1 ಕೊರಿಂಥ 2:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಅಪೆ ವ್ಹಂದಿಲಿದಲ ಕ್ಹುದಾಕ್ಹು ಆಯಲ ಪವಿತ್ರ ಆತ್ಮಾನೆಜ಼ ವ್ಹೈ ತೆನೈಸೊ ದುನಿಯಾನಾ ಹುತಿ ರ‍್ಹಯಲ ಆತ್ಮಾ ನ್ಹವ್ಹೈ. ಕ್ಹುದಾ ಅಪೊನೆ ಫ್ರಿಮಾ ದಿದಲ ತಿಳ್ದಿಲಿವಾನಾ ಹುತಿ ಅಪೆ ತಿನೆ ವ್ಹಂದಿಲಿದ್ಯಾ.

1 ಕೊರಿಂಥ 2:12 ပူးပေါင်းရင်းမြစ်များ

ರೊಮಾಪೂರ 8:1

ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.

ರೊಮಾಪೂರ 8:32

ಕ್ಹುದಾ ತಿನಾ ಸ್ವಂತ ದಿಕ್ರಾನೆ ವಚಾ಼ಡಿ ಲಿದ್ಯಾವಾಚಿ ಅಪೊನೆ ಕ್ಹಾರಾವೊನಾ ಹುತಿ ವಪ್ಸಿನ ದಿದ್ಯೊ. ತಿನಾಹುತಿ ಹಮ್ನಾ, ಕ್ಹುದಾ ಯೆಸುನಾ ಕ್ಹಾತೆ ಅಪೊನೆ ಕ್ಹಾರುಜ಼ ಕ್ಹರಿಬಿ ದಿದ್ಯಾವಾಚಿ ರ‍್ಹವಸ ಸು?

1 ಕೊರಿಂಥ 1:27

ತೆನೈಸೊ ಕ್ಹುದಾ ಎ ದುನಿಯಾನಾ ಗ್ಯಾನಿಯೊನೆ ಸರಮ ಲಾವಾನಾ ಹುತಿ ಪಿಸಾಳಾವೊನೆ ಇನಿಲಿದ್ಯೊಸ. ತಾಕತ ರ‍್ಹಯಲವಾಲಾವೊನೆ ಸರಮ ಲಾವಾನಾ ಹುತಿ ತಾಕತ ನೈಸೊವಾಲಾವೊನೆ ಇನಿಲಿದ್ಯೊಸ.

1 ಕೊರಿಂಥ 2:6

ವರಿಬಿ ಶಾಣ್ಯಾ ರ‍್ಹಯಲವಾಲಾ ಮನಕ್ಹೊನೆ ಹಮೆ ಆತ್ಮಿಕನಿಯೊ ವಾತೊ ಕಯ್ಯೆಸ. ಎ ಭುಲೊಕನು ಗ್ಯಾನಬಿ ನ್ಹವ್ಹೈ, ಹಾಳ ಥಾವಾನೊ ಅದಿಪತಿಯೊನಿ ಗ್ಯಾನಬಿ ನ್ಹವೈ, ಎ ದುನಿಯಾನಾ ಅದಿಪತಿಯೊ ತ್ಯುನಿ ಅದಿಕಾರ ಜ಼ವೈಲಿವಾಲಾ ಥಾವಸ.

1 ಕೊರಿಂಥ 3:22

ಪೌಲಾ, ಅಪೊಲೊಸ ವರಿ ಪೆತ್ರಾ ತುಮಾರಾ ಥಯಾಸ. ದುನಿಯಾ, ಜ಼ಲಮ, ಮೌತ ವರಿ ವರ್ತಮಾನ ವರಿ ಭವಿಷ್ಯತ ಕಾಲನಾ ಸಂಗತಿಯೊ ತುಮಾರಾಜ಼ ವ್ಹೈ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

ಎಫೆಸ 2:2

ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.

ಯಾಕೊಬ 4:5

ಕ್ಹುದಾ ಅಪೊಮಾ ಮ್ಹೆಲಾನಿ ಪವಿತ್ರ ಆತ್ಮಾ ಅಭಿಮಾನ ಆಸನಾ ಕ್ಹಾತೆ ಅಪ್ನಾಹುತಿ ಆಸ ಕರಸ ಕವಾನಿ ವಾತ ಸುಳ್ಳ ವ್ಹೈ ಕೈನ ಪವಿತ್ರ ಗ್ರಂಥ ಕವಸ ಕೈನ ತಿಳ್ದಿಲಿವೊ ನಕೊ.

1 ಯೊಹಾನ 2:20

ಪರಿಶುದ್ಧ ರ‍್ಹಯಲವಾಲೊ (ಕ್ಹುದಾ ನೈತೊ ಕ್ರಿಸ್ತ) ದಿದಲ ವರಾ ತುಮೊನೆ ಮಳಿಸ. ತಿನಾ ಹುತಿ ತುಮೆ ಕ್ಹಾರು ಕ್ಹರಿ ವಳಕ್ಯಾಸ.

1 ಯೊಹಾನ 2:27

ಕ್ರಿಸ್ತ ಖಾಸ ರ‍್ಹಯಲ ವರಾ ತುಮೊನೆ ಮರಗಿನ ದಿದ್ಯೊ. ತೆ ತುಮೊಮಾ ಹಜು಼ನ ಛೆ. ತಿನಾಹುತಿ ತುಮೊನೆ ಕಯಾಜ಼ ಉಪದೆಶನಿ ಜ಼ರುರತ ನತ್ತಿ. ತೆ ತುಮೊನೆ ದಿದಲ ವರಾ ತೆ ತುಮೊನೆ ಕ್ಹಾರುಜ಼ ಉಪದೆಶ ಕರಸ. ತೆ ಕ್ಹರಿಜ಼ ವ್ಹೈ ಸುಳ್ಳ ನ್ಹ ವ್ಹೈ. ತಿನಾಹುತಿ ತುಮೆ ತೆ ಉಪದೆಶ ಲಿಂಗತ ತಿಮಾ ರ‍್ಹವೊ.

ಪ್ರಕಟನೆ 12:9

ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.

ಪ್ರಕಟನೆ 22:6

ತೆ ದೆವದುತ ಮನೆ, ‘ಎ ವಾಕ್ಯಾ ಕ್ಹರಿನಿಯೊ ವ್ಹೈ. ವರಿ ಬರೊಕ್ಹೊ ಕರಾನಿಯಯೊ ವ್ಹೈ. ಪ್ರವಾದಿಯೊನಿ ಆತ್ಮಾವೊನೆ ಪ್ರಭುಜ಼ ಕ್ಹುದಾ ಥಯೊಸ. ಭೆಗಿನೆಜ಼ ಥಾವಾನಿಯೊ ಸಂಗತಿಯೊನೆ ತಿನಾ ಸೆವಕೊನೆ ದೆಕಾಡಾನ ಹುತಿ ಕ್ಹುದಾ ತಿನಾ ದುತನೆ ಮೊಕಲ್ಯೊಸ.