1 ಕೊರಿಂಥ 3:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ತುಮೆ ಕ್ರಿಸ್ತನೆ ಮಳಲವಾಲಾ ಥಯಾಸ. ಕ್ರಿಸ್ತ ಕ್ಹುದಾನೆ ಮಳಲವಾಲೊ ಥಯೊಸ.

1 ಕೊರಿಂಥ 3:23 ပူးပေါင်းရင်းမြစ်များ

ಮತ್ತಾಯ 17:5

ತೆ ಹಜ಼ುನ ಬೊಲ್ತೊ ರ‍್ಹತಾಮಾಜ಼ ಉಜಾಲಾನು ಮ್ಹಾಡ ಐನ ತ್ಯುನಾ ಉಪ್ಪರ ಐಯು. ತೆನೈಸೊ ತೆ ಮ್ಹಾಡಮಾತು ಎ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಪಸಂದ ಕರ‍್ಯೊಸ. ಎ ಕವಾನು ಐಕೊ ಕೈನ ಅವಾಜ಼ ಅಯು.

ಯೊಹಾನ 17:18

ತು ಮನೆ ಎ ದುನಿಯಾಮಾ ವಳಾಯಲ ಲಿಂಗತ ಮಿ ಇವ್ನೊನೆ ಎ ದುನಿಯಾಮಾ ಮೊಕ್ಲೊಸ.

ಯೊಹಾನ 17:21

ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ.

ರೊಮಾಪೂರ 14:8

ಅಪೆ ಜಿವ್ತಾ ರ‍್ಹವಾನು ರ‍್ಹಯುಮ, ಪ್ರಭುನಾ ಹುತಿಜ಼ ಜಿವ್ತಾ ರ‍್ಹಯೆಸ; ಮರವಾನು ರ‍್ಹಯುಮ ಪ್ರಭುನಾ ಹುತಿಜ಼ ವ್ಹೈ. ತಿನಾಹುತಿ ಅಪೆ ಜಿವ್ತಾ ರ‍್ಹವಾನು ವರಿ ಮರಾನು ರ‍್ಹಯುಮ ಪ್ರಭುನಾಜ಼ ಹುತಿ ವ್ಹೈ.

1 ಕೊರಿಂಥ 11:3

ಯಕ್ಕ ವಿಷಯ ತುಮೊನೆ ಗ್ವತ್ತ ರ‍್ಹವಾದೆ. ಹರಯಕ್ಕ ಮನಕ್ಹನೆ ಕ್ರಿಸ್ತ ಯೆಸುಜ಼ ಮ್ಹೊಟೊ ವ್ಹೈ. ಹರಯಕ್ಕ ಬಾಕ್ಡಿನೆ ಮಾಟಿಜ಼ ಮ್ಹೊಟೊ ವ್ಹೈ. ಕ್ರಿಸ್ತ ಯೆಸುನೆ ಕ್ಹುದಾಜ಼ ಮ್ಹೊಟೊ ವ್ಹೈ.

1 ಕೊರಿಂಥ 15:23

ಎ ಭಾಗ್ಯನೆ ಯಕೆಕ್ಲೊ ಕ್ರಮಬದ್ದ ತರಿಕಾಮಾ ಪಡ್ದಿಲಿವಸ. ಪಸ್ಟ ಫಲ ಥೈನ ಕ್ರಿಸ್ತ ಯೆಸುಜ಼ ಜಿವ್ತೊ ಥಯೊ. ಪಾಚಾ಼ತಾ, ಕ್ರಿಸ್ತ ಯೆಸುನೆ ಮಳಲವಾಲಾ ಯೆಸು ವರಿ ಯಕ್ಕೆಮ ಆತಾಮಾ ಜಿವ್ತಾ ಥಾವಸ.

1 ಕೊರಿಂಥ 15:28

ಕ್ಹಾರುಜ಼ ಕ್ರಿಸ್ತ ಯೆಸುನಾ ಅದಿನಮಾ ಥಯಲ್ಪರ ದಿಕ್ರೊ ಥಯಲ ತೆಜ಼, ಕ್ಹಾರುಜ಼ ಅದಿನ ಕರಿನ ದಿದಲ ಕ್ಹುದಾನೆ ಅದಿನ ಥೈನ ರ‍್ಹವಸ. ತೆಳಾಮಾ ಕ್ಹುದಾ ಕ್ಹಾರಾವೊನೆ ಕ್ಹಾರುಜ಼ ಥೈನ ರ‍್ಹವಸ.

1 ಕೊರಿಂಥ 7:22

ಪ್ರಭು ಬಲಾಯಲವಾಲೊ ಗುಲಾಮ ರ‍್ಹಯೊ ತುಬಿ ಪ್ರಭುಮಾ ತೆ ಆಜಾ಼ದ ವ್ಹೈ. ತಿನಾಹುತಿ ಆಜಾ಼ದ ಥಯಲವಾಲಾನೆ ಕ್ರಿಸ್ತ ಯೆಸು ಬಲಾಯಲ ರ‍್ಹಯಮ ತೆ ಕ್ರಿಸ್ತ ಯೆಸುನೊ ಗುಲಾಮ ಥಾವಸ.

1 ಕೊರಿಂಥ 8:6

ತಿಮ ರ‍್ಹಯುತಬಿ, ಅಪೊನೆ ಯಕ್ಲೊಜ಼ ಕ್ಹುದಾ ವ್ಹೈ. ತೆ ಅಪ್ನೊ ಹಮೆಶಾನೊ ಬಾ ವ್ಹೈ; ಕ್ಹಾರಿ ಸೃಷ್ಟಿನೆ ಖಾಸ ಕರಲವಾಲೊ ವ್ಹೈ ಅಪೆ ರ‍್ಹವಾನು ತಿನಾ ಹುತಿಜ಼ ವ್ಹೈ ಅಪೊನೆ ಯಕ್ಲೊಜ಼ ಪ್ರಭು ವ್ಹೈ ತೆಜ಼ ಯೆಸು ಕ್ರಿಸ್ತ ವ್ಹೈ ತಿನಾಕ್ಹುಜ಼ ಎ ಕ್ಹಾರು ತಯ್ಯಾರ ಥಯುಸ. ತಿನಾ ಮುಕಾಂತರ ಅಪೆ ಅಸ್ತಿತ್ವಮಾ ಛೆ.

2 ಕೊರಿಂಥ 10:7

ತಾರ ಕ್ಹ ರ‍್ಹಯಲ ಕ್ಹರಿ ಕಾಮೊ ತುಮ ಲಕ್ಷ ದಿವ. ಯಕ್ ಮನಕ್ಹ ತೆ ಹುತ ಹುತಿ ಕ್ರಿಸ್ತ ವ್ಹೈ ಕೈನ ಗ್ವತ ತಿನಾ ಲಿಂಗತ ಅಪೆ ಕ್ರಿಸ್ತ ವ್ಹೈ ಕೈನ ತೆ ಗ್ವತ.

ಗಲಾತ್ಯ 3:29

ತುಮೆ ಕ್ರಿಸ್ತವಾಲಾ ಥಯಾಸ. ತಿನಾಹುತಿ ತುಮೆ ಅಬ್ರಹಾಮನಾ ಸಂತಾನವಾಲಾ ವ್ಹೈ. ಕ್ಹುದಾ ತಿನೆ ಕರಲ ವಾಗ್ದಾನ ಲಿಂಗತ ತುಮೆ ಕ್ಹಾರಾ ಕ್ಹುದಾನಿ ಆಶಿರ್ವಾದ ಪಡ್ದಿಲಿವೊಸಿ.

ಗಲಾತ್ಯ 5:24

ಕ್ರಿಸ್ತ ಯೆಸುನಾ ಮನಕ್ಹೊ ತ್ಯುನು ಅಂಗನು ಆಸನೆ ಶಿಲುವಿಪರ ಚ಼ಡಾಯಾಸ. ತ್ಯುನೆ ತ್ಯುನಾ ಪೈಲಾನಿ ಸ್ವಾರ್ಥನಿಯೊ ಆಸೊ ವರಿ ತ್ಯುನೆ ಕರು ಕೈನ ಕೈಲಿದಲ ಕೆಟ್ಟಕಾಮೊ ಛೊಡಿನೆ ದಿದಲವಾಲಾ ಥಯಾಸ.

ಎಫೆಸ 1:10

ಕಾಲ ಪುರಾ ಥಯಲಪರ ಜಿಮಿನ ವರಿ ಸ್ವರ್ಗಮಾ ರ‍್ಹಯಲ ಕ್ಹಾರುಜ಼ ಕ್ರಿಸ್ತಮಾ ಮಳೈನ ತಿನಿ ಅಧಿನ ಕರು ಕೈನ ಕ್ಹುದಾನಿ ಯೊಜನೆ ವ್ಹತಿ.