1 ಕೊರಿಂಥ 9:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಉಗ್ರಲ ಅಪೊಸ್ತಲೊ ಲಿಂಗತ, ಪ್ರಭುನಾ ಭಾಯೊ ಲಿಂಗತ, ಪೆತ್ರಾ ಲಿಂಗತ ಮಿಬಿ ಕ್ರಿಸ್ತಮಾ ಭೆನ ವಿಶ್ವಾಸಿ ಯಕ್ಲಿನೆ ಹಿವಾ ಕರಲಿನ ತಿನಾ ಕ್ಹಾತೆ ಜಿವ್ನಾ ಕರಾನೆ ಮನೆ ಹಕ್ಕ ನತ್ತಿ ಸು?

1 ಕೊರಿಂಥ 9:5 ပူးပေါင်းရင်းမြစ်များ

ಮತ್ತಾಯ 13:55

ಎ ಐಲಾ ಬಡಗ್ಯಾನೊ ದಿಕ್ರೊ ನ್ಹವೈ ಸು? ಇನಿ ಯಾ ಮರಿಯಳ ನ್ಹವೈ ಸು? ಯಾಕೊಬ, ಯೊಸೆಫ, ಸಿಮೊನ, ಯುದ ಇವ್ನೆ ಇನಾ ಭಾಯೊ ನ್ಹವೈ ಸು?

ಮತ್ತಾಯ 8:14

ಯೆಸು ಪೆತ್ರಾನಾ ಘರೆ ಗಯೊ. ತ್ಯಾ ಪೆತ್ರಾನಿ ಪ್ಹೈ ಘನ್ನಾ ತೌಕ್ಹು ವಚ್ಚಾನಾಪರ ಕ್ಹುರಯಲ ಯೆಸು ದೆಕ್ಯೊ.

ಮಾರ್ಕ 1:30

ತ್ಯಾ ಸಿಮೊನನಿ ಪ್ಹೈ ತೌ ಐನ ಕ್ಹುರೈತಿ ತ್ಯುನೆ ತೆಳಾಮಾಜ಼ ಯೆಸುಕನ ಕದ್ಯಾ.

ಮಾರ್ಕ 6:3

ಎ ಬಡಗ್ಯಾನು ಕಾಮ ಕರಾಲೊ ನ್ಹವೈಸು? ಎ ಮರಿಯಳನೊ ದಿಕ್ರೊ ನ್ಹವೈಸು ಯಾಕೊಬ ಯೊಸೆಫ ಯುದ ವರಿ ಸಿಮೊನನೊ ಮ್ಹೊಟೊ ಭೈ ನ್ಹವೈಸು? ಇನಿಯೊ ಭೆನೊ ನ್ಹ್ಯಾಜ಼ ಅಪ್ನೊಕನ ನತ್ತಿಸು? ಇನಾ ಹುತಿ ತ್ಯುನೆ ಯೆಸುನೆ ಇನ್ಕಾರ‍್ಯಾ.

ಲುಕ ಬರ್ದಲ ಸುವಾರ್ತಾ 6:15

ಮತ್ತಾಯ ತೊಮ, ಯಾಕೊಬ (ಅಲ್ಫಾಯನೊ ದಿಕ್ರೊ) ವರಿ (ದೆಶಪರ ಮಯಾ ರ‍್ಹಯಲ ವಾಲೊ) ಸಿಮೊನ,

ಲುಕ ಬರ್ದಲ ಸುವಾರ್ತಾ 8:20

ತ್ಯಾ ರ‍್ಹಯಲ ಯಕ್ಲೊ ತಿನೆ "ತಾರಿ ಮಾ ತಾರಾ ಭಾಯೊ ತುನೆ ದೆಕು ಕೈನ, ಭಾರಾ ಹುಬ್ರಯಾಸ "ಕದ್ಯೊ.

ಯೊಹಾನ 1:42

ತೆ ಸಿಮೊನನೆ ಯೆಸುಕನ ಬಲೈ ಲಾಯೊ. ಯೆಸು ಸಿಮೊನನೆ ದೆಕಿನ"ಯೊಹಾನನೊ ದಿಕ್ರೊ ರ‍್ಹಯಲ ತಾರು ನಾಮ ಸಿಮೊನ ವ್ಹೈ. ತು ಕೆಫ ಕೈನ ಕವೈಲೆಸಿ" ಕೈನ ಕದ್ಯೊ. ಕೆಫ ಕದ್ಯಾಮ ಮ್ಹೊಟೊ ದಗ್ಡೊ ವ್ಹೈ.

ಯೊಹಾನ 2:12

ತೆ ಥಯಲ್ಪರ ಯೆಸು ತಿನಿ ಮಾ, ಭಾಯೊ ವರಿ ತಿನಾ ಶಿಷ್ಯಾವೊನಾ ಕ್ಹಾತೆ ಕಪೆನೌರ್ಮ ಕವಾನಾ ಗಾಮೆ ಗಯೊ. ವರಿ ತ್ಯುನೆ ತ್ಯಾ ದಕ್ಹಾ ದಿನ್ನ ವ್ಹತ್ತಾ..

ಅಪೊಸ್ತಲೊ 1:14

ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ.

ರೊಮಾಪೂರ 16:1

ಕ್ರಿಸ್ತಮಾ ರ‍್ಹೈನ ಅಪನಿ ಭೆನ ಥಯಲ ಪೊಯಿಬೆನೆ ಮಿ ತುಮೊನೆ ತಿನಾಹುತಿ ಕವಾನೆ ಆಸ ಕರುಸ. ತೆ ಕೆಂಖ್ರೆಯ ಗಾಮ್ನಿ ಸಭೆನೆ ಖಾಸ ಮದದ ಕರಿಸ.

1 ಕೊರಿಂಥ 1:12

ಕದ್ಯಾಮ, ತುಮೊಮಾ ಯಕ್ಲೊ "ಮಿ ಪೌಲಾ ನಿಂಗತ ಚಾ಼ಲಾಲೊ ವ್ಹೈ ಕೈನ ಯಕ್ಲೊ, ಅಪೊಲೊಸ ನಿಂಗತ ಚಾ಼ಲಾಲೊ ವ್ಹೈ ಕೈನ ವರಿಯಕ್ಲೊ, ತೆ ಪೆತ್ರಾ ನಿಂಗತ ಚಾ಼ಲಾಲೊ ವ್ಹೈ ಕೈನ ವರಿಯಕ್ಲೊ, ತೆ ಕ್ರಿಸ್ತ ನಿಂಗತ ಚಾ಼ಲಾಲೊ ವ್ಹೈ ಕೈನ ಕವಸ.

1 ಕೊರಿಂಥ 7:15

ಯಕ್ಕೆಳೆ, ಕ್ರಿಸ್ತ ವಿಶ್ವಾಸಿ ನೈ ರ‍್ಹಯಲ ಬೈಕೊ ರ‍್ಹವಾದೆ, ಮಾಟಿ ರ‍್ಹವಾದೆ ಜು಼ದಾ ಥೌಸ ಕದ್ಯಾಮ ತ್ಯುನೆ ಥಾವಾದೆ. ಹೆವಾ ಟೈಮಮಾ ಕ್ರಿಸ್ತಮಾ ರ‍್ಹಯಲ ಭೈ ರ‍್ಹವಾದೆ, ಭೆನ ರ‍್ಹವಾದೆ ಹಿವಾನಾ ಬಂಧನಮಾ ನತ್ತಿ. ಕಾ ಕದ್ಯಾಮ, ಕ್ಹುದಾ ತುಮೊನೆ ಶಾಂತಿ ಸಮಾಧಾನಕ್ಹು ರ‍್ಹವಾನೆ ಬಲಾಯೊಸ.

1 ಕೊರಿಂಥ 7:39

ಮಾಟಿ ಜಿವ್ತೊ ರ‍್ಹಯೆ ಲಕ್ಕಾ ಬೈಕೊ ತಿನಾ ಬಂಧನಮಾ ವ್ಹೈ. ತೆ ಮರ‍್ಯೊರೆ ತೆ ಪಸಂದ ಕರಲವಾಲಾನೆ ವರಿ ಹಿವಾ ಥಾವಾನೆ ಆಜಾ಼ದ ವ್ಹೈ. ತೆನೈಸೊ ತೆ ಕ್ರೈಸ್ತವಿಶ್ವಾಸಿ ರ‍್ಹೌ.

1 ಕೊರಿಂಥ 7:7

ಕ್ಹಾರಾಬಿ ಮಿ ರ‍್ಹಯಲ ಲಿಂಗತ ರ‍್ಹೌ ಕೈನ ಮಾರು ಆಸ ವ್ಹೈ. ತೆನೈಸೊ ಕ್ಹುದಾ ಹರ ಯಕ್ಲಾನೆ ಖಾಸ ವರಾ ದಿದ್ಯೊಸ. ಯಕ್ಲಾನೆ ಯಕ್ಕ ವರಾ ರ‍್ಹಯಾಮ, ಬಿಜೆ಼ಕ್ಲಾನೆ ಬಿಜೆ಼ಕ ವರಾ ಛೆ.

1 ಕೊರಿಂಥ 7:8

ನೈ ಹಿವಾ ಥಯಲವಾಲಾವೊನೆ ವರಿ ರಾಂಡಿಯೊನೆ ಮಾರಿ ಗ್ಯಾನನಿ ವಾತ ಕೈ ವ್ಹೈ ಕದ್ಯಾಮ; ಮಿ ಯಕ್ಲೊಜ ರ‍್ಹಯಲ ನಿಂಗತ ತ್ಯುನೆ ರ‍್ಹವಾನು ತ್ಯುನೊನೆ ಚೊ಼ಕು ವ್ಹೈ.

ಗಲಾತ್ಯ 1:19

ಪ್ರಭುನಾ ಭೈ ಥಯಲ ಯಾಕೊಬನೆ ಛೊಡಿನ ಬಿಜಾ಼ ಕಯಾಜ಼ ಅಪೊಸ್ತಲೊನೆ ಮಿ ಮಳ್ಯೊನೈ.

1 ತಿಮೊತಿ 3:2

ತೆ ಸಭೆನಾ ಮ್ಹೊಟಾ ಮನಕ್ಹೊನಾ ಕೆಟ್ಟ ವಾತೊಮಾ ಪಡೆನೈಸೊ ಚೊ಼ಕೊ ಥೈನ ರ‍್ಹೌ. ತುನೆ ಯಕ್ಕಲಿಜ಼ ಬೈಕೊ ರ‍್ಹೌ. ತೆ ಘನ್ನೊ ಗ್ಯಾನಿ ರ‍್ಹೌ; ಮನಕ್ಹೊ ಮರ್ಯಾದಿ ದಿವಾನೆ ಯೊಗೈ ರ‍್ಹೌ

1 ತಿಮೊತಿ 4:3

ತೆವಾ ಮನಕ್ಹೊ ಹಿವಾ ಕರಲ್ಯುನೈ ಕೈನ ವರಿ ದಕ್ಹು ಅನಾಜ಼ ಖೌನೈ ಕೈನ ತ್ಯುನೆ ಕವಸ. ತೆನೈಸೊ ಬರೊಕ್ಹೊ ರ‍್ಹಯಲವಾಲಾ ವರಿ ಕ್ಹರಿ ತಿಳದಿಲಿದಲವಾಲಾ ಸ್ತುತಿ ಕರಿನ ತೆ ಅನಾಜ಼ ಖಾವಾದೆ ಕಾಕದ್ಯಾಮ ತೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ.

1 ತಿಮೊತಿ 5:2

ವೈಸ ಥಯಲ ಹೆಣ ಮನಕ್ಹೊನೆ ಮಾ ಲಿಂಗತ ಜಾಂಜಿಮಾನ ಹೆಣ ಮನಕ್ಹೊನೆ ಭೆನೊ ಲಿಂಗತ ತಿಳದ. ಹಮೆಶಾಬಿ ತ್ಯುನಾ ಕ್ಹಾತೆ ಚೊ಼ಕಿ ತರಾ ಚಾ಼ಲ.

ತಿತನೆ 1:6

ಸಭಾಪಾಲಕ ಥಾವಾಲೊ ಕೆಟ್ಟ ಮನಕ್ಹ ವ್ಹೈ ಕೈನ ಕವೈಲಿದಲ ರ‍್ಹೌ ನೈ. ತಿನೆ ಯಕ್ಕಲಿಜ಼ ಬೈಕೊ ರ‍್ಹೌ. ತಿವ್ನಾ ಬಚ್ಚಾ಼ ವಿಸ್ವಾಶಿಯೊ ರ‍್ಹೌ. ತ್ಯುನೆ ಕೆಟ್ಟ ವ್ಹೈ ಕೈನ ಕವೈಲಿದಲ ರ‍್ಹೌ ನೈ.

ಇಬ್ರಿಯ 13:4

ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ.