜಲದಿಜ ತಮನೊಕನ ವಳೌ ಕೈನ ಕರ್ತಾ ಥಯಲ ಯೆಸುಮ್ಮಾ ಮಾಂಗಿಲ್ಯುಸ. ತಿನಾ ಮುಖಾಂತರ ತಮಾರ ಸಂಗತಿಯೊ ತಿಳ್ದಿನ ಮಿ ಆದರಣೆ ವ್ಹಂದ್ಯೊ.

ಕೊಲೆಸ್ಸೆ 1:29

ಮಾರಾಮಾ ಕಾಮಾ ಪುರಾ ಕರಾನು ಕ್ಹುದಾನಿ ತಾಕತಕ್ಹು ಇನಾಹುತಿಜ಼ ರಾಬುಸ.

1 ಥೆಸಲೊನಿಕ 2:9

ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.

1 ಥೆಸಲೊನಿಕ 4:1

ಲಾಸ್ಟಮಾ ಕವಾನು ಸು ವ್ಹೈ ಕದ್ಯಾಮ ಭಾಯೊ ವರಿ ಭೆನೊ, ಹಮ್ನಾ ತುಮೊನೆ ಬಿಜಿ಼ಯೊ ದಕ್ಹಿಯೊ ವಿಚಾರೊ ತಿಳಸುಸ. ಕ್ಹುದಾನೆ ಕಿಮ ಮೆಚ಼ಸಾನೆ ಜಿವ್ನಾ ಕರು ಕೈನ ತುಮೊನೆ ಶಿಕ್ಲಾಯಾಸ. ತುಮೆ ತಿನಾಲಿಂಗತಜ಼ ಜಿವ್ನಾ ಕರಾಡಾಸ. ತಿನಾಲಿಂಗತಜ಼ ಹಜು಼ನ ಹೆಚ್ಕಿ ನಜಿ಼ಕ ರ‍್ಹೈನ ಜಿವ್ನಾ ಕರು ಕೈನ ಹಮೆ ತುಮ್ನೊನೆ ಯೆಸುನಾ ನಾಮಪರ ಮಾಂಗಿಲಿಯೆಸ ವರಿ ಪ್ರೊತ್ಸಾಹ ಕರಿಯೆಸ.

1 ಥೆಸಲೊನಿಕ 5:14

ಮಾರಾ ಭಾಯೊ ವರಿ ಭೆನೊ, ಕಾಮ ಕರ‍್ಯಾವಾಚಿ ರ‍್ಹವಾಲಾ ಮನಕ್ಹೊನೆ ಹುಷಾರಕಿ ಕರೊ ಕೈನ ತುಮೊನೆ ಮಾಂಗಿಲಿಯೆಸ. ಭುಚಿ಼ಕಿನ ರ‍್ಹಯಲವಾಲಾವೊನಾ ಪ್ರೊತ್ಸಾಹ ಕರೊ; ತಾಕತ ನೈಸೊವಾಲಾವೊನೆ ಮದದ ಕರ; ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನ ಕ್ಹು ರ‍್ಹವೊ.

1 ತಿಮೊತಿ 5:1

ವೈಸ ಥಯಲ ಮನಕ್ಹೊನೆ ಸಿಟ್ಟೆ ಬೊಲ್ಯಾವಾಚಿ ತ್ಯುನೊನೆ ಬಾಪ ವ್ಹೈನ ತಿಳ್ದಿಲಿನ ತ್ಯುನಾ ಕ್ಹಾತೆ ಬೊಲ. ತಿನೆ ಮರ್ಯಾದಿ ದ್ಯು. ಕಾಕದ್ಯಾಮ ತ್ಯುನೆ ಯಕ್ಲಾಜ ಛೆ.

1 ತಿಮೊತಿ 5:20

ಪಾಪ ಕರಾಲಾ ಮನಕ್ಹೊನೆ ಸಭೆಮಾ ರ‍್ಹಯಲ ಮನಕ್ಹೊನಾ ಕ್ಹಾಮೊಜ಼ ಬರ್ಬಡ. ತೆಳಾಮಾ ಬಿಜಾ಼ವೊನೆಬಿ ಎಚ್ಚರಕಿ ಮಳಸ.

2 ತಿಮೊತಿ 2:6

ಮ್ಹೈನತಕ್ಹು ಕಾಮ ಕರಾಲಾ ರೈತನೆ ಬೆಳಿಮಾ ಪೈಲಾ ಪಾಲ ಮಳು.

ತಿತನೆ 1:3

ಕರೆಟ್ಟ ಟೈಮ ಆತಾಮಾ ಕ್ಹುದಾ ತೆ ಹಮೆಶಾನೊ ಜ಼ಲಮ ಜಗತ್ನೆ ದೆಕಾಡಿನ ದಿದ್ಯೊ. ಮನೆ ವಪ್ಸಿನ ದಿದಲ ಎ ಸಂದೆಶ ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಆಗನ್ಯಾಲಿಂಗತ ಕವಾಡ್ಯೊಸ.

ತಿತನೆ 1:5

ಹಜು಼ನ ಪುರಾ ನೈ ಥಯಲ ಕಾಮೊ ಪುರಾ ಕರಾಹುತಿ ಹರಿಯಕ್ಕ ಗಾಮ್ಮಾ ಸಬಾಪಾಲಕೊನೆ ಇನಿಲಿವಾನಾಹುತಿ ವರಿ ಉಪದೆಶ ಕವಾಹುತಿ ಮಿ ತುನೆ ತೆ ಜ಼ಗಾ ಛೊಡಿನ ಆಯೊ.

ತಿತನೆ 2:15

ಎ ಸಂಗತಿಯೊ ಮನಕ್ಹೊನೆ ತಿಳಸಾವಾನೆ ತುನೆ ಪುರಾ ಅದಿಕಾರ ಛೆ. ಮನಕ್ಹೊನೆ ತಾಕತವರ ಕರಾನೆ ಎ ಅದಿಕಾರ ಬಳಸಿನ, ತ್ಯುನೆ ಕರಾನು ತಿಳಸ. ತ್ಯುನೆ ಖಾಸ ಥಯಲವಾಲಾ ನ್ಹವೈ ಕೈನ ದೆಕ್ಹಲ.

ಇಬ್ರಿಯ 13:17

ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ‍್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ‍್ಹವಾನು ತುಮೊನೆ ಫೈದೊ ನತ್ತಿ.

ಇಬ್ರಿಯ 13:7

ತುಮೊನೆ ಕ್ಹುದಾನಿ ವಾಕ್ಯಾ ಕದಲ ತುಮಾರಾ ಸಬೆನಾ ಭೊದಕನೆ ಶೆಂ ಕರಿಲಿವೊ. ತ್ಯುನೆ ತ್ಯುನಿ ಜಿವನಮಾ ಕಿಮ್ಮ ಚಾ಼ಲಿನ ಗಯಾ ಕೈನ ತುಮೆ ಶೆಂ ಕರಿಲಿನ ತ್ಯುನಾ ಬರೊಕ್ಹಾನಾ ಲಿಂಗತ ಚಾ಼ಲಿನ ಜಾ಼ವೊ.

ಪ್ರಕಟನೆ 1:20

ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.

ಪ್ರಕಟನೆ 2:12

ಪೆರಗಮಾ ರ‍್ಹಯಲ ಸಬೆನಾ ದುತನೆ ಎ ಬರದ; "ಘನ್ನು ಚುಪ ರ‍್ಹಯಲ ತಲ್ವಾರ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಸ.

ಪ್ರಕಟನೆ 2:18

"ಥುವತೈರಮಾ ರ‍್ಹಯಲ ದುತನೆ ಎ ಕ್ಹಾರು ಬರದ" ಕ್ಹುದಾನೊ ದಿಕ್ರೊ ಎ ಸಂಗತಿಯೊ ಕವಸ. ಆಗ ಲಾಗಲ ಲಿಂಗತ ಉಜಾಲು ರ‍್ಹಯಲ ಡೊಳಾ ಮಿಂಚಾ಼ನು ತಾಂಬಾ ಲಿಂಗತ ಪಗೊ ರ‍್ಹಯಲವಾಲೊ, ತುನೆ ಎ ಕ್ಹಾರು ಕವಸ.

ಪ್ರಕಟನೆ 2:3

ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ.

ಪ್ರಕಟನೆ 2:8

ಸ್ಮುರನಮಾ ರ‍್ಹಯಲ ಸಬೆನಾ ದುತನೆ ಎ ಬರದ; ಆದಿಮಾ ವರಿ ಅಂತ್ಯಮಾ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಾಡ್ಯೊಸ. ಮರಿನ ಜಿವ್ತೊ ಥೈನ ಉಟಿನ ಆಯಲ ವಾಲೊ ತೆಜ಼ ವ್ಹೈ.

ಪ್ರಕಟನೆ 3:1

ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ.

ಪ್ರಕಟನೆ 3:14

ಲವೊದಿಕಿಯಾ ಸಬೆನಾ ದುತನೆ ಆ ಪತ್ರ ಬರದ; "ಆಮೆನ ಕವಾಲೊ ಕದ್ಯಾಮ ಬರೊಕ್ಹಾವಾಲೊ ಕ್ಹರಿನಿ ಸಾಕ್ಷಿ ಕ್ಹುದಾನಿ ಸೃಷ್ಟಿನೆ ಅದಿಪತಿ ಥಯಲವಾಲೊ ಕವಾನು ಸು ವ್ಹೈ ಕದ್ಯಾಮ;

ಪ್ರಕಟನೆ 3:7

ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.