1 ಥೆಸಲೊನಿಕ 1:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಹಮಾರಾ ಭಾಯೊ ವರಿ ಭೆನೊ, ಕ್ಹುದಾ ತುಮೊನೆ ಮಯಾ ಕರಿನ. ತೆ ತುಮೊನೆ ತಿನಾ ವ್ಹೈಕೈನ ಇನಿಲಿದ್ಯೊಸ ಕವಾನು ಹಮೊನೆ ಗ್ವತ್ತ ಛೆ.

1 ಥೆಸಲೊನಿಕ 1:4 ပူးပေါင်းရင်းမြစ်များ

ರೊಮಾಪೂರ 1:7

ರೊಮಮಾ ರ‍್ಹಯಲವಾಲಾ ಕ್ಹುದಾನಾ ಸ್ವಂತ ಮನಕ್ಹೊ ಥಾವಾನಾ ಹುತಿ ಕ್ಹುದಾಜ಼ ಬಲಾಯಲವಾಲಾ ಥಯಲ ತುಮೊನೆ ಕ್ಹಾರಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ. ತುಮೆ ಕ್ಹುದಾನೆ ಮಯಾನಾ ಮನಕ್ಹೊ ಥಯಾಸ. ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.

ರೊಮಾಪೂರ 9:25

ಪವಿತ್ರ ಗ್ರಂಥನಾ ಹೊಶೆಯನನಾ ಪುಸ್ತಕ್ಕಮಾ ಇಮ್ಮ ಬರ್ದಲ ಛೆ; "ಮಾರಾ ನೈ ರ‍್ಹಯಲ ಮನಕ್ಹೊನೆ ಮಾರಾ ಮನಕ್ಹೊ ವ್ಹೈ ಕೈನ ಕೌಸ. ಮನೆ ಮಯಾ ನೈ ರ‍್ಹಯಲ ವಾಲಾವೊನೆ ಮನೆ ಮಯಾ ರ‍್ಹಯಲವಾಲಾ ವ್ಹೈ ಕೈನ ಕೌಸ" ಹೊಶೆಯ 2:23

ಎಫೆಸ 1:4

ಜಗತ್ತ ಸೃಷ್ಟಿ ಥಾವಾತಿ ಪೈಲಾಜ಼ ಕ್ಹುದಾ ಅಪೊನೆ ಕ್ರಿಸ್ತಮಾ ಇನಿಲಿದ್ಯೊ. ತಿನಿ ಸನ್ನಿಧಿಮಾ ಅಪೆ ಮಯಾಕ್ಹು ರ‍್ಹೈನ ಪರಿಶುದ್ಧ ನಿರದೊಷಿಯೊ ರ‍್ಹಯಲ ರ‍್ಹೌಕೈನ ತಿನು ಉದ್ದೆಶ ವ್ಹತ್ತು.

ಕೊಲೆಸ್ಸೆ 3:12

ತಿನಾಹುತಿ ತುಮೆ ಕ್ಹುದಾ ಡೊಳಮಾ ಪರಿಶುದ್ಧ ವರಿ ಕ್ಹುದಾ ತುಮೊನೆ ಮಯಾ ಕರಲ ಹುತಿ ತುಮೆ ಮರಗಾಲಾ, ದಯಾ ಕರಾಲಾ, ಮಿಜ಼ ನ್ಹಾನೊ ವ್ಹೈ,ವರಿ ಸಾತ್ವಿಕತ್ವ ವರಿ ಪುರಾ ತಾಳಿಲಿನ ಜಾವನಾ ಚೊ಼ಕಾ ಚಾಳಿಯೊ ಘಾಲ್ಲಿವೊ.

1 ಥೆಸಲೊನಿಕ 1:3

ಅಪ್ನೊ ಬಾ ರ‍್ಹಯಲ ಕ್ಹುದಾಕನ ಪ್ರಾಥನಾ ಕರ್ತಾಮಾ ತುಮಾರೊ ಬರೊಕ್ಹಾ ಕ್ಹು ವರಿ ಮಯಾಕ್ಹು ಕರಲ ಕಾಮೊಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತಮಾ ಅಪೊನೆ ರ‍್ಹಯಲ ಆಸಕ್ಹು ತುಮೆ ಘಟ್ಟ ಥೈನ ಹುಬ್ರಯಲಕ್ಹು ಹಮೆ ತಿನೆ ಹಮೆಶಾಬಿ ಸ್ತುತಿ ಕರಿಯೆಸ.

2 ಥೆಸಲೊನಿಕ 2:13

ಮಯಾನಾ ಭಾಯೊ, ಭೆನೊ, ತುಮೊನೆ ವಚಾ಼ಡಾನಾ ಹುತಿ ಕ್ಹುದಾ ತುಮೊನೆ ಆದಿಮಾ ಇನಿಲಿದ್ಯೊಸ. ತುಮೊನೆ ಪರಿಶುದ್ಧ ಕರಾನು ಪವಿತ್ರ ಆತ್ಮಾಕ್ಹು ವರಿ ಕ್ಹರಿಪರ ತುಮೊನೆ ರ‍್ಹಯಲ ಬರೊಕ್ಹಾಕ್ಹುಜ ತುಮೆ ರಕ್ಷಣೆ ಹೊಂದ್ಯಾಸ.

1 ಪೆತ್ರಾ 1:2

ಕ್ಹುದಾ ತುಮೊನೆ ಪರಿಶುದ್ಧ ಕರಾನಾ ಹುತಿ ಘನ್ನಾ ದಿನ್ನ ಪಾಚೊ಼ ವಿಚಾರ ಕರಲಿದ್ಯೊತೊ. ತುಮೊನೆ ಪರಿಶುದ್ದ ಕರಾನೆ ಪರಿಶುದ್ದ ಆತ್ಮಾನು ತುಮೆ ಯೆಸು ಕ್ರಿಸ್ತನಾ ರಗತಕ್ಹು ಪರಿಶುದ್ದ ಥೈನ ತಿನೆ ವಧೆಯ ಥೌ ಕೈನ ಕ್ಹುದಾನಿ ವಿಚಾರ ವ್ಹತಿ. ಮರ್ಗಾ ವರಿ ಶಾಂತಿ ತುಮೊನೆ ಜಾಸ್ತಿ ಥಾವಾದೆ.

2 ಪೆತ್ರಾ 1:10

ಮಾರಾ ಭಾಯೊ ಭೆನೊ, ಕ್ಹುದಾಕಂತಾ ಕ್ಹರಿಮಾಜ಼ ಇನಿಲಿದಲವಾಲಾ ವರಿ ಬಲಾಯಲವಾಲಾ ವ್ಹೈ ಕೈನ ದೆಕಾಡಾನಾ ಹುತಿ ಘನ್ನಾ ಕೊಶಿಶ ಕರೊ. ಇಮ್ಮ ತುಮೆ ಕರ‍್ಯಾಮ ಕೆಳಾಮಾಜ಼ ತುಮೆ ಪಡ್ತಾ ನೈ.