1 ಥೆಸಲೊನಿಕ 2:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಹೊ, ಯೆಹುದಿ ನೈಸೊ ಮನಕ್ಹೊ ರಕ್ಷಣೆ ದಿವಾನಿ ಸುವಾರ್ತೆ ಅಪೆ ಕಯೆನೈಸೊ ಅಪೊನೆ ತಡ್ದಾನೆ ತ್ಯುನೆ ಕೊಶಿಶ ಕರಾಡಾಸ. ಇಮ್ಮ ತ್ಯುನೆ ತ್ಯುನಾ ಪಾಪೊನೆ ಹಜು಼ನ ದಕ್ಹಾ ಪಾಪೊಕ್ಹು ಘಡೊ ಭರಿನ ಆಯೊಸ. ಲಾಸ್ಟೆ ಕ್ಹುದಾನಿ ಶಿಟ್ಟ ತ್ಯುನಾ ಉಪ್ಪರ ಆವಸ.

1 ಥೆಸಲೊನಿಕ 2:16 ပူးပေါင်းရင်းမြစ်များ

ಮತ್ತಾಯ 12:45

ತೆಳಾಮಾ ತೆ ಕೆಟ್ಟ ಆತ್ಮಾ ಗೈನ ತಿನಾತಿಬಿ ಕೆಟ್ಟ ರ‍್ಹಯಲ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈ ಲಾವಸ. ತೆ ಕೆಟ್ಟ ಆತ್ಮಾವೊ ತೆ ಮನಕ್ಹನಾ ಅಂಗಮಾ ಗೈನ ತ್ಯಾ ರ‍್ಹವಾನು ಶುರು ಕರಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಜಾಸ್ತ ತ್ರಾಸ ಥಾವಸ. ಎ ದಿನ್ನೊಮಾ ರ‍್ಹಯಲ ಕೆಟ್ಟ ಮನಕ್ಹೊನೆ ಇನಾಲಿಂಗತಜ಼ ಥಾವಸ ಕದ್ಯೊ.

ಮತ್ತಾಯ 23:32

ಚೊ಼ಕು ವ್ಹೈ, ತುಮೆ ತುಮಾರಾ ಶಾನಾವೊನು ಪಾಪನಿ ಅಳತಿ ಪುರಾ ಕರೊಸಿ.

ಮತ್ತಾಯ 24:14

ಯಕ್ಲುಜ಼ ನೈಸೊ ರಾಜ್ಯನಿ ಎ ಸುವಾರ್ತೆ ಕ್ಹಾರಿಜ಼ ದುನಿಯಾಮಾ ಕ್ಹಾರಾ ಮನ್ಕಹೊನೆ ಸಾಕ್ಷಿನಾಹುತಿ ಪೈಲಾವಸ; ತೆಳಾಮಾ ಅಂತ್ಯಕಾಲ ಅವಸ.

ಮತ್ತಾಯ 24:6

ಯಕ್ಲೊಜ಼ ನೈಸೊ ಯುದ್ದೊ ಥಾವಾನಿಯೊ ವಳಕ ಸುದ್ದಿಯೊ ತುಮೆ ಐಕೊಶಿ. ಕಳವಳಥಯಾವಾಚಿ ದೆಕಿಲಿವೊ, ಇಮ್ಮ ಥಾವಾನು ಜ಼ರುರತ್ತ ಛೆ. ವರಿಬಿ ತೆ ಅಂತ್ಯಕಾಲ ನ್ಹವೈ.

ಮತ್ತಾಯ 3:12

ತೆ ಬಿಯ್ಯಾವೊನೆ ಸ್ವಚ್ಛ ಕರಾನೆ ತಯ್ಯಾರ ಥಯೊಸ. ತೆ ಬಿಯ್ಯಾವೊನೆ ಕೊಂಡಾವೊಕ್ಹು ಜುದೊ ಕರಿನ ಚೊ಼ಕಾ ಬಿಯ್ಯಾವೊನೆ ಕಣಜಮಾ ಭರೈನ ಕೊಂಡಾವೊನೆ ನೈ ಇಜ್ಜಾ಼ವಾನಿ ಆಗಮಾ ಬಾಳಿ ಪಡಸ” ಕೈನ ಕದ್ಯೊ.

ಮಾರ್ಕ 16:16

ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.

ಅಪೊಸ್ತಲೊ 13:45

ಇನೆ ದೆಕಿನ ಯಹುದಿಯೊನೆ ಘನ್ನು ಅಸೈ ಥಯು. ತ್ಯುನೆ ಪೌಲಾನಾ ವಾತಾ ದೊಶ ಕರಿನ ತಿನೆ ವಿರುದ್ದ ವಾದ-ವಿವಾದ ಕರ‍್ಯಾ.

ಅಪೊಸ್ತಲೊ 13:50

ತೆನೈಸೊ ಯೆಹುದಿಯೊ ದಕ್ಹಾ ಧಾರ್ಮಿಕ ಬಾಕ್ಡಿಯೊನೆ ಗಾಮನಾ ನಾಯಕೊನೆ ಪ್ರೊತ್ಸಾಹ ಕರಿನ, ಪೌಲಾ ಬಾರ್ನಬನಾ ಉಪ್ಪರ ತ್ಯುನೆ ಶಿಟ್ಟ ಥಾಯೆ ಲಿಂಗತ ತ್ಯುನೊನೆ ವಿರೊದಿಯೊ ಥಾಯೆ ಲಿಂಗತ ಕರಿನ ಪೌಲಾ ಬಾರ್ನಬನೆ ಗಾಮತಾ ಭಾರಾ ಘಾಲ್ಯಾ.

ಅಪೊಸ್ತಲೊ 14:19

ಪಾಚಾ಼ತಾ ದಕ್ಹಾ ಯೆಹುದಿಯೊ ಅಂತಿಯೊಕ್ಯತಾ ವರಿ ಇಕೊನಿಯತಾ ಐನ ಪೌಲಾನೆ ವಿರುದ್ದ ಮನಕ್ಹೊನೆ ಭಡಕೈನ ಪೌಲಾನೆ ದಗ್ಡಾ ನಾಕಿನ, ತೆ ಮರ‍್ಯೊ ಕೈನ ತಿಳ್ದಿಲಿನ ಗಾಮತಾ ಭಾರಾ ಜಗ್ಗಿನ ಕಾಡ್ಯಾ.

ಅಪೊಸ್ತಲೊ 14:2

ತೆನೈಸೊ ಯೆಹುದಿಯೊಮಾ ನೈ ಬರೊಕ್ಹೊ ಕರಲ ದಕ್ಹಾ ಯೆಹುದಿ ನೈಸೊವಾಲಾವೊನೆ ಮನಸ ಭಾಯೊನೆ ವಿರುದ್ದ ಥೈನ ಮನಕ್ಹೊನೆ ಕದ್ರೈನ ಕೆಡ್ಸಿ ಪಡ್ಯಾ.

ಅಪೊಸ್ತಲೊ 14:5

ಯೆಹುದಿಯೊ ನೈಸೊಲಾವಾವೊಮಾ ವರಿ ಯೆಹುದಿಯೊಮಾ ದಕ್ಹಾ ತ್ಯುನಾ ನಾಯಕೊನಾ ಕ್ಹಾತೆ ಮಳಿನ ಅಪೊಸ್ತಲೊನೆ ದಗ್ಡಾ ನಾಕಿನ ಖಲಾಸ ಕರು ಕೈನ ವ್ಹತ್ತಾ.

ಅಪೊಸ್ತಲೊ 17:13

ವರಿ ಪೌಲಾ ಬೆರೆಯೊಮಾಬಿ ಕ್ಹುದಾನಿ ವಾಕ್ಯ ಪ್ರಸಿದ್ದಿಪಡಿಸಾನಾಹುತಿ ವರ್ತಮಾನಬಿ ಥೆಸೆಲೊನಿಕನಾ ಯಹುದಿಯೊನೆ ಗ್ವತ್ತ ಥಾತಾಮಾ ತ್ಯುನೆ ತ್ಯಾ ಐನ ಮನಕ್ಹೊನಾ ಗುಂಪನೆ ಪ್ರಚೊದ ಕರಿನ ತಡಾಯಾತಾ.

ಅಪೊಸ್ತಲೊ 19:9

ದಕ್ಹಾ ಮನಕ್ಹೊ ತ್ಯುನಾ ಮನಸಮಾ ಕಟಿನ ಕರಲಿನ ವರಿ ನಂಬ್ಯಾ ನೈ ಗುಂಪ ಕರಿನ ಮನಕ್ಹೊನ ಕ್ಹಾಮಾ ಆ ವಾಟ ಕೆಟ್ಟ ಛೆ ಕವಾನೆ ತಿನಾಹುತಿ ಪೌಲಾ ತ್ಯುನೊನೆ ಛೊಡಿನ ಗೈನ ಶಿಷ್ಯಾವೊನೆ ಬಿಜಾ಼ ಕರಿನ ತುರನ್ನ ಕವಾನಿ ಶಿಕ್ಲಾವೊನಿ ಕ್ಹೊಲಿಮಾ ತಿನಾಹುತಿ ತರ್ಕಸಾಲಿಮಾಕದ್ಯೊ

ಅಪೊಸ್ತಲೊ 21:21

ತುಮೆ ಯೆಹುದಿಯೊ ನೈಸೊ ಮನಕ್ಹೊನಾ ವಚ್ಮಾ಼ ರ‍್ಹಯಲಕ್ಹು ಯಹುದಿಯೊನೆ ತುಮೆ ತಮಾರಾ ಬಚಾವೊನೆ ಖತ್ನಾ ಕರೊನಕೊ. ತಮಾರಿ ಪದ್ದತಿ ಕರಿನ ನಕೊ ಚಾ಼ಲೊ ಕೈನ ಕದ್ಯೊ ಮೊಶೆನಾ ಧರಮಶಾಸ್ತ್ರನೆ ಕೆಡಸೊ ನಕೊಕೈನ ಬೊದನೆ ಕರಾಡೊತೊ ಕೈನ ಕದ್ಯಾ.

ಅಪೊಸ್ತಲೊ 23:12

ಪಾಟ ಥಯಲಪರ ಯೆಹುದಿಯೊ ಮ್ಹೈ ವಿಚಾರ ಕರಿನ ಹಮೆ ಪೌಲಾನೆ ಖಲಾಸ ಕರೆಲಕ್ಕಾ ಅನ್ನ ಪಾನಿ ನೈ ಮುಟತ್ತಾ ಕರಿನ ಕ್ಹಮ ಘಾಲ್ಯಾ.

ಅಪೊಸ್ತಲೊ 24:9

ತೆಳಾಮಾ ಯಹುದಿಯೊ ವಕಿಲನಾ ಕ್ಹಾತೆ ಮಳಿನ ಸಂಗತಿಯೊ ಕ್ಹರಿ ವ್ಹೈ ಕೈನ ತ್ಯುನೆ ತೆ ದೊಶಾರೊಪಣೆ ಕರಾಲಾವೊನಾ ಕ್ಹಾತೆ ಮಳ್ಯಾ.

ಅಪೊಸ್ತಲೊ 25:2

ತ್ಯಾ ಖಾಸ ಯಾಜಕವೊ, ಯೆಹುದಿಯೊನಾ ಮ್ಹೊಟಾ ತಿನೆ ಪೌಲಾನಾ ಉಪ್ಪರ ತಪ್ಪಕೈನ ಯೆರುಸಲೆಮ್ಮಾ ವಳೌ ಕೈನ ಫೆಸ್ತ ಕನ ಮಾಂಗಿಲಿದ್ಯಾ,

ಅಪೊಸ್ತಲೊ 25:7

ತೆ ಆತ್ತಾ ಟೆಮ್ಮಾ ಯೆರುಸಲೆಮಾತ್ತಾ ಆಯೆಲ ಯೆಹುದಿಯೊ, ತಿನಾ ಸುತ್ತೆ ಹುಬರೈನ ತ್ಯುನೆ ಸಾಬಿತ ನೈಥಯಲ ಘನ್ನಾ ಮ್ಹೊಟಾ ಮ್ಹೊಟಾ ತಪ್ಪೊ ಘಾಲತ್ತಾ ಟೆಮ್ಮಾ, ತ್ಯುನೊನೆ ತೆ ಯಕ್ಕಬಿ ಸಾಬಿತ ಕರಾನೆ ಥೈಯು ನೈ.

ಅಪೊಸ್ತಲೊ 4:12

ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ‍್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.

ಅಪೊಸ್ತಲೊ 9:23

ಘನ್ನಾ ದಿನ್ನೊ ಥಯಲ್ಪರ ಯಹುದಿಯೊ ಸೌಲನೆ ಖಲಾಸ ಕರು ಕೈನ ವಿಚಾರ ಕರಿಲಿದ್ಯಾ.

1 ಕೊರಿಂಥ 10:33

ಮಿ ತಬಿ ಮಾರಾ ಸ್ವಂತ ಚೊ಼ಕಾನಾ ಹುತಿ ವಿಚಾರ ಕರ‍್ಯಾವಾಚಿ ಕ್ಹಾರಾ ಜ಼ನಾವೊನಾ ಉದ್ಧಾರನಾ ಹುತಿ ತ್ಯುನು ಚೊ಼ಕು ಆಸ ಕರಿನ, ಕ್ಹಾರಾವೊನೆ ಕ್ಹಾರಾಮಾ ಮೆಚ್ಚಿಸಾನೆ ಕೊಶಿಶ ಕರುಸ.

ಗಲಾತ್ಯ 5:11

ಮಾರಾ ಭಾಯೊ ವರಿ ಭೆನೊ, ಮನಕ್ಹೊ ಸುನ್ನತಿ ಕರೈಲ್ಯುಕೈನ ಮಿ ಭೊದನೆ ಕರತೊ ನೈ. ಸುನ್ನತಿ ಜ಼ರುರತನಾ ಹುತಿ ಉಪದೆಶ ಕರಾಲೊ ರ‍್ಹವತ್ತೊ, ಮಿ ಹುಜು಼ನಬಿ ತ್ರಾಸಮಾ ಕಾ ಛೆ? ಮನಕ್ಹೊ ಸುನ್ನತಿ ಕರೈಲ್ಯುಕೈನ ಮಿ ಹಜು಼ನಬಿ ಉಪದೆಶಕರತೊ ರ‍್ಹವತ್ತೊ, ಶಿಲುಬಿನಾ ಹುತಿ ಮಾರಿ ಭೊದನೆನೆ ಅಡ್ಡಿ ಥಾತುಜ಼಼ ನೈ.

ಎಫೆಸ 3:13

ಇಮ್ಮ ರ‍್ಹತಾಮಾ ಮಿ ತುಮಾರಾ ಹುತಿ ಆವಾನಾ ತ್ರಾಸೊ ದೆಕಿನ ದುಖಿ ಥೈನ ಧೈರ್ಯ ಜ಼ವೈಲಿವೊ ನಕೊ. ಮಾರಾ ತ್ರಾಸೊ ತುಮೊನೆ ಮರ್ಯಾದಿ ಲಾವಸ.

ಎಫೆಸ 3:8

ಕ್ಹುದಾನಾ ಮನಕ್ಹೊಮಾ ಮಿಜ಼ ನ್ಹಾನೊ ವ್ಹೈ. ಕ್ರಿಸ್ತನಿ ಆಸ್ತಿನಾ ಹುತಿ ರ‍್ಹಯಲ ಸುವಾರ್ತೆನೆ ಮಿ ಯಹುದ್ಯೊ ನೈಸೊವಾಲಾವೊನೆ ತಿಳಸೌ ಕೈನ ಕ್ಹುದಾ ಮನೆ ಕೃಪಾ ವರ ದಿದ್ಯೊ. ತೆ ಆಸ್ತಿ ಪುರಾ ಕಳೈಲಿವಾನೆ ಸಾಧ್ಯ ನತ್ತಿ.

1 ಥೆಸಲೊನಿಕ 1:10

ಕ್ಹುದಾನೊ ದಿಕ್ರೊ ಸ್ವರಗತೊ ಆವಾನು ದೆಕಾನಾ ಹುತಿ ತುಮೆ ಇಮ್ಮ ಕರ‍್ಯಾ. ಕ್ಹುದಾಜ಼ ತಿನಾ ದಿಕ್ರಾನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ತೆಜ಼ ಯೆಸು ವ್ಹೈ. ಅಗು ಥಾವಾನಿ ಕ್ಹುದಾನಿ ಶಿಟ್ಟನೊ ಫೈಸಲಾಕ್ಹು ತುಮೊನೆ ವಚಾ಼ಡಾಲೊ ಎಜ಼ ವ್ಹೈ.

2 ಥೆಸಲೊನಿಕ 2:10

ಕ್ಹರಿನೆ ಮಯಾ ಕರ‍್ಯಾವಾಚಿ ಚು಼ಕಿಗಯಲ ಮನಕ್ಹೊನೆ ಮೊಸ ಕರಾನೆ ತೆ ಕ್ಹಾರಾ ತರಾನಾ ತಂತ್ರ ಕರಸ. ತ್ಯುನೆ ಕ್ಹರಿ ಸು ವ್ಹೈ ಮಯಾ ತಿಳ್ದಿಲಿನಬಿ ರಕ್ಷಣೆ ಹೊಂದಿಲಿದ್ಯಾ ನೈ.

1 ತಿಮೊತಿ 2:4

ಕ್ಹಾರಾ ಮನಕ್ಹೊನೆ ರಕ್ಷಣೆ ಮಳಾದೆ ಕೈನ, ಕ್ಹರಿ ವಳಕಾದೆ ಕೈನ ತಿನಿ ಆಸ ವ್ಹೈ.

ಇಬ್ರಿಯ 6:8

ತೆನೈಸೊ ತೆ ಕಾಟಾವೊನಾ ಝಾಡೊ ಬೆಳಶ್ಯೊಮ ಉಪಯೊಗ ನೈಸೊ ಥಯಲ ಕ್ಹುದಾನಿ ಕ್ಹರಾಪನೆ ಗುರಿ ಥಾವಸ. ತೆ ಜಿಮಿನ ಆಗಕ್ಹು ಬಾಳಿನ ಹಾಳ ಕರಿಪಾಡಸ.

ಪ್ರಕಟನೆ 22:11

ತಪ್ಪ ಕರತೊ ರ‍್ಹಯಲವಾಲೊ ತಪ್ಪ ಕರತೊಜ಼ ರ‍್ಹವಾನೆ ಛೊಡಿಪಾಡ. ಕೆಟ್ಟ ರ‍್ಹಯಲವಾಲೊ ಕೆಟ್ಟ ಕರಾನೆಜ಼ ಛೊಡಿ ಪಾಡ. ಚೊ಼ಕು ಕರತೊ ರ‍್ಹಯಲವಾಲಾನೆ ಚೊ಼ಕು ಕರಾನೆ ಛೊಡಿಪಾಡ. ಪರಿಶುದ್ಧ ರ‍್ಹಯಲವಾಲೊ ಪರಿಶುದ್ಧ ರ‍್ಹೈನೆಕಾ" ಕೈನ ಕದ್ಯೊ.