1 ಯೊಹಾನ 2:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತೆನೈಸೊ ತಿನಾ ಭೈನೆ ಮೊಸ ಕರಾಲೊ ಅಂದಕಾರಮಾ ಛೆ. ತೆ ಅಂದಕಾರಮಾ ಜಿವ್ನಾ ಕರಸ. ತಿನೆ ತೆ ಕಿಜ್ಗಾ಼ ಚಾ಼ಲ್ಯೊಸ ಕವಾನು ಗ್ವತ್ತ ನತ್ತಿ. ಕಾಕದ್ಯಾಮ ಅಂದಕಾರನಿ ತಾಕತ ತಿನೆ ಡೊಳಾ ದಿಕ್ಹೆ ನೈಸೊ ಕರಿಪಾಡ್ಯುಸ.

1 ಯೊಹಾನ 2:11 ပူးပေါင်းရင်းမြစ်များ

ಯೊಹಾನ 12:35

ತಿನೆ ಯೆಸು"ಹಜು಼ನ ದಕ್ಹಿಯೆಳ ಉಜಾಲು ತುಮಾರಾ ಕ್ಹಾತೆ ರ‍್ಹವಸ. ತಿನಾಹುತಿ ಉಜಾಲು ತುಮಾರಾ ಕ್ಹಾತೆ ರ‍್ಹತಾಮಾಜ ಚಾ಼ಲೊ. ತೆಳಾಮಾ ಅಂದಾರು ತುಮೊನೆ ಸುತ್ತಿ ಲೆತು ನೈ. ಕಾಕದ್ಯಾಮ ಅಂದಾರಾಮಾ ಚಾಲಾಲಾನೆ ತೆ ಕಿಜಾ಼ ಚಾಲ್ಯೊಸ ಕವಾನು ಗ್ವತ್ತ ನೈ ಥಾತು.

ಯೊಹಾನ 12:40

"ತ್ಯುನಾ ಡೊಳಾವೊಕ್ಹು ನೈ ದಿಕ್ಹೆ ಲಿಂಗತ ತ್ಯುನಾ ಮನಸೊಕ್ಹು ನೈ ತಿಳ್ದಿಲಿದಲ ಲಿಂಗತ ಬದ್ಲಿ ಥೈನ ಅರಾಮ ನೈ ಥಾಯೆ ಲಿಂಗತ ತೆ ತ್ಯುನೊನೆ ಕುಡ್ಡಾ ಕರ‍್ಯೊಸ, ತ್ಯುನಾ ಮನಸೊನೆ ದಗ್ಡಾ ಕರ‍್ಯೊಸ" ಯೆಶಾಯ 6:10

2 ಕೊರಿಂಥ 3:14

ತೆನೈಸೊ ತೆ ಮನಕ್ಹೊ ಗ್ಯಾನ ನೈಸೊವಾಲ ಥೈನ ತ್ಯುನೆ ಕಳೈಲಿದ್ಯಾ ನೈ. ತ್ಯುನೆ ಜುನ್ನು ವಡಂಬಡಿಕೆ ಒದತಾಮಾ ಹಜುನಬಿ ತೆಜ಼ ಘುಮುಸಮಾ ಕಳೈಲಿವಸ. ತೆ ಘುಮುಸ ಕಾಡ್ಯಾ ನೈ. ಕಾ ಕದ್ಯಾಮ ತೆ ಘುಮುಸ ಕ್ರಿಸ್ತಕ್ಹುಜ ಕಡಾವಸ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

ತಿತನೆ 3:3

ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.

2 ಪೆತ್ರಾ 1:9

ತೆನೈಸೊ ಎ ಕ್ಹಾರು ಕಿನಾಮಾ ರ‍್ಹತುನೈ ತೆ ಚೊ಼ಕಿತರಾ ದೆಕ್ತೊ ನೈ. ತೆ ಕುಡ್ಡೊ ಥೈನ ರ‍್ಹವಸ; ತೆ ಚೊ಼ಕೊ ಥಯಲ ಇಕ್ಹರಲ ಲಿಂಗತ ರ‍್ಹವಸ.

1 ಯೊಹಾನ 1:6

ತಿನಾಹುತಿ ಕ್ಹುದಾನಾ ಕ್ಹಾತೆ ಅನ್ಯುನ್ಯೆತಾಮಾ ಛೆ ಕೈನ ಹಮೆ ಕೈಲಿನ, ಅಂದಾರಾಮಾ ಜಿವಸ್ತಾ ರ‍್ಹಯ್ಯಾಮ ಸುಳ್ಳ ಕದಲಲಿಂಗತ ಥಯ್ಯು. ಕಾಕದ್ಯಾಮ ಅಪೆ ಕ್ಹರಿ ಪಾಲನ ನತ್ತಿ ಕರಾಡ್ಯಾ.

1 ಯೊಹಾನ 2:10

ತಿನಾ ಭೈನೆ ಮಯಾ ಕರಾಲೊ ಉಜಾಲಾಮಾ ಛೆ. ಬಿಜೆ಼ಕ್ಲಾನೆ ಪಾಪಮಾ ಚ಼ಲಾವಾನು ತಿನಾಮಾ ರ‍್ಹತು ನೈ.

1 ಯೊಹಾನ 2:9

"ಮಿ ಉಜಾಲಾಮಾ ಛೆ "ಕೈನ ಕವಾಲೊ ತೆ ತಿನಾ ಭೈನೆ ಮೊಸ ಕರತೊ ರ‍್ಹಯೊಮ, ತೆ ಮನಕ್ಹ ಅಂದಕಾರಮಾ ಛೆ.

1 ಯೊಹಾನ 3:15

ತಿನಾ ಖುದ್ದನಾ ಭೈನೆ ದ್ವೆಶ ಕರಾಲೊ ಹರಿ ಯಕ್ಲೊ ಖಲಾಸ ಕರಾಲೊ ಥಯಾಸ. ಕಯಾಜ಼ ಖಲಾಸ ಕರಾಲಾಮಾ ಹಮೆಶಾನೊ ಜ಼ಲಮ ರ‍್ಹತೊ ನೈ. ಕೈನ ಮನೆ ಗ್ವತ್ತ ಥಯುಸ.

1 ಯೊಹಾನ 4:20

ಯಕ್ಲೊ ತೆ ಕ್ಹುದಾನೆ ಮಯಾ ಕರಸ ತೆ ಕೈನ ತಿನಾ ಭಾಯೊನೆ ದುಶ್ಮನಿ ಕರ‍್ಯಾಮ ತೆ ಸುಳ್ಳ ಬೊಲಾಲೊ ಥಯೊಸ. ಕಾ ಕದ್ಯಾಮ್ಮಾ ತಿನಾ ಕ್ಹಾತೆ ರ‍್ಹಯಲ ಭಾಯೊನೆಬಿ ಮಯಾ ಕರವಾಲೊ, ತೆ ನೈ ದೆಕೆಲ ಕ್ಹುದಾನೆ ಕಿಮ್ಮ ಮಯಾ ಕರಸಕ?

ಪ್ರಕಟನೆ 3:17

ತಾರಿಕ್ಹು ತುನೆ ಸೌಕಾರ ವ್ಹೈ ಕೈನ ಕೈಲಿವಾಡ್ಯೊಸ. ತು ಸೌಕಾರ ರ‍್ಹಯಲ ಹುತಿ ತುನೆ ಸುಜ಼ ಕಮಿ ಥಾತು ನೈ ಕೈನ ತು ವಿಚಾರ ಕರಿಲಿದ್ಯೊಸ. ತೆನೈಸೊ ಕ್ಹರಿಮಾಜ಼ ತು ಕೆಟ್ಟ ಪರಿಸ್ತಿತಿಮಾ ಪಡಲವಾಲೊ ಥಯೊಸ. ಕೆಟ್ಟ ನಸಿಬ ವಾಲೊ ವರಿ ದಲಿದ್ದರ ಥಯೊಸ, ಕುಡ್ಡೊ ಥಯೊಸ ವರಿ ಭೊಂಗಳೊ ಥಯೊಸ. ವರಿಬಿ ಎ ಕ್ಹಾರು ತುನೆ ಗ್ವತ್ತ ನತ್ತಿ.