1 ಕೊರಿಂಥ 4:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ತೆನೈಸೊ ಕ್ಹುದಾ ಮನೆಬಿ ವರಿ ಉಗ್ರಲ ಅಪೊಸ್ತಲೊನೆಬಿ ಲಾಸ್ಟ ಸ್ಥಾನ ದಿದ್ಯೊಸ ಕೈನ ಮನೆ ದಿಕ್ಹಸ. ಕ್ಹಾರಾ ಮನಕ್ಹೊನಾ ಕ್ಹಾಮಾ ಹಮೆ ಮೌತನೆ ಗುರಿ ಥಯಲವಾಲಾ ಥಯಾಸ. ಹಮೆ ದೆವ ದುತೊನೆಬಿ ಮನಕ್ಹೊನೆಬಿ ಕ್ಹಾರಿ ಜಗತ್ನೆ ಮಜಾ಼ಕ ಥಯಾಸ.

1 ಕೊರಿಂಥ 4:9 ပူးပေါင်းရင်းမြစ်များ

ಅಪೊಸ್ತಲೊ 19:29

ತೆಳಾಮಾ ಗಾಮ್ಮಾ ಪುರಾ ಗಲಿಬಿಲಿ ಥೈ. ಪ್ರಯಾಣಮಾ ಪೌಲಾನಾ ಕ್ಹಾತೆ ಮಕೆದೊನ್ಯ ಗಾಯೊಸೆನೆ ವರಿ ಅರಿಸ್ತಾರ್ಕನೊನೆ ಮನಕ್ಹೊ ಧರ್ಲಿನ ಮಳಿನ ನಾಟಕ ಸಾಲಿಮಾ ಹೊಕ್ಯಾ.

ಅಪೊಸ್ತಲೊ 19:31

ತೆ ನೈಸೊ ಆಸ್ಯಸಿಮೆನಾ ಅದಿಕಾರಿಯೊಮಾ ದಕ್ಹಾಜ಼಼ನಾ ಪೌಲಾನಾ ದೊಸ್ತೊ ಥಯಲ ಕ್ಹು ತಿಕನ ಮನಕ್ಹೊನೆ ವಳೈನ ತು ನಾಟಕ ಸಾಲಿನಮಾ ನಕೊ ಜೌ಼ ಕೈನ ಮಾಂಗಿಲಿದ್ಯಾ.

ರೊಮಾಪೂರ 8:36

ಕ್ಹುದಾ, ತಾರಾ ಹುತಿ ಹಮೆ ದಿನ್ನಾ ಮೌತನೆ ಗುರಿ ಥಯಾಸ; ಮನಕ್ಹೊ ಹಮೊನೆ ಕಾಟಾನಾ ಬಕ್ಕರಿಯೊ ಲಿಂಗತ ಅಪ್ನಾ ಕ್ಹಾತೆ ಥಾವಾಡ್ಯುಸ. ಕಿರ್ತನೆ 44:22

1 ಕೊರಿಂಥ 15:19

ಕ್ರಿಸ್ತ ಯೆಸುಮಾ ಅಪೊನೆ ರ‍್ಹವಾನೊ ಬರೊಕ್ಹೊ ಕ್ಹಾಲಿ ಎ ಜಿ಼ಂದಗಿನೆ ಸಿಮಿತ ರ‍್ಹಯಮ ಅಪೆ ಕ್ಹಾರಾ ಮನಕ್ಹೊತಿಬಿ ಕಿಳ ವ್ಹೈ.

2 ಕೊರಿಂಥ 11:23

ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ..

2 ಕೊರಿಂಥ 6:9

ಅಪೆ ಘನ್ನ ಪ್ರಸಿದ್ದ ರ‍್ಹ ವಳಕ ತೆನ ಸೆವ ಕರಾ. ಮರಲ ಕೈನ ನೈ ಗ್ವತ ತೆ ತಬಿ ನೊಹಾ. ದೆಕಿನ ಶಿಕ್ಷಾ ಛೆ ಕೈನ ಕುನ ವ್ಹತ್ತಾ ತಬಿ ಖಲಾಸ ಕೈನ ಥಯಾಸ.

1 ಥೆಸಲೊನಿಕ 3:3

ಹಮ್ನಾ ಹಮೊನೆ ಆಯಲ ತ್ರಾಸ ತುಮೊಮಾ ಕುನ್ನಜ಼ ಕಳವಳ ಥೌನೈ ಕೈನ ತಿಮೊಥೆನೆ ವಳಾಯಾಸ. ಹಮೊನೆ ಹವಾ ತ್ರಾಸೊ ಕ್ಹುದಾನಿ ಚಿತ್ತಕ್ಹುಜ ಆವಸ ಕೈನ ತುಮೊನೆ ಗ್ವತ್ತ ಛೆ.

ಇಬ್ರಿಯ 1:14

ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.

ಇಬ್ರಿಯ 10:33

ದಕ್ಹಾದಿನ ತುಮೆ ಮನಕ್ಹೊನಾ ಹತೆ ಕದ್ರಾವಾನು ತ್ರಾಸ ಅನುಭವಸೊ ಕದ್ರೈಲಿವಾನೆ ಗುರಿ ಥಾವೊನಕೊ. ದಕ್ಹಾದಿನ ತ್ಯೌ ಕ್ಹಾರು ಅನುಭವಿಸಲೊನಾ ಕ್ಹಾತೆ ಮಳಿನ ರ‍್ಹೈನ ತ್ಯೌ ಕ್ಹಾರು ವಾಟಿ ಲಿವಾಲಾ ಥಾವೊ ನಕೊ.

ಇಬ್ರಿಯ 11:36

ಬಿಜಾ಼ ದಕ್ಹಾಜ಼಼ನಾ ಬಿಜಾ಼ ಮನಕ್ಹೊನಾ ಹತೆ ಅಸೈ ಕರಿಲಿದ್ಯಾ, ಮಾರ ಖಾದ್ಯಾ, ಜೆಲ್ಮಾ ವ್ಹತ್ತಾ.