1 ಕೊರಿಂಥ 5:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಕೆಟ್ಟ ಮನಕ್ಹನೆ ಸಭೆತಾ ಭಾರಾ ಘಾಲೊ ಕೈನ ಪವಿತ್ರ ಗ್ರಂಥ ಕವಸ.

1 ಕೊರಿಂಥ 5:13 ပူးပေါင်းရင်းမြစ်များ

ಮತ್ತಾಯ 18:17

ತೆ ತಿನಿ ವಾತ ನೈ ಐಕ್ಯಾಮ ತೆ ವಾತನೆ ಸಭೆಮಾ ಕೆ. ತೆ ಸಭೆನಾ ವಾತೊನೆ ನೈಐಕ್ಯಾಮ ತೆ ತುನೆ ಅನ್ಯ ನಿಂಗತಬಿ ಸುಂಕವಾಲಾ ನಿಂಗತಬಿ ರ‍್ಹವಾದೆ.

ಅಪೊಸ್ತಲೊ 17:31

ಕಾಕದ್ಯಾಮ ತೆ‍ಸೃಷ್ಟಿ ಕರಲ ದಾಣಗಾನೊ ಹತಕ್ಹೊ ನಿತಿಕ್ಹು ಭುಲೊಕಮಾ ಫೈಸಲೊ ಕರನಾ ಹುತಿ ಎಕ ದಿನ್ನ ಗೊತ ಕರ್ಯೊ. ತಿನೆ ಮರೆಲ ಮಾತೊ ಜುತೊ ಕರಲ ವ್ಹೈ ಕೈನ ನಂಬಾ ಹುತಿ ಕ್ಹಾರಾವೊನೆ ಆ ಕಾನಿ ದಿದೊಸ ಕೈನ ಕದ್ಯೊ.

ರೊಮಾಪೂರ 2:16

ಮನಕ್ಹೊನು ಮನಸ್ಮಾ ದಡಿ ರ‍್ಹಯಲ ಸಂಗತಿಯೊನೆ ಕ್ಹುದಾ ಫೈಸಲೊ ಕರಾನಾ ದಿನ್ನೆ ಎ ಕ್ಹಾರು ಥಾವಸ. ಕ್ಹುದಾ ಯೆಸು ಕ್ರಿಸ್ತನಾ ಮುಲಕ ಮನಕ್ಹೊನೆ ಫೈಸಲೊ ಕರಸ ಕವಾನು ಸುವಾರ್ತೆ ಕೈನ ದಿವಸ. ಮಿ ಮನಕ್ಹೊನೆ ಕವಾನು ತೆಜ಼ ಸುವಾರ್ತೆ ವ್ಹೈ.

1 ಕೊರಿಂಥ 5:1

ತುಮಾರಾ ವಚ್ಮಾ ಲೈಂಗಿಕ ಪಾಪ ಛೆ ಕೈನ ಮನಕ್ಹೊ ಕ್ಹರಿಮಾಜ಼ ಕವಾಡಾಸ. ಕ್ಹುದಾನೆ ನೈ ತಿಳ್ದಿಲಿದಲ ಮನಕ್ಹೊನಾ ವಚ್ಮಾಬಿ ನೈ ರ‍್ಹಯಲ ಕೆಟ್ಟ ತರಾನಿ ಲೈಂಗಿಕ ಪಾಪ ತೆ ಥಯುಸ. ತುಮೊಮಾ ಯಕ್ಲೊ ತಿನಾ ಬಾನಿ ಬೈಕೊನೆ (ಕದ್ಯಾಮ ಮಲ್ಮಾ ನೆ) ಮ್ಹೆಲ್ಲಿದ್ಯೊಸ ಕೈನ ಮನಕ್ಹೊ ಕವಾಡಾಸ.

1 ಕೊರಿಂಥ 5:2

ತೆನೈಸೊ ತುಮೆ ತುಮಾರಾ ವಿಷಯಮಾ ಹಜು಼ನಬಿ ಹೆಮ್ಮೆ ಪಡ್ದಿಲಿವಾಡಾಸ. ತುಮೆ ದುಖಕ್ಹು ರ‍್ಹವಾನು ವ್ಹತ್ತು. ತೆ ಪಾಪ ಕರಲ ಮನಕ್ಹನೆ ತುಮಾರಾ ಅನ್ಯುನ್ನತೆಮಾತಾ ಭಾರಾ ಘಾಲಾನು ವ್ಹತ್ತು.

1 ಕೊರಿಂಥ 5:5

ತೆ ಮನಕ್ಹನು ಪಾಪ ಸ್ವಭಾವ ಹಾಳ ಥಾವಾನಾ ಹುತಿ ತಿನೆ ಸೈತಾನ ಕನ ವಪ್ಸಿನ ದಿವೊ. ತೆಳಾಮಾ ಪ್ರಭುನಾ ಫೈಸಲಾನಾ ದಿನ್ನಮಾ ತಿನಿ ಜ಼ಲಮನಿ ಆತ್ಮಾ ರಕ್ಷಣೆ ಥಾವಾನೆ ಸಾಧ್ಯ ಥಾವಸ.

1 ಕೊರಿಂಥ 5:7

ಜು಼ನ್ನು ಸೊಡಾನೆ ಕದ್ಯಾಮ ಪಾಪ ತುಮೊಮಾತು ಕಾಡಿ ಪಾಡೊ. ತೆಳಾಮಾ ತುಮೆ ನವಾ ಥಾವೊಶಿ. ತುಮೆ ಕ್ಹರಿಮಾಜ಼ ನೈ ಫುಗ್ಗಲ ಪಸ್ಕನೊ ರೊಕ್ಲೊ ಥಯಾಸ. ಹೊ, ಅಪ್ನಾ ಪಸ್ಕನೊ ಬಕ್ರಾನು ಬಚ಼್ಚು ಥಯಲ ಕ್ರಿಸ್ತ ಕೆಳಾಮಾಜ಼ ಬಲಿ ಥಯೊಸ.

ಇಬ್ರಿಯ 13:4

ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ.

2 ಪೆತ್ರಾ 2:9

ಹೊ, ಪ್ರಭು ಥಯಲ ಕ್ಹುದಾ ತಿನಾ ಭಕ್ತೊನೆ ತ್ರಾಸ್ಮಾತೊ ಹಮೆಶಾಬಿ ವಚಾ಼ಡಸ . ತೆ ಕೆಟ್ಟ ಮನಕ್ಹೊನೆ ಫೈಸ್ಲಾನೊ ದಿನ್ನ ಆಯೆಲಕ್ಕಾ ಶಿಕ್ಷಾ ದಿವಸ.