1 ಥೆಸಲೊನಿಕ 4:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಕ್ಹುದಾ ಸ್ವರಗತೊ ಉತ್ರಿನ ಆವಸ. ಖಾಸ ದೆವದುತ ಕ್ಹುದಾನಿ ತುತ್ತುರಿನಾ ಕ್ಹಾತೆ ಆಗನ್ಯಾ ಕರಸ. ತೆಳಾಮಾಜ಼ ಕ್ರಿಸ್ತಮಾ ರ‍್ಹೈನ ಮರಲವಾಲಾ ಪೈಲಾ ಉಟಿನ ಆವಸ.

1 ಥೆಸಲೊನಿಕ 4:16 ပူးပေါင်းရင်းမြစ်များ

ಮತ್ತಾಯ 16:27

ಮನಕ್ಹನೊ ದಿಕ್ರೊ ತಿನಾ ಬಾನಿ ಮಹಿಮಾನಾ ಕ್ಹಾತೆ ತಿನಾ ದುತೊನಾ ಕ್ಹಾತೆ ಆವಸ. ತೆಳಾಮಾ ತೆ ಯಕೆಕ್ಲಾವೊನೆ ತೆ ಕರಲ ಕಾಮ ನಿಂಗತ ಪ್ರತಿ ಫಲ ದಿವಸ.

ಮತ್ತಾಯ 16:28

ತುಮೊನೆ ಕ್ಹರಿಜ಼ ಕೌಸ ನ್ಹ್ಯಾ ಹುಬ್ರಯಲವಾಲಾವೊಮಾ ದಕ್ಹಾ ಜ಼ನಾ ಮನಕ್ಹನೊ ದಿಕ್ರೊ ತಿನಾ ರಾಜ್ಯಮಾ ಆವಾನು ದೆಕೆ ಲಕ್ಕಾ ಮರ್ತಾಜ಼ ನೈ ಕದ್ಯೊ.

ಮತ್ತಾಯ 25:31

" ಎ ನಯಸೊ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಿ ಕ್ಹಾರಾ ದುತೊನಾ ಕ್ಹಾತೆ ಆತಾಮಾ ತಿನಿ ಮಹಿಮಾನಿ ಸಿಂಹಿಸನ್ಪರ ಬೈಟಸ,

ಮತ್ತಾಯ 26:64

ಯೆಸು ತಿನು ಜವಾಬ ದಿನ, ತು ಕವಾಡೊಸ; ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಇನಾ ಉಪ್ಪರ ಮನಕ್ಹನೊ ದಿಕ್ರೊ ಸರ್ವಶಕ್ತನಾ ಸಿದಾ ಬಗಲ ಬೈಟಲ ರ‍್ಹವಾನು, ಹಬಾಳನಾ ಉಪ್ಪರ ಬೈಟಿನ ಆವಾನು ದೆಕೊಶಿ ಕೈನ ಕದ್ಯೊ.

ಅಪೊಸ್ತಲೊ 1:11

"ಗಲಿಲಾಯವಾಲಾ ಕಾ ಹಬಾಳನೆಜ಼ ದೆಕ್ತಾ ಹುಬ್ರಯಾಸ? ಯೆಸು ತುಮಾರಾ ಡೊಳಾವೊನಾ ಕ್ಹಾಮೊ ಸ್ವರ್ಗನೆ ಕಿಮ್ಮ ಗಯೊ ತಿನಾ ಲಿಂಗತಜ಼ ವಾಪಸ ಆವಸ" ಕೈನ ಕದ್ಯಾ.

1 ಕೊರಿಂಥ 15:18

ಎನೈಸೊ ಕ್ರಿಸ್ತ ಯೆಸುಮಾ ಮರಲವಾಲಾ ಕ್ಹಾರಾ ಜ಼ನಾ ಹಾಳ ಥಯಾ ಕದಲ ಲಿಂಗತ ವ್ಹೈ.

1 ಕೊರಿಂಥ 15:20

ತೆನೈಸೊ ಕ್ರಿಸ್ತ ಪುನರುತ್ಥಾನ ಥೈನ ಆಯೊ. ಮರಲವಾಲಾವೊಮಾ ಪಸ್ಟ ಫಲ ಥಯೊ.

1 ಕೊರಿಂಥ 15:23

ಎ ಭಾಗ್ಯನೆ ಯಕೆಕ್ಲೊ ಕ್ರಮಬದ್ದ ತರಿಕಾಮಾ ಪಡ್ದಿಲಿವಸ. ಪಸ್ಟ ಫಲ ಥೈನ ಕ್ರಿಸ್ತ ಯೆಸುಜ಼ ಜಿವ್ತೊ ಥಯೊ. ಪಾಚಾ಼ತಾ, ಕ್ರಿಸ್ತ ಯೆಸುನೆ ಮಳಲವಾಲಾ ಯೆಸು ವರಿ ಯಕ್ಕೆಮ ಆತಾಮಾ ಜಿವ್ತಾ ಥಾವಸ.

1 ಥೆಸಲೊನಿಕ 1:10

ಕ್ಹುದಾನೊ ದಿಕ್ರೊ ಸ್ವರಗತೊ ಆವಾನು ದೆಕಾನಾ ಹುತಿ ತುಮೆ ಇಮ್ಮ ಕರ‍್ಯಾ. ಕ್ಹುದಾಜ಼ ತಿನಾ ದಿಕ್ರಾನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ತೆಜ಼ ಯೆಸು ವ್ಹೈ. ಅಗು ಥಾವಾನಿ ಕ್ಹುದಾನಿ ಶಿಟ್ಟನೊ ಫೈಸಲಾಕ್ಹು ತುಮೊನೆ ವಚಾ಼ಡಾಲೊ ಎಜ಼ ವ್ಹೈ.

1 ಥೆಸಲೊನಿಕ 3:11

ಹಮೆ ತುಮೊಕನ ಆವಾನಿ ವಾಟ ಸಿದಾ ಕರಾಹುತಿ ಹಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸುನೆ ಪ್ರಾಥನಾ ಕರಾಡಾಸ.

2 ಥೆಸಲೊನಿಕ 1:7

ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ.

2 ಥೆಸಲೊನಿಕ 2:1

ಮಾರಾ ಭಾಯೊ ಭೆನೊ, ಯೆಸು ಕ್ರಿಸ್ತ ಆವಾನಾ ಹುತಿ ತುಮೊನೆ ದಕ್ಹಿಯೊ ವಾತೊ ಕವಾನು ಛೆ. ಅಪೆ ಕ್ಹಾರಾ ಮಳಿನ ತಿನೆ ಮಳಾನು ದಿನ್ನಾ ಹುತಿ ತುಮಾರಾ ಕ್ಹಾತೆ ಕವಾನೆ ಆಸ ಛೆ.

2 ಪೆತ್ರಾ 3:10

ತೆನೈಸೊ ಕ್ಹುದಾ ದಿಕ್ಹಾನೊ ಟೈಮ ಚ್ವಟ್ಟೊ ಕಿಮ ಆವಸ ತಿಮ್ಮ ಆವಸ. ಹಬಾಳಮಾ ಮ್ಹೊಟಿ ಅವಾಜ಼ಕ್ಹು ಮಾಯಾ ಥಯಲಲಿಂಗತ ಹಬಾಳಮಾ ರ‍್ಹಯಲ ಕ್ಹಾರಿ ಸೃಶ್ಟಿಯೊ ಆಗಕ್ಹು ಹಾಳ ಥೈ ಜಾ಼ವಸ. ಆ ಜಗತ ವರಿ ತಿಮಾ ರ‍್ಹಯಲ ಕ್ಹಾರುಜ಼ ಆಗಕ್ಹು ಹಾಳ ಥೈಜಾ಼ವಸ.

ಯುದ ಬರ್ದಲ ಪತ್ರ 1:9

ಮ್ಹೊಟೊ ದೆವದುತ ರ‍್ಹಯಲ ಮಿಕಾಯಲಜ಼ ಖುದ್ದ ಇಮ್ಮ ಕರ‍್ಯೊ ನೈ. ಮೊಶೆನು ಮರಲ ಅಂಗ ಕಿನೆ ಮಳು ಕೈನ ಮಿಕಾಯೆಲ ಸೈತಾನನಾ ಹುತಿ ದೊಷಣೆ ಕರಾನೆ ಧೈರ್ಯಕರ‍್ಯಾವಾಚಿ" ಪ್ರಭುಜ಼ ತುನೆ ಶಿಕ್ಷಾ ದಿವಸ "ಕೈನ ಕದ್ಯೊ.

ಪ್ರಕಟನೆ 1:10

ಪ್ರಭುನಾ ದಿನ್ಮಾ ಪವಿತ್ರಮಾ ಆತ್ಮಾ ಮನೆ ಹತೊಟಿಮಾ ಲಿದ್ಯೊ. ತೆಳಾಮಾ ತಿನಾ ಪಾಚೊ಼ ಯಕ್ಕ ಮ್ಹೊಟಿ ಅವಾಜ಼ ಐಕ್ಯೊ. ತೆ ಅವಾಜ಼ ಬೊಂಗಾವೊನೆ ಅವಾಜ಼ ಲಿಂಗತ ವ್ಹತ್ತು.

ಪ್ರಕಟನೆ 1:7

ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ"

ಪ್ರಕಟನೆ 14:13

ಪಾಚಲ್ತೊ ಮಿ ಸ್ವರಗತೊ ಯಕ್ಕ ಆವಾಜ಼ ಐಕ್ಯೊ. ತೆ ಆವಾಜ಼ ಅಮ್ಮ ವ್ಹತ್ತು; "ಎ ಬರದ; ಆಜ಼ತಾ ಪ್ರಭುನಾ ಭಕ್ಕತೊ ಥೈನ ಮರಾಲಾ ಮನಕ್ಹೊ ಧನ್ಯ ವ್ಹೈ" ಹೊ ಎ ಕ್ಹರಿ ವ್ಹೈ. ತೆ ಮನಕ್ಹೊ ತ್ಯುನಾ ಕಷ್ಟನಾ ಕಾಮೊ ಕ್ಹರೈನ ಅರಾಮ ಕರಸ. ತ್ಯುನೆ ಕರಲ ಕ್ಹಾರು ತ್ಯುನಾ ಕ್ಹಾತೆ ರ‍್ಹವಸ" ಕೈನ ಪವಿತ್ರ ಆತ್ಮಾ ಕವಸ.

ಪ್ರಕಟನೆ 8:13

ಮಿ ದೆಕಲಲಿಂಗತ ವಾಯುಮಂಡಲಮಾ ಘನ್ನು ಉಚ್ಚಾ಼ಪರ ಯಕ್ಕ ಗರುಡ ಪಕ್ಕಷಿ ಉಡಾನು ಮಿ ದೆಕ್ಯೊ ತೆ ಪಕ್ಕಷಿ ಝೊರ ಅವಾಜ಼ ಕ್ಹು ತ್ರಾಸ! ತ್ರಾಸ! ಜಿಮಿನಪರ ರ‍್ಹಯಲ ಮನಕ್ಹೊನೆ ತ್ರಾಸ; ಬಿಜಾ಼ ತನ್ನ ದೆವದುತೊ ತ್ಯುನಿಯೊ ತುತ್ತುರಿಯೊ ವಜಾ಼ಡ್ತಾಮಾ ತ್ರಾಸ ಆವಾನು ಶುರು ಥಾವಸ ಕೈನ ಶುರು ಥಾವಸ ಕೈನ ವದ್ರಾನು ಐಕ್ಯೊ.

ಪ್ರಕಟನೆ 8:2

ಕ್ಹುದಾನಾ ಕ್ಹಾಮು ಕ್ಹಾತ ದೆವದುತ ಹುಬ್ರಯಲ ಮಿ. ದೆಕ್ಯೊ ತ್ಯುನೊ ನೆ ಕ್ಹಾತ ತುತ್ತುರಿಯು ದಿದ್ಯಾತಾ.