1 ಕೊರಿಂಥ 7:25 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁵ ಹಿವಾ ನೈ ಕರಿಲಿದಲ ಮನಕ್ಹೊನಾ ಹುತಿ ಹಮ್ನಾ ಮಿ ಬರ್ದಾಡೊಸ. ಇನಾಹುತಿ ಪ್ರಭುಕ್ಹು ಆಯಲ ಕಯುಜ಼ ನಿಯಮ ಮಕನ ನತ್ತಿ. ಪ್ರಭುನಿ ಕೃಪಾಕ್ಹು ಬರೊಕ್ಹಾನೆ ಯೊಗ್ಯ ಥಯಲ ಮನಕ್ಹ ನಿಂಗತ ಮಾರಾ ವಿಚಾರೊ ತುಮಾರಾ ಕ್ಹಾಮೊ ಮ್ಹೆಲುಸ.

1 ಕೊರಿಂಥ 7:25 ပူးပေါင်းရင်းမြစ်များ

1 ಕೊರಿಂಥ 15:10

ಮಿ ಹಮ್ನಾ ಎ ಸ್ಥಿತಿಮಾ ರ‍್ಹವಾನು ಕ್ಹುದಾನಿ ಮರ್ಗಾಕ್ಹುಜ಼ ವ್ಹೈ. ತಿನಿ ಮರ್ಗಾ ಮಪರ ವ್ಯರ್ಥ ಥೈ ನೈ. ಮಿ ತ್ಯುನಾ ಕ್ಹಾರಾವೊತಿಬಿ ಹೆಚ್ಕಿ ಶ್ರಮಾ ಕರಿನ ಸೆವೆ ಕರ‍್ಯೊಸ. ತೆ ಕರಲವಾಲೊ ಮಿ ನ್ಹವೈ, ಮಾರಾಮಾ ರ‍್ಹವಾನಿ ಕ್ಹುದಾನಿ ಮರ್ಗಾಜ಼ ಕರಲ ವ್ಹೈ.

1 ಕೊರಿಂಥ 4:2

ಇಮ್ಮ ರ‍್ಹತಾಮಾ, ಜವಾಬ್ದಾರಿ ಲಿದಲವಾಲಾ ಸೆವಕ ಮಾಲಕನೆ ಕಾಮೊಮಾ ಬರೊಕ್ಹೊವಾಲಾ ವ್ಹೈ ಕೈನ ದೆಕಾಡು.

1 ಕೊರಿಂಥ 7:10

ಹಿವಾ ಥಯಲವಾಲಾವೊನೆ ಮಾರಿ ಯಕ್ಕ ಆಗನ್ಯಾ; ಕ್ಹರಿಬಿ ತೆ ಮಾರಿ ನ್ಹವೈ, ಪ್ರಭುನಿ ಆಗನ್ಯಾ ವ್ಹೈ. ಬೈಕೊ ತಿನಾ ಮಾಟಿನೆ ಛೊಡಿಪಡು ನೈ.

1 ಕೊರಿಂಥ 7:12

ಉಗ್ರಲ ಕ್ಹಾರಾವೊನೆ ಮಿ ಕವಾನು ಸು ವ್ಹೈ ಕದ್ಯಾಮ; ಎ ಸಂಗತಿಯೊ ಕವಾಲೊ ಮಿಜ಼ ವ್ಹೈ, ಪ್ರಭು ನ್ಹವೈ; ಕ್ರಿಸ್ತಮಾ ಯಕ್ಕ ಭೈನೆ ಕ್ರಿಸ್ತವಿಶ್ವಾಸಿ ನೈ ರ‍್ಹಯಲ ಬೈಕೊ ರ‍್ಹೈಮ, ತೆ ತಿನಾ ಕ್ಹಾತೆ ಜಿವ್ನಾ ಕರಾನೆ ಒಪ್ಪಿಮ, ತೆ ಬೈಕೊನೆ ತಲಾಕ ದಿವ್ ನೈ.

1 ಕೊರಿಂಥ 7:28

ತಿಮ್ಮ ಸುತಬಿ ತು ಹಿವಾ ಕರಿಲಿದ್ಯೊಮ ತೆ ಪಾಪ ನ್ಹವೈ. ತಿನಾ ಲಿಂಗತಜ಼, ಹಿವಾ ನೈ ಕರಿಲಿದಲ ಯಕ್ಕ ಬಾಕ್ಡಿ ಹಿವಾ ಕರಿಲಿದಿಮ ತೆ ಪಾಪ ನ್ಹವೈ. ತೆನೈಸೊ ಹಿವಾ ಕರಿಲಿದಲ ವಾಲಾವೊನೆ ತ್ರಾಸೊ ಘನ್ನಾ ವ್ಹೈ. ತೆ ಕ್ಹಾರು ತುಮೊನೆ ತ್ರಾಸ ಕರು ನೈ ಕವಾನುಜ಼ ಮಾರು ಆಸ ವ್ಹೈ.

1 ಕೊರಿಂಥ 7:34

ತೆ ಮನಕ್ಹ ತಿನಿ ಬೈಕೊನೆಬಿ ವರಿ ಪ್ರಭುನೆ ಮೆಚ್ಚಿಸಾನಾ ಹುತಿ ವಿಚಾರ ಕರು ಲಾಗಸ. ಹಿವಾ ನೈ ಕರಿಲಿದಲ ಬಾಕ್ಡಿ ನೈತೊ ಛೊಕ್ರಿ ಪ್ರಭುನಿ ಸೆವಾಮಾ ಕೆಳಾಮಾಬಿ ರ‍್ಹವಸ. ಅಂಗ ಆತ್ಮಾ ಭಂಬಿ ಪ್ರಭುನೆ ಮ್ಹೆಲಸ. ತೆನೈಸೊ ಹಿವಾ ಕರಿಲಿದಲ ಬಾಕ್ಡಿ ದುನಿಯಾನಿ ವ್ಯವಹಾರಮಾ ಪಡಲ ರ‍್ಹವಸ. ತಿನಾ ಮಾಟಿನೆ ಖುಶಿ ಕರಾನೆ ಕೊಶಿಶ ಕರಸ.

1 ಕೊರಿಂಥ 7:40

ತೆ ಹಿವಾ ಕರಿಲಿದ್ಯಾವಾಚಿ ರ‍್ಹೈರೆ ಹಜು಼ನ ಘನ್ನಿ ನಸಿಬವಾಲಿ ವ್ಹೈ. ತೆ ಮಾರು ವಿಚಾರ ವ್ಹೈ. ರ‍್ಹೈತುಬಿ ಕ್ಹುದಾನಿ ಆತ್ಮಾಕ್ಹು ಎ ಕವಾಡ್ಯೊಸ, ಕವಾನು ಮಾರೊ ಬರೊಕ್ಹೊ ವ್ಹೈ.

1 ಕೊರಿಂಥ 7:6

ಮಿ ಕದಲ ಎ ಆಗನ್ಯಾ ನ್ಹವೈ, ಇಜಾಜ಼ತ ವ್ಹೈ.

2 ಕೊರಿಂಥ 11:17

ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.

2 ಕೊರಿಂಥ 2:17

ಕೆಕ್ಲಾಲಿ ಮನಕ್ಹೊ ಕ್ಹುದಾನಿ ವಾಕ್ಯಾ ತಿಮಾ ಸು ಚಾ಼ಯೆ ತೆ ಘಾಲಿನ ಕೈನ ವ್ಯಾಪಾರ ಕರಸ. ಹಮೆ ತೊ ತಿಮ್ಮ ನವೈ. ಕ್ಹುದಾ ಕಂತಾಜ ಇನಿಲಿದಲವಾಲಾ ಥೈನ ಕ್ಹುದಾ ಕ್ಹಾಮಾ ಕ್ರಿಸ್ತ ಯೆಸುನಾ ಅನ್ಯೊನ್ಯತೆಮಾ ಹಮೆ ಸು ಹೊತ್ತು ತೆಜ಼ ತುಮೊನೆ ಕದ್ಯಾಸ.