1 ಯೊಹಾನ 2:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಜಗತಮಾ ರ‍್ಹಯಲ ಕೆಟ್ಟ ಸು ವ್ಹೈ ಕದ್ಯಾಮ; ಅಪೊನೆ ಪಾಪೊ ಕರು ಕೈನ ಮನಸ ಜಗ್ಗಾನಾ ಕಾಮೊ, ಅಪೆ ದೆಕಾನು ಪಾಪೊನು ಸಾಮನ ಅಪೊನೆ ಮಳು ಕೈನ ಆಸ ಕರಾನು, ವರಿ ಅಪೊಕನ ರ‍್ಹಯಲ ಸಾಮನೊಮಾ ಸ್ವಕ್ಕ ಕರಾನು. ತೆನೈಸೊ ಇವ್ನೊಮಾ ಕಯುಜ಼ ಕ್ಹುದಾ ಕಂತು ಆತು ನೈ. ಎ ಕ್ಹಾರು ಎ ಜಗತಮಾತು ಆವಸ.

1 ಯೊಹಾನ 2:16 ပူးပေါင်းရင်းမြစ်များ

ಮತ್ತಾಯ 4:8

ಪಾಚಾ಼ತೊ ಸೈತಾನ ತಿನೆ ಘನ್ನೊ ಉಚ್ಚು ರ‍್ಹಯಲ ಡೊಂಗರಪರ ಲಿನ ಗೈನ ಆ ಲೊಕಮಾ ರ‍್ಹಯಲ ಹರಯಕ ರಾಜ್ಯ ದೆಕಾಡಿನ ತ್ಯಾ ರ‍್ಹಯಲ ಹರಯಕ ವೈಭವ ದೆಕಾಡಿನ

ಮತ್ತಾಯ 5:28

ತೆನೈಸೊ ಯಕ್ಲೊ ಮನಕ್ಹ ಬಿಜಿ ಬಾಕ್ಡಿನೆ ದೆಕಿನ ತಿನಾ ಕ್ಹಾತಿ ಶರಿರ ಸಂಬಂದ ಮ್ಹೆಲಾನೆ ವಿಚಾರಕರ‍್ಯೊಮ, ತೆ ತೆಳಾಮಾಜ಼ ತಿನಾ ಮನಸಮಾ ತಿನಾ ಕ್ಹಾತೆ ವ್ಯಭಿಚಾರ ಕರ‍್ಯೊಸ ಕೈನ ಮಿ ತುಮೊನೆ ಕೌಸ.

ಲುಕ ಬರ್ದಲ ಸುವಾರ್ತಾ 4:5

ತೆ ಥಯಲ್ಪರ ಸೈತಾನ ಯೆಸುನೆ ಉಚ್ಚು಼ ರ‍್ಹಯಲ ಡೊಂಗರಪರ ಬಲೈ ನಿಂಗೈನ, ಯಕ್ಕ ಕ್ಷಣಮಾ ಭುಲೊಕ್ಪರ ರ‍್ಹಯಲ ರಾಜ್ಯ ದೆಕಾಡಿನ,

ರೊಮಾಪೂರ 13:14

ತೆನೈಸೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಆಯುದ್ಧ ಲಿಂಗತ ಭಾಂದಿಲ್ಯು, ತುಮಾರು ಪಾಪನು ಸ್ವಭಾವೊ ಕಿಮ ತೃಪ್ತ ಕರಿಲಿಯೆ ಕೈನ ಕೆಟ್ಟ ಕಾಮೊ ಕರಿಯೆ ಕವಾನು ಆಸ ಕಿಮ ಪುರಾ ಕರಿಯೆ ಕೈನ ವಿಚಾರ ಕರಾನು ಬಂದ ಕರೊ.

1 ಕೊರಿಂಥ 10:6

ಎ ಘಟನೆ ಕ್ಹಾರಾ ಅಪೊನೆ ಹುಶಾರಕ್ಹು ದಿವಾನಾ ವಾತೊ ಥಯಾಸ. ತ್ಯುನಾ ಲಿಂಗತ ಅಪೆ ಕೆಟ್ಟ ರ‍್ಹಯಲ ಆಸ ಕರು ನೈ.

ಗಲಾತ್ಯ 5:17

ಅಪ್ನಾ ಅಂಗನಿ ಆಸ ಕ್ಹುದಾನಿ ಆತ್ಮಾನೆ ವಿರುದ್ದ ರ‍್ಹಯಲ ಸಂಗತಿಯೊ ಆಸ ಕರಸ. ಕ್ಹುದಾನಿ ಆತ್ಮಾ ಅಪ್ನಾ ಅಂಗನಿ ಆಸನೆ ವಿರುದ್ದ ರ‍್ಹಯಲ ಸಂಗತಿಯೊ ರ‍್ಹೌ ಕೈನ ಆಸ ಕರಸ. ತಿನಾಹುತಿ ತುಮೆ ಕ್ಹರಿಮಾಜ಼ ಆಸ ಕರ‍ಲ ಕರಾನೆ ಥಾಯೆ ನೈಸೊ ತೆ ಯಕ್ಕನೆ ಯಕ್ಕ ಲಡಸ.

ಗಲಾತ್ಯ 5:24

ಕ್ರಿಸ್ತ ಯೆಸುನಾ ಮನಕ್ಹೊ ತ್ಯುನು ಅಂಗನು ಆಸನೆ ಶಿಲುವಿಪರ ಚ಼ಡಾಯಾಸ. ತ್ಯುನೆ ತ್ಯುನಾ ಪೈಲಾನಿ ಸ್ವಾರ್ಥನಿಯೊ ಆಸೊ ವರಿ ತ್ಯುನೆ ಕರು ಕೈನ ಕೈಲಿದಲ ಕೆಟ್ಟಕಾಮೊ ಛೊಡಿನೆ ದಿದಲವಾಲಾ ಥಯಾಸ.

ಎಫೆಸ 2:3

ಪೈಲಾ ಅಪೆ ಕ್ಹಾರಾ ತೆ ಮನಕ್ಹೊ ಲಿಂಗತ ಜಿವ್ಸಾಡಾತಾ. ಅಂಗನಾ ಅಪ್ನಾ ಆಸೊ ಪುರಾ ಕರಾನೆ ಅಪೆ ಕೊಶಿಶ ಕರಾಡಾತಾ. ಅಪ್ನು ಅಂಗ, ಮನಸ್ಸ ಆಸ ಕರಲ ಕ್ಹಾರು ಅಪೆ ಕರ‍್ಯಾ. ಅಪೆ ದುಷ್ಟ ಮನಕ್ಹೊ ಥಯಾತಾ. ಅಪ್ನಿ ತೆ ಜಿವಿತಕ್ಹು ಅಪೆ ತೆಳಾಮಾಜ಼ ಕ್ಹುದಾನಿ ಶಿಟ್ಟನೆ ಗುರಿ ಥಾವಾನು ವ್ಹತ್ತು. ಅಪೊನೆ ವರಿ ಬಿಜಾ಼ ಮನಕ್ಹೊನೆ ಕಯುಜ಼ ಫರಕಜ಼ ನ್ಹೊತು.

ತಿತನೆ 2:12

ಆ ಕೃಪಾ ಅಪೊನೆ ಕ್ಹುದಾನೆ ವಿರುದ್ದ ಥೈನ ಜಿವ್ನಾ ಕರ‍್ಯಾವಾಚಿ ದುನಿಯಾಮಾನಾ ಮನಕ್ಹೊ ಕರಾನೆ ಬಯಸಾಲಾ ಕೆಟ್ಟ ಕಾಮೊ ಕರ‍್ಯಾವಾಚಿ ತೆ ಹುಬ್ರಾಡಸ. ಅಪೆ ಕ್ಹುದಾನಿ ಸೆವಾ ಕರಾಡಾಸ ಕೈನ ದೆಕಾಡಾನಾಹುತಿ ಚೊ಼ಕಾಥೈನಬಿ ಗ್ಯಾನಿಥೈನಬಿ ದುನಿಯಾಮಾ ಹಮ್ನಾ ರ‍್ಹೌ ಕೈನ ತೆ ಶಿಕ್ಕಲಾಡಸ.

ತಿತನೆ 3:3

ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.

ಯಾಕೊಬ 3:15

ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ.

ಯಾಕೊಬ 4:16

ತೆನೈಸೊ ತುಮೆ ತುಮಾರಾ ಅಹಂಕಾರಕ್ಹು ತುಮಾರಾಹುತಿ ಹೊಗಳಿ ಲಿವಾಡಾಸ. ತ್ಯವಿ ಹೊಗಳಕಿ ಕ್ಹಾರಿ ಕ್ಹುದಾನಾ ಕ್ಹಾಮಿ ಕೆಟ್ಟಜ಼ ವ್ಹೈ.

1 ಪೆತ್ರಾ 1:14

ತುಮೆ ಪೈಲಾ ಎ ಸಂಗತಿಯೊನಾ ಹುತಿ ನೈ ತಿಳದಿಲಿದಲ ಹುತಿ, ತುಮೆ ತುಮಾರಾ ಮನಸೆ ಆಯಲ ತಿಮ್ಮಜ಼ ಕೆಟ್ಟ ಕಾಮೊ ಕರ‍್ಯಾ. ಹಮ್ನಾ ತುಮೆ ವಿಧೆಯ ಥಯಲ ಕ್ಹುದಾನಾ ಬಚ್ಚಾ಼ ವ್ಹೈ. ತಿನಾಹುತಿ ತುಮೆ ಪೈಲಾ ಜಿವ್ನಾ ಕರಲ ತಿಮ್ಮಜ಼ ಹಮ್ನಾ ಕರೊ ನಕೊ.

1 ಪೆತ್ರಾ 2:11

ಮಯಾನಾ ದೊಸ್ತೊ, ತುಮೆ ಎ ದುನಿಯಾಮಾ ಫರಾಲಾ ವರಿ ಬಿಜಾ಼ ಗಾಮವಾಲಾ ಲಿಂಗತ ಛೆ. ತಿನಾಹುತಿ ತುಮಾರಾ ಅಂಗೊನೆ ಪಸಂದ ರ‍್ಹಯಲ ಕೆಟ್ಟ ಸಂಗತಿಯೊಕ್ಹು ದುರ ರ‍್ಹೆ. ಎ ತುಮಾರಾ ಜ಼ಲಮನಾ ಆತ್ಮಾನೆ ವಿರುದ್ದ ಥೈನ ಲಡಸ.

2 ಪೆತ್ರಾ 2:10

ಕ್ಹುದಾನೊ ಅದಿಕಾರನೆ ವಿರುದ್ದ ಕರಾಲಾ ಮನಕ್ಹೊನೆ ವರಿ ತ್ಯುನಾ ಪಾಪನೆ ವರಿ ತ್ಯುನಾ ಮನಸೆ ಆಯಲ ತಿಮ್ಮ ಕಾಮೊ ಕರಾಲಾ ಮನಕ್ಹೊನೆ ಕ್ಹುದಾ ಅಮ್ಮ ಶಿಕ್ಷಾ ದಿವಸ.

2 ಪೆತ್ರಾ 2:18

ತ್ಯುನೆ ಮತಲ್ಬನೈಸೊ ವಾತೊ ಬೊಲಿನ ಗ್ವತ್ತ ಛೆ ಕೈನ ಕೈಲಿವಸ. ಕೆಟ್ಟ ವಾಟ್ಮಾ ಚಾ಼ಲಾಲಾ ಮನಕ್ಹೊನಾ ಕ್ಹಾತೆ ನವಾಕ್ಹು ಚು಼ಕೈಲಿನ ಆಯಲ ಮನಕ್ಹೊನೆ ವಾಟ ಚು಼ಕಾವಸ. ತ್ಯುನಾ ಪಾಪಕ್ಹು ಕರಾನೆ ಆಸ ರ‍್ಹಯಲ ಕೆಟ್ಟ ಕಾಮೊ ಕರಿನ ಎ ಸುಳ್ಳ ಬೊದಕೊ ತ್ಯುನೊನೆ ವಾಟ ಚು಼ಕಾವಸ.