1 ಕೊರಿಂಥ 2:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ಆತ್ಮಿಕ ನೈಸೊ ಮನಕ್ಹ ಕ್ಹುದಾನಿ ಆತ್ಮಾನಿಯೊ ವಾತೊನೆ ಇನ್ಕಾರಸ. ತೆ ತಿನೆ ಪಿಸಾಳು ಪನ ಥೈನ ದಿಕ್ಹಸ. ತೆ ಕ್ಹಾರು ತಿಳ್ದಿಲಿವಾನೆ ತಿಕನ ನೈ ಥಾತು. ಕಾಕದ್ಯಾಮ ತೆ ವಿಷಯೊ ಆತ್ಮಿಕ ಥೈನ ವಿಚಾರ ಕರಾನೆ ಸಾಧ್ಯ ಥಾವಸ.

1 ಕೊರಿಂಥ 2:14 ပူးပေါင်းရင်းမြစ်များ

ಮತ್ತಾಯ 16:23

ಯೆಸು ತೆಳಾಮಾ ಪೆತ್ರಾನೆ, ಸೈತಾನ, ಮನೆ ಛೊಡಿನ ಜಾ಼. ಮನೆ ತು ಅಡ್ಡಿ ಥಯೊಸ, ಕಾಕದ್ಯಾಮ ತು ಕ್ಹುದಾನಾ ವಿಚಾರಕ್ಹು ಸೊಚಾ಼ನು ಛೊಡಿನ ಮನಕ್ಹನಾ ವಿಚಾರೊ ನಿಂಗತ ವಿಚಾರ ಕರಾಡೊಸ ಕೈನ ಕದ್ಯೊ.

ಯೊಹಾನ 10:20

ತ್ಯುನೊಮಾ ಘನ್ನಾ ಜ಼ನಾ"ತಿನಾಮಾ ಭುತಡು ಛೆ. ಎ ಪಿಸಾಳೊ ಛೆ. ತಿನು ಕಾ ಐಕಾಡಾಸ? ಕೈನ ಕದ್ಯಾ.

ಯೊಹಾನ 12:37

ಯೆಸು ಘನ್ನಾ ಮ್ಹೊಟಾ ಕಾಮೊ ಕರ‍್ಯೊ. ಮನಕ್ಹೊ ತೆ ಕಾಮೊ ಕ್ಹಾರಾ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾ ನೈ.

ಯೊಹಾನ 14:17

ಕ್ಹರಿನೊ ಆತ್ಮಾಜ಼಼ ತೆ ಸಹಾಯಕ ವ್ಹೈ. ಎ ದುನಿಯಾ ತಿನೆ ಸ್ವಿಕಾರ ನೈ ಕರತು. ಕಾಕದ್ಯಾಮ ದುನಿಯಾ ತಿನೆ ದೆಕ್ತಾ ನೈ, ತಿಳ್ದಿಲೆತಾಬಿ ನೈ. ತೆನೈಸೊ ತುಮೆ ತಿನೆ ತಿಳ್ದಿಲಿದ್ಯಾಸ. ತಿನಾಹುತಿ ತೆ ತುಮಾರಾ ಕ್ಹಾತೆ ಜಿವ್ನಾ ಕರಸ ವರಿ ತುಮಾರಾಮಾ ರ‍್ಹವಸ.

ಯೊಹಾನ 14:26

ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ.

ಯೊಹಾನ 15:26

"ಯಕ್ಕ ಸಹಾಯಕ ಆವಸ. ತೆ ಪವಿತ್ರ ಆತ್ಮಾ ವ್ಹೈ. ವರಿ ಕ್ಹುದಾನಿ ಕ್ಹರಿನೆ ದೆಕಾಡಿನ ದಿವಸ ವರಿ ತೆ ಬಾ ಕಂತೊ ಆವಸ. ಮಿ ತಿನೆ ಕ್ಹುದಾ ಕಂತೊ ವಳೌಸ ವರಿ ತೆ ಮಾರಾ ಹುತಿ ಸಾಕ್ಷಿ ದಿವಸ.

ಯೊಹಾನ 5:44

ತುಮೆ ಯಕ್ನೆ ಯಕ್ಕ ಸನ್ಮಾನ ದ್ಯು ಕೈನ ಆಸ ಕರೊಶಿ. ತೆನೈಸೊ ಯಕ್ಕಜ಼ ಕ್ಹುದಾತಿ ಆವಾನಿ ಸನ್ಮಾನ ಲಿವಾನೆ ತುಮೆ ಕೆಳಾಮಾಜ ಕೊಶಿಶ ನೈ ಕರ‍್ತಾ. ಇಮ್ಮ ರ‍್ಹಯುಮ ತುಮೆ ಮನೆ ಕಿಮ್ಮ ಬರೊಕ್ಹೊ ಕರೊಶಿ?

ಯೊಹಾನ 8:43

ಮಿ ಕವಾನಿಯೊ ಎ ಸಂಗತಿಯೊ ತುಮೆ ಕಾ ಕಳೈ ಲೆತಾ ನೈ? ಕಾಕದ್ಯಾಮ ಮಿ ಕದಲ ವಾತೊ ತುಮೊನೆ ತಡ್ದಿಲಿವಾನೆ ಥಾತು ನೈ.

ಅಪೊಸ್ತಲೊ 16:14

ಹಮಾರಿಯೊ ವಾತೊ ಐಕಲವಾಲಾವೊಮಾ ಲುದ್ಯ ಕವಾಲಿ ಬಾಕ್ಡಿ ವ್ಹತ್ತಿ. ತೆ ಜಾ಼ಂಬ್ಳಾನೊ ಕಲರ್ನು ವಣ್ಣಾ ಇಕ್ಕಾಲಿ ಥುವತೈರ ಕವಾನಿ ಗಾಮವಾಲಿ ಕ್ಹುದಾನಿ ಪೌಲಾ ಕವಾನಿಯೊ ವಾತೊನೆ ಧ್ಯಾನ ದಿವಾಹುತಿ ಕರ್ತಾ ತಿನೆ ಮನಸ ಖುಲ್ಲಾ ಕರ‍್ಯೊ.

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 17:32

ಮರೆಲ ಮಾತೊ ಜುತೊ ಥೈಲ ತ್ಯುನಾಹುತಿ ಐಕಿ ದಕ್ಹಾಜ಼಼ನಾ ಪೌಲಾನೆ ಹಿನಾಯಾ ತಿಮಾನಾ ದಕ್ಹಾಜ಼಼ನಾ ಕದ್ಯಾ ತು ಕದಲ ವಾತೊ ಹಮೆ ಹಜಿ ಎಕ ಸಲಾ ಐಕಿಯೆಸ ಕೈನ.

ಅಪೊಸ್ತಲೊ 18:15

ತೆನೈಸೊ ತುಮೆ ಕರಾನಾ ವಿವಾದ ಭೊದನೆನಾ ನಾಮೊ, ತುಮಾರಾ ಧರಮಶಾಸ್ತ್ರನಾ ಹುತಿ ತಿನಾಹುತಿ ತುಮೆಜ಼ ದೆಕಿಲಿವು. ಹಯ್ಯೊ ವಿಚಾರಣೆ ಕರಾನಾ ಹುತಿ ಮನೆತೊ ಮನಸ ನತ್ತಿ ಕೈನ.

ಅಪೊಸ್ತಲೊ 25:19

ತ್ಯುನೆ ಕದಲ ಸಂಗತಿಯೊ ತ್ಯುನಾ ಧರಮಶಾಸ್ತ್ರನಾ ಪ್ರಕಾರ ಜಿವ್ನಾ ಕರಾಡೊತೊ ಕೈನ, ಪೌಲಾ ಕವಾನು ಮರಿಗಯೆಲ ಯೆಸು ಜಿವಾಸಾಡೊಸ ಕೈನ ಯಕ್ಲಾನಾ ವಿಚಾರಮಾ, ತಿನಾ ಉಪ್ಪರ ದಕ್ಹಾ ವಿವಾದ ಥವಾನು ವಾತೊ ಬೊಲ್ಯಾ.

1 ಕೊರಿಂಥ 1:18

ಪವಿತ್ರ ಗ್ರಂಥ ಅಮ್ಮ ಕವಸ; "ಗ್ಯಾನಿಯೊನು ಗ್ಯಾನ ಹಾಳ ಕರುಸ.

1 ಕೊರಿಂಥ 1:21

ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.

1 ಕೊರಿಂಥ 1:23

ಅಪೆ ತುಬಿ, ಶಿಲುಬಿ ಪರ ಘಾಲ್ಯಲ ಕ್ರಿಸ್ತನಾ ಹುತಿ ಬೊಧನೆ ಕರೆಸ. ಎ ಯಹುದಿಯೊನೆ ಮ್ಹೊಟಿ ಅಡಚ಼ನ ಥೈಸ; ಯೆಹುದಿ ನೈಸೊ ಮನಕ್ಹೊನೆ ಪಿಸಾಳಾ ಲಿಂಗತ ದಿಕ್ಹಸ.

1 ಕೊರಿಂಥ 1:25

ಕ್ಹುದಾನು ಪಿಸಾಳು ಪನಬಿ ಮನಕ್ಹೊನಿ ಗ್ಯಾನತಿಬಿ ಮ್ಹೊಟು ವ್ಹೈ. ಕ್ಹುದಾನಿ ಬಲಹಿನತೆಬಿ ಮನಕ್ಹೊನಿ ತಾಕತ ತಿಬಿ ತಾಕತವರ ಥಯುಸ.

1 ಕೊರಿಂಥ 15:44

ಬಿತ್ತಲ ಪ್ರಾಕೃತ ಅಂಗ ಥೈನ ಬಿತ್ತಾವಸ; ಪುನರುತ್ಥಾನ ಥಾವಾನು ಆತ್ಮಿಕ ಅಂಗ ವ್ಹೈ. ಪ್ರಾಕೃತ ಅಂಗ ರ‍್ಹವಾನು ರ‍್ಹಯಮ ಆತ್ಮಿಕ ಅಂಗ ರ‍್ಹವಾನು ಕ್ಹರಿಜ಼ ವ್ಹೈ.

1 ಕೊರಿಂಥ 15:46

ಆತ್ಮಿಕ ರ‍್ಹಯಲ ಪೈಲಾ ಆಯಲ ನ್ಹವ್ಹೈ, ಪ್ರಾಕೃತ ರ‍್ಹಯಲ ಪೈಲಾ ವ್ಹೈ; ಪಾಚಾ಼ತು ಆತ್ಮಿಕ ರ‍್ಹಯಲ ವ್ಹೈ.

1 ಕೊರಿಂಥ 2:12

ಅಪೆ ವ್ಹಂದಿಲಿದಲ ಕ್ಹುದಾಕ್ಹು ಆಯಲ ಪವಿತ್ರ ಆತ್ಮಾನೆಜ಼ ವ್ಹೈ ತೆನೈಸೊ ದುನಿಯಾನಾ ಹುತಿ ರ‍್ಹಯಲ ಆತ್ಮಾ ನ್ಹವ್ಹೈ. ಕ್ಹುದಾ ಅಪೊನೆ ಫ್ರಿಮಾ ದಿದಲ ತಿಳ್ದಿಲಿವಾನಾ ಹುತಿ ಅಪೆ ತಿನೆ ವ್ಹಂದಿಲಿದ್ಯಾ.

1 ಕೊರಿಂಥ 3:1

ಇನಾಹುತಿ ಮಾರಾ ಭಾಯೊ ಭೆನೊ, ಮಿ ಆತ್ಮಿಕ ಮನಕ್ಹೊನಾ ಕ್ಹಾತೆ ಬೊಲಲ ಲಿಂಗತ ಪೈಲಾ ತುಮಾರಾ ಕ್ಹಾತೆ ಬೊಲಾನೆ ಥಯು ನೈ. ದುನಿಯಾನಾ ಮನಕ್ಹೊ ಕ್ರಿಸ್ತಮಾ ನ್ಹಾನಾ ಬಚ಼್ಚಾ ರ‍್ಹಯಲವಾಲಾವೊನಾ ಕ್ಹಾತೆ ಬೊಲಲ ಲಿಂಗತ ಮಿ ತುಮಾರಾ ಕ್ಹಾತೆ ಬೊಲು ಲಾಗ್ಯು.

ಯಾಕೊಬ 3:15

ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ.

1 ಯೊಹಾನ 2:20

ಪರಿಶುದ್ಧ ರ‍್ಹಯಲವಾಲೊ (ಕ್ಹುದಾ ನೈತೊ ಕ್ರಿಸ್ತ) ದಿದಲ ವರಾ ತುಮೊನೆ ಮಳಿಸ. ತಿನಾ ಹುತಿ ತುಮೆ ಕ್ಹಾರು ಕ್ಹರಿ ವಳಕ್ಯಾಸ.

1 ಯೊಹಾನ 2:27

ಕ್ರಿಸ್ತ ಖಾಸ ರ‍್ಹಯಲ ವರಾ ತುಮೊನೆ ಮರಗಿನ ದಿದ್ಯೊ. ತೆ ತುಮೊಮಾ ಹಜು಼ನ ಛೆ. ತಿನಾಹುತಿ ತುಮೊನೆ ಕಯಾಜ಼ ಉಪದೆಶನಿ ಜ಼ರುರತ ನತ್ತಿ. ತೆ ತುಮೊನೆ ದಿದಲ ವರಾ ತೆ ತುಮೊನೆ ಕ್ಹಾರುಜ಼ ಉಪದೆಶ ಕರಸ. ತೆ ಕ್ಹರಿಜ಼ ವ್ಹೈ ಸುಳ್ಳ ನ್ಹ ವ್ಹೈ. ತಿನಾಹುತಿ ತುಮೆ ತೆ ಉಪದೆಶ ಲಿಂಗತ ತಿಮಾ ರ‍್ಹವೊ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.

ಯುದ ಬರ್ದಲ ಪತ್ರ 1:19

ಎ ಮನಕ್ಹೊ ತುಮೊಮಾ ಭೆದ ಹುಟ್ಸಾವಸ.ಎ ಮನಕ್ಹೊ ತ್ಯುನಿಯೊ ಪಾಪನಿಯೊ ಚಾಳಿಯೊ ನಿಂಗತ ಯಕ್ಕಜ಼ ಕರಸ.ತ್ಯುನೊಮಾ ಪವಿತ್ರ ಆತ್ಮಾ ನತ್ತಿ.