1 ಯೊಹಾನ 4:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಕ್ಹುದಾ ತಿನಾ ದಿಕ್ರಾನೆ ದುನಿಯಾನೆ ರಕ್ಷಕ ಕರಿನ ಮೊಕಲ್ಯೊ ಅಪೆ ದೆಕ್ಯಾಸ.

1 ಯೊಹಾನ 4:14 ပူးပေါင်းရင်းမြစ်များ

ಯೊಹಾನ 1:14

ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ.

ಯೊಹಾನ 1:29

ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.

ಯೊಹಾನ 10:36

ಇಮ್ಮ ರ‍್ಹವಾನು ರ‍್ಹಯುಮ ಬಾ ತಿನಾ ಸ್ವಂತವಾಲಾ ವ್ಹೈ ಕೈನ ಇನಿಲಿನ ದುನಿಯಾಮಾ ಮೊಕ್ಲಲವಾಲಾನ ಹುತಿ ಕಿ ರ‍್ಹಸ? ಮಿ "ಕ್ಹುದಾನೊ ದಿಕ್ರೊ ವ್ಹೈ" ಕೈನ ಕದಲ ಹುತಿ ತುಮೆ ಮಿ ದುಷಣೆ ಕರಾಡ್ಯೊಸ ಕೈನ ಕವಾನು ಕಾ?

ಯೊಹಾನ 12:47

"ಮಿ ಎ ದುನಿಯಾಮಾ ಆಯಲ ಮನಕ್ಹೊನೆ ಫೈಸಲೊ ಕರಾನೆ ನ್ಹವೈ. ಎ ದುನಿಯಾಮಾ ರ‍್ಹವಾನಾ ಮನಕ್ಹೊನೆ ಉದ್ದಾರ ಕರಾನೆ ಆಯೊಸ. ತಿನಾ ಹುತಿ ಮಾರಿ ವಾತೊ ಐಕಿನಬಿ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ಫೈಸಲೊ ಕರಾಲೊ ಮಿ ನ್ಹವೈ.

ಯೊಹಾನ 3:11

ಮಿ ತುನೆ ಕ್ಹರಿಜ ಕೌಸ. ಅಪೊನೆ ಗ್ವತ್ತ ರ‍್ಹಯಲನಾ ಹುತಿ ಅಪೆ ಬೊಲಿಯೆಸ. ಅಪೆ ದೆಕಲನೆ ಸಾಕ್ಷಿ ದಿಯೆಸ. ತೆನೈಸೊ ಹಮೆ ಕವಾನು ತುಮೆ ಸ್ವಿಕಾರ ಕರ್ಲೆತಾ ನೈ.

ಯೊಹಾನ 3:32

ತೆ ದೆಕಲ ಕ್ಹಾರಾನಾ ಹುತಿ ವರಿ ಐಕಲ ಕ್ಹಾರಾನಾ ಹುತಿ ಸಾಕ್ಷಿ ದಿವಸ. ತೆನೈಸೊ ತಿನಿ ಸಾಕ್ಷಿನೆ ಮನಕ್ಹೊ ಸ್ವಿಕಾರ ನೈ ಕರ‍್ತಾ.

ಯೊಹಾನ 3:34

ಕಾಕದ್ಯಾಮ ಕ್ಹುದಾ ಕಿನೆ ಮೊಕ್ಲ್ಯೊಸ ತೆ ಕ್ಹುದಾನಿಯೊ ವಾತೊ ಬೊಲಸ. ಕಾಕದ್ಯಾಮ ಕ್ಹುದಾ ತಿನೆ ಪರಿಪುರ್ಣ ಆತ್ಮಾ ದಿದ್ಯೊಸ.

ಯೊಹಾನ 4:42

ತ್ಯುನೆ ತೆ ಬಾಕ್ಡಿ ತೆ ಕದಲ ವಾತೊಕ್ಹು ಹಮೆ ಯೆಸುನೆ ನಂಬ್ಯಾತಾ. ತಿನಾ ಹುತಿ ಹಮೆಜ಼ ಖುದ್ದ ದೆಕಿನ ಹಮೆ ನಂಬಿಯೆಸ. ಕ್ಹರಿಮಾಜ಼ ಎಜ಼ ದುನಿಯಾನೆ ವಚಾ಼ಡಾಲೊ ವ್ಹೈ ಹಮ್ನಾ ಹಮೊನೆ ಗ್ವತ್ತ ಥಯುಸ ಕೈನ ಕದ್ಯಾ.

ಯೊಹಾನ 5:39

ತುಮೆ ಪವಿತ್ರ ಗ್ರಂಥೊ ಅಬ್ಯಾಸ ಕರೊಶಿ. ಕಾಕದ್ಯಾಮ ತೆ ಪವಿತ್ರ ಗ್ರಂಥ ತುಮೊನೆ ಹಮೆಶಾನೊ ಜ಼ಲಮ ದಿವಸ ಕವಾನು ತುಮಾರಿ ವಿಚಾರ ವ್ಹೈ ತೆನೈಸೊ ತೆಜ಼ ಪವಿತ್ರ ಗ್ರಂಥೊಮಾ ಮಾರಾ ಹುತಿ ತಿಳ್ಸಾವಸ!

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

1 ಪೆತ್ರಾ 5:12

ಮಿ ಆ ನ್ಹಾನು ಪತ್ರ ಸಿಲ್ವಾನನಾ ಆಸ್ರಾಕ್ಹು ಬರ್ದ್ಯೊ. ತೆ ಕ್ರಿಸ್ತಮಾ ರ‍್ಹೈನ ಬರೊಕ್ಹಾವಾಲೊ ಭೈ ವ್ಹೈ ಕವಾನು ತುನೆ ಗ್ವತ್ತ ಛೆ. ಮಿ ತುನೆ ಪೊಕ್ಹಾಲಾವಾನೆ ವರಿ ಅಗೊ ಬಡಾನೆ ಎ ಪತ್ರ ಬರ್ದ್ಯೊಸ. ಎಜ಼ ಕ್ಹುದಾನಿ ಕ್ಹರಿನಿ ಮರಗಾ ಕವಾನು ತುಮೊನೆ ಕೌ ಕೈನಜ಼ ಮಾರಿ ಆಸ ವ್ಹತಿ. ತೆ ಮರಗಾಮಾ ಘಟ್ಟ ಥೈ ರ‍್ಹವೊ.

1 ಯೊಹಾನ 4:10

ಅಪೊಪರ ರ‍್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ‍್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.

1 ಯೊಹಾನ 5:9

ಮನಕ್ಹೊ ಸಾಕ್ಷಿ ಕತಾಮಾ ಅಪೆ ಬರೊಕ್ಹೊ ಕರಿಯೆಸ ತೆನೈಸೊ ಕ್ಹುದಾನಿ ಸಾಕ್ಷಿ ತಿತ್ತಿಬಿ ಖಾಸವ್ಹೈ. ಕ್ಹುದಾ ತಿನ್ನಾ ಸ್ವಂತ ದಿಕ್ರಾನಾ ಹುತಿ ಕದಲ ಕ್ಹರಿಜ಼ ತೆ ಅಪೊನೆ ದಿದಲ ಸಾಕ್ಷಿ ವ್ಹೈ.