1 ಯೊಹಾನ 1:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ತೆನೈಸೊ ಅಪ್ನಾ ಪಾಪೊ ಕೈಲಿದ್ಯಾಮ, ತೆ ಬರೊಕ್ಹೊವಾಲೊ ನಿತಿವಂತವಾಲೊ ರ‍್ಹಯಲ ಹುತಿ ಅಪ್ನಾ ಕ್ಹಾರಾ ಕೆಟ್ಟ ಕಾಮೊ ಮಾಫ ಕರಿನ ಅಪೊನೆ ಶುದ್ಧ ಕರಸ.

1 ಯೊಹಾನ 1:9 ပူးပေါင်းရင်းမြစ်များ

ಮತ್ತಾಯ 3:6

ಮನಕ್ಹೊ ತ್ಯುನೆ ಕರಲ ಪಾಪ ವಪ್ಪಿ ಲಿದಲ್ಪರ ಯೊಹಾನ ತ್ಯುನೊನೆ ಯೊರ್ದನ ನದಿಮಾ ಬಾಪ್ತಿಸ್ಮಾ ದಿವಾಡೊತೊ.

ಮಾರ್ಕ 1:5

ತೆಳಾಮಾ ಯುದಾಯಾತಾ ವರಿ ಯೆರುಸಲೆಮಾತಾಬಿ ಕ್ಹಾರಾ ಮನಕ್ಹೊ ಯೊಹಾನಕನ ಐನ ತ್ಯುನೆ ತ್ಯುನಾ ಪಾಪನೆ ಪಶ್ಚಾತಾಪ ಕರಲಿನ ಯೊರ್ದನ ನದಿಮಾ ತಿನಾ ಹತೆ ಬಾಪ್ತಿಸ್ಮ ಕರೈಲಿವಾಡಾತಾ.

ಲುಕ ಬರ್ದಲ ಸುವಾರ್ತಾ 22:57

ತೆಳಾಮಾ ಪೆತ್ರಾ. ಎ ಕ್ಹರಿ ನ್ಹವೈ ಕದ್ಯೊ. ತೆ ತಿನೆ ಯಾ ಮನೆ ತೆ ಗ್ವತ್ತ ನತ್ತಿ "ಕದ್ಯೊ.

ಯೊಹಾನ 17:25

ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ.

ಅಪೊಸ್ತಲೊ 19:18

ತ್ಯುನೊಮಾ ನಂಬೆಲವಾಲಾ ಐನ ಘನಾಜ಼ನಾ ಕ್ಹಾಮಾ ತ್ಯುನೆ ಕರಲ ಕಾಮೊ ಒಪಿಲಿದ್ಯಾ.

ರೊಮಾಪೂರ 3:26

ಇಮ್ಮ ಕ್ಹುದಾ ತೆಜ಼ ನಿತಿವಂತವಾಲೊ ವ್ಹೈ ಕೈನ ವರಿ ಯೆಸುಪರ ಬರೊಕ್ಹೊ ಮ್ಹೆಲಲ ಕಯೊಬಿ ರ‍್ಹೈನೆಕಾ ನಿತಿವಂತವಾಲೊ ಥಾವಸ ಕೈನ ದೆಕಾಡಿನ ದಿದ್ಯೊಸ.

1 ಕೊರಿಂಥ 1:9

ಕ್ಹುದಾ ಬರೊಕ್ಹೊವಾಲೊ ಥಯೊಸ. ಕ್ಹುದಾನೊ ದಿಕ್ರೊ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಜ಼ಲಮಮಾ ವಾಟೊ ಲಿವಾಲಾ ಥೌ ಕೈನ ತುಮೊನೆ ಬಲಾಯಲವಾಲೊಜ಼ ಕ್ಹುದಾ ವ್ಹೈ.

1 ಕೊರಿಂಥ 6:11

ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.

ಎಫೆಸ 5:26

ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.

1 ತಿಮೊತಿ 1:15

ಮಿ ಕವಾನಿಯೊ ಎ ಸಂಗತಿಯೊ ಕ್ಹರಿನಿಯೊಜ಼ ವ್ಹೈ. ತಿನಾಹುತಿ ತುಮೆ ತಿನೆ ಪುರಾ ವಪ್ಪಿಲಿವೊ. ತೆ ಸುವ್ಹೈ ಕದ್ಯಾಮ; ಪಾಪಿಯೊನೆ ವಚಾ಼ಡಾನಾ ಹುತಿ ಯೆಸು ಕ್ರಿಸ್ತ ಎ ಲೊಕಮಾ ದಿಕ್ಹ್ಯೊ. ತೆ ಪಾಪಿಯೊಮಾ ಮಿಜ಼ ಮ್ಹೊಟೊ ವ್ಹೈ.

ತಿತನೆ 2:14

ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.

ಇಬ್ರಿಯ 10:23

ಅಪೆ ಅಪನಿ ಆಸಕ್ಹು ಕರಿಲಿದಲ ಮಾಂಗಿಲಿದಲನಾ ಹುತಿ ಚಂಚಲ ಥಯಾವಾಚಿ ಘಟ್ಟ್ಟ ಮನಸಕ್ಹು ಭಾಂದಿನ ಧರಲಿಯೆ, ಕಾಕದ್ಯಾಮ ವಾಗ್ದಾನ ಕರಲವಾಲೊ ಬರೊಕ್ಹೊವಾಲೊ ವ್ಹೈ.

ಇಬ್ರಿಯ 11:11

ತೆನೈಸೊ ಸಾರಳ ವಾಗ್ದಾನ ಕರಲವಾಲಾನೆ ನಂಬಿನ ತೆ ಪ್ರಾಯ ಖರಲವಾಲಿ ಥೈತಬಿ ಬರೊಕ್ಹಾಕ್ಹು ಪೆಟೆ ರ‍್ಹವಾನೆ ತಾಕತ ವ್ಹಂದಿ.

ಇಬ್ರಿಯ 6:10

ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.

1 ಯೊಹಾನ 1:7

ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.

ಪ್ರಕಟನೆ 15:3

ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ.