1 ಪೆತ್ರಾ 3:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಘನ್ನಾ ದಿನ್ನಪಾಚಾ಼ ಜಿವ್ತಾ ರ‍್ಹಯಲವಾಲಾ ಕ್ಹುದಾನಿ ವಾಟ್ಮಾ ಚಾ಼ಲಿನ ಪರಿಶುದ್ಧ ಥಯಲ ಹೆಣ ಮನಕ್ಹೊ ಇನಾಲಿಂಗತಜ಼ ತಯ್ಯಾರ ಥೈನ. ತ್ಯುನೆ ತಿವ್ನಾ ಮಾಟಿಯೊನೆ ಅಧಿನ ಥಯ್ಯೊತಿಯೊ.

1 ಪೆತ್ರಾ 3:5 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 2:37

ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ.

ಅಪೊಸ್ತಲೊ 1:14

ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ.

ಅಪೊಸ್ತಲೊ 9:36

ಯೊಪ್ಪ ಗಾಮಾಮಾ ತಬಿಥಾ ಕವಾಲಿ ಯಕ್ಕ ವಿಸ್ವಾಸಿ ವ್ಹತ್ತಿ. ತೆ ನಾಮನೆ ಗ್ರಿಕಮಾ ಭಾಶಾಮಾ ದೊರ್ಕ ಕದ್ಯಾಮ ಚಿಗರಿ ವ್ಹೈ. ತೆ ಚೊ಼ಕಾ ಕಾಮೊ ವರಿ ದಾನ ಧರ್ಮ ಘನ್ನಾ ಕರತಿತಿ.

ಎಫೆಸ 5:33

ತೆನೈಸೊ ತುಮೊಮಾ ಹರಯಕ್ಕ ಮಾಟಿ ತಿನೆ ತೆಜ಼ ಮಯಾ ಕರಲ ಲಿಂಗತ ತಿನಿ ಬೈಕೊನೆ ಮಯಾ ಕರು ವರಿ ಬೈಕೊ ತಿನಾ ಮಾಟಿನೆ ಭೆ ಭಕ್ತಿಕ್ಹು ರ‍್ಹೌ.

1 ತಿಮೊತಿ 2:10

ತೆನೈಸೊ ತ್ಯುನೆ ತೆ ಬಾಕಡಿಯೊ ತ್ಯುನೊನೆ ಚೊ಼ಕಾ ಕಾಮೊ ಕರಾನಾ ಹುತಿ ತ್ಯುನಿ ಸುಂದರತಾ ದೆಕಾಡಿಲ್ಯು. ಕ್ಹುದಾನೆ ಆರಾಧನಾ ಕರೆಸ ಕೈನ ಕವಾಲ್ಯೊ ಹೆಣ್ಣ ಮನಕ್ಹೊ ತ್ಯುನೊನೆ ತಯ್ಯಾರ ಕರಲ್ಯು.

1 ತಿಮೊತಿ 2:15

ತೆನೈಸೊ ಹೆಣ್ಣ ಮನಕ್ಹ ಬರೊಕ್ಹಾಮಾ, ಮಯಾಮಾ, ಪರಿಶುದ್ಧತೆಮಾ ವರಿ ಪವಿತ್ರತಾಮಾ ಘಟ್ಟ ಥೈನ ರ‍್ಹಯ್ಯೊಮ ಬಚ್ಚಾ ಜನ್ನತಾಮಾ ರಕ್ಷಣೆ ಮಳಸ.

1 ತಿಮೊತಿ 5:10

ತೆ ಚೊ಼ಕಾ ಕಾಮೊ ಕರಸ ಕೈನ ಕವೈಲಿದಲ ರ‍್ಹೌ. ಕದ್ಯಾಮ ತೆ ತಿನಾ ಬಚ್ಚಾ಼ವೊನೆ ರಾಕಿನ, ಆಯಲ ಮನಕ್ಹೊನೆ ಮರ್ಯಾದಿ ದಿದಲ ವಾಲಿ, ಕ್ಹುದಾನಾ ಮನಕ್ಹೊನಾ ಪಗೊ ಧ್ವಯಲವಾಲಿ, ತ್ರಾಸಮಾ ರ‍್ಹಯಲ ಮನಕ್ಹೊನೆ ಆಸ್ರೊ ಕರಲವಾಲಿ ವರಿ ತಿನಾ ಹತೆ ಥಯಲ ತೆಕ್ಲು ಚೊ಼ಕಾ ಕಾಮೊ ಕರಲವಾಲಿ ರ‍್ಹೌ.

1 ತಿಮೊತಿ 5:5

ಯಕ್ಕ ರಾOಡಿ ಹೆಣ ಮನಕ್ಹ ಕ್ಹರಿಮಾಜ಼ ತಿನೆ ಕುನ್ನಜ಼ ಆಸ್ರೊ ನೈಸೊ ಯಕ್ಕಲಿಜ಼ ರ‍್ಹೈಮ, ತೆಳಾಮಾ ತೆ ತಿನಾ ಆಸ್ರಾನೆ ಕ್ಹುದಾಪರ ಆಸ ಮ್ಹೆಲಸ. ತೆ ಹೆಣ ಮನಕ್ಹ ದಿನ್ನ ರಾತ ಪ್ರಾಥನಾ ಕರಸ. ತೆ ಆಸ್ರೊ ಮಾಂಗಸ.

ಇಬ್ರಿಯ 11:11

ತೆನೈಸೊ ಸಾರಳ ವಾಗ್ದಾನ ಕರಲವಾಲಾನೆ ನಂಬಿನ ತೆ ಪ್ರಾಯ ಖರಲವಾಲಿ ಥೈತಬಿ ಬರೊಕ್ಹಾಕ್ಹು ಪೆಟೆ ರ‍್ಹವಾನೆ ತಾಕತ ವ್ಹಂದಿ.

1 ಪೆತ್ರಾ 1:3

ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.