1 ಯೊಹಾನ 4:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.

1 ಯೊಹಾನ 4:1 ပူးပေါင်းရင်းမြစ်များ

ಮಾರ್ಕ 13:21

ದೆಕೊ ಕುನ್ನಬಿ ತುಮೊನೆ - ಮಸ್ಸಿಹಾ ನ್ಯಾಛೆ ದೆಕೊ ಮಸ್ಸಿಹಾ ತ್ಯಾ ಛೆ ಕೈನ ಕದ್ಯಾಮ ನಂಬೊನಕೊ ;

ಲುಕ ಬರ್ದಲ ಸುವಾರ್ತಾ 12:57

ತುಮೆಜ಼ ಕಾ ತಿರಪ ಕರು ನೈ?

ಲುಕ ಬರ್ದಲ ಸುವಾರ್ತಾ 21:8

ಯೆಸು ತ್ಯುನೊನೆ ತುಮೆ ಹುಶಾರ ರಹೊ ಮೊಸಮಾ ಪಡೊನಕೊ ಮಾರು ನಾಮ ಕೈನ ಘನ್ನಾ ಜ಼ನಾ ಆವಸ. ತ್ಯುನೆ ಐನ ಮಿಜ಼ ಕ್ರಿಸ್ತ (ಯೆಸು) ವ್ಹೈ ಕವಸ. ತುಮೆ ತಿವ್ನೊಪರ ಬರೊಕ್ಹೊ ಕರೊ ನಕೊ.

ಅಪೊಸ್ತಲೊ 17:11

ತೆ ಸಬೆವಾಲಾ ಕ್ಹುದಾನಿ ವಾಕ್ಯನೆ ಸ್ವಚ್ಚ ಮನಸೆ ಒಪಿಲಿನ ತ್ಯುನೆ ಕದಲ ವಾತೊ ವ್ಹೈಸು ನ್ಹವೈ ಕೈನ ವಪಿಲಿವಾನಹುತಿ ದಿನ್ನೆಬಿ ಪವಿತ್ರ ಗ್ರಂಥ ಪರಿಕ್ಷಾ ಕರಾನಾ ಹುತಿ ತುನೆ ಥೆಸೆಲೊನಿಕ ಸಬೆವಾಲೊತಿ ಚೊ಼ಕಾ ವ್ಹತಾ.

ಅಪೊಸ್ತಲೊ 20:29

ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ.

1 ಕೊರಿಂಥ 12:10

ಯಕ್ಲಾನೆ ಪವಾಡ ಕರಾನಿ ತಾಕತ, ಬಿಜೆಕ್ಲಾನೆ ಪ್ರವಾದನೆ ಕರಾನಿ ತಾಕತ, ವರಿ ಯಕ್ಲಾನೆ ಕ್ಹರಿನೆ ತಿಳ್ದಿಲಿವಾನು ಗ್ಯಾನ, ಬಿಜೆಕ್ಲಾನೆ ಬಿಜಾ಼ ಬಿಜಾ಼ ಭಾಶಾ ಬೊಲಾನಿ ತಾಕತ, ವರಿ ಯಕ್ಲಾನೆ ತೆ ಕ್ಹಾರು ತಿಳ್ದಿಲಿವಾನು ಅರು ತೆ ಪವಿತ್ರ ಆತ್ಮಾಕ್ಹು ದಿವಸ.

1 ಕೊರಿಂಥ 14:29

ಬೆ ಜ಼ನಾ ನೈತೊ ತನ ಜ಼ನಾ ಪ್ರವಾದಿಯೊ ಬೊಲು. ತ್ಯುನೆ ಕವಾನು ಬಿಜಾ಼ ವಿಚಾರ ಕರು.

1 ಥೆಸಲೊನಿಕ 5:20

ಪ್ರವಾದನೆನೆ ಹಿನಾವೊ ನಕೊ.

1 ಥೆಸಲೊನಿಕ 5:21

ಕ್ಹಾರುಜ಼ ಪರಿಕ್ಷಾ ಕರೊ, ಚೊ಼ಕು ರ‍್ಹಯಲ ಘಟ್ಟ ಧರಿಲಿವೊ.

2 ಥೆಸಲೊನಿಕ 2:2

ಪ್ರಭುನೊ ದಿನ್ನ ಯಕ್ಲಾಮಾಜ಼ ಐಜ಼ ಪಡ್ಯುಸ ಕೈನ ಕುನಬಿ ತುಮೊನೆ ಕದ್ಯಾಮ ತೆಳಾಮಾಜ಼ ಕಳವಳ ಥಾವೊನಕೊ ಕುನಬಿ ತಿನಾ ಪ್ರವಾದನೆಮಾ ರ‍್ಹೈನೆಕಾ ಉಪದೆಶಮಾ ರ‍್ಹೈನೆಕಾ ತಿಮ ಕವಾನು ಸಾದ್ಯ ಛೆ. ಕುನಬಿ ಸುಳ್ಳ ಪತ್ರ ಹಮಾರಾ ನಾಮಪರ ತೆಜ಼ ಬರ್ದಿನ ತುಮಾರಾ ಕ್ಹಾಮೊ ಒದಿನ ತಿಳಸಾನೆ ಸಾದ್ಯ ಛೆ.

1 ತಿಮೊತಿ 4:1

ತಿನಾಹುತಿ ಅಗಲ್ಯಾ ದಿನೊಮಾ ದಕ್ಹಾ ಮನಕ್ಹೊ ಮೊಸ ಕರಾನು ಆತ್ಮನಾ ವಾತೊಪರ, ಸೈತಾನನಾ ವಾತೊಪರ ಬರೊಕ್ಹೊ ಕರಿನ ಸುಳ್ಳನಾ ಆತ್ಮನಾ ಆಜ್ಞಾ ಐಕಿನ ಪಾಲ್ಸಸ,ವರಿ ಸೈತಾನನಾ ಶಿಕ್ಷಣ ನಿಂಗತ ಚಾಲಸ.

2 ತಿಮೊತಿ 3:13

ಕೆಟ್ಟ ಮನಕ್ಹೊ ವರಿ ಸುಳ್ಳ ಬೊಧಕೊ ಬಿಜಾ಼ವೊನೆ ಮೊಸ ಕರತಾ ತ್ಯುನೊನೆಬಿ ಮೊಸ ಕರ‍್ಲೆತಾ ದಿನ್ನತಾ ದಿನ್ನೆ ಕಿಳಮಟ್ಟೆ ಉತರತಾ ಜಾ಼ವಸ.

2 ಪೆತ್ರಾ 2:1

ಪೈಲಾನಾ ಕಾಲ್ಮಾ, ಕ್ಹುದಾನಾ ಮನಕ್ಹೊಮಾ ಸುಳ್ಳ ಪ್ರಾದಿಯೊ ವ್ಹತ್ತಾ. ಹಮ್ನಾಬಿ ಛೆ ತುಮೊಮಾ ದಕ್ಹಾ ಸುಳ್ಳ ಪ್ರವಾದಿಯೊ ಛೆ. ಮನಕ್ಹೊನೆ ಹಾಳಮಾ ಚ಼ಲಾವಾನು ಸುಳ್ಳ ಭೊದನೆ ತ್ಯುನೆ ಕವಸ. ತ್ಯುನೆ ಸುಳ್ಳ ಭೊದನೆ ಕರಾಲಾ ನ್ಹವೈ ಕೈನ ತುಮೊನೆ ತೀಳದ್ಯಾವಾಚಿ ತ್ಯುನೆ ಭೊದನೆ ಕವಸ. ತ್ಯುನೆ, ತ್ಯುನೊನೆ ಬಿಡುಗಡೆ ಲೈನ ದಿದಲ ವಾಲಾನೆಜ಼ (ಯೆಸುನೆ) ನೈ ವಪ್ಪಿಲೆತಾ. ತಿನಾಹುತಿ ತ್ಯುನಾಕ್ಹು ತ್ಯುನೆಜ಼ ಹಾಳ ಕರಲಿವಸ.

1 ಯೊಹಾನ 2:18

ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.

1 ಯೊಹಾನ 2:7

ಮಾರಾ ಮಯಾನಾ ದೊಸ್ತೊ, ಮಿ ತುಮೊನೆ ನಯ್ಯೊ ಆಗನ್ಯಾ ಬರದಾಡ್ಯೊ ನತ್ತಿ. ಪೈಲಾತೊಬಿ ಎ ಆಗನ್ಯಾ ತುಮೊನೆ ವ್ಹತ್ತಿ. ತುಮೆ ಹಮ್ನಾಜ಼ ಐಕಲ ವಾಕ್ಯಾಜ಼ ಎ ಆಗನ್ಯಾ ವ್ಹೈ.

2 ಯೊಹಾನ 1:7

ಕಾಕದ್ಯಾಮ ಯೆಸುಕ್ರಿಸ್ತ ಮನಕ್ಹ ಥೈನ ಆಯೊ ಕವಾನು ಒಪೆವಾಚಿ ರಹೆಲ ದಕ್ಹಜ಼ನಾ ಮೊಸ ಕರಾವಾಲಾ ದುನಿಯಾಮ್ಮಾ ಆಯಾತ್ತಾ. ಹವಾಜ ಯೆಸುನೆ ಒಪೆವಾಚಿ ಮೊಸ ಕರಾವಾಲಾ ಕ್ರಿಸ್ತನಾ ವಿರೊದಿಯೊ ಥಯಾಸ.

3 ಯೊಹಾನ 1:11

ಚೊ಼ಕು ಕರಾಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ. ಕೆಟ್ಟ ಕರಾಲೊ ಕ್ಹುದಾನೆ ದೆಕಲವಾಲೊ ನ್ಹ ವ್ಹೈ. ದೆಮೆತ್ರಿ ಭೊಳೊ ವ್ಹೈ ಕೈನ ಕ್ಹಾರಾವೊನಾ ಕ್ಹಾಮೊಜ಼ ಸಾಕ್ಷಿ ಥಯೊಸ.

ಪ್ರಕಟನೆ 2:2

"ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.