1 ಥೆಸಲೊನಿಕ 2:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತುಮೆ ಕ್ಹುದಾನು ಸಂದೆಶ ವಪ್ಪಿಲಿದಲಹುತಿ ಹಮೆ ಕ್ಹುದಾನೆ ಹಮೆಶಾಬಿ ಸ್ತುತಿ ಕರಿಯೆಸ. ಹಮೊಕ್ಹು ತೆ ಸಂದೆಶ ಐಕಿನ, ತೆ ಕ್ಹುದಾನಿ ವಾಕ್ಯಾ ವ್ಹೈ ಕೈನಜ಼ ವಪ್ಪಿಲಿದ್ಯಾಸ ತೆನೈಸೊ ಮನಕ್ಹೊ ಕದಲ ವಾಕ್ಯಾಕ್ಹು ನ್ಹವೈ. ಎ ಕ್ಹರಿಮಾಜ಼ ಕ್ಹುದಾನು ಸಂದೆಶ ವ್ಹೈ. ತೆ ಸಂದೆಶಪರ ಬರೊಕ್ಹೊ ಕರಲ ಹುತಿಜ಼ ತುಮೊಮಾ ತೆ ಕಾಮ ಕರಸ.

1 ಥೆಸಲೊನಿಕ 2:13 ပူးပေါင်းရင်းမြစ်များ

ಮತ್ತಾಯ 10:20

ಬೊಲಾಲಾ ಕ್ಹರಿಮಾಜ಼ ತುಮೆ ನ್ಹವೈ. ತುಮಾರಾ ಬಾನಿ ಆತ್ಮಾಜ಼ ತುಮಾರಾ ಮುಲಕ ಬೊಲಸ.

ಮತ್ತಾಯ 10:40

ತುಮೊನೆ ಮಳೈ ಲಿವಾಲೊ ಮನೆಬಿ ಮಳೈ ಲಿವಸ. ಮನೆ ಮಳೈ ಲಿವಾಲೊ ಮನೆ ವಳಾಯಲವಾಲಾನೆ (ಕ್ಹುದಾನೆ) ಬಿ ಮಳೈ ಲಿವಸ.

ಲುಕ ಬರ್ದಲ ಸುವಾರ್ತಾ 11:28

ಯೆಸು ತಿನೆ, ಕ್ಹುದಾನಿಯೊ ವಾತೊ ಐಕಿನ ತಿನೆ ಕರೆಟ್ಟ ಚಾ಼ಲಾಲಾ ಧನೈ ವ್ಹೈ ಕದ್ಯೊ.

ಲುಕ ಬರ್ದಲ ಸುವಾರ್ತಾ 5:1

ಯಕ್ಕ ದಿನ್ನ ಯೆಸು ಗೆನೆಜರೆತ ಕವಾನಾ (ಗಲಿಲಾಯ) ನದಿನಾ ದಂಡಿಕನ ಹುಬ್ರೈಲ ಟೈಮಾ, ಮನಕ್ಹೊ ಯಕ್ಕಪರ ಯಕ್ಕ ಢಕಲ್ತಾ ತ್ಯಾ ಯೆಸುನಾ ಸುತ್ತೆ ಐನ ಕ್ಹುದಾನಿಯೊ ವಾತೊ ಐಕಾಡ್ಯಾತಾ.

ಲುಕ ಬರ್ದಲ ಸುವಾರ್ತಾ 8:11

"ಎ ಸಾಮ್ಯನು ಮತ್ಲಬ ಅಮ ಛೆ. ಬಿಯ್ಯಾ ಕವಾನು ಕ್ಹುದಾನಿ ವಾತ ವ್ಹೈ.

ಲುಕ ಬರ್ದಲ ಸುವಾರ್ತಾ 8:21

ಕತಾಮಾ ಯೆಸು ತ್ಯಾ ರ‍್ಹಯಲ ಕ್ಹಾರಾವೊನೆ "ಕುನ್ನ ಕ್ಹುದಾನಿಯೊ ವಾತೊ ಐಕಿನ ತಿನಾಲಿಂಗತ ಚಾ಼ಲಸ ತ್ಯುನೆಜ಼ ಮನೆ ಮಾ ವರಿ ಭಾಯೊ ವ್ಹೈ "ಕದ್ಯೊ.

ಯೊಹಾನ 15:3

ಮಿ ತುಮೊನೆ ಕದಲ ಉಪದೆಶ ಕ್ಹು ತುಮೆ ಹಮ್ನಾಜ ಶುದ್ಧ ಥಯಾಸ.

ಯೊಹಾನ 17:17

"ತಾರಿ ಕ್ಹರಿನಾ ಮುಲಕ ತು ಇವ್ನೊನೆ ತಾರಿ ಸೆವೆನೆ ಸಮರ್ಪಣೆ ಕರಿ ಲೆ. ಕ್ಹರಿನಾ ಹುತಿ ತಾರಾ ವಾತೊ ಕ್ಹರಿಜ ವ್ಹೈ.

ಯೊಹಾನ 17:19

ಇವ್ನೆ ಕ್ಹರಿಮಾಜ಼ ತಾರಿ ಸೆವೆನೆ ಒಪ್ಸಿನ ದಿವ್ ಕೈನ ಮನೆ ಮಿಜ಼ ತುನೆ ಒಪ್ಸಿನ ದಿದ್ಯೊಸ.

ಅಪೊಸ್ತಲೊ 10:33

ತಿನಾಹುತಿ, ಮಿ ತೆಳಾಮಾಜ಼ ತುನೆ ಬಲಾವಾನೆ ಕರ‍್ಯೊ. ತು ನ್ಹ್ಯಾ ಆಯಲ ಉಪಕಾರ ಥಯು. ಹಮೊನೆ ತಿಳಸಾ ಕೈನ ಪ್ರಭು ತುನೆ ಆಜ್ಞಾ ಕರಲ ಹರಯಕ್ಕ ಐಕಾನೆ ಹಮೆ ಕ್ಹಾರಾ ಕ್ಹುದಾನಿ ಸನ್ನಿದಿಮಾ ಮಳ್ಯಾಸ "ಕೈನ ಕದ್ಯೊ.

ಅಪೊಸ್ತಲೊ 13:48

ಪೌಲಾ ಎ ವಾತೊ ಐಕಿನ ಯೆಹುದಿ ನೈಸೊ ಮನಕ್ಹೊ ಘನ್ನಾ ಖುಶಿ ಥೈನ ಪ್ರಭುನಿ ಸಂದೆಶನಾ ಹುತಿ ಸ್ತುತಿ ಕರ‍್ಯಾ. ಹಮೆಶಾನು ಜ಼ಲಮ ವ್ಹಂದಿಲಿವಾನೆ ಇನಿಲಿದಲ ಕ್ಹಾರಾ ಬರೊಕ್ಹೊ ಕರ‍್ಯಾ.

ಅಪೊಸ್ತಲೊ 16:14

ಹಮಾರಿಯೊ ವಾತೊ ಐಕಲವಾಲಾವೊಮಾ ಲುದ್ಯ ಕವಾಲಿ ಬಾಕ್ಡಿ ವ್ಹತ್ತಿ. ತೆ ಜಾ಼ಂಬ್ಳಾನೊ ಕಲರ್ನು ವಣ್ಣಾ ಇಕ್ಕಾಲಿ ಥುವತೈರ ಕವಾನಿ ಗಾಮವಾಲಿ ಕ್ಹುದಾನಿ ಪೌಲಾ ಕವಾನಿಯೊ ವಾತೊನೆ ಧ್ಯಾನ ದಿವಾಹುತಿ ಕರ್ತಾ ತಿನೆ ಮನಸ ಖುಲ್ಲಾ ಕರ‍್ಯೊ.

ಅಪೊಸ್ತಲೊ 17:11

ತೆ ಸಬೆವಾಲಾ ಕ್ಹುದಾನಿ ವಾಕ್ಯನೆ ಸ್ವಚ್ಚ ಮನಸೆ ಒಪಿಲಿನ ತ್ಯುನೆ ಕದಲ ವಾತೊ ವ್ಹೈಸು ನ್ಹವೈ ಕೈನ ವಪಿಲಿವಾನಹುತಿ ದಿನ್ನೆಬಿ ಪವಿತ್ರ ಗ್ರಂಥ ಪರಿಕ್ಷಾ ಕರಾನಾ ಹುತಿ ತುನೆ ಥೆಸೆಲೊನಿಕ ಸಬೆವಾಲೊತಿ ಚೊ಼ಕಾ ವ್ಹತಾ.

ಅಪೊಸ್ತಲೊ 17:32

ಮರೆಲ ಮಾತೊ ಜುತೊ ಥೈಲ ತ್ಯುನಾಹುತಿ ಐಕಿ ದಕ್ಹಾಜ಼಼ನಾ ಪೌಲಾನೆ ಹಿನಾಯಾ ತಿಮಾನಾ ದಕ್ಹಾಜ಼಼ನಾ ಕದ್ಯಾ ತು ಕದಲ ವಾತೊ ಹಮೆ ಹಜಿ ಎಕ ಸಲಾ ಐಕಿಯೆಸ ಕೈನ.

ಅಪೊಸ್ತಲೊ 2:41

ಪೆತ್ರಾನಿ ವಾತೊನೆ ವಪ್ಪಿಲಿದ್ಯಲವಾಲಾ ಬಾಪ್ತಿಸ್ಮ ಕರೈಲಿದ್ಯಾ. ತೆ ದಿನ್ನ ತನ್ನ ಹಜಾ಼ರ ಮನಕ್ಹೊ ತ್ಯಾ ಮಳ್ಯಾತಾ.

ಅಪೊಸ್ತಲೊ 8:14

ಸಮರ್ಯಾ ಗಾಮವಾಲಾ ಕ್ಹುದಾನಿ ವಾಕ್ಯಾ ಸ್ವಿಕಾರ ಕರಲ ವಾತ ಯೆರುಸೆಲೆಮಾ ರ‍್ಹಯಲ ಅಪೊಸ್ತಲೊ ಐಕಿನ, ಪೆತ್ರಾನೆ ವರಿ ಯೊಹಾನೆ ತ್ಯುನೊಕನ ಮೊಕಲ್ಯಾ.

ರೊಮಾಪೂರ 10:17

ತಿನಾಹುತಿ ಕದಲ ವಾಕ್ಯಾ ಐಕಾಕ್ಹು ಬರೊಕ್ಹೊ ಆವಸ. ವರಿ ವಾಕ್ಯಾ ಯೆಸುನಾ ಹುತಿ ತೆ ಸವಾರತೆ ಐಕಾಕ್ಹು ವರಿ ಕ್ರಿಸ್ತನಿ ವಾಕ್ಯಾ ಐಕಾಕ್ಹು ಸಂದೆಶ ಆವಸ.

2 ಕೊರಿಂಥ 3:18

ಅಪ್ನಾ ಮ್ಹೊಡಾ ಘುಮುಸಕ್ಹು ಝಕಾಯಾ ನತ್ತಿ. ಅಪ್ನಾ ಮ್ಹೊಡಾಪರ ಘುಮುಸ ನೈಸೊವಾಲಾ ಥಯಾಸ. ಪ್ರಭುನಿ ಮಹಿಮಾ ಅರಕ್ಹಾಮಾ ದಿಕ್ಹಾನಾ ಭೌಲಾನಿಂಗತ ಛೆ.ಪ್ರಭುಕ್ಹು ದಿಕ್ಹಾನಿ ಮಹಿಮಾ ಅಪೊನೆ ಘನ್ನಿ ಬದಲಾವಣೆ ಕರಿನ ತಿನಾನಿಂಗತಜ಼ ಕರಸ.ಎ ಕ್ಹಾರು ಕಾಮ ಕ್ಹುದಾನಿ ಆತ್ಮಾ ಥಯಲ ಪ್ರಭುನುಜ ವ್ಹೈ.

ಗಲಾತ್ಯ 4:14

ಮಾರು ದುಖ ತುಮೊನೆ ವಜ್ಜು಼ ಥೈತು. ತೆನೈಸೊ ತುಮೆ ಮಾರಿ ವಿಷಯಮಾ ಬೆಜ್ಜಾರ ಥಯಾನೈ. ತುಮೆ ಮನೆ ವಳೈಪಾಡ್ಯಾ ನೈ. ಕ್ಹುದಾನು ದುತ ವ್ಹೈ ಕೈನ ತುಮೆ ಮನೆ ಬಲೈಲಿದ್ಯಾ ಮಿಜ಼ ಯೆಸು ಕ್ರಿಸ್ತ ವ್ಹೈ ಕೈನ ಮನೆ ಸ್ವಿಕಾರ ಕರ‍್ಯಾ.

ಕೊಲೆಸ್ಸೆ 1:6

ತಮೆ ಸುವಾರ್ತೆ ಐಕಿ ಕ್ಹುದಾನಿ ಮರಗಾನಿ ಕ್ಹರಿ ತಿಳ್ದಿಲಿದಲಕ್ಹು ಸುವಾರ್ತೆ ತುಮೊಮ್ಮಾ ಘನಿ ಥಾವಾಡಿಸ ವರಿ ಮನಕ್ಹೊನೆ ಆಶಿರ್ವಾದ ಥೈನ ರ‍್ಹೈಯುಸ. ತಿನಾಲಿಂಗತಜ಼ ದುನಿಯಾಮಾ ಕ್ಹಾರಿ ಜ಼ಗಾಬಿ ಸುವಾರ್ತೆ ಘನಿ ಥಾವಾಡಿಸ ವರಿ ಆಶಿರ್ವಾದ ಥೈನ ರ‍್ಹವಸ.

ಇಬ್ರಿಯ 4:12

ಕ್ಹುದಾನಿ ವಾಕ್ಯಾಮಾ ಜುವ ಶೆ ತೆ ಕಾಮ ಕರಾಲು ವ್ಹೈ, ವರಿ ಘನ್ನಿ ಧಾರ ರ‍್ಹಯಲ ತಲ್ವಾರತಿಬಿ ಖತರ್ನಾಕ ವ್ಹೈ, ಜ಼ಲಮ ಆತ್ಮಾವೊನೆ ಹಡಕಾ ಮಾಕ್ಹನೆ ಕಾಟ್ತು ಜಾ಼ವಸ. ಮನಸಮಾನಾ ವಿಚಾರೊನೆ ವರಿ ಉದ್ದೆಶನೆ ವಳಕಸ.

ಇಬ್ರಿಯ 4:2

ರಕ್ಷಣೆನಿ ವಾಟನಾ ಹುತಿ ತ್ಯುನೊನೆ ತಿಳಸಾಯಲ ಲಿಂಗತ ಅಪೊನೆಬಿ ತಿಳಸ್ಯಾ. ತ್ಯುನೆ ತೆ ಬೊಧನೆ ಐಕ್ಯಾತಬಿ ತ್ಯುನೊನೆ ಉಪಯೊಗ ಥೈಯು ನೈ. ಕಾಕದ್ಯಾಮ ತ್ಯುನೆ ತಿನೆ ಬರೊಕ್ಹಾಕ್ಹು ಸ್ವಿಕಾರ ಕರ‍್ಯಾ ನೈ.

ಯಾಕೊಬ 1:18

ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.

1 ಪೆತ್ರಾ 1:23

ತುಮೆ ನವೊ ಜ಼ಲಮ ಲಿನ ಹುಟ್ಟಲ ಲಿಂಗತ ವ್ಹೈ. ಎ ನವೊ ಜ಼ಲಮ ಹಾಳಥಾವಾನೊ ಜ಼ಲಮಕ್ಹು ನತ್ತಿ ಲಿದ್ಯಾ. ತೆ ಜ಼ಲಮ ಹಾಳ ನೈ ಥಾವಾನು ಜ಼ಲಮಕ್ಹು ಲಿದ್ಯಾಸ. ಜ಼ಲಮ ರ‍್ಹಯಲ ಹಮೆಶಾ ರ‍್ಹಯಲ ಕ್ಹುದಾನಿಯೊ ವಾತೊಕ್ಹು ತುಮೆ ನವೊ ಜ಼ಲಮ ಲಿದ್ಯಾಸ.

1 ಪೆತ್ರಾ 1:25

ತೆನೈಸೊ ಕ್ಹುದಾನಿಯೊ ವಾತೊ ಹಮೆಶಾ ಜಿವ್ತಿಯೊ ರ‍್ಹವಸ. ತೆ ವಾತೊ ಸುವೈ ಕದ್ಯಾಮ ತಮನೊನೆ ಕದಲ ಸುವಾರ್ತಾನಿ ವಾಕ್ಯ ವ್ಹೈ. ಯೆಶಾಯ 40:6-8

1 ಪೆತ್ರಾ 2:2

ಹಮ್ನಾ ಹುಟ್ಟಲ ಬಚ್ಚಾ಼ವೊ ಲಿಂಗತ ರ‍್ಹವೊ. ತುಮಾರಿ ಆತ್ಮಾ ಜ಼ತ್ತನ ಕರಲ ಲಿಂಗತ ಶುದ್ಧ ದುದ್ದನೆ (ಕ್ಹುದಾನಿಯೊ ವಾತೊ) ಆಸ ಕರೊ. ತುಮೆ ತೆ ಪಿದ್ಯಾಮ ಬೆಳ್ದಿನ ರಕ್ಷಣೆ ವ್ಹಂದೊಶಿ

2 ಪೆತ್ರಾ 3:2

ಪರಿಶುದ್ಧ ಪ್ರವಾದಿಯೊ ಪೈಲಾನಾ ಕಾಲ್ಮಾ ಕದಲ ತುಮೆ ಶೆ ಕರಲ್ಯುಕೈನ ಮಾರಿ ಆಸ ವ್ಹೈ. ಅಪ್ನೊ ರಕ್ಷಕ ಥಯಲ ಪ್ರಭು ತುಮಾರಾ ಅಪೊಸ್ತಲೊನಾ ಮುಲಕ ದಿದಲ ಆಗನ್ಯಾ ಶೆ ಕರಿಲಿವೊ.

1 ಯೊಹಾನ 3:3

ಕ್ರಿಸ್ತಮಾ ಆಸ ಮ್ಹೆಲಲ ಹರಿ ಯಕ್ಲಾ ಕ್ರಿಸ್ತ ಕಿಮ ಪರಿಶುದ್ಧ ಛೆ ತಿನಾ ಲಿಂಗತಜ಼ ಹರಿ ಯಕ್ಲಾ ಪರಿಶುದ್ಧ ಥೌ.