1 ಕೊರಿಂಥ 6:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತುಮೊಮಾ ಸರಮ ಆವಾದೆ ಕೈನ ಇಮ ಕವಾಡ್ಯೊಸ. ತಿನಾ ಭಾಯೊನಾ ವಚ್ಮಾ಼ ಫೈಸ್ಲೊ ಕರಾ ಯಕ್ಲೊ ಶಾಣ್ಯೊ ತುಮೊಮಾ ಯಕ್ಲೊಬಿ ನತ್ತಿ ಸು?

1 ಕೊರಿಂಥ 6:5 ပူးပေါင်းရင်းမြစ်များ

ಅಪೊಸ್ತಲೊ 1:15

ದಕ್ಹಾ ದಿನ್ನ ಥಯಲ್ಪರ ವಿಸ್ವಾಸಿಮಾ ಭಾಯೊ ಥಯಲ ಸಭೆ ಥೈನ ಮಳ್ಯಾತಾ. ತ್ಯಾ ಕಮ್ಸಿ ಕಮ್ಮ ಯಕ್ಹೊನ ಇಕ್ಹ ಜ಼ನಾ ವ್ಹತ್ತಾ. ಪೆತ್ರಾ ಉಟಿನ ಹುಬ್ರೈನ ಅಮ್ಮ ಕದ್ಯೊ;

ಅಪೊಸ್ತಲೊ 9:13

ತೆ ವಾತೆ ಅನನಿಯಾ - ಪ್ರಭು, ತೆ ಮನಕ್ಹ ಯೆರುಸೆಲಿಮಮಾ ತಾರಾ ಪರಿಶುದ್ಧ ಮನಕ್ಹೊನೆ ಕೆಕ್ಲು ಕೆಟ್ಟ ಕರ‍್ಯೊಸ ಕವಾನು ಮಿ ಮನಕ್ಹೊನಾ ಮ್ಹೊಡಾತೊ ಐಕ್ಯೊಸ.

1 ಕೊರಿಂಥ 11:14

ಲಾಂಬಾ ಬಾಲೊ ದಾಣಗಾನೆ ಸರಮ ವ್ಹೈ ಲಾಂಬಾ ಬಾಲೊ ಬಾಕ್ಡಿನೆ ಸುಂದರತಾ ನ್ಹವೈ ಸು?

1 ಕೊರಿಂಥ 15:34

ಗೌರ ಕರಿನ ವಿಚಾರ ಕರೊ! ನಿತಿವಂತವಾಲಾ ಥೈನ ಹುಶಾರಕ್ಹು ರ‍್ಹವೊ. ಪಾಪ ಕರೊ ನಕೊ. ದಕ್ಹಾ ಜ಼ನಾವೊನೆ ಕ್ಹುದಾನಾ ಹುತಿ ಗ್ಯಾನಜ಼ ನತ್ತಿ; ತುಮೊನೆ ಸರಮ ಔಜ಼ ಕೈನ ಎ ಕವಾಡ್ಯೊಸ.

1 ಕೊರಿಂಥ 3:18

ತುಮೊನೆ ತುಮೆಜ಼ ಮೊಸ ಕರಿಲಿವೊ ನಕೊ. ತುಮೊಮಾ ರ‍್ಹಯಲವಾಲೊ ಕುನ್ ತುಬಿ ತೆ ಎ ದುನಿಯಾಮಾ ಗ್ಯಾನಿ ವ್ಹೈ ಕವಾಲೊ ತೆ ಪಿಸಾಳೊ ಥೌಜ಼. ತೆಳಾಮಾ ತೆ ಮನಕ್ಹ ಕ್ಹರಿಮಾಜ಼ ಗ್ಯಾನಿ ಥಾವಸ.

1 ಕೊರಿಂಥ 4:10

ಹಮೆ ಕ್ರಿಸ್ತನಾ ಹುತಿ ಪಿಸಾಳಾ ಥಯಾಸ. ತೆನೈಸೊ ತುಮೆ ತುಮೊನೆ ಕ್ರಿಸ್ತಮಾ ಘನ್ನಾ ಗ್ಯಾನಿಯೊ ಕೈನ ತಿಳ್ದಿಲಿದ್ಯಾಸ. ಹಮೆ ತಾಕತ ನೈಸೊವಾಲಾ ಥಯಾಸ, ತೆನೈಸೊ ತುಮೆ ತುಮೊನೆಜ಼ ತಾಕತವಾಲಾ ವ್ಹೈ ಕೈನ ತಿಳ್ದಿಲಿದ್ಯಾಸ. ಮನಕ್ಹೊ ತುಮೊನೆ ಮರ್ಯಾದಿ ದಿವಸ; ಹಮೊನೆ ತುಬಿ ತ್ಯುನೆ ಮರ್ಯಾದಿ ನೈ ದೆತಾ.

1 ಕೊರಿಂಥ 4:14

ತುಮೊನೆ ಸರಮ ಲಾವಾನಾ ಹುತಿ ಮಿ ಕೊಶಿಶ ಕರಾಡೊ ನತ್ತಿ. ತೆನೈಸೊ ತುಮೆ ಮಾರಾ ಮಯಾನಾ ಬಚ಼್ಚಾ ಥಯಲ ಹುತಿ ತುಮೊನೆ ಹುಶಾರ ಕರಾನಾ ಹುತಿ ಎ ಸಂಗತಿಯೊ ಬರ್ದಾಡೊಸ.

1 ಕೊರಿಂಥ 6:1

ತುಮೊಮಾ ಕಿನೆ ತುಬಿ ಯಕ್ಲಾನಾ ಉಪ್ಪರ ವಿರೊದ ರ‍್ಹಯಾರೆ, ತುಮೆ ನ್ಯಾಯಾಲಯನೆ ಜಾ಼ವಾನು ಕಾ? ತ್ಯುನೆ ನಿತಿವಂತವಾಲಾ ನ್ಹವೈ. ಇಮ್ಮ ರ‍್ಹತಾಮಾ ತುಮೊನೆ ನ್ಯಾಯ ಪೈಸ್ಲೊ ಕರಾನೆ ತ್ಯುನೊನೆ ತುಮೆ ಮೌಕೊ ಕರಿನ ದಿವಾನು ಕಾ? ತುಮೊನೆ ಸರಮ ಔ. ತುಮೊನೆ ಪೈಸ್ಲೊ ದಿವಾನೆ ತುಮೆ ಕ್ಹುದಾನಾ ಮನಕ್ಹೊನೆ ಕಾ ಮೌಕೊ ದ್ಯು ನೈ?

1 ಕೊರಿಂಥ 6:4

ಇಮ್ಮ ರ‍್ಹತಾಮಾ ತುಮೊಮಾ ಭಿನ್ನಾಭಿಪ್ರಾಯ ರ‍್ಹೈನ ತಿನೆ ನ್ಯಾಯನೊ ಪೈಸ್ಲಾನೊ ಜ಼ರುರತ ರ‍್ಹತಾಮಾ, ಸಭೆನೆ ಸಂಬಂಧ ನೈ ರ‍್ಹಯಲ ಮನಕ್ಹೊ ಕನ ತುಮೆ ಎ ಸಂಗತಿಯೊನೆ ಲಿನ ಜಾ಼ವಾನು ಕಾ? ತೆ ಮನಕ್ಹೊನೆ ಸಭೆಮಾ ಕೈಜ಼ ಔಕಾತ ನತ್ತಿ.

ಯಾಕೊಬ 1:5

ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.