1 ಪೆತ್ರಾ 1:22 - ಕ್ಹುದಾನಿ ಕ್ಹರಿನಿ ವಾಕ್ಯಾ

²² ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ.

1 ಪೆತ್ರಾ 1:22 ပူးပေါင်းရင်းမြစ်များ

ಯೊಹಾನ 15:17

ತುಮೆ ಯಕ್ನೆ ಯಕ್ಕ ಮಯಾ ಕರು ಕವಾನುಜ ಮಾರಿ ಆಗನ್ಯಾ ವ್ಹೈ.

ಯೊಹಾನ 15:3

ಮಿ ತುಮೊನೆ ಕದಲ ಉಪದೆಶ ಕ್ಹು ತುಮೆ ಹಮ್ನಾಜ ಶುದ್ಧ ಥಯಾಸ.

ಯೊಹಾನ 17:17

"ತಾರಿ ಕ್ಹರಿನಾ ಮುಲಕ ತು ಇವ್ನೊನೆ ತಾರಿ ಸೆವೆನೆ ಸಮರ್ಪಣೆ ಕರಿ ಲೆ. ಕ್ಹರಿನಾ ಹುತಿ ತಾರಾ ವಾತೊ ಕ್ಹರಿಜ ವ್ಹೈ.

ಯೊಹಾನ 17:19

ಇವ್ನೆ ಕ್ಹರಿಮಾಜ಼ ತಾರಿ ಸೆವೆನೆ ಒಪ್ಸಿನ ದಿವ್ ಕೈನ ಮನೆ ಮಿಜ಼ ತುನೆ ಒಪ್ಸಿನ ದಿದ್ಯೊಸ.

ಅಪೊಸ್ತಲೊ 15:9

ಕ್ಹುದಾ ದೃಶ್ಟಿಮಾ ತ್ಯುನೊನೆಬಿ ಹಮೊನೆಬಿ ಕಯು ಫರಕ ನತ್ತಿ. ತ್ಯುನೆ ಬರೊಕ್ಹೊ ಕರಲ್ಪರ, ಕ್ಹುದಾ ತ್ಯುನಾ ಮನಸೊ ಶುದ್ಧ ಕರ‍್ಯೊ.

ಅಪೊಸ್ತಲೊ 6:7

ವರಿ ಕ್ಹುದಾನಿ ವಾಕ್ಯಾ ಘನ್ನಾ ಮನಕ್ಹೊಕನ ಫೈಲತಿ ಗೈ, ಯೆರುಸೆಲೆಮಾ ರ‍್ಹಯಲ ಶಿಷ್ಯಾವೊನು ಗುಂಪ ಮ್ಹೊಟು ಥಾತು ಚಾ಼ಲ್ಯು. ಘನ್ನಾ ಯೆಹುದಿಯೊನಾ ಯಾಜಕೊ ಯೆಸು ಕ್ರಿಸ್ತಪರ ಬರೊಕ್ಹೊ ಮುಕ್ಯಾ.

ರೊಮಾಪೂರ 1:5

ಕ್ಹುದಾ ತಿನಾ ಮುಲಕ ಮನೆ ಕ್ರಿಸ್ತನಾ ಹುತಿ ಅಪೊಸ್ತಲ ಥಾವಾನೆ ನಸಿಬ ದಿದ್ಯೊ. ಕ್ಹಾರಾ ದೆಶನಾ ಮನಕ್ಹೊನೆ ತಿನಾ ಬರೊಕ್ಹಾಮಾ ಲೌ ಕೈನ ಕ್ಹುದಾ ಮನೆ ಎ ಭಾಗ್ಯ ದಿದ್ಯೊ.

ರೊಮಾಪೂರ 2:8

ತೆನೈಸೊ ಉಗ್ರಲ ಮನಕ್ಹೊ ಸ್ವಾರಥಿಯೊ ಥೈನ,ಕ್ಹರಿಪರ ಚಾ಼ಲ್ಯಾವಾಚಿ ಕೆಟ್ಟ ಕಾಮೊಪರ ಚಾ಼ಲಾಲಾ ಥಯಾಸ. ತ್ಯುನೊಪರ ಕ್ಹುದಾನಿ ಶಿಟ್ಟ ವರಿ ರುದ್ರ ಅವತಾರ ಆವಸ.

ರೊಮಾಪೂರ 8:13

ತುಮಾರಿ ಪಾಪ್ನಿ ಸ್ವಭಾವ ಛಾಳಿಯೊ ಆಸ ಕರಾನಿಯೊ ಕೆಟ್ಟ ಕಾಮೊ ಕರಾನಾಹುತಿ ತುಮೆ ತುಮಾರಿ ಜಿವಿತ ಉಪಯೊಗ ಕರ‍್ಯಾಮ, ತುಮೆ ಆತ್ಮಿಕಮಾ ಮರೊಸಿ. ತೆನೈಸೊ ತುಮೆ ತುಮಾರಿ ಅಂಗನಾ ಮುಕಾಂತರ ಕರಾನಾ ಕೆಟ್ಟ ಕಾಮೊ ಪವಿತ್ರ ಆತ್ಮಾನಿ ಸಹಾಯಾ ಕ್ಹು ಹುಬ್ರಾಡ್ಯಾಮ ಜಿವ್ತಾ ರ‍್ಹವೊಶಿ.

2 ಕೊರಿಂಥ 6:6

ಶುದ್ಧ ಮನಸ ಗ್ಯಾನ ತಡ್ದಿಲಿವಾನು ಮರ್ಗ ಪವಿತ್ರ ಕಪಟ ನೈಸೊ ಮಯಾ.

ಗಲಾತ್ಯ 3:1

ಯೆಸು ಕ್ರಿಸ್ತ ಶಿಲುವಿಪರ ಮರಲ ಹುತಿ ಗಲಾತ್ಯಮಾ ರ‍್ಹಯಲ ತುಮೊನೆ ಘನ್ನಿ ಚೊ಼ಕಿತರಾ ಕದ್ಯಾ. ತೆನೈಸೊ ತುಮೆ ವಟ್ಟಜ಼ ಗ್ಯಾನ ನೈಸೊವಾಲಾ ವ್ಹೈ. ತುಮೊನೆ ಮೊಸ ಕರಾನೆ ಬಿಜೆ಼ಕ್ಲಾನೆ ಮೌಕೊ ಕರಿನ ದಿದ್ಯಾ.

ಗಲಾತ್ಯ 5:5

ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.

ಗಲಾತ್ಯ 5:7

ತುಮೆ ಚೊ಼ಕಿತರಾ ಚಾ಼ಲಿಲಿನ ಚಾ಼ಲ್ಯಾಸ. ತುಮೆ ಕ್ಹರಿನೆ ವಿಧೆಯ ಥಯಾಸ. ಕ್ಹರಿನಿ ವಾಟ ಕರುನೈ ಕೈನ ತುಮೊನೆ ವತ್ತಾಯ ಕರಲವಾಲಾ ಕುನ ವ್ಹೈ?

ಎಫೆಸ 4:3

ತುಮೆ ತಿನಾ ಮುಲಕ ಸಮಾದಾನ ಕವಾನಾ ಬಂಧನೊ ಕ್ಹು ಯಕ್ಕ ಥಯಾಸ. ಇನಾ ಲಿಂಗತ ರ‍್ಹವಾನೆ ತುಮಾರಾ ಹತೆ ಥಯಲ ತೆಕ್ಲು ಕೊಶಿಶ ಕರೊ. ಸಮಾಧಾನ ತುಮೊನೆ ಕ್ಹಾರಾವೊನೆ ಯಕ್ಕ ಕರಾದೆ.

ಫಿಲಿಪ್ಪಿ 1:9

ವರಿ ತಮಾರಿ ಮಯಾ ಹಜ಼ು ಘನಿ ಥಾತಿ ಕ್ಹಾರು ಗ್ಯಾನ ವಿವೆಕ ತಮೊನೆ ಮಳಾದೆ ಕೈನ ತಮಾರಾಹುತಿ ಪ್ರಾರ್ಥನಾ ಕರುಸ.

1 ಥೆಸಲೊನಿಕ 3:12

ಹಮೆ ತುಮೊನೆ ಮಯಾಕರಲ ಲಿಂಗತ ತುಮಾರಿ ಮಯಾ ಘಟ್ಟ ಥಯಲ ಲಿಂಗತ ಯಕ್ಲಾನೆ ಯಕ್ಲಾಪರ ವರಿ ಬಿಜಾ಼ ಮನಕ್ಹೊಪರ ಮಯಾ ಹೆಚ್ಕಿ ಥಾವಾದೆ ಕರಿನ ಪ್ರಭುನೆ ಪ್ರಾಥನಾ ಕರಿಯೆಸ.

2 ಥೆಸಲೊನಿಕ 1:3

ಮಾರಾ ಭಾಯೊ ವರಿ ಭೆನೊ ತುಮಾರಿ ವಿಷಯಮಾ ಹಮೆಶಾಬಿ ಕ್ಹುದಾನೆ ಸ್ತೊತ್ರಾ ಕಯೆಸ. ಇಮ್ಮ ಕರಾನು ಚೊ಼ಕು ವ್ಹೈ. ಕಾ ಕದ್ಯಾಮ ತುಮಾರೊ ಬರೊಕ್ಹೊ ವರಿ ಹೆಚ್ಕಿ಼ ಥಯಲ ಹುತಿ ತುಮಾರಿ ಮಯಾ ಹೆಚ್ಕಿ಼ ಥಾತಿ ರ‍್ಹವಸ.

2 ಥೆಸಲೊನಿಕ 2:13

ಮಯಾನಾ ಭಾಯೊ, ಭೆನೊ, ತುಮೊನೆ ವಚಾ಼ಡಾನಾ ಹುತಿ ಕ್ಹುದಾ ತುಮೊನೆ ಆದಿಮಾ ಇನಿಲಿದ್ಯೊಸ. ತುಮೊನೆ ಪರಿಶುದ್ಧ ಕರಾನು ಪವಿತ್ರ ಆತ್ಮಾಕ್ಹು ವರಿ ಕ್ಹರಿಪರ ತುಮೊನೆ ರ‍್ಹಯಲ ಬರೊಕ್ಹಾಕ್ಹುಜ ತುಮೆ ರಕ್ಷಣೆ ಹೊಂದ್ಯಾಸ.

1 ತಿಮೊತಿ 1:3

ಮಿ ಮಕೆದೊನಿಯೆ ಜಾ಼ತಾಮಾ, ತು ಎಫೆಸಮಾ ರ‍್ಹೆ ಕೈನ ತುಕನ ಮಿ ಮಾಂಗಿಲಿದ್ಯೊತೊ. ಕಾ ಕದ್ಯಾಮ ದಕ್ಹಾ ಜ಼ನಾ ತ್ಯಾ ಸುಳ್ಳ ಸಂಗತಿಯೊ ಉಪದೆಶ ಕರಾಡಾಸ. ತು ತ್ಯುನೊನೆ ಆಗನ್ಯಾ ದಿನ್ನ ಹುಬ್ರಾಡ.

1 ತಿಮೊತಿ 1:5

ಮಯಾಜ಼ ತೆ ಆಗ್ನ್ಯಾನಿ ಗುರಿ ವ್ಹೈ. ತೆ ಮಯಾ ಮಳು ಕದ್ಯಾಮ ಮನಕ್ಹೊ ಚೊ಼ಕಾ ಮನಸೆ ರ‍್ಹಯಲವಾಲಾ ರ‍್ಹೌ; ಯೊಗ್ಯ ಥಯಲ ಕಾಮಜ಼ ಕರಾಲಾ ರ‍್ಹೌ; ವರಿ ಕಪಟ ನೈಸೊ ಬರೊಕ್ಹೊ ರ‍್ಹಯಲವಾಲಾ ರ‍್ಹೌ.

1 ತಿಮೊತಿ 4:12

ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.

1 ತಿಮೊತಿ 5:2

ವೈಸ ಥಯಲ ಹೆಣ ಮನಕ್ಹೊನೆ ಮಾ ಲಿಂಗತ ಜಾಂಜಿಮಾನ ಹೆಣ ಮನಕ್ಹೊನೆ ಭೆನೊ ಲಿಂಗತ ತಿಳದ. ಹಮೆಶಾಬಿ ತ್ಯುನಾ ಕ್ಹಾತೆ ಚೊ಼ಕಿ ತರಾ ಚಾ಼ಲ.

2 ತಿಮೊತಿ 1:14

ತಾರಾ ಹತ್ಮಾ ದಿದಲ ಕ್ಹರಿನೆ ಪವಿತ್ರ ಆತ್ಮಾನಿ ಮದತಕ್ಹು ಕೈದಿಲಿನ ಜಾ಼. ತೆ ಅಪೊಮಾ ರ‍್ಹವಾಡೊಸ.

ಇಬ್ರಿಯ 11:8

ಕ್ಹುದಾ ತೆ ದಿವ್ಸ ಕೈನ ಕದಲ ವಾಗ್ದಾನ ಕರಲ ಜ಼ಗಾಕನ ಜಾ಼ವಾನಾ ಹುತಿ ಅಬ್ರಹಾಮನೆ ಬಲಾಯೊ. ತೆ ಜ಼ಗಾ ಅಬ್ರಹಾಮನೆ ಕಿಜ್ಗಾ಼ ಛೆ ಕವಾನು ಗ್ವತ್ತ ನ್ಹೊತು. ಅಬ್ರಹಾಮಮಾ ಬರೊಕ್ಹೊ ರ‍್ಹಯಲಹುತಿ, ಕ್ಹುದಾನೆ ವಿಧೆಯ ಥೈನ ತೆ ಜ಼ಗಾಪರ ಜಾ಼ವಾನೆ ತಯ್ಯಾರ ಥಯೊ.

ಇಬ್ರಿಯ 13:1

ಕ್ರಿಸ್ತನಮಾ ಭಾಯೊ ಭೆನೊ ಥಯಲ ತುಮೆ ಯಕ್ಕನೆ ಯಕ್ಕ ಮಯಾ ಕರೊ ವರಿ ಅತಿಧಿ ಸತ್ಕಾರ ಕರೊ.

ಇಬ್ರಿಯ 5:9

ಅಮ್ಮ ತೆ ಪರಿಶುದ್ಧ ವ್ಹತ್ತೊ. ಕ್ಹುದಾನೆ ವಿದೆಯ ಥಾವಾನಾ ಕ್ಹಾರಾ ಮನಕ್ಹೊ ಹಮೆಶಾ ರ‍್ಹಯಲ ರಕ್ಷಣೆ ವ್ಹಂದಿಲಿವಾನೆ ತೆಜ಼ ಕಾರಣ ವ್ಹೈ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

ಇಬ್ರಿಯ 9:14

ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.

ಯಾಕೊಬ 1:21

ತಿನಾಹುತಿ ಕ್ಹಾರಾ ಕೆಟ್ಟ ಕಾಮೊ ರ‍್ಹೈನಕಾ ಕ್ಹಾರಾ ಮೊಸನಾ ಕಾಮೊ ರ‍್ಹೈನಕಾ ಛೊಡಿನ ಅಪ್ನಾ ಮನಸೊಮಾ ಬೆರ ಘಾಲಲ ಕ್ಹುದಾನಿ ವಾಕ್ಯ ಘನ್ನಾ ಚೊ಼ಕಾ ಮನಸಕ್ಹು ವಪ್ಪಿಲಿವೊ. ತೆ ತುಮಾರಾ ಆತ್ಮಾವೊನೆ ವಚಾ಼ಡಾಯಕ್ಲಿ ತಾಕತವರ ಛೆ.

ಯಾಕೊಬ 4:8

ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ‍್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ.

1 ಪೆತ್ರಾ 1:2

ಕ್ಹುದಾ ತುಮೊನೆ ಪರಿಶುದ್ಧ ಕರಾನಾ ಹುತಿ ಘನ್ನಾ ದಿನ್ನ ಪಾಚೊ಼ ವಿಚಾರ ಕರಲಿದ್ಯೊತೊ. ತುಮೊನೆ ಪರಿಶುದ್ದ ಕರಾನೆ ಪರಿಶುದ್ದ ಆತ್ಮಾನು ತುಮೆ ಯೆಸು ಕ್ರಿಸ್ತನಾ ರಗತಕ್ಹು ಪರಿಶುದ್ದ ಥೈನ ತಿನೆ ವಧೆಯ ಥೌ ಕೈನ ಕ್ಹುದಾನಿ ವಿಚಾರ ವ್ಹತಿ. ಮರ್ಗಾ ವರಿ ಶಾಂತಿ ತುಮೊನೆ ಜಾಸ್ತಿ ಥಾವಾದೆ.

1 ಪೆತ್ರಾ 2:17

ಕ್ಹಾರಾ ಮನಕ್ಹೊನೆ ಮರ್ಯಾದಿ ದಿವೊ. ಕ್ಹುದಾನಾ ಘರವಾಲಾ ಭಾಯೊನೆ ಭೆನೊನೆ ಮಯಾಕರೊ. ಕ್ಹುದಾ ಕ್ಹು ಭುಚ಼ಕೊ ವರಿ ರಾಜಾ಼ನೆ ಮರ್ಯಾದಿ ದಿವೊ.

1 ಪೆತ್ರಾ 3:1

ಹೆಣ ಮನಕ್ಹೊ, ಇನಾಲಿಂಗತಜ಼ ತುಮಾರಾ ಮಾಟಿಯೊನೆ ಅಧಿನ ಥೈನ ರ‍್ಹವೊ. ತ್ಯುನೊಮಾ ದಕ್ಹಾಜ಼಼ನಾ ಕ್ಹುದಾನಿ ವಾಕ್ಯಾನೆ ಅವಿಧೆಯ ರ‍್ಹಯಾತಬಿ

1 ಪೆತ್ರಾ 3:20

ಘನ ದಿನ್ನ ಪಾಚಾ಼ ನೊಹಾನಾ ದಿನೊಮಾ ಕ್ಹುದಾನೆ ಅವಿದೆಯ ಥಯಲವಾಲಾಜ಼ ತ್ಯುನೆ. ನೊಹಾ ಹಡ್ಗೊ ಭಾಂದತಾಮಾ ಕ್ಹುದಾ ಸಮಾದಾನಕ್ಹು ಕೈದಾಡ್ಯೊತೊ. ದಕ್ಹುಜ಼ನಾ ಕದ್ಯಾಮ ಕ್ಹಾಲಿ ಆಟ್ ಜ಼ನಾ ತೆ ಹಡಗಾಮಾ ಪಾನಿಕ್ಹು ವಾಚ್ಯಾ.

1 ಪೆತ್ರಾ 3:8

ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ‍್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ಲಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ‍್ಹಯಲವಾಲಾ ಥೌ.

1 ಪೆತ್ರಾ 4:17

ತುಮಾರೊ ಫೈಸಲಾನೊ ದಿನ್ನ ಆಯೊಸ. ತೆ ಕ್ಹುದಾನಾ ಘರತು ಶುರು ಥಾವಸ. ತುಮೊಮಾಜ಼ ತೆ ಶುರು ಥಯುಮ್, ಕ್ಹುದಾನಿ ಸುವಾರತಾನೆ ವಿಧೆಯ ನೈ ಥಾವಾನಾ ಮನಕ್ಹೊನೆ ಸು ಥಾಸ?

1 ಪೆತ್ರಾ 4:8

ತುಮೆ ಯಕ್ಲಾನ ಯಕ್ಲೊ ಹಮೆಶಾಬಿ ಮಯಾ ಕರಾನು ಘನು ಖಾಸ ವ್ಹೈ. ಮಯಾ ಘನಾ ಪಾಪೊನೆ ಝಾಕಿಪಾಡಸ.

2 ಪೆತ್ರಾ 1:7

ಕ್ಹುದಾನಿ ಸೆವೆನೆ ಭಾಯೊನಿ ದೊಸ್ತಿನಿ ಮಯಾ ಕುಡ್ಸೊ

1 ಯೊಹಾನ 3:11

ಅಪೆ ಯಕ್ನಾ ಯಕ್ಕ ಮಯಾ ಕರು ಕವಾನು ತುಮೆ ಪೈಲಾತಾಬಿ ಐಕಲ ವಾಕ್ಯಾ.

1 ಯೊಹಾನ 3:23

ಕ್ಹುದಾನಾ ಆಗನ್ಯೆ ಸು ವ್ಹೈ ಕದ್ಯಾಮ ತಿನೊ ದಿಕ್ರೊ ಥಯಲ ಯೆಸು ಕ್ರಿಸ್ತಮಾ ಅಪೆ ಬರೊಕ್ಹೊ ಮ್ಹೆಲಿನ ಯಕ್ನೆ ಯಕ್ಕ ಮಯಾ ಕರು ಕವಾನುಜ಼ ವ್ಹೈ.

1 ಯೊಹಾನ 4:12

ಕ್ಹುದಾನೆ ಕುನ್ನಜ಼ ಕೆಳಾಮಾ ದೆಕ್ಯು ನತ್ತಿ. ಅಪೆ ಯಕ್ಲಾನೆ ಯಕ್ಲಾ ಮಯಾ ಕರ‍್ಯಾರೆ ಕ್ಹುದಾ ಅಪ್ನೊಮಾ ರ‍್ಹಯಲ ರ‍್ಹವಸ, ವರಿ ತಿಕ್ಹು ಮಳಾನಿ ಮಯಾ ಅಪ್ನೊಮಾಬಿ ಆವಸ.

1 ಯೊಹಾನ 4:20

ಯಕ್ಲೊ ತೆ ಕ್ಹುದಾನೆ ಮಯಾ ಕರಸ ತೆ ಕೈನ ತಿನಾ ಭಾಯೊನೆ ದುಶ್ಮನಿ ಕರ‍್ಯಾಮ ತೆ ಸುಳ್ಳ ಬೊಲಾಲೊ ಥಯೊಸ. ಕಾ ಕದ್ಯಾಮ್ಮಾ ತಿನಾ ಕ್ಹಾತೆ ರ‍್ಹಯಲ ಭಾಯೊನೆಬಿ ಮಯಾ ಕರವಾಲೊ, ತೆ ನೈ ದೆಕೆಲ ಕ್ಹುದಾನೆ ಕಿಮ್ಮ ಮಯಾ ಕರಸಕ?

1 ಯೊಹಾನ 4:7

ಮಯಾನಾ ದೊಸ್ತೊ. ಮಯಾ ಕ್ಹುದಾಕಂತು ಆಯಲ ರ‍್ಹಯಲ ಹುತಿ ಅಪೆ ಬಿ ಯಕ್ನೆ ಯಕ್ಕ ಮಯಾ ಕರು. ಮಯಾ ಕರಾಲೊ ನವೊ ಜ಼ಲಮಲಿನ ಹುಟ್ಟಲವಾಲೊ ಥಯಾಸ. ತಿನಾಹುತಿ ತೆ ಕ್ಹುದಾನೆ ವಳಕಲವಾಲೊ ವ್ಹೈ.

ಪ್ರಕಟನೆ 2:4

"ತೆನೈಸೊ ತಾರಾ ವಿರೊದ ಥೈನ ಮಿ ಕವಾನು ಸು ವ್ಹೈ ಕದ್ಯಾಮ "ತು ಮಪರ ರ‍್ಹಯಲ ಪೈಲಾನಿ ಮಯಾ ಇಕ್ಹ್ರಿ ಪಾಡ್ಯೊಸ.