1 ಕೊರಿಂಥ 4:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಹಮೆ ಖಾವಾನಾ ಹುತಿ ಹಮಾರಾ ಹತೊಕ್ಹು ಕಷ್ಟ ಪಡ್ದಿನ ರಾಬಿಯೆಸ. ಮನಕ್ಹೊ ಹಮೊನೆ ಕ್ಹರಾಪಸ, ಹಮೆ ತುಬಿ ತ್ಯುನಾ ಹುತಿ ಆಶಿರ್ವಾದ ಮಾಂಗಿಲಿಯೆಸ. ಮನಕ್ಹೊ ಹಮೊನೆ ತ್ರಾಸ ಕರ‍್ಯಾ ತುಬಿ ತಡ್ದಿಲಿಯೆಸ.

1 ಕೊರಿಂಥ 4:12 ပူးပေါင်းရင်းမြစ်များ

ಮತ್ತಾಯ 5:11

ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಕದ್ರಾಯಮ, ತ್ರಾಸ ಕರ‍್ಯಾಮ ವರಿ ತುಮಾರಾ ಉಪ್ಪರ ಕೆಟ್ಟ ವಿಶಯ ಸುಳ್ಳ ಘಾಲ್ಯಮ ತುಮೆ ಧನ್ಯ ವ್ಹೈ.

ಮತ್ತಾಯ 5:44

ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ತುಮಾರಾ ದುಶ್ಮನೊನೆ ಮಯಾ ಕರೊ. ತುಮೊನೆ ಕಟ್ಟ ಕರಾಲಾ ಮನಕ್ಹೊನಾಹುತಿ ಪ್ರಾಥನಾ ಕರೊ.

ಲುಕ ಬರ್ದಲ ಸುವಾರ್ತಾ 23:34

ತೆಳಾಮ ಯೆಸು, ಬಾ, ಅವ್ನೊನೆ ಮಾಫ ಕರ. ಅವನೆ ಸು ಕರಾಡಾಸ ತಿಳದ್ಯಾ ನತ್ತಿ "ಕೈನ ಪ್ರಾಥನಾ ಕರ‍್ಯೊ. ಸೈನಿಕೊ ಚಿಟಿಯೊ ಘಾಲಿನ ಯೆಸುನಾ ವಣ್ಣಾ ಕಿನೆ-ಕಿನೆ ವಾಟಿಲಿದ್ಯಾ.

ಲುಕ ಬರ್ದಲ ಸುವಾರ್ತಾ 6:28

ತುಮೊನೆ ಕ್ಹರಾಪಾಲಾವೊನೆ ತುಮೆ ಆಶಿರ್ವಾದ ಕರೊ, ತುಮೊನೆ ಕೆಟ್ಟ ಕರಾಲಾವೊನಾ ಹುತಿ ಪ್ರಾಥನಾ ಕರೊ.

ಯೊಹಾನ 15:20

"ಸೆವಕ ತಿನಾ ಮಾಲಕತಿ ಮ್ಹೊಟೊ ನ್ಹವೈ "ಕೈನ ಮಿ ತುಮೊನೆ ಕದಲ ವಾತ ಶೆ ಕರಿಲಿವೊ. ಮನಕ್ಹೊ ಮನೆ ತ್ರಾಸ ಕರಲ ಲಿಂಗತ ತುಮೊನೆ ತ್ರಾಸ ಕರಸ ವರಿ ಮಾರಿ ಉಪದೆಶನೆ ವಿಧೆಯ ಥಯಾಮ ತುಮಾರಾ ಉಪದೆಶನೆ ವಿಧೆಯ ಥಾವಸ.

ಅಪೊಸ್ತಲೊ 18:3

ಕಾ ಕದ್ಯಾಮ ಪೌಲಾ ತ್ಯುನಾ ಘರೆ ಗೈನ ತ್ಯುನೆಬಿ ವರಿ ತೆಬಿ ಯಕ್ಕಜ಼ ವ್ಹೈ ಕೈನ ತ್ಯುನಾ ಕ್ಹಾತೆ ರ‍್ಹೈನ ಕಾಮ ಕರಾಡೊತೊ; ಗುಡಾರ ಕರಾನು ತ್ಯಯುನು ಕಾಮ ವ್ಹತ್ತು.

ಅಪೊಸ್ತಲೊ 20:34

ಮಿ ಮಾರಾ ಸ್ವಂತ ಹತೊಕ್ಹು ಕಾಮ ಕರಿನ, ಮನೆ ಕಮಿ ರ‍್ಹಯಲ ಮಾರಾಕ್ಹಾತೆ ರ‍್ಹಯಲವಾಲಾವೊನೆ ಚಾ಼ಯೆ ಥಯಲ ಪುರಾ ಕರ‍್ಯೊಸ ಕವಾನು ತುಮೊನೆ ಗ್ವತ್ತ ಛೆ.

ಅಪೊಸ್ತಲೊ 7:60

ತೆ ಉಂದಾಘುಡಗಾ ಘಾಲಿನ "ಪ್ರಭು ಆ ಪಾಪ ತ್ಯುನಾ ಉಪ್ಪರ ಘಾಲು ನಕೊ! ಕೈನ ಜ಼ಲಮ ಛೊಡ್ಯೊ.

ರೊಮಾಪೂರ 12:14

ತುಮೊನೆ ಕೆಟ್ಟ ಕರಾಲಾವೊನೆ ಕ್ಹರಾಪ್ಯಾವಾಚಿ ತ್ಯುನಾ ಹುತಿ ಪ್ರಭು ಕನ ಆಶಿರ್ವಾದ ಮಾಂಗೊ..

ರೊಮಾಪೂರ 12:20

ತೆನೈಸೊ ಪವಿತ್ರ ಗ್ರಂಥ ಅಮ ಕವಸ. ತುಮಾರೊ ದುಷ್ಮನ ಭುಕ್ಕೊ ಥಯೊಮ, ತಿನೆ ಖಾವಾನೆ ಅನ್ನ ದಿವೊ. ತುಮಾರೊ ದುಶ್ಮನ ಪಾನಿನೊ ತರಕ್ಹೊ ಥಯೊಮ, ತಿನೆ ಪಿವಾನೆ ಪಾನಿ ದಿವೊ. ತುಮೆ ಅಮ ಕರ‍್ಯಾಮ, ತಿನೆ ಸರಮವಾಟಸ" ಜ್ಞಾನೊಕ್ತಿ 25:21-22

ರೊಮಾಪೂರ 8:35

ತಿಮ್ಮ ರ‍್ಹಯಮ ಕ್ರಿಸ್ತನಿ ಮಯಾಕ್ಹು ಅಪೊನೆ ಜು಼ದಾ ಕರಾಲಾ ಕುನ್ ವ್ಹೈ? ತ್ರಾಸೊ ತೆನೈಸೊ ಕಷ್ಟ ತೆನೈಸೊ ಕಿರಿಕಿರಿ ತೆನೈಸೊ ಭುಕ್ಕಕು ರ‍್ಹವಾನು ತೆನೈಸೊ ಗರಿಬಿ ತೆನೈಸೊ ಮುಸಿಬತ ತೆನೈಸೊ ಮೌತನು ತ್ರಾಸ ಛೆಸು?

1 ಕೊರಿಂಥ 9:6

ಜ಼ಲಮನಾ ಹುತಿ ಬಾರನಬ ವರಿ ಮಿ ಯಕ್ಕಜ಼ ರಾಬಿನ ಜಿವ್ನಾ ಕರಾನೆ ಆಗನ್ಯಾ ದಿದ್ಯಾಸು?

2 ಕೊರಿಂಥ 11:8

ಮಿ ಬಿಜಾ಼ ಸಭೆ ತಾರ ತುಮೊಮಾ ಸೆವ ನೈ ಕರಾ ದೊಕ್ಡಾ ಮಾಂಗಿಲಿದ್ಯ.

ಎಫೆಸ 4:28

ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.

1 ಥೆಸಲೊನಿಕ 2:9

ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.

2 ಥೆಸಲೊನಿಕ 3:8

ದೊಕ್ಡಾ ದಿದ್ಯಾವಾಚಿ ಕಿಕನಜ಼ ಅನ್ನ ಖಾದ್ಯಾ ನ್ಹೊತಾ. ತುಮೊಮಾ ಕಿನೆಜ಼ ತ್ರಾಸ ಥೌ ನೈ ಕೈನ ರಾತ ದಿನ್ನ ಛೊ಼ಡ್ಯಾವಾಚಿ ಕಾಮ ಕರ‍್ಯಾ.

1 ತಿಮೊತಿ 4:10

ತಿನಾಹುತಿ ಅಪೆ ಕಷ್ಟಕ್ಹಾವಾಡಾಸ,ಪ್ರಯಾಸ ಕರಾಡಾಸ,ಕಾಕದ್ಯಾಮ್ಮ ಕ್ಹಾರಾ ಮನಕ್ಹೊನೆ, ವಿಶೆಷ ಕರಿನ ಬರೊಕ್ಹೊ ಕರಾವಾಲಾವೊನೆ, ರಕ್ಷಕ ಥಯಲ ಜ಼ಲಮ್ಮ ರ‍್ಹಯಲ ಕ್ಹುದಾನಾ ಉಪ್ಪರ ಹಮೆ ಬರೊಕ್ಹೊ ಮ್ಹೆಲಾಲಾ ಥಯಾಸ.

1 ಪೆತ್ರಾ 2:23

ಮನಕ್ಹೊ ಕ್ರಿಸ್ತನೆ ಗಾಳೊ ದಿದ್ಯಾತಬಿ ತ್ಯುನೊನೆ ತೆ ಗಾಳೊ ದಿದ್ಯೊ ನೈ. ತೆ ತ್ರಾಸ ಖಾದ್ಯೊತಬಿ ಮನಕ್ಹೊನೆ ಭುಚ್ಕಾ಼ಡ್ಯೊ ನೈ. ತೆ ತಿನು ಕಾಮ ಕ್ಹುದಾಪರ ಛೊಡ್ಯೊ. ಕ್ಹರಿನೊ ಫೈಸಲೊ ಕರಾಲೊ ಕ್ಹುದಾ ಯಕ್ಕಲೊಜ಼ ವ್ಹೈ.

1 ಪೆತ್ರಾ 3:14

ತೆನೈಸೊ ಚೊ಼ಕು ಕರತಾಮಾ ತುಮೆ ತ್ರಾಸ ಖಾ ಸಕೊಶಿ. ತೆನೈಸೊ "ತುಮೊನೆ ತ್ರಾಸಮಾ ಘಾಲಾನಾ ಮನಕ್ಹೊನೆ ಭುಚ಼ಕೊ ನಕೊ ವರಿ ಚಿಂತಾ ಕರೊ ನಕೊ"

1 ಪೆತ್ರಾ 3:9

ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ, ಮನಸ ದುಖ ಕರಲವಾನಲಾವೊನೆ ಮನಸ ದುಖ ಕರ‍್ಯಾವಚಿ, ತ್ಯುನೊನೆ ಆಶಿವ್ರಾದ ಕರಕೈನ ಕ್ಹುದಾಕನ ಮಾಂಗಿಲಿವೊ ಕಾಕದ್ಯಾಮ ಆಶಿವ್ರಾ ವ್ಹಂದಿಲಿವಾನೆ ತುಮೆ ಬಲೈಲಿದಲವಾಲಾ ಥಯಾಸ.

1 ಪೆತ್ರಾ 4:19

ತಿನಾಹುತಿ ಕ್ಹುದಾನಿ ಆಸ ಲಿಂಗತ ತ್ರಾಸ ಕ್ಹಾವಾಲಾ ತ್ಯುನೆ ಜ಼ಲಮನಿ ಆತ್ಮಾ ತಿನೆ ವಪ್ಸಿನ ದ್ಯು. ತ್ಯುನೊನೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ. ತಿನಾಹುತಿ ತ್ಯುನೆ ತಿನಾಮಾ ಬರೊಕ್ಹೊ ಮ್ಹೆಲೊ. ಇಮ್ಮ ರ‍್ಹತಾಮಾ ತ್ಯುನೆ ಚೊ಼ಕುಜ಼ ಕರತಾಜ಼ ರ‍್ಹೌ.

ಯುದ ಬರ್ದಲ ಪತ್ರ 1:9

ಮ್ಹೊಟೊ ದೆವದುತ ರ‍್ಹಯಲ ಮಿಕಾಯಲಜ಼ ಖುದ್ದ ಇಮ್ಮ ಕರ‍್ಯೊ ನೈ. ಮೊಶೆನು ಮರಲ ಅಂಗ ಕಿನೆ ಮಳು ಕೈನ ಮಿಕಾಯೆಲ ಸೈತಾನನಾ ಹುತಿ ದೊಷಣೆ ಕರಾನೆ ಧೈರ್ಯಕರ‍್ಯಾವಾಚಿ" ಪ್ರಭುಜ಼ ತುನೆ ಶಿಕ್ಷಾ ದಿವಸ "ಕೈನ ಕದ್ಯೊ.