1 ಕೊರಿಂಥ 3:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

1 ಕೊರಿಂಥ 3:9 ပူးပေါင်းရင်းမြစ်များ

ಮತ್ತಾಯ 15:13

ತಿನೆ ತೆ ಪರಲೊಕನೊ ಮಾರೊ ಬಾ ನೈ ಗಡಾಯಲ ಕ್ಹಾರಾ ಝಾಡೊನೆ ಬೆರ ಕ್ಹಮೆತ ಕಿತ್ತಿನ ನಾಕಿಪಡಸ.

ಮತ್ತಾಯ 16:18

ಮಿಬಿ ಎಜ಼ ತುನೆ ಕೌಸ, ತು ಪೆತ್ರಾ ವ್ಹೈ, ಎ ದಗಡಾನಾ ಉಪ್ಪರ ಮಿ ಮಾರಿ ಸಭೆ ಭಾಂದುಸ.ಪಾತಾಳನಿ ತಾಕತ ತಿನೆ ಹರಾನೈ ಸಕ್ತಿ.

ಮತ್ತಾಯ 9:37

ಯೆಸು ತಿನಾ ಶಿಷ್ಯಾವೊನೆ, ಬೆಳಿ ಘನ್ನಿ ಛೆ, ತೆನೈಸೊ ಕಾಮ ಕರಾಲಾ ದಕ್ಹಾ ಜ಼ನಾ ಛೆ.

ಮಾರ್ಕ 16:20

ಶಿಷ್ಯಾ ಕ್ಹಾರಿ ಜ಼ಗಾ ಗೈನ ತೆ ವಾತೊ ಕತಾ ಗಯಾ;ವರಿ ಕರತಾ ತ್ಯುನಾ ಕ್ಹಾತೆ ರ‍್ಹೈನ ಮ್ಹೊಟಾ-ಮ್ಹೊಟಾ ಕಾಮೊ ಅದ್ಭುತ ಕರತೊ ತಿನಾ ಹುತಿ ತ್ಯುನೆ ಕವಾನಿ ಸುವಾರ್ತೆ ಘಟ್ಟ ಕರತೊ ವ್ಹತ್ತೊ)

ಅಪೊಸ್ತಲೊ 4:11

ಘರ ಭಾಂದಾಲಾ ತುಮೆ ನಕೊ ಕೈನ ಛೊಡ್ಯಲ ದಗ್ಡೊಜ಼ ಯೆಸು ವ್ಹೈ.

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

1 ಕೊರಿಂಥ 3:6

ಮಿ ಬಿಯ್ಯಾ ಬಿತ್ಯೊ; ಅಪೊಲೊಸ ಪಾನಿ ಘಾಲ್ಯೊ; ತೆನೈಸೊ ತಿನೆ ಬೆಳಸಾಯಲ ಕ್ಹುದಾಜ಼ ವ್ಹೈ.

1 ಕೊರಿಂಥ 6:19

ಕ್ಹುದಾ ತುಮೊನೆ ದಿದಲ ಪವಿತ್ರ ಆತ್ಮಾನೆ ತುಮಾರು ಅಂಗ ಗರ್ಭಗುಡಿ ಥಯುಸ; ತೆ ಪವಿತ್ರ ಆತ್ಮಾ ತುಮಾರಾಮಾ ರ‍್ಹವಾಡೊಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತುಮೆ ತುಮಾರಾ ಕ್ಹುದ್ದನಾ ನ್ಹವೈ. ತೆನೈಸೊ ಕ್ಹುದಾನಾ ವ್ಹೈ.

2 ಕೊರಿಂಥ 6:1

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ವ್ಹೈ. ಇನಾಹುತಿ ಹಮೆ ತುಮೊಕನ ಸು ಮಾಂಗಿಲಿಯೆಸ ಕದ್ಯಾಮ. ತುಮೆ ಕ್ಹುದಾಕಂತು ಹೊಂದಿಲಿದಲ ಕೃಪಾ ಉಪಯೊಗ ಥಾವಾ ವರಕ್ಹು ದೆಕಿಲಿವೊ.

2 ಕೊರಿಂಥ 6:16

ಕ್ಹುದಾನಿ ಸಭಾಮಂದಿರ ವರಿ ಮೊರತಿಯೊನೆ ಸು ಇಜಾಜ಼ತ ವ್ಹೈ? ಅಪೆ ಕ್ಹುದಾ ಕದ್ಯೊ ಎ ತಿಮ್ಮ ಜಿವ್ತೊ ರ‍್ಹಯಲ ಕ್ಹುದಾನಿ ಸಭಾಮಂದಿರ ಕುನ ವ್ಹತ್ತಾ. ಮಾರ ಮಿ ಘರಮಾ ಕರುಸ ತುಮ. ತ್ಯುನೊನೆ ತುಮೊಮಾ ಮಿ. ಮಿ ನೈ ತ್ಯುನೊನೆ ಕ್ಹುದಾ ತಯ್ಯಾರ. ತ್ಯುನೆ ಮಾರ ಮನಕ್ಹೊ ಥಯಾಸ. ಕೈನ ಕದ್ಯೊ.

ಎಫೆಸ 2:10

ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.

ಕೊಲೆಸ್ಸೆ 2:7

ತುಮೆ ತಿಮಾ ಬೆರುರಿನ,ತಿಮಾಜ಼ ಆಗಾ ಬಡತಾ ವರಿ ತುಮೊನೆ ಕದಲ ವಾಕ್ಯಾನಾ ಪ್ರಕಾರ ಬರೊಕ್ಹಾಕ್ಹು ರ‍್ಹೈನ ಕ್ಹುದಾನೆ ಜಾಸ್ತ-ಜಾಸ್ತ ಸ್ತೊತ್ರಾ ಕವೊ.

1 ತಿಮೊತಿ 3:15

ಪಾಚಲ್ತೊ ಮಿ ತುಕನ ಭೆಗಿನ ನೈ ಆಯೊತಬಿ ಕ್ಹುದಾನಾ ಘರಮಾ ಕರಾನಾ ಕಾಮೊ ತುನೆ ಗ್ವತ್ತ ಛೆ. ತೆ ಘರ ಜಿವ್ತೊ ರ‍್ಹಯಲ ಕ್ಹುದಾನು ಸಬೆ ವ್ಹೈ. ತೆ ಕ್ಹರಿನಿ ಫಾಯಾ ವರಿ ಆಸ್ರೊ ವ್ಹೈ.

ಇಬ್ರಿಯ 3:6

ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.

1 ಪೆತ್ರಾ 2:5

ತುಮೆಬಿ ಜ಼ಲಮ ರ‍್ಹಯಲ ಮಂಗಾಳಾ ವ್ಹೈ. ಆತ್ಮಾನೆ ಸಂಬಂದ ಥಯಲ ದೆವಾಲಯ ಥಾವಾಹುತಿ ತುಮೆಜ಼ ತಯ್ಯಾರ ಥಾವಾಡ್ಯಾಸ; ಕ್ಹುದಾಕ್ಹು ಒಪ್ಪಿಲಿದ್ಯಲ ಆತ್ಮಿಕಕ್ಹು ಬಲಿಯೊ ದಿವಾನೆ ಯೆಸು ಕ್ರಿಸ್ತಕ್ಹು ಕ್ಹುದಾನೆ ದಿವಾನು ಪವಿತ್ರ ಯಾಜಕೊ ಥಯಾಸ.

3 ಯೊಹಾನ 1:8

ತಿನಾಹುತಿ, ಹಮೆ ಕ್ಹರಿಜನೆ ಸಹಾಕಾರಿ ಥೈವ ಕೈನ ತೆವಾವೊನೆ ಮಳಲಿವಾನು ಮುಲಾಜಾಮ್ಮಾ ಛೆ.