1 ಥೆಸಲೊನಿಕ 3:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತುಮಾರಾ ಮನಸೊಮಾ ಘಟ್ಟ ರ‍್ಹವಾದೆ ಕರಿನ ಇಮ್ಮ ಪ್ರಾಥನಾ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ತಿನಾ ಪವಿತ್ರ ಮನಕ್ಹೊನಾ ಕ್ಹಾತೆ ದಿಕ್ಹತಾಮಾ ತುಮೆ ಬಾ ಥಯಲ ಕ್ಹುದಾನಿ ಸನ್ನಿದಿಮಾ ಪರಿಶುದ್ಧ ವರಿ ತಪ್ಪ ನೈಸೊವಾಲಾಥೈನ ರ‍್ಹವೊಸಿ.

1 ಥೆಸಲೊನಿಕ 3:13 ပူးပေါင်းရင်းမြစ်များ

ಮತ್ತಾಯ 25:31

" ಎ ನಯಸೊ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಿ ಕ್ಹಾರಾ ದುತೊನಾ ಕ್ಹಾತೆ ಆತಾಮಾ ತಿನಿ ಮಹಿಮಾನಿ ಸಿಂಹಿಸನ್ಪರ ಬೈಟಸ,

ಮಾರ್ಕ 8:38

ಕ್ಹುದಾನೊ ಭೆ ನೈಸೊವಾಲಾ ಎ ಪಾಪಿ ದಿನೊಮಾ ಮಾರಾ ಹುತಿ ಮಾರಿಯೊ ವಾತೊಕ್ಹು ಕುನ್ನ ಸರಮಸ ತಿನೆ ಮನಕ್ಹನೊ ದಿಕ್ರೊ ತೆ ತಿನಾ ಬಾಪ್ನಿ ಮಹಿಮಾನಾ ಕ್ಹಾತೆ ಪರಿಶುದ್ಧ ದುತೊನಾ ಕ್ಹಾತೆ ಆತಾಮಾ ತಿನಾ ಹುತಿ. ತೆ ಸರಮಸ ಕದ್ಯೊ.

ಲುಕ ಬರ್ದಲ ಸುವಾರ್ತಾ 1:6

ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ.

ರೊಮಾಪೂರ 14:4

ತು ಬಿಜೆ಼ಕ್ಕಲಾ ಮನಕ್ಹನಾ ಸೆವಕನೆ ಫೈಸಲೊ ಕರಾಲೊ ತು ಕುನ ವ್ಹೈ? ತೆ ಕರತೊ ರ‍್ಹಯಲ ಚೊ಼ಕು ವ್ಹೈಸು ನೈತೊ ಕೆಟ್ಟ ವ್ಹೈಸು ಕವಾನು ತಿನೊ ಸ್ವಂತ ಮಾಲಕಜ಼ ಫೈಸಲೊ ಕರಸ. ವರಿ ತ್ಯುನೆ ಕರೆಟ್ಟಜ಼ ರ‍್ಹವಸ, ಕಾಕದ್ಯಾಮ ಪ್ರಭು ತ್ಯುನೊನೆ ಸಫಲ ಕರಾನೆ ಶಕ್ತ ಥಯೊಸ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

1 ಕೊರಿಂಥ 15:23

ಎ ಭಾಗ್ಯನೆ ಯಕೆಕ್ಲೊ ಕ್ರಮಬದ್ದ ತರಿಕಾಮಾ ಪಡ್ದಿಲಿವಸ. ಪಸ್ಟ ಫಲ ಥೈನ ಕ್ರಿಸ್ತ ಯೆಸುಜ಼ ಜಿವ್ತೊ ಥಯೊ. ಪಾಚಾ಼ತಾ, ಕ್ರಿಸ್ತ ಯೆಸುನೆ ಮಳಲವಾಲಾ ಯೆಸು ವರಿ ಯಕ್ಕೆಮ ಆತಾಮಾ ಜಿವ್ತಾ ಥಾವಸ.

ಗಲಾತ್ಯ 1:4

ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.

ಎಫೆಸ 5:27

ಮಹಿಮಾನೆ ತಯ್ಯಾರ ರ‍್ಹಯಲ ಜಾಂಜಿಮಾನ ಲಿಂಗತ ರ‍್ಹವಾನಿ ಸಭೆ ತಿನೆ ದಿವ ಕೈನ ತೆ ಜ಼ಲಮ ದಿದ್ಯೊ. ಸಭೆ ದೊಶ ನೈಸೊ ಶುದ್ಧ ರ‍್ಹೌ ಕೈನ ವರಿ ಕೆಟ್ಟತನಾ ರ‍್ಹವಾದೆ ಪಾಪ ರ‍್ಹವಾದೆ ತೆನೈಸೊ ಬಿಜು಼ ಕಯುಜ಼ ತಪ್ಪ ರ‍್ಹವಾದೆ ಸಭೆಮಾ ರ‍್ಹೌ ನೈ ಕೈನ ತೆ ಜ಼ಲಮ ದಿದ್ಯೊ.

ಫಿಲಿಪ್ಪಿ 1:10

ಚೊಕ್ಹು ಕೆಟನು ವಳಕಾನು ಫರಕ ಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ.

ಕೊಲೆಸ್ಸೆ 1:22

ಹಮ್ನಾತೊ ಕ್ಹುದಾ ತುಮೊನೆ ಯೆಸು ಕ್ರಿಸ್ತನಾ ಅಂಗನಾ ಮರಣನಾ ಮುಲಕ ವಪ್ಪಂದ ಕರಿಲಿದ್ಯೊಸ. ಕ್ಹುದಾ ತಿನಿ ಸನ್ನಿಧಿಮಾ ತುಮೊನೆ ಪರಿಶುದ್ಧ ಕರಿನ, ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ಹುಬ್ರಾಡು ಕೈನ ಕ್ಹುದಾ ಇಮ್ಮ ಕರ‍್ಯೊ.

1 ಥೆಸಲೊನಿಕ 2:19

ಯೆ ಥಯಲ ಪರ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ಆಯಲಪರ ಹಮೆ ತಾರಿಫ ಕರಲಿವಾನಿ ಹಮಾರಿ ಆಸ, ಹಮಾರಿ ಖುಶಿ, ಹಮಾರಿ ಕಿರಿಟ ತುಮೆಜ಼ ವ್ಹೈ.

1 ಥೆಸಲೊನಿಕ 3:11

ಹಮೆ ತುಮೊಕನ ಆವಾನಿ ವಾಟ ಸಿದಾ ಕರಾಹುತಿ ಹಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸುನೆ ಪ್ರಾಥನಾ ಕರಾಡಾಸ.

1 ಥೆಸಲೊನಿಕ 3:2

ಅಪೆ ಅಪ್ನಾ ಕ್ರಿಸ್ತನಾ ಬರೊಕ್ಹೊಮ್ಮಾ ವರಿ ಕ್ಹುದಾನಾ ಹುತಿ ಹಮಾರೊ ಭೈ ವ್ಹೈ. ತೆ ಕ್ಹುದಾನಾ ಹುತಿ ಹಮಾರಾ ಕ್ಹಾತೆ ಕಾಮ ಕರಾಡ್ಯೊಸ. ಕ್ರಿಸ್ತನಾ ವಿಷಯನಿ ಸುವಾರ್ತೆ ಮನಕ್ಹೊನೆ ತಿಳ್ಸಾವಾನೆ ಹಮೊನೆ ಮದತ ಕರಾಡ್ಯೊಸ. ತುಮಾರೊ ಬರೊಕ್ಹೊನಾ ಘಟ್ಟ ಕರಾನೆ ವರಿ ತುಮೊನೆ ಖುಶಿ ಕರಾನೆ ತಿಮೊಥೆನೆ ವಳಾಯಾಸ.

1 ಥೆಸಲೊನಿಕ 4:15

ಹಮ್ನಾ ಹಮೆ ತುಮೊನೆ ಕವಾನು ಪ್ರಭುನು ಸಂದೆಶಜ಼ ವ್ಹೈ. ಪ್ರಭು ವರಿ ಆತಾಮಾ ಹಮ್ನಾ ಜಿವ್ತಾ ರ‍್ಹಯಲವಾಲಾ ಅಪೆ ಹಜು಼ನಬಿ ಜಿವ್ತಾ ರ‍್ಹಯಾಮ ಅಪೆ ಪ್ರಭುನಾ ಕ್ಹಾತೆ ರ‍್ಹಯೆಸ. ವರಿಬಿ ಪೈಲಾ ಮರಲವಾಲಾವೊತಿಬಿ ಅಪೆ ಪಾಚಾ಼ ರ‍್ಹಯೆಸ.

1 ಥೆಸಲೊನಿಕ 4:17

ಪಾಚಾ಼ತಾ, ಜಿವ್ತಾ ರ‍್ಹಯಲವಾಲಾ ಅಪೆ ಮರಲ ವಾಲಾವೊನಾ ಕ್ಹಾತೆ ಯಕ್ಕ ಥೈನ ರ‍್ಹಯೆಸ. ಪ್ರಭುನೆ ಮ್ಹಾಡಮಾ ತಿನಾ ಕ್ಹಾಮಾ ರ‍್ಹವಾನೆ ಅಪೊನೆ ಮೆಘಮಾ ಉಚೈಲಿಂಜಾ಼ವಸ. ಇಮ್ಮ ಅಪೆ ಹಮೆಶಾಬಿ ಪ್ರಭುನಾ ಕ್ಹಾತೆ ರ‍್ಹಯೆಸ.

1 ಥೆಸಲೊನಿಕ 5:23

ಶಾಂತಿಕ್ಹು ರ‍್ಹಯಲ ಕ್ಹುದಾ ತೆಜ಼ ತುಮೊನೆ ಕ್ಹಾರಿ ತರಾಕ್ಹು ಶುದ್ಧ ಕರಾದೆ ಕೈನ ಪ್ರಾಥನಾ ಕರಿಯೆಸ. ಪ್ರಭು ಥಯಲ ಯೆಸು ಕ್ರಿಸ್ತ ಅಪೊನೆ ದಿಕ್ಹತಾಮಾ ತುಮಾರಿ ಆತ್ಮಾ, ಅಂಗ, ಜ಼ಲಮ, ಸುಜ಼ ಕೆಟ್ಟ ರ‍್ಹಯೆ ನೈಸೊ ಪ್ರಾಥನಾ ಕರಿಯೆಸ.

2 ಥೆಸಲೊನಿಕ 1:10

ಪ್ರಭು ಥಯಲ ಯೆಸು ದಿಕ್ಹ್ತಾಮಾ ಎ ಕ್ಹಾರು ಥಾವಸ. ತೆ ತಿನೆ ಮಳಾನು ರ‍್ಹಯಲ ವೈಭವ ಸ್ವಿಕಾರ ಕರಾನೆ ತಿನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ದಿಕ್ಹಸ. ನಂಬಲ ಮನಕ್ಹೊ ತಿನೆ ದೆಕಿನ ಘಾಬ್ರಾ ಥಾವಸ. ಹಮೆ ಕದಲ ನಂಬಲವಾಲಾ ತುಮೆ ವಿಸ್ವಾಸಿಯೊನಾ ಕ್ಹಾತೆ ರ‍್ಹವೊಸಿ.

2 ಥೆಸಲೊನಿಕ 1:7

ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ.

2 ಥೆಸಲೊನಿಕ 2:1

ಮಾರಾ ಭಾಯೊ ಭೆನೊ, ಯೆಸು ಕ್ರಿಸ್ತ ಆವಾನಾ ಹುತಿ ತುಮೊನೆ ದಕ್ಹಿಯೊ ವಾತೊ ಕವಾನು ಛೆ. ಅಪೆ ಕ್ಹಾರಾ ಮಳಿನ ತಿನೆ ಮಳಾನು ದಿನ್ನಾ ಹುತಿ ತುಮಾರಾ ಕ್ಹಾತೆ ಕವಾನೆ ಆಸ ಛೆ.

ಯಾಕೊಬ 5:8

ಪೌಲ ತಾಳ್ಮೆ ತೆನ. ಪೌಲ ಆದರಣೆ ಅಪೆ ಐನ ನೈ ನಕೊ. ಪ್ರಭು ಯೆಸು ಪಾಟೆ ಆವಾನು ಛೆ ಕೈನ.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.

ಯುದ ಬರ್ದಲ ಪತ್ರ 1:14

ಆದಾಮತೊ ಕ್ಹಾತ್ವಾ ಮಾತಾನೊ ರ‍್ಹಯಲ ಹನೊಕ ಎ ಮನಕ್ಹೊನಾ ಹುತಿ ಅಮ್ಮ ಕದ್ಯೊಸ; "ದೆಕೊ, ಲಾಕೊಶಿ ತಿನಾ ಪರಿಶುದ್ಧ ದುತೊನಾ ಕ್ಹಾತೆ ಆವಾಡ್ಯೊಸ.

ಯುದ ಬರ್ದಲ ಪತ್ರ 1:24

ತೆ ತಾಕತವರ ಥಯೊಸ. ತುಮೆ ಪಡೆನೈಸೊ ತೆ ತುಮೊನೆ ಮದದತ ಕರಸ. ತೆ ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ತಿನಿ ಮಹಿಮಾನಿ ಸನ್ನಿಧಿಮಾ ಲಾವಾನೆ ತುಮೊನೆ ಘನ್ನಿ ಮ್ಹೊಟಿ ಖುಶಿ ದಿವಾನೆ ಶಕ್ತ ಥಯೊಸ.