1 ಪೆತ್ರಾ 3:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.

1 ಪೆತ್ರಾ 3:21 ပူးပေါင်းရင်းမြစ်များ

ಮತ್ತಾಯ 28:19

ತಿನಾಹುತಿ ತುಮೆ ಗೈನ, ದುನಿಯಾಮಾ ರ‍್ಹವಾನಾ ಕ್ಹಾರಾ ಮನಕ್ಹೊನೆ ಮಾರಾ ಶಿಶ್ಯಾ ಕರೊ. ಬಾನಾ, ದಿಕ್ರಾನಾ ವರಿ ಪವಿತ್ರ ಆತ್ಮಾನಾ ನಾಮಪರ ತ್ಯುನೊನೆ ಬಾಪ್ತಿಸ್ಮಾ ಕರಾವೊ.

ಮಾರ್ಕ 16:16

ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.

ಯೊಹಾನ 13:9

ತೆಳಾಮಾ ಸಿಮೊನ ಪೆತ್ರಾ, ಪ್ರಭು, ಮಾರಾ ಪಗೊ ಯಕ್ಕಜ಼ ನೈಸೊ ಮಾರಾ ಹತೊ ವರಿ ಮಾತು ಧೊ" ಕೈನ ಮಾಂಗಿಲಿದ್ಯೊ.

ಅಪೊಸ್ತಲೊ 16:33

ತೆಳಾಮಾ ತೆ ರಾತ್ತನಾ ತೆಜ಼ ಟೈಮ್ಮಾ ತ್ಯುನೊನೆ ಬಲೈಲಿನ ಗೈನ ತ್ಯುನಾ ದುಕೊ ಕ್ಹಾರಾ ನುಚಿನ ತೆಳಾಮಾ ತೆ ತ್ಯುನಾ ಕ್ಹಾರಾವೊನಾ ಕ್ಹಾತೆ ಮಳಿನ ಬಾಪ್ತಿಸ್ಮ ಲಿದ್ಯೊ.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 22:16

ಹಮ್ನಾ ತು ಕಾ ತಡಾ ಕರಡ್ಯೊಸ? ಉಟಿನ ಕರ್ತಾನು ನಾಮ ಕೈಲಿವಾಲೊ ಥೌ ಕೈನ ಬಾಪ್ತಿಸ್ಮ ಕರೈಲಿನ ತಾರು ಪಾಪ ಧವೈಲೆ ಕೈನ ಕದ್ಯೊ ತಿನಾಹುತಿ ಪ್ರಾರ್ಥನಾ ಕರ‍್ಯೊ.

ಅಪೊಸ್ತಲೊ 8:36

ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಕ ತಳಾನಾ ನಜಿಕ ಆಯಾ. ತೆಳಾಮಾ ತೆ ಮನಕ್ಹ ದೆಕ ನ್ಹ್ಯಾ ಪಾನಿ ಛೆ ಬಾಪ್ತಿಸ್ಮ ಲಿವಾನೆ ಮನೆ ಸುಬಿ ಅಡ್ಡ ಛೆಸು? ಕೈನ ಫಿಲಿಪ್ಪನೆ ಪುಚ್ಯೊ಼.

ಅಪೊಸ್ತಲೊ 8:37

ತೆ ವಾತೆ ಫಿಲಿಪ್ಪ ತಾರಾ ಮನಸ ಕ್ಹರಿನೆ ನಂಬಾನೊ ರ‍್ಹಯೊಮ ಬಾಪ್ತಿಸ್ಮ ಕರೈಲೆ ಸಕಸ ಕೈನ ಕದ್ಯೊ. ತೆ ವಾತೆ ಯೆಸು ಕ್ರಿಸ್ತನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಬರೊಕ್ಹೊ ಕರುಸ ಕೈನ

ರೊಮಾಪೂರ 5:14

ತೆನೈಸೊ ಆದಾಮಾನಾ ಕಾಲ್ತೊ ಮೊಶೆನಾ ಕಾಲ ಲಕ್ಕಾ ಕ್ಹಾರಾ ಮನಕ್ಹೊ ಮರಾನು ಥೈಯು. ಆದಾಮ ಪಾಪ ಕರಲ ಹುತಿ ಮರ‍್ಯೊ. ಕ್ಹುದಾನಿ ವಾತ ದಾಟಿನ ಗೈಯಲ ತೆ ಪಾಪ ವ್ಹೈ. ವರಿಬಿ ಆದಾಮ ಕರಲ ಪಾಪ ಲಿಂಗತ ಮ್ಹೊಟು ಪಾಪ ನೈ ಕರಲವಾಲಾಬಿ ಮರವಾನೆಜ಼ ಥಯು. ಆದಾಮ ಅಗಲ್ಯಾ ಲೊಕಮಾ ಆವಾನೊ ರ‍್ಹಯಲ ಯಕ್ಲಾನೆ (ಕ್ರಿಸ್ತನೆ) ವಳಕ ಥಯೊತೊ.

1 ಕೊರಿಂಥ 12:13

ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.

1 ಕೊರಿಂಥ 4:6

ಭಾಯೊ ಭೆನೊ, ಮಿ ತುಮಾರಾ ಹುತಿ ಎ ವಿಶಯೊಮಾ ಅಪೊಲೊಸನೆ ವರಿ ಮನೆ ಉದಾಹರಣೆ ಕರಿನ ದಿದ್ಯೊಸ. ಕಾ ಕದ್ಯಾಮ ಬರ್ದಲ ನಿಯಮೊ ಚಾ಼ಲಿಂಜಾ಼ ಕವಾನಿ ವಾಕ್ಯಾನು ಮತ್ಲಬ ತುಮೆ ಹಮಾರಾಕ್ಹು ಶಿಕ್ಕು. ತೆಳಾಮಾ ತುಮೆ ಯಕ್ಲಾನಾ ವಿಷಯಮಾ ಹೆಚ್ಕಿ ಥೈನ ವರಿಯಕ್ಲಾನೆ ದ್ವೆಶ ನೈ ಕರ‍್ತಾ.

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಗಲಾತ್ಯ 3:27

ಕ್ರಿಸ್ತ ಯೆಸುಮಾ ಬರೊಕ್ಹೊ ಮ್ಹೆಲಾನಾ ಮುಕಾಂತರ ತುಮೆ ಕ್ಹಾರಾ ಕ್ಹುದಾನಾ ಬಚ್ಚಾ಼ ಥಯಾಸ ಕೈನ ದೆಕಾಡಿನ ದಿವಸ.

ಎಫೆಸ 5:26

ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.

ಕೊಲೆಸ್ಸೆ 2:12

ತುಮೆ ಬಾಪ್ತಿಸ್ಮ ಕ್ರಿಸ್ತನಾ ಕ್ಹಾತೆ ಬುರ‍್ಯಾ ವರಿ ತಿನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾನಿ ತಾಕತಮಾ ಬರಕ್ಹೊ ಮ್ಹೆಲಾನಾ ಮುಲಕ ತಿನಾ ಕ್ಹಾತೆ ತುಮೆ ಉಟಿನ ಆಯಾಸ.

1 ತಿಮೊತಿ 1:5

ಮಯಾಜ಼ ತೆ ಆಗ್ನ್ಯಾನಿ ಗುರಿ ವ್ಹೈ. ತೆ ಮಯಾ ಮಳು ಕದ್ಯಾಮ ಮನಕ್ಹೊ ಚೊ಼ಕಾ ಮನಸೆ ರ‍್ಹಯಲವಾಲಾ ರ‍್ಹೌ; ಯೊಗ್ಯ ಥಯಲ ಕಾಮಜ಼ ಕರಾಲಾ ರ‍್ಹೌ; ವರಿ ಕಪಟ ನೈಸೊ ಬರೊಕ್ಹೊ ರ‍್ಹಯಲವಾಲಾ ರ‍್ಹೌ.

1 ತಿಮೊತಿ 6:12

ಬರೊಕ್ಹಾನಾ ಖೆಲಮಾ ತಾರಿ ಚೊ಼ಕಿತನಾಕ್ಹು ನ್ಹಾಟ ಲಿಂಗತ ಛೆ. ನ್ಹಾಟಾನಾ ಖೆಲಮಾ ಝಿತ್ತಾನೆ ತುಕನ ಥಾವಾ ಯಕ್ಲು ಕೊಶಿಶ ಕರ. ಹಮೆಶಾನೊ ಜಿವನ ಪಡದಿಲಿವಾನೆ ಕೊಶಿಶ ಕರ. ತೆ ಪಡದಿಲಿವು ಕೈನ ಬಲೈಲಿದಲವಾಲೊ ವ್ಹೈ. ಕ್ರಿಸ್ತನಾ ಬರೊಕ್ಹಾನಾ ಹುತಿ ಕ್ಹರಿ ತು ಘನ್ನಾ ಮನಕ್ಹೊನಾ ಕ್ಹಾಮೊ ವಪ್ಪಿಲಿವು.

ಇಬ್ರಿಯ 10:22

ತಿನಾಹುತಿ ಕೆಟ್ಟ ಮನಸಾಕ್ಷಿನೆ ವಳಕಿನ ಶುದ್ಧ ಕರಲಿನ, ಪಾತಳಾ ಪಾನಿಕ್ಹು ಧ್ವೈಲಿದಲ ಅಂಗಕ್ಹು, ಯಕ್ಕಜ಼ ಮನಸಕ್ಹು, ಬರೊಕ್ಹಾಕ್ಹು ಪುರಾ ಚಿತ್ತಕ್ಹು, ಕ್ಹುದಾನಾ ನಜಿಕ ಐಯೆ.

ಇಬ್ರಿಯ 11:19

ಕ್ಹುದಾ ಮರಲವಾಲಾವೊನೆ ಜಿವ್ತಾ ಕರಸ ಕೈನ ತೆ ಬರೊಕ್ಹೊ ಕರ‍್ಯೊತೊ. ಇಸಾಕನೆ ಬಲಿದೆತಾಮಾ ಕ್ಹುದಾ ತಿನೆ ತರಬತಾಮಾ, ತಿನೆ ಕ್ಹರಿಮಾಜ಼ ಇಸಾಕನೆ ಮರಣಮಾತೊ ವಾಚ಼ಲ ಲಿಂಗತ ಥಯು.

ಇಬ್ರಿಯ 13:18

ಹಮಾರಾ ಹುತಿ ಪ್ರಾಥನಾ ಕರೊ. ಹಮೆ ಕ್ಹಾರಿಯೊ ವಿಷಯನಾ ಹುತಿ ಚೊ಼ಕಿತರಾ ಚಾ಼ಲಿಲಿನ ಜೌ಼ ಕೈನ ಚೊ಼ಕಿ ಮನಸನಿ ಸಾಕ್ಷಿ ವ್ಹಂದಿಲಿದ್ಯಾಸ ಕೈನ ಫೈಸಲೊ ಕರಿಲಿದ್ಯಾಸ.

ಇಬ್ರಿಯ 9:14

ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.

ಇಬ್ರಿಯ 9:24

ಕಾಕದ್ಯಾಮ ಕ್ರಿಸ್ತಬಿ ಕ್ಹರಿ ರ‍್ಹಯಲ ದೆವಾಲಯನೆ ಭೌಲು ಥೈನ ಹತ್ತಕ್ಹು ಭಾಂದಲ ಪವಿತ್ರ ಜ಼ಗಾನೆ ನೈ ಗೈನ, ಕ್ಹುದಾನಿ ಸನ್ನಿದಿಮಾ ಅಪ್ನಾಹುತಿ ಹಮ್ನಾ ಪ್ರತ್ಯಕ್ಷ ಥಾವಾನೆ ಪರಲೊಕಮಾ ಗಯೊ.

1 ಪೆತ್ರಾ 1:3

ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.

1 ಪೆತ್ರಾ 3:16

ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.