1 ಥೆಸಲೊನಿಕ 1:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಅಪ್ನೊ ಬಾ ರ‍್ಹಯಲ ಕ್ಹುದಾಕನ ಪ್ರಾಥನಾ ಕರ್ತಾಮಾ ತುಮಾರೊ ಬರೊಕ್ಹಾ ಕ್ಹು ವರಿ ಮಯಾಕ್ಹು ಕರಲ ಕಾಮೊಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತಮಾ ಅಪೊನೆ ರ‍್ಹಯಲ ಆಸಕ್ಹು ತುಮೆ ಘಟ್ಟ ಥೈನ ಹುಬ್ರಯಲಕ್ಹು ಹಮೆ ತಿನೆ ಹಮೆಶಾಬಿ ಸ್ತುತಿ ಕರಿಯೆಸ.

1 ಥೆಸಲೊನಿಕ 1:3 ပူးပေါင်းရင်းမြစ်များ

ಯೊಹಾನ 14:15

"ಯಕ್ಕೆಳೆ ತುಮೆ ಮನೆ ಮಯಾ ಕರಾಲಾ ಥಯಲ ರ‍್ಹಯಮ, ಮಾರಾ ಆಗನ್ಯಾನೆ ವಿಧೆಯ ಥೈನ ಚಾಲೊಶಿ.

ಯೊಹಾನ 15:10

ಯಕ್ಕೆಳೆ ತುಮೆ ಮಾರಿ ಆಗನ್ಯಾವೊನೆ ವಿಧೆಯ ಥಯಾಮ, ತುಮೆ ಮಾರಿ ಮಯಾಮಾ ಮ್ಹೈ ಥೈನ ರ‍್ಹವೊಶಿ. ಮಿ ಮಾರಾ ಬಾನಾ ಆಗನ್ಯಾನೆ ವಿಧೆಯ ಥೌಸ ವರಿ ತಿನಿ ಮಯಾಮಾ ಛೆ.

ಅಪೊಸ್ತಲೊ 10:31

ತೆ ಮನಕ್ಹ, ‘ಕೊರ್ನೆಲಿಯ! ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.

ಅಪೊಸ್ತಲೊ 3:19

ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.

ರೊಮಾಪೂರ 12:12

ತುಮೊನೆ ನಿರಿಕ್ಷೆ ರ‍್ಹವಾಕ್ಹು ಖುಶಿ ರ‍್ಹವೊ. ತುಮೊನೆ ತ್ರಾಸ ರ‍್ಹತಾಮಾ ತಡ್ದಿಲಿನ ರ‍್ಹವೊ. ಕ್ಹಾರಾ ಟೈಮಮಾ ಪ್ರಾಥನಾ ಕರೊ.

ರೊಮಾಪೂರ 15:13

ಆಸ ದಿವಾಲೊ ಕ್ಹುದಾ ಬರೊಕ್ಹಾಕ್ಹು ಥಾವಾನಿ ಖುಶಿ ಸಮಾಧಾನ ಪುರಾ ದಿವಾದೆ ಕೈನ ತೆಳಾಮಾ ಪವಿತ್ರ ಆತ್ಮಾನಿ ತಾಕತಕ್ಹು ತುಮೊಮಾ ಭರಾದೆ

ರೊಮಾಪೂರ 15:4

ಪಾಚಾಲ್ಯಾ ದಿನೊಮಾ ಬರ್ದಲ ಹರಿ ಯಕ್ಕ ಅಪ್ನಾ ಹುತಿಜ಼ ಬರ್ದಲ ಛೆ. ಅಪೆ ಕೈದಾಲಾ ರ‍್ಹೌ ಕೈನ ಎ ಸಂಗತಿಯೊ ಬರ್ದಲ ಛೆ. ಪವಿತ್ರ ಗ್ರಂಥ ಅಪೊನೆ ದಿವಾನೆ ತಡ್ದಿಲಿವಾನು ವರಿ ಕೈದಾನು ಎ ಉತ್ಸಾಹ ಆವಸ.

ರೊಮಾಪೂರ 16:26

ತೆನೈಸೊ ರಹಸ್ಯ ರ‍್ಹಯಲ ತೆ ಸತ್ಯನೆ ಹಮ್ನಾ ತುಮೊನೆ ದೆಕಾಡ್ಯಾಸ. ವರಿ ತೆ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಆಜ್ಞಾ ಕರಲ ಎಜ಼ ವ್ಹೈ. ಕ್ಹಾರಾ ಮನಕ್ಹೊ ಬರೊಕ್ಹೊ ಕರಿನ ಕ್ಹುದಾನೆ ವಿಧೆಯ ಥೌ ಕೈನ ರಹಸ್ಯ ರ‍್ಹಯಲ ಎ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಹರ ಹಮೆಶಾ ಜಿವ್ತೊ ರ‍್ಹವಸ.

ರೊಮಾಪೂರ 16:6

ಮರಿಯಳನಿ ಮಾರಿ ವಂದನಾ ಕವೊ. ತೆ ತುಮಾರಾ ಹುತಿ ಘನ್ನಿ ಕಷ್ಟಮಾ ಕಾಮ ಕರಿಸ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

1 ಕೊರಿಂಥ 13:13

ತಿನಾ ಹುತಿ ಬರೊಕ್ಹೊ, ಆಸ ವರಿ ಮಯಾ ಹಮೆಶಾ ರ‍್ಹವಾನಾ ವ್ಹೈ. ತೆನೈಸೊ ಎ ಕ್ಹಾರಾಮಾ ಮಯಾಜ಼ ಘನಿ ಖಾಸ ವ್ಹೈ.

1 ಕೊರಿಂಥ 15:58

ತಿನಾ ಹುತಿ ಮಾರಾ ಮಯಾನಾ ಭಾಯೊ ಭೆನೊ, ಘಟ್ಟ ಥೈನಬಿ ನಿಶ್ಚಲ ಥೈನ ರ‍್ಹವೊ. ಕಾಕದ್ಯಾಮ ತುಮೆ ಕ್ಹುದಾನಿ ಸೆವಾಮಾ ಕರಾನಿ ಕೊಶಿಶ ವ್ಯರ್ಥ ನೈ ಥಾತು. ತೆ ತಿಳ್ದಿಲಿನ ಕ್ಹುದಾನು ಕಾಮ ಹಮೆಶಾಬಿ ಘನ್ನಿ ಆಸಕ್ತಿಕ್ಹು ವರಿ ಹಮೆಶಾಬಿ ಶ್ರಧ್ದಾ ರ‍್ಹಯಲವಾಲಾ ಥೈನ ಕರಾಲಾ ಥಾವೊ.

2 ಕೊರಿಂಥ 2:17

ಕೆಕ್ಲಾಲಿ ಮನಕ್ಹೊ ಕ್ಹುದಾನಿ ವಾಕ್ಯಾ ತಿಮಾ ಸು ಚಾ಼ಯೆ ತೆ ಘಾಲಿನ ಕೈನ ವ್ಯಾಪಾರ ಕರಸ. ಹಮೆ ತೊ ತಿಮ್ಮ ನವೈ. ಕ್ಹುದಾ ಕಂತಾಜ ಇನಿಲಿದಲವಾಲಾ ಥೈನ ಕ್ಹುದಾ ಕ್ಹಾಮಾ ಕ್ರಿಸ್ತ ಯೆಸುನಾ ಅನ್ಯೊನ್ಯತೆಮಾ ಹಮೆ ಸು ಹೊತ್ತು ತೆಜ಼ ತುಮೊನೆ ಕದ್ಯಾಸ.

ಗಲಾತ್ಯ 1:4

ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.

ಗಲಾತ್ಯ 5:13

ಮಾರಾ ಭಾಯೊ ವರಿ ಭೆನೊ, ತುಮೆ ಸ್ವತಂತ್ರ ಥೌ ಕೈನ ಕ್ಹುದಾ ತುಮೊನೆ ಬಲಾಯೊಸ. ತೆನೈಸೊ ಪಾಪ ನೈ ರ‍್ಹಯಲ ತುಮಾರಿ ಚಾಳಿಯೊ ಮೆಚ್ಚಿಸಾನಾ ಹುತಿ ತುಮೊನೆ ರ‍್ಹಯಲ ಸ್ವತಂತ್ರನೆ ನ್ಯೆವಾ ಕರೊ ನಕೊ. ತೆನೈಸೊ ಮಯಾಕ್ಹು ಯಕ್ಲಾನಿ ಸೆವೆ ಯಕ್ಲೊ ಕರೊ.

ಗಲಾತ್ಯ 5:6

ಯಕ್ಲೊ ಕ್ರಿಸ್ತ ಯೆಸುಮಾ ರ‍್ಹತಾಮಾ ಸುನ್ನತಿ ಥೈಸು ನತ್ತಿ ಕೈನ ಕವಾನು ಖಾಸ ನ್ಹವೈ. ಖಾಸ ಸುವೈ ಕದ್ಯಾಮ ಮಯಾಕ್ಹು ಕರಾನೊ ಬರೊಕ್ಹೊ.

ಗಲಾತ್ಯ 6:9

ಅಪೆ ಚೊ಼ಕಾ ಕಾಮೊ ಕರಾಮಾ ಬೆಜ್ಜಾರ ಥೌ ನೈ. ಕರೆಟ್ಟ ಟೈಮಮಾ ಅಪೆ ಹಮೆಶಾನು ಜ಼ಲಮ ಪಡ್ದಿಲಿವಸ. ತಿನಾಹುತಿ ಚೊ಼ಕಾ ಕಾಮೊ ಕರಾನು ಛೊಡುನೈ.

1 ಥೆಸಲೊನಿಕ 3:6

ತೆನೈಸೊ ತಿಮೊಥೆ ತುಮೊಕಂತೊ ಹಮೊಕನ ಫರಿನ ಆಯಲಪರ, ತುಮಾರೊ ಬರೊಕ್ಹೊ ವರಿ ಮಯಾನಾ ಹುತಿ ಚೊ಼ಕಿಯೊ ವಾತೊ ಹಮೊನೆ ಕದ್ಯೊ. ತುಮೆ ಕೆಳಾಮಾಬಿ ಹಮೊನೆ ಶೆ ಕರೊಶಿ ಕೈನ ವರಿ ದೆಕಾನಿ ಆಸಕ್ಹು ಛೆ ಕೈನ ತೆ ಹಮೊನೆ ಕದ್ಯೊ. ತಿನಾಲಿಂಗತಜ಼ ಹಮೆ ತುಮೊನೆ ದೆಕಾನೆ ಘನ್ನಿ ಆಸಕ್ಹು ಛೆ.

2 ಥೆಸಲೊನಿಕ 1:11

ತಿನಾಹುತಿ ಹಮೆಶಾಬಿ ತುಮಾರಾ ಹುತಿ ಚೊ಼ಕಿ ವಾಟಮಾ ತುಮೆ ಜಿವ್ನಾ ಕರು ಕೈನ ಕ್ಹುದಾ ತುಮೊನೆ ಬಲಾಯೊ, ತೆ ವಾಟಮಾ ತುಮೆ ಜಿವ್ನಾ ಕರಾನಾ ಹುತಿ ಪ್ರಾಥನಾ ಕರಿಯೆಸ. ತುಮೊಮಾ ರ‍್ಹಯಲ ಚೊ಼ಕಾ ಚೊ಼ಕಾಜ಼ ಕಾಮೊ ಕರಾನಾಹುತಿ ತುಮೊನೆ ಪ್ರೊತ್ಸಾಹ ಕರಸ. ತುಮೊಮಾ ರ‍್ಹಯಲ ಬರೊಕ್ಹೊ ತುಮಾರಾ ಮುಕಾಂತರ ಕಾಮ ಕರಸ. ಎ ಕಾಮೊ ತುಮೆ ಜಾಸ್ತಿ-ಜಾಸ್ತಿ ಕರಾನೆ ಕ್ಹುದಾ ತಿನಿ ತಾಕತಕ್ಹು ಕರಾದೆ ಕೈನ ಮಾಂಗಿಲಿಯೆಸ.

2 ಥೆಸಲೊನಿಕ 1:3

ಮಾರಾ ಭಾಯೊ ವರಿ ಭೆನೊ ತುಮಾರಿ ವಿಷಯಮಾ ಹಮೆಶಾಬಿ ಕ್ಹುದಾನೆ ಸ್ತೊತ್ರಾ ಕಯೆಸ. ಇಮ್ಮ ಕರಾನು ಚೊ಼ಕು ವ್ಹೈ. ಕಾ ಕದ್ಯಾಮ ತುಮಾರೊ ಬರೊಕ್ಹೊ ವರಿ ಹೆಚ್ಕಿ಼ ಥಯಲ ಹುತಿ ತುಮಾರಿ ಮಯಾ ಹೆಚ್ಕಿ಼ ಥಾತಿ ರ‍್ಹವಸ.

1 ತಿಮೊತಿ 1:14

ತೆನೈಸೊ ಅಪ್ನೊ ಪ್ರಭುನಿ ಪುರಾ ಮರಗಾ ಮನೆ ಮಳಿ. ಯೆಸು ಕ್ರಿಸ್ತಪರ ರ‍್ಹಯಲ ಬರೊಕ್ಹೊ ವರಿ ಮಯಾ ತೆ ಕೃಪಾನಾ ಕ್ಹಾತೆ ಐ.

1 ತಿಮೊತಿ 2:3

ಎ ಚೊ಼ಕು ವ್ಹೈ ವರಿ ಅಪ್ನೊ ರಕ್ಷಕ ಥಯಲ ಕ್ಹುದಾನೆ ಎ ಪಸಂದ ವ್ಹೈ.

ಇಬ್ರಿಯ 10:36

ತುಮೆ ಕ್ಹುದಾನಿ ಚಿತ್ತ ಪುರಾ ಕರಲಪರ ವಾಗ್ದಾನ ವ್ಹಂದಿಲ್ಯು ಕದ್ಯಾಮ ತುಮೊನೆ ತಾಳ್ಮೆನಿ ಜ಼ರುರತ ಛೆ.

ಇಬ್ರಿಯ 11:17

ಕ್ಹುದಾ ಅಬ್ರಹಾಮನಾ ಬರೊಕ್ಹಾನೆ ಪರಿಕ್ಷಾ ಕರ‍್ಯೊ. ಇಸಾಕನೆ ಬಲಿನಾ ಬಕ್ರಾ ಲಿಂಗತ ಬಲಿ ದೆ ಕೈನ ಕ್ಹುದಾ ತಿನೆ ಕದ್ಯೊ. ಅಬ್ರಹಾಮಾ ಬರೊಕ್ಹೊ ರ‍್ಹಯಲ ಹುತಿ ವಿಧೆಯ ಥಯೊ.

ಇಬ್ರಿಯ 13:21

ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ.

ಇಬ್ರಿಯ 4:11

ಕ್ಹುದಾನಾ ಅರಾಮಮಾ ಅಪೆ ಜಾ಼ವಾನಾ ಹುತಿ ಕೊಶಿಶ ಕರಿಯೆ ಅಪ್ನಾಮಾನೊ ಯಕ್ಲೊಬಿ ತೆ ಮನಕ್ಹೊನಾ ಲಿಂಗತ ತಿನಿ ವಾತ ಐಕ್ಯಾ ಬಗರ ರ‍್ಹಯಾವಾಚಿ ಘನ್ನಾ ಹುಷಾರಕ್ಹು ರ‍್ಹಯೆ.

ಇಬ್ರಿಯ 6:15

ಅಬ್ರಹಾಮ ಎ ವಾತ ಪುರಾ ಥಾಯೆಲಕ್ಕಾ ತಡ್ದಿಲಿನ ರ‍್ಹಯೊ. ಪಾಚಲ್ತೊ ಕ್ಹುದಾನಿ ವಾಗ್ದಾನನು ಫಲ ಮಳ್ಯು.

1 ಪೆತ್ರಾ 3:4

ತುಮೆ ರ‍್ಹವಾನೊ ತರಿಕೊ ಶಾಂತಿ ಸಮಾದಾನ ಥಯಲ ತುಮಾರಿ ಅಂತರಯಜ಼ ಚೊ಼ಕು ದಿಕ್ಹಾನು ರ‍್ಹೌ. ತೆ ಸುಂದರತಾ ಹಾಳಥಾತಿ ನೈ. ತೆ ಕ್ಹುದಾನೆ ಘನ್ನು ಮೊಗು ವ್ಹೈ.

1 ಯೊಹಾನ 3:18

ಮಾರಾ ಬಚ್ಚಾ಼ವೊ ಮಾರಿ ಮಯಾ ಖಾಲಿ ವಾತೊಮಾ ವರಿ ಶಬ್ದುಮಾ ರ‍್ಹೌ ನೈ ಮಾರಿ ಮಯಾ ಕ್ಹರಿನಿ ಮಯಾ ರ‍್ಹೌ ಅಪೆ ಕರಾನಾ ಕಾಮಾಮಾಜ಼ ಆಪನಿ ಮಯಾ ದೆಕಾಡಿನ ದ್ಯು.

1 ಯೊಹಾನ 3:21

ಮಾರೊ ಮಯಾನೊ ದೊಸ್ತತೊ, ಅಪೆ ತಪ್ಪ ಕರಾಡಾನತಿ ಕೆಲಾಮಾಬಿ ತುಮೊನೆ ಕಲಿಮ, ಅಪೆ ಕ್ಹುದಾನೆ ಕ್ಹಾತೆ ದೈರೆಕ್ಹು ಆವಾನು ಸಾದ್ಯ.

1 ಯೊಹಾನ 3:3

ಕ್ರಿಸ್ತಮಾ ಆಸ ಮ್ಹೆಲಲ ಹರಿ ಯಕ್ಲಾ ಕ್ರಿಸ್ತ ಕಿಮ ಪರಿಶುದ್ಧ ಛೆ ತಿನಾ ಲಿಂಗತಜ಼ ಹರಿ ಯಕ್ಲಾ ಪರಿಶುದ್ಧ ಥೌ.

1 ಯೊಹಾನ 5:3

ಕ್ಹುದಾನಾ ಉಪ್ಪರ ರ‍್ಹಯಲ ಮಯಾ ಸು ವ್ಹೈ ಕದ್ಯಾಮ ತಿನಾ ಆಗ್ಯಾನಾ ಲಿಂಗತ ಚಾಲಾನುಜ ವ್ಹೈ. ತಿನಾ ಆಗ್ಯಾ ವಜ್ಜು ನ್ಹವೈ.

ಪ್ರಕಟನೆ 2:19

"ತು ಕರಾನು ಕಾಮೊ ಮನೆ ಗ್ವತ್ತ ಛೆ. ತಾರಿ ಮಯಾ, ಬರೊಕ್ಹೊ, ಸೆವೆ ವರಿ ತಡ್ದಿಲಿವಾನು ಮನೆ ಗ್ವತ್ತ ಛೆ. ತು ಹಮ್ನಾ ಪೈಲಾತಿ ಜಾಸ್ತಿ ಕರಾನು ಗ್ವತ್ತ ಛೆ.

ಪ್ರಕಟನೆ 3:10

ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.