1 ಕೊರಿಂಥ 2:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಕ್ಹುದಾನಿ ಆತ್ಮಾ ವ್ಹಂದಿಲಿದಲವಾಲೊ ಕ್ಹಾರು ಪೈಸ್ಲೊ ಕರಿನ ತಿಳ್ದಿಲಿವಸ. ತೆನೈಸೊ ತಿನೆಕುನ್ನ ವಿಚಾರ ಕರಿನ ತಿಳ್ಸಾವಾನಿ ಜ಼ರುರತ ನತ್ತಿ.

1 ಕೊರಿಂಥ 2:15 ပူးပေါင်းရင်းမြစ်များ

ಯೊಹಾನ 7:17

ಕ್ಹುದಾ ಆಸ ಕರಾನು ಕರಾಲಾನೆ ಮಾರು ಉಪದೆಶ ಕ್ಹುದಾತಿ ಆಯುಸ ತೆನೈಸೊ ಮಾರು ಸ್ವಂತ ನ್ಹವೈ ಕೈನ ಗ್ವತ್ತ ಥಾವಸ.

ಅಪೊಸ್ತಲೊ 16:3

ಪೌಲಾ ತಿಮೊಥಿನೆ ತ್ಯುನಾ ಕ್ಹಾತೆ ಬಲೈಲಿಂಜಾ಼ವಾನೆ ಮನಸ ಕರ‍್ಯೊ. ತೆನೈಸೊ ತಿಮೊಥಿನೊ ಬಾ ಗ್ರಿಕವಾಲೊ ವ್ಹೈ ಕೈನ ತ್ಯಾನ ಕ್ಹಾರಾ ಮನಕ್ಹೊನೆ ಗ್ವತ್ತ ವ್ಹತ್ತು. ತಿನಾಹುತಿ ಪೌಲಾ ಯೆಹುದಿಯೊನಾ ಮನಕ್ಹೊನೆ ಮೆಚ್ಸಾನಾ ಹುತಿ ತಿಮೊಥಿನೆ ಸುನ್ನಿತಿ ಕರಾಯೊ.

1 ಕೊರಿಂಥ 14:37

ತುಮೊಮಾ ಕುನ್ನತಬಿ ಯಕ್ಲೊ ತೆ ಕ್ಹುದಾನಿ ವಾಕ್ಯಾ ಕವಾಲೊ ನೈತೊ ಪವಿತ್ರ ಆತ್ಮಾನಿ ಪ್ರೆರಣೆ ವ್ಹಂದಿಲಿದಲವಾಲೊ ಕೈನ ತಿಳ್ದಿಲಿದಲ ರ‍್ಹಯೊಮ, ಮಿ ತುಮೊನೆ ಬರ್ದಲ ಕ್ಹಾರು ಪ್ರಭುನಿ ಆಗನ್ಯಾ ವ್ಹೈ ಕೈನ ಚೊ಼ಕಿ ತರಾ ತಿಳ್ದಿಲಿವೊ.

1 ಕೊರಿಂಥ 3:1

ಇನಾಹುತಿ ಮಾರಾ ಭಾಯೊ ಭೆನೊ, ಮಿ ಆತ್ಮಿಕ ಮನಕ್ಹೊನಾ ಕ್ಹಾತೆ ಬೊಲಲ ಲಿಂಗತ ಪೈಲಾ ತುಮಾರಾ ಕ್ಹಾತೆ ಬೊಲಾನೆ ಥಯು ನೈ. ದುನಿಯಾನಾ ಮನಕ್ಹೊ ಕ್ರಿಸ್ತಮಾ ನ್ಹಾನಾ ಬಚ಼್ಚಾ ರ‍್ಹಯಲವಾಲಾವೊನಾ ಕ್ಹಾತೆ ಬೊಲಲ ಲಿಂಗತ ಮಿ ತುಮಾರಾ ಕ್ಹಾತೆ ಬೊಲು ಲಾಗ್ಯು.

1 ಕೊರಿಂಥ 4:5

ತಿನಾಹುತಿ ಕರೆಟ್ಟ ಟೈಮತಿ ಪೈಲಾ ಪೈಸ್ಲೊ ಕರೊ ನಕೊ. ಅಂದಾರಾಮಾ ದಡಿರ‍್ಹಯಲ ಕ್ಹಾರಾವೊನಾ ಉಪ್ಪರ ತೆ ಉಜಾಲು ದಿವಸ. ಮನಕ್ಹೊನಾ ಮನಸೊ ರಹಸ್ಯ ರ‍್ಹಯಲ ಉದ್ದೆಶೊ ತೆ ದೆಕಾಡಿನ ದಿವಸ. ತೆಳಾಮಾ ಹರ ಯಕ್ಲಾನೆ ಆವಾನು ಹೊಗಳಿಕೆ ಕ್ಹುದಾಕ್ಹುಜ಼ ಆವಸ.

ಗಲಾತ್ಯ 6:1

ಭಾಯೊ ವರಿ ಭೆನೊ, ತುಮಾರಿ ಸಬೆಮಾ ಕುನಬಿ ತಪ್ಪ ಕರ‍್ಯಾಮಾ, ಆತ್ಮಿಕ ಥಯಲ ವಾಲಾ ತುಮೆ ತಿಕನ ಗೈನ ಮಯಾಕ್ಹು ಗೈನ ತಿನೆ ತಿದ್ದಿನ ಕರೆಟ್ಟ ಕರೊ. ತೆನೈಸೊ ಹುಷಾರಮಾ ರ‍್ಹವೊ! ತುಮೆಬಿ ಶೊದನೆಮಾ ಪಡಾನೆ ಸಾದ್ಯೆ ಛೆ.

ಫಿಲಿಪ್ಪಿ 1:10

ಚೊಕ್ಹು ಕೆಟನು ವಳಕಾನು ಫರಕ ಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ.

ಕೊಲೆಸ್ಸೆ 1:9

ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ

1 ಥೆಸಲೊನಿಕ 5:21

ಕ್ಹಾರುಜ಼ ಪರಿಕ್ಷಾ ಕರೊ, ಚೊ಼ಕು ರ‍್ಹಯಲ ಘಟ್ಟ ಧರಿಲಿವೊ.

ಇಬ್ರಿಯ 5:14

ತೆನೈಸೊ ಘಟ್ಟ್ಟ ರ‍್ಹಯಲ ಅನ್ನ ಜಾಂಜಿಮಾನೊ ವ್ಹೈ ಬಚ್ಚಾವೊನೆ ನ್ಹವೈ, ಕದ್ಯಾಮ ಕೆಟ್ಟ ವರಿ ಚೊ಼ಕಾನೆ ಅನುಭಕ್ಹು ತಿಳ್ದಿಲಿನ, ತಿನಾ ಲಿಂಗತ ಚಾ಼ಲಾಲಾವೊನಾ ಹುತಿ ವ್ಹೈ.

1 ಯೊಹಾನ 2:20

ಪರಿಶುದ್ಧ ರ‍್ಹಯಲವಾಲೊ (ಕ್ಹುದಾ ನೈತೊ ಕ್ರಿಸ್ತ) ದಿದಲ ವರಾ ತುಮೊನೆ ಮಳಿಸ. ತಿನಾ ಹುತಿ ತುಮೆ ಕ್ಹಾರು ಕ್ಹರಿ ವಳಕ್ಯಾಸ.

1 ಯೊಹಾನ 4:1

ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.