1 ಪೆತ್ರಾ 1:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಕ್ಹುದಾ ಪರಿಶುದ್ಧ ರ‍್ಹಯಲಹುತಿ ತುಮೆ ಬೊಲಾನು ವರಿ ರ‍್ಹವಾನೊ ತರಿಕೊ ಶುದ್ಧ ರ‍್ಹವಾದೆ. ತುಮೊನೆ ಬಲಾಯಲವಾಲೊ ಕ್ಹುದಾಜ಼ ವ್ಹೈ.

1 ಪೆತ್ರಾ 1:15 ပူးပေါင်းရင်းမြစ်များ

ಮತ್ತಾಯ 5:48

ತಿನಾಹುತಿ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಪರಿಪುರ್ಣ ಥೈನ ರ‍್ಹಯಲ ಲಿಂಗತ ತುಮೆಬಿ ಪರಿಪುರ್ಣ ಥೈನ ರ‍್ಹೌ.

ರೊಮಾಪೂರ 9:24

ಅಪೆಜ಼ ತೆ ಮನಕ್ಹೊ ವ್ಹೈ. ಕ್ಹುದಾ ಬಲಾಯಲ ಮನಕ್ಹೊ ಅಪೆಜ಼ ವ್ಹೈ. ಕ್ಹುದಾ ಅಪೊನೆ ಯಹುದ್ಯೊ ವಾಲಾವೊಮಾತೊ ವರಿ ಯಹುದ್ಯೊ ನೈಸೊ ವಾಲಾವೊಮಾತೊ ಬಲಾಯೊ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಫಿಲಿಪ್ಪಿ 1:27

ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ.

ಫಿಲಿಪ್ಪಿ 3:14

ಕ್ಹುದಾ ಕ್ರಿಸ್ತನಾ ಮುಲಕ ಅಪ್ನೊ ಉಪ್ಪರ ಬಲೈನ ಅಪ್ನಾ ಕ್ಹಾಮೊ ಮುಕಲ ಬಿರುದ ಹೊಂದಾನಿ ವಾಟ ಮಳಾದೆ ಕೈನ ನ್ಹಾಟಡೊಸ.

ಫಿಲಿಪ್ಪಿ 3:20

ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ.

1 ಥೆಸಲೊನಿಕ 2:12

ಹಮೆ ತುಮೊನೆ ಪ್ರೊತ್ಸಾಹಿತ ಕರ‍್ಯಾ ವರಿ ತುಮೊನೆ ಮಯಾ ಕರ‍್ಯಾ. ವರಿ ಹಮೆ ತಮನೊನೆ ವಿಂತಿ ಕರ‍್ಯಾ ತುಮೊನೆ ತಿನಿ ರಾಜ್ಯನೆ ವರಿ ಮಹಿಮಾನೆ ಬಲಾಯಲ ಕ್ಹುದಾನಾ ಹುತಿ ಯೊಗ್ಯ ರ‍್ಹಯಲ ಜಿವ್ನಾ ಕರೊ ಕೈನ ತುಮೊನೆ ಕದ್ಯಾ. ತೆ ತುಮೊನೆ ತಿನಿ ರಾಜ್ಯಮ್ಮಾ ವರಿ ಮಹಿಮಾ ಪಾಲ ಲಿವಾನೆ ಬಲಾಯಾಸ.

1 ತಿಮೊತಿ 4:12

ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.

2 ತಿಮೊತಿ 1:9

ತೆ ಅಪೊನೆ ವಚಾ಼ಡಿನ, ತಿನಾ ಸ್ವಂತ ಮನಕ್ಹೊ ಥಾವಾಹುತಿ ಅಪೊನೆ ಬಲಾಯೊ. ಹಮೆ ಕರಾನಾ ಚೊ಼ಕಾ ಕಾಮೊಕ್ಹು ಎ ಕ್ಹಾರು ಥಯು ಕೈನ ನ್ಹವೈ. ತೆ ತಿನಿ ಚಿ಼ತ್ತಲಿಂಗತ ತೆ ಅಪೊನೆ ವಚಾ಼ಡಿನ ತಿನೊ ಆಶಿರ್ವಾದ ಲಿಂಗತ ಕರ‍್ಯೊ. ಹಮೆಶಾತೊಬಿ ರ‍್ಹವಾಲೊ ಎ ಮರಗಾ ಕ್ರಿಸ್ತ ಯೆಸುನಾ ಮುಲಕ ಅಪೊನೆ ಮಳ್ಯು.

ತಿತನೆ 3:14

ಅಪ್ನಾ ಮನಕ್ಹೊ ತ್ಯುನೆ ತ್ಯುನು ಯಕ್ಕಜ಼ ದೆಕಿಲಿದ್ಯಾವಾಚಿ ಬಿಜಾ಼ವೊನೆ ಮದದ ಕರಾನು ಶಿಕ್ಕಿನ ತ್ರಾಸಮಾ ರ‍್ಹಯಲ ಮನಕ್ಹೊನೆ ಉಪಕಾರ ಕರು.

ತಿತನೆ 3:8

ಎ ಭೊದನೆ ಕ್ಹರಿನಿಯೊಜ಼ ವ್ಹೈ. ತು ಕ್ಹಾರಿಯೊ ಸಂಗತಿಯೊ ಮನಕ್ಹೊನೆ ಕೌಜ಼ ಕೈನ ಮಿ ಆಸ ಕರುಸ. ತೆಳಾಮಾ, ಕ್ಹುದಾಪರ ಬರೊಕ್ಹೊ ಮ್ಹೆಲಲವಾಲಾ ಹುಶಾರ ರ‍್ಹೈನ ತ್ಯುನಿ ಜಿವಿತಮಾ ಚೊ಼ಕಾ ಕಾಮೊ ಕರಸ. ಎ ಕ್ಹಾರಾವೊನೆ ಚೊ಼ಕು ವ್ಹೈ. ವರಿ ಎ ಕ್ಹಾರಾವೊನೆ ಚಾ಼ಯೆ ಥಯುಸ.

ಇಬ್ರಿಯ 12:14

ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನಾಕ್ಹು ವರಿ ಪರಿಶುದ್ಧ ಥೈನ ಜಿವನಾ ಕರಾನೆ ಕೊಶಿಶ ಕರೊ. ಕಯಾನು ಜಿವ್ನಾ ಪರಿಶುದ್ಧ ರ‍್ಹತು ನೈ. ಪ್ರಭು ತಿನೆ ಕೆಳಾಮಾಜ಼ ದೆಕ್ತೊ ನೈ.

ಇಬ್ರಿಯ 13:5

ದೊಕ್ಡಾನಾ ಉಪ್ಪರ ತುಮೊನೆ ರ‍್ಹಯಲ ಆಸಕ್ಹು ದುರ ರ‍್ಹವೊ. ತುಮೊನೆ ರ‍್ಹಯಲ ತೆಕ್ಲಾಮಾ ತ್ರಪ್ತಿಕ್ಹು ರ‍್ಹವೊ. ಮಿ ತುಮೊನೆ ಕೆಳಾಮಾಜ಼ ಹತ್ತ ನೈ ಛೊಡತೊ, ಕೆಳಾಮಾಜ಼ ಛೊಡತೊ ನೈ ಕೈನ ಕ್ಹುದಾಜ಼ ಕದ್ಯೊಸ.

ಯಾಕೊಬ 3:13

ಅಪ್ನಾಮಾ ಶಾಣ್ಯೊ ವರಿ ಗ್ಯಾನಿ ಕುನ್ನ ವ್ಹೈ? ಕುನ್ನಬಿ ರ‍್ಹಯಾಮ ತೆ ತಿನಾ ಚಾಳಿಯೊಕ್ಹು ದೆಕಾಡಾದೆ. ಸಮಾದಾನ ಶಾಂತಿಕ್ಹು ನ್ಹಾನೊ ಥೈನ ಜಾ಼ವಾನುಜ಼ ಶಾಣ್ಯಾನಿ ಚಾಳಿ ವ್ಹೈ.

1 ಪೆತ್ರಾ 2:12

ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.

1 ಪೆತ್ರಾ 3:16

ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.

1 ಯೊಹಾನ 3:3

ಕ್ರಿಸ್ತಮಾ ಆಸ ಮ್ಹೆಲಲ ಹರಿ ಯಕ್ಲಾ ಕ್ರಿಸ್ತ ಕಿಮ ಪರಿಶುದ್ಧ ಛೆ ತಿನಾ ಲಿಂಗತಜ಼ ಹರಿ ಯಕ್ಲಾ ಪರಿಶುದ್ಧ ಥೌ.

ಪ್ರಕಟನೆ 3:7

ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.

ಪ್ರಕಟನೆ 4:8

ಹರಿ ಯಕ್ಕ ಜಿವಿನೆ ಛೆ ರೆಕ್ಕಯಾ ವ್ಹತ್ತಾ. ತೆ ಜಿವಿನಾ ಭಾರಲ್ಯಾ ಭಾಗ ವರಿ ಮ್ಹೈನಾ ಭಾಗನೆ ಡೊಳಾ ವ್ಹತ್ತಾ. ಎ ಚಾರೆ ಜಿವಿಯೊ ದಿನ್ನ ರಾತ ಛೊಡೆ ನೈಸೊ ಅಮ್ಮ ಕತ್ಯೊತ್ಯೊ"ಕ್ಹುದಾ ಥಯಲ ಪ್ರಭು, ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ. ತೆ ಮ್ಹೊಟಿ ತಾಕತ ವಾಲೊ ವ್ಹೈ. ತೆ ಭುತಕಾಲಮಾ ರ‍್ಹಯಲವಾಲೊ ವರತಮಾನ ಕಾಲಮಾ ರ‍್ಹಯಲವಾಲೊ ವ್ಹೈ. ವರಿ ಆವಾಲೊ ವ್ಹೈ.

ಪ್ರಕಟನೆ 6:10

ಎ ಆತ್ಮಾವೊ"ಪವಿತ್ರ ಥಯಲ ವರಿ ಕ್ಹರಿವಾಲೊ ರ‍್ಹಯಲ ಪ್ರಭು, ಹಮೊನೆ ಖಲಾಸ ಕರಲವಾಲೊವೊನೆ ಫೈಸಲೊ ಕರಾನೆ ವರಿ ತ್ಯುನೊನೆ ಶಿಕ್ಷಾ ದಿವಾನೆ ತು ಕೆಕ್ಲೊ ಟೈಮ ಲೆಸಿ? ಕೈನ ಜೊ಼ರ ವದ್ರಿಯೊ.