1 ಕೊರಿಂಥ 4:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ತುಮೊನೆ ಕ್ರಿಸ್ತಮಾ ದಕ್ಹ ಹಜಾ಼ರ ಜ಼ನಾ ಮಾಸ್ತರೊ ವಸೆ, ತೆನೈಸೊ ಘನ್ನಾ ಜ಼ನಾ ಬಾಪೊ ನತ್ತಿ. ಸುವಾರ್ತೆನಾ ಮುಲಕ ಕ್ರಿಸ್ತ ಯೆಸುಮಾ ಮಿಜ಼ ತುಮೊನೆ ಆತ್ಮಿಕ ಬಾ ಥಯೊಸ.

1 ಕೊರಿಂಥ 4:15 ပူးပေါင်းရင်းမြစ်များ

ರೊಮಾಪೂರ 15:20

ಕ್ರಿಸ್ತನಾ ಹುತಿ ಮನಕ್ಹೊ ನೈ ಐಕಲ ಜ಼ಗಾವೊಪರ ಮಿ ಸುವಾರ್ತೆ ಕವಾನೆ ಹಮೆಶಾ ಮಿ ಆಸ ಕರುಸ. ಕಾಕದ್ಯಾಮ ಯಕ್ಲೊ ಶುರು ಕರಲ ಕಾಮಪರ ಮಿ ತೆ ಕಾಮ ಕರಾನೆ ಮನಸ ನತ್ತಿ.

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

1 ಕೊರಿಂಥ 15:1

ಮಯಾನಾ ಭಾಯೊ ಭೆನೊ, ಮಿ ತುಮೊನೆ ಕದಲ ಚೊ಼ಕಿ ಸಂದೆಶ ಶೆಂ ಕರೊ. ತುಮೆ ತಿನೆ ಸ್ವಿಕಾರ ಕರ‍್ಯಾಸ. ತಿಮಾಜ಼ ಘಟ್ಟ ಥೈನ ಹುಬ್ರಯಾಸ.

1 ಕೊರಿಂಥ 3:10

ಕ್ಹುದಾ ಮನೆ ದಿದಲ ವರಾ ಉಪಯೊಗ ಕರಿನ ಶಾಣ್ಯೊ ಶಿಲ್ಪಿ ಲಿಂಗತ ಮಿ ತೆ ಘರನೆ ಫಾಯಾ ಘಾಲ್ಯೊ. ಬಿಜಾ ಮನಕ್ಹೊ ತೆ ಫಾಯಾನಾ ಉಪ್ಪರ ಭಾಂದಾಡಾಸ. ತೆನೈಸೊ ಹರಯಕ್ಕ ಮನಕ್ಹ ತೆ ಕಿಮ್ಮ ಭಾಂದಾಡೊಸ ಕವಾನು ಹುಶಾರಕ್ಹು ರ‍್ಹೌ.

1 ಕೊರಿಂಥ 3:6

ಮಿ ಬಿಯ್ಯಾ ಬಿತ್ಯೊ; ಅಪೊಲೊಸ ಪಾನಿ ಘಾಲ್ಯೊ; ತೆನೈಸೊ ತಿನೆ ಬೆಳಸಾಯಲ ಕ್ಹುದಾಜ಼ ವ್ಹೈ.

1 ಕೊರಿಂಥ 3:8

ಬಿಯ್ಯಾ ಬಿತ್ತಾಲಾನಾ ವರಿ ಪಾನಿ ಘಾಲಾಲಾನು ಉದ್ದೆಶ ಯಕ್ಕಜ಼ ಥಯುಸ. ವರಿ ಹರಯಕ್ಲಾನೆಬಿ ತಿನಾ ತಿನಾ ಕಾಮ ಪ್ರಕಾರ ಪ್ರತಿ ಫಲ ಮಳಸ.

1 ಕೊರಿಂಥ 9:12

ಬಿಜಾ಼ವೊನೆ ತುಮೊ ಪರ ಹವೊ ಹಕ್ಕ ರ‍್ಹಯಾಮ ತಿನಾತಿ ಹೆಚ್ಚ ಹಕ್ಕ ಹಮೊನೆ ರ‍್ಹೌ ನೈ? ತೆನೈಸೊ ಹಮೆ ಹಕ್ಕ ಚ಼ಲಾಯಾ ನೈ. ತಿನಾ ಬದಲ, ಕ್ರಿಸ್ತ ಯೆಸುನಾ ಸುವಾರತೆನೆ ಕೈಜ಼ ಅಡ್ಡಿ ಆಯೆ ನೈಸೊ ಕ್ಹಾರುಬಿ ತಡ್ದಿಲಿದ್ಯಾ.

1 ಕೊರಿಂಥ 9:14

ತಿನಾ ಲಿಂಗತ ಸುವಾರ್ತೆ ಪ್ರಚಾರ ಕರಾಲಾ ಸುವಾರ್ತೆ ಪ್ರಚಾರನಾ ಆದಾಯಕ್ಹು ಜಿವ್ನಾ ಕರು ಕೈನ ಪ್ರಭುಜ಼ ಆಗನ್ಯಾ ದಿದ್ಯೊಸ.

1 ಕೊರಿಂಥ 9:16

ಸುವಾರ್ತೆ ಪ್ರಚಾರ ಕರಾಡ್ಯೊಸ ಕೈನ ಕೊಚ್ಚಿ ಲಿವಾನೆ ಮನೆ ಮೌಕೊ ನತ್ತಿ. ಕಾಕದ್ಯಾಮ, ಪ್ರಚಾರ ಕರುಜ಼ ಕವಾನಾ ಕರ್ತವ್ಯ ಪರ ಮಿ ಘಟ್ಟ ಛೆ. ಪ್ರಚಾರ ನೈ ಕರ‍್ಯೊಮ ಮನೆ ಅದಿಕಾರ ರ‍್ಹವಾದೆ!

1 ಕೊರಿಂಥ 9:18

ತಿಮ್ಮ ರ‍್ಹಯಮ ಮನೆ ಮಳಾನು ಇನಾಮ ಸುವೈ? ಸುವಾರ್ತೆ ಕತಾಮಾ ಜಿವ್ನಾ ಕರಾನೆ ಮನೆ ರ‍್ಹವಾನು ಹಕ್ಕ ಉಪಯೊಗ ಕರ‍್ಯಾವಾಚಿ ಫ್ರಿಮಾ ಕವಾನು ನಸಿಬಜ಼ ಮಾರು ಪಗಾರ ವ್ಹೈ.

1 ಕೊರಿಂಥ 9:23

ಸುವಾರ್ತೆನಾ ಸೌಭಾಗ್ಯಮಾ ಪಾಲ ಲಿವಾಲೊ ಥೌ ಕೈನ ಎ ಕ್ಹಾರುಜ಼ ಸುವಾರ್ತೆನಾ ಹುತಿಜ಼ ಕರುಸ.

2 ಕೊರಿಂಥ 4:5

ಅಪೆ ಅಪ್ನಾ ಹುತಿ ಭೊದನೆ ಕರ್ತಾ ನೈ. ತೆ ನೈಸೊ ಯೆಸು ಕ್ರಿಸ್ತಜ ವ್ಹೈ ಕೈನ ವರಿ ತಿನಾ ಸೆಕೊ ವ್ಹೈ ಕೈನ ಭೊದನೆ ಕರಿಯೆಸ.

ಗಲಾತ್ಯ 3:24

ತಿನಾಹುತಿ ಕ್ರಿಸ್ತ ಆಯೆಲಕ್ಕಾ ಧರಮಶಾಸ್ತ್ರ ಅಪೊನೆ ಮಾಲಕ ಥೈನ ವ್ಹತ್ತು. ಕ್ರಿಸ್ತ ಆಯೆಲಪರ ಅಪೆ ಬರೊಕ್ಹೊ ಕರಲಹುತಿ ನಿತಿವಂತವಾಲಾ ಥಾವಾನೆ ಸಾದ್ಯ ಥಯು.

ಗಲಾತ್ಯ 3:25

ಹಮ್ನಾ ಬರೊಕ್ಹಾನಿ ವಾಟ ಐಸ. ತಿನಾಹುತಿ ಹಮ್ನಾ ಅಪೆ ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರತಾ ನೈ.

ಗಲಾತ್ಯ 4:19

ಬಚ್ಚಾ಼ವೊ ಲಿಂಗತ ರ‍್ಹಯಲ ಗಲಾತ್ಯ ಸಭೆವಾಲಾವೊ ಘನಿಯೊ ತ್ರಾಸ ಖಾವಾಲಿಯೊ ಮಾವೊ ಲಿಂಗತ ಮಿ ತುಮಾರಾ ಹುತಿ ತ್ರಾಸ ಖಾವಾಲೊ ಲಿಂಗತ ಛೆ. ತುಮೆ ಕ್ಹರಿಬಿ ಕ್ರಿಸ್ತಲಿಂಗತ ಥಾಯೆ ಲಕ್ಕಾ ಮನೆ ಎ ತ್ರಾಸ ರ‍್ಹವಸ.

2 ತಿಮೊತಿ 4:3

ಮನಕ್ಹೊ ಕ್ಹರಿನು ಶಿಕ್ಕಲಾವಾನು ನೈ ಐಕಾನೊ ದಿನ್ನ ಆವಾನೊ ಛೆ. ಮನಕ್ಹೊ ತ್ಯುನೊನೆ ಚೊ಼ಕಾ ಲಾಗಾನಾ ಬೊಧಕೊನೆ ವರಿ ತ್ಯುನಾ ಕಾನೊನೆ ಚೊ಼ಕಿಲಾಗಾನಿ ಬೊಧನಾ ಕರಾಲಾ ಬೊಧಕೊ ಹುಡ್ಕಸ್.

ತಿತನೆ 1:4

ಮಿ ಎ ಪತ್ರ ತಿತಾನೆ ಬರ್ದಾಡ್ಯೊಸ. ಅಪ್ನೊ ಬರೊಕ್ಹೊ ಸಂಬಂಧಮಾ ತು ಕ್ಹರಿನೊಜ಼ ಮಾರೊ ದಿಕ್ರಾನಿಂಗತ ಛೆ. ಮಾರೊ ಬಾ ಥಯಲ ಕ್ಹುದಾಕಂತೊ ವರಿ ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತ ಕಂತೊ ತುನೆ ಕೃಪಾ ವರಿ ಶಾಂತಿ ಮರಗಾ ಮಳಾದೆ.

ಫಿಲೊಮನ 1:19

ಪೌಲಾ ಥಯಲಮಿ ಮಾರಾ ಸ್ತಂತ ಹತೊಕ್ಹು ಎ ಕ್ಹಾರು ಬರ್ದಾಡ್ಯೊಸ. ಒನೆಸಿಮನ ತುನೆ ಸುಬಿ ದಿವಾನು ರ‍್ಹಯೊ ಮಿ ತೆ ಕ್ಹಾರು ತುನೆ ದ್ಯುಸ.ತಾರಿ ಆತ್ಮಿಕನಿ ಜಿವಿತನಾಹುತಿ ತು ಮನೆ ಕೆಕ್ಲೊ ರುಣಿ ಥಯೊಸ ಕೆಳಮಾಜ ಮಿ ಕತೊ ನೈ.

ಯಾಕೊಬ 1:18

ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.

1 ಪೆತ್ರಾ 1:23

ತುಮೆ ನವೊ ಜ಼ಲಮ ಲಿನ ಹುಟ್ಟಲ ಲಿಂಗತ ವ್ಹೈ. ಎ ನವೊ ಜ಼ಲಮ ಹಾಳಥಾವಾನೊ ಜ಼ಲಮಕ್ಹು ನತ್ತಿ ಲಿದ್ಯಾ. ತೆ ಜ಼ಲಮ ಹಾಳ ನೈ ಥಾವಾನು ಜ಼ಲಮಕ್ಹು ಲಿದ್ಯಾಸ. ಜ಼ಲಮ ರ‍್ಹಯಲ ಹಮೆಶಾ ರ‍್ಹಯಲ ಕ್ಹುದಾನಿಯೊ ವಾತೊಕ್ಹು ತುಮೆ ನವೊ ಜ಼ಲಮ ಲಿದ್ಯಾಸ.