1 ಪೆತ್ರಾ 1:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ತೆನೈಸೊ ಕ್ಹುದಾನಿಯೊ ವಾತೊ ಹಮೆಶಾ ಜಿವ್ತಿಯೊ ರ‍್ಹವಸ. ತೆ ವಾತೊ ಸುವೈ ಕದ್ಯಾಮ ತಮನೊನೆ ಕದಲ ಸುವಾರ್ತಾನಿ ವಾಕ್ಯ ವ್ಹೈ. ಯೆಶಾಯ 40:6-8

1 ಪೆತ್ರಾ 1:25 ပူးပေါင်းရင်းမြစ်များ

ಮತ್ತಾಯ 5:18

ಮಿ ತುಮೊನೆ ಕ್ಹರಿಜ ಕೌಸ. ಸ್ವರ್ಗ ವರಿ ಜಿಮಿನ ನಾಶ ಥಾಯೆಲಕ್ಕಾ ಧರಮಶಾಸ್ತ್ರಮಾತು ಸುಜ಼ ನುಚ್ಚಾತು ನೈ. ಕ್ಹಾರು ಪುರಾ ಥಯೆಲಕ್ಕಾ ಧರಮ ಶಾಸ್ತ್ರಮಾನು ಯಕ್ಕ ಅಕ್ಷರ ರ‍್ಹವಾದೆ ತೆನೈಸೊ ತಿಮಾನಿ ಯಕ್ಕ ಚಿಕ್ಕಿ ರ‍್ಹವಾದೆ ನುಚ್ಚಾತು ನೈ.

ಲುಕ ಬರ್ದಲ ಸುವಾರ್ತಾ 16:17

ಹಬಾಳ ಜಿಮಿನ ನೈಸೊ ಥಾವಸ ತೆನೈಸೊ ಧರಮಶಾಸ್ತ್ರಮಾ ರ‍್ಹಯಲ ಯಕ್ಕಬಿ ವಾತ ಕಾಡಾನೆ ಥಾತು ನೈ.

ಯೊಹಾನ 1:1

ಶುರುತಿ ಪೈಲಾಜ ದುನಿಯಾಮಾ ವಾಕ್ಯಾ ವ್ಹತ್ತಿ. ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. ತೆಜ಼ ಕ್ಹುದಾ ವ್ಹತ್ತೊ.

ಯೊಹಾನ 1:14

ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ.

1 ಕೊರಿಂಥ 2:2

ಮಿ ತುಮಾರಾ ಕ್ಹಾತೆ ರ‍್ಹತಾಮಾ ಯೆಸು ಕ್ರಿಸ್ತನಾ ವರಿ ತಿನಿ ಶಿಲುಬಿ ಪರ ಥಯಲ ಮೌತನೆ ಛೊಡಿನ ಬಿಜಾ಼ ಕ್ಹಾರಾ ವಿಷಯನೆ ಇಕ್ಹರಾನೆ ಪೈಸ್ಲೊ ಕರ‍್ಯೊ.

ಎಫೆಸ 2:17

ಕ್ಹುದಾಕ್ಹು ದುರ ಥಯಲ ತುಮೊಕನಬಿ ನಜ್ದಿಕ ರ‍್ಹಯಲವಾಲಾವೊಕನಬಿ ಕ್ರಿಸ್ತ ಐನ ಸಮಾಧಾನನಾ ಹುತಿ ಉಪದೆಶ ಕರ‍್ಯೊ.

ಎಫೆಸ 3:8

ಕ್ಹುದಾನಾ ಮನಕ್ಹೊಮಾ ಮಿಜ಼ ನ್ಹಾನೊ ವ್ಹೈ. ಕ್ರಿಸ್ತನಿ ಆಸ್ತಿನಾ ಹುತಿ ರ‍್ಹಯಲ ಸುವಾರ್ತೆನೆ ಮಿ ಯಹುದ್ಯೊ ನೈಸೊವಾಲಾವೊನೆ ತಿಳಸೌ ಕೈನ ಕ್ಹುದಾ ಮನೆ ಕೃಪಾ ವರ ದಿದ್ಯೊ. ತೆ ಆಸ್ತಿ ಪುರಾ ಕಳೈಲಿವಾನೆ ಸಾಧ್ಯ ನತ್ತಿ.

ತಿತನೆ 1:3

ಕರೆಟ್ಟ ಟೈಮ ಆತಾಮಾ ಕ್ಹುದಾ ತೆ ಹಮೆಶಾನೊ ಜ಼ಲಮ ಜಗತ್ನೆ ದೆಕಾಡಿನ ದಿದ್ಯೊ. ಮನೆ ವಪ್ಸಿನ ದಿದಲ ಎ ಸಂದೆಶ ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಆಗನ್ಯಾಲಿಂಗತ ಕವಾಡ್ಯೊಸ.

ಇಬ್ರಿಯ 6:5

ತ್ಯುನೆ ಕ್ಹುದಾನಿ ವರಾ ಪಡ್ದಿಲಿದಲವಾಲಾ ವ್ಹೈ. ಪವಿತ್ರ ಆತ್ಮಾನೆ ವಾಟೊ ಲಿವಾಲಾ ತಯಾಸ. ಕ್ಹುದಾ ಕದಲ ಸಂಗತಿಯೊ ಐಕಲ ತ್ಯುನೆ ಕ್ಹುದಾನಿ ನವು ದುನಿಯಾನೆ ಮ್ಹೊಟಿ ತಾಕತೊನೆ ದೆಕಲವಾಲಾ ಥಯಾಸ. ತೆ ಕ್ಹಾರು ಚೊ಼ಕು ವ್ಹೈ ಕೈನ ತ್ಯುನೆ ಶಿಕ್ಯಾಸ.

1 ಪೆತ್ರಾ 1:12

ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.

1 ಪೆತ್ರಾ 1:23

ತುಮೆ ನವೊ ಜ಼ಲಮ ಲಿನ ಹುಟ್ಟಲ ಲಿಂಗತ ವ್ಹೈ. ಎ ನವೊ ಜ಼ಲಮ ಹಾಳಥಾವಾನೊ ಜ಼ಲಮಕ್ಹು ನತ್ತಿ ಲಿದ್ಯಾ. ತೆ ಜ಼ಲಮ ಹಾಳ ನೈ ಥಾವಾನು ಜ಼ಲಮಕ್ಹು ಲಿದ್ಯಾಸ. ಜ಼ಲಮ ರ‍್ಹಯಲ ಹಮೆಶಾ ರ‍್ಹಯಲ ಕ್ಹುದಾನಿಯೊ ವಾತೊಕ್ಹು ತುಮೆ ನವೊ ಜ಼ಲಮ ಲಿದ್ಯಾಸ.

1 ಪೆತ್ರಾ 2:2

ಹಮ್ನಾ ಹುಟ್ಟಲ ಬಚ್ಚಾ಼ವೊ ಲಿಂಗತ ರ‍್ಹವೊ. ತುಮಾರಿ ಆತ್ಮಾ ಜ಼ತ್ತನ ಕರಲ ಲಿಂಗತ ಶುದ್ಧ ದುದ್ದನೆ (ಕ್ಹುದಾನಿಯೊ ವಾತೊ) ಆಸ ಕರೊ. ತುಮೆ ತೆ ಪಿದ್ಯಾಮ ಬೆಳ್ದಿನ ರಕ್ಷಣೆ ವ್ಹಂದೊಶಿ

2 ಪೆತ್ರಾ 1:19

ಪ್ರವಾದಿಯೊ ಕದಲ ಎ ಸಂಗತಿಯೊ ಐಕಿನ ವರಿ ಘನ್ನು ಕ್ಹರಿ ಲಾಗ್ಯು. ತ್ಯುನೆ ಕದಲ ಕ್ಹಾರುಜ಼ ಐಕಿನ ವರಿ ತಿನಾನಿಂಗ ಚಾ಼ಲಾನು ಚೊ಼ಕು ವ್ಹೈ. ತ್ಯುನೆ ಕದಲ ಸಂಗತಿಯೊ ಅಂದಾರಾಮಾ ಉಜಾಲು ದಿವಸ. ತುಮಾರಾ ಮನಸ್ಮಾ ದಿನ್ನ ನಿಕ್ಹಳಿನ, ಪಾಟ್ಲ್ಯೊ ಉಜಾಲು ಥಾಯೆಲಕ್ಕಾ ತೆ ಉಜಾಲು ರ‍್ಹವಸ.

1 ಯೊಹಾನ 1:1

ಎ ಜಗತ ಶುರು ಥಾವಾತಿ ಅಗ್ದುರಜ಼ ರ‍್ಹಯಲ ಜ಼ಲಮ ರ‍್ಹಯಲ ಕ್ಹುದಾನಿ ಹುತಿ ಹಮೆ ತುಮೊನೆ ಬರ್ದಾಡ್ಯಾಸ; ಎ ಕ್ಹಾರು ಕಾನೊಕ್ಹು ಐಕ್ಯಾಸ; ಡೊಳಾಕ್ಹು ದೆಕ್ಯಾಸ; ಧ್ಯಾನ ದಿನ ದೆಕ್ಯಾಸ, ಹತೊಕ್ಹು ಮುಟ್ಟಿನ ದೆಕ್ಯಾಸ.

1 ಯೊಹಾನ 1:3

ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕವಾಡ್ಯಾಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲ ಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ‍್ಹವಾನು ವ್ಹೈ.

ಪ್ರಕಟನೆ 14:6

ಪಾಚಾ಼ತಾ ವರಿಯಕ್ಕ ಕ್ಹುದಾನು ದುತ ವಾರಾಮಾ ಘನ್ನು ಉಪ್ಪರ ಉಡಾನು ಮಿ ದೆಕ್ಯೊ. ಜಿಮಿನ ಪರ ರ‍್ಹವಾನು ಹರಯಕ್ಕ ಜನಾಂಗ, ಘರದಾನು, ಮನಕ್ಹೊ, ಭಾಷಾನಾ ಕ್ಹಾರಾ ಮನಕ್ಹೊನೆ ಬೊಧನೆ ಕರಾನೆ ಹಮೆಶಾನು ಸುವಾರ್ತೆ ತೆ ಕ್ಹುದಾನಾ ದುತ ಕನ ವ್ಹತ್ತು.