1 ಕೊರಿಂಥ 15:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಮಿ ಪಡ್ದಿಲಿದಲ ಖಾಸ ವ್ಹೈ ಕೈನ ತಿಳ್ದಿಲಿನ ತುಮೊನೆ ವಪ್ಪಸಾಯೊಸ. ತೆ ಕಯು ಕಯು ವ್ಹೈ ಕದ್ಯಾಮ, ಪವಿತ್ರ ಗ್ರಂಥಮಾ ಕದಲ ಪ್ರಕಾರ ಕ್ರಿಸ್ತ ಯೆಸು ಅಪ್ನಾ ಪಾಪೊನಾ ಪರಿಹಾರನಾ ಹುತಿ ಜ಼ಲಮ ದಿದ್ಯೊ.

1 ಕೊರಿಂಥ 15:3 ပူးပေါင်းရင်းမြစ်များ

ಮತ್ತಾಯ 26:24

ಮನಕ್ಹನೊ ದಿಕ್ರೊ ತಿನಾ ವಿಷಯಮಾ ಬರದಲ ನಿಂಗತ ಗೈ ಪಡಸ; ತೆನೈಸೊ ಕುನಬಿ ಮನಕ್ಹನಾ ದಿಕ್ರಾನೆ ಧರಿನ ದಿವಸ್ತೊ ತಿನೆ ಆಯೊ. ತೆ ಮನಕ್ಹ ನೈ ಹುಟ್ಟಾರೆ ಕೆಕ್ಲುಕಿ ಚೊಕೊ ರ‍್ಹತುತು ಕದ್ಯೊ.

ಮತ್ತಾಯ 26:28

ಎ ಮಾರು ರಗತ ವ್ಹೈ. ಪಾಪ ಮಾಫನಾಹುತಿ ಘನ್ನಾ ಮನಕ್ಹೊನಾ ಹುತಿ ಚುವಾಯಲ ರಗತ.

ಲುಕ ಬರ್ದಲ ಸುವಾರ್ತಾ 24:25

ತೆಳಾಮ ಯೆಸು ತ್ಯುನೊನೆ ಕದ್ಯೊ. ತುಮೆ ಗ್ಯಾನ ನೈಸೊವಾಲಾ ವ್ಹೈ. ವರಿ ಕ್ಹರಿ ತುಮೊನೆ ವಳಕಾನೆ ಥಾತು ನೈ. ಪ್ರವಾದಿಯೊ ಕವಾನು ಕ್ಹಾರು ತುಮೆ ನಂಬು.

ಯೊಹಾನ 1:29

ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.

ಅಪೊಸ್ತಲೊ 17:2

ಪೌಲ ತಿನಿ ಪದ್ದತನಿಂತ ತ್ಯಾ ರಹೆಲ ಮನಕ್ಹೊಕನ ಗೈನ ತನ ಐತವಾರೊ ಕ್ಹುದಾನಾ ವಾತೊ ತ್ಯುನಾ ಕ್ಹಾತೆ ವಾದಸಿನ

ಅಪೊಸ್ತಲೊ 3:18

ಕ್ರಿಸ್ತ ತ್ರಾಸ ಖೈನ ಮರಸ ಕೈನ ಕ್ಹುದಾ ತಿನಾ ಪ್ರವಾದಿಯೊನಾ ಮುಲಕ ಪೈಲಾಜ಼ ಕದಲ ಇಮ್ಮ ಪುರಾ ಕರ‍್ಯೊಸ.

ಅಪೊಸ್ತಲೊ 8:32

ತೆ ಒದಾನು ಪ್ರವಾದನೆ ಅಮ್ಮ ವ್ಹತ್ತಿ; ಕತ್ರಾನಿ ಜ಼ಗಾಪರ ನಿಂಜಾಯಲ ಬಕ್ರಾ ಲಿಂಗತ ತೆ ವ್ಹತ್ತೊ. ಬಕ್ರು ಕಿಮ ಬಾಲೊ ಕತ್ರಾಲಾನಾ ಕ್ಹಾಮು ಗಪ್ಪ ರ‍್ಹವಸ ತಿನಾ ಲಿಂಗತಜ಼ ತೆ ಗಪ್ಪ ವ್ಹತ್ತೊ. ತೆ ವಟ್ಟಜ ಮ್ಹೊಡು ಖೊಲ್ಯೊ ನೈ.

ರೊಮಾಪೂರ 3:25

ಕ್ಹುದಾ ಬರೊಕ್ಹಾನಾ ಮುಕಾಂತರ ಮನಕ್ಹೊನಾ ಪಾಪೊನೆ ಮಾಫ ಕರಾನಿ ವಾಟ ದೆಕಾಡ್ಯೊಸ. ತೆ ವಾಟ ಯೆಸು ಕ್ರಿಸ್ತ ವ್ಹೈ. ಕ್ಹುದಾ ಯೆಸುನು ರಗತನಾ ಮುಲಕ ಪಾಪ ಮಾಫ ಕರಸ. ಕ್ಹುದಾ ಕರಾನು ಕ್ಹಾರುಜ಼ ಚೊ಼ಕೊಜ಼ ವ್ಹೈ. ವರಿ ಕ್ಹರಿಕ್ಹು ರ‍್ಹವಸ ಕವಾನು ಎ ದೆಕಾಡಿನ ದಿವಸ. ಕ್ಹುದಾ ಪಾಚ಼ಲ್ಯಾ ಕಾಲಮಾ ತಡ್ದಿಲಿವಾನು ಮನಕ್ಹೊನಾ ಪಾಪನೆ ದಂಡದಿದ್ಯಾವಾಚಿ ಜಾ಼ತಾಮಾ ತೆಳಾಮಾಬಿ ಕ್ಹುದಾ ನಿತಿವಂತವಾಲೊ ವ್ಹತ್ತೊ.

ರೊಮಾಪೂರ 4:25

ಅಪ್ನಾ ಪಾಪೊನಾ ಹುತಿ ಯೆಸುನೆ ಮರಾನೆ ದಿದ್ಯಾ. ಅಪೊನೆ ನಿತಿವಂತವಾಲಾ ಕರಾನಾಹುತಿ ತಿನೆ ಮರಲವಾಲಾವೊಮಾತೊ ವರಿ ಜಿವ್ತೊ ಕರಿನ ಉಟಾಡ್ಯೊ.

1 ಕೊರಿಂಥ 11:2

ತುಮೆ ಹಮೆಶಾಬಿ ಮನೆ ಶೆ ಕರಿನ ಮಿ ತುಮೊನೆ ಕೈನ ದಿದಲ ಪದ್ದತನಾ ತರಿಕಾ ಕರೆಟ್ಟ ಚಾ಼ಲಿನ ಆವಾಡ್ಯಾಸ; ಇನಾ ಹುತಿ ತುಮೊನೆ ಮೆಚ್ಚುಸ.

1 ಕೊರಿಂಥ 11:23

ತುಮೊನೆ ಕರಲ ಉಪದೆಶ ಮಿ ಪ್ರಭುಕ್ಹು ಲಿದ್ಯೊಸ. ತೆ ಸು ವ್ಹೈ ಕದ್ಯಾಮ; ಪ್ರಭು ಯೆಸು, ತಿನೆ ತೆ ಧರಿನ ದಿದಲ ತೆ ರಾತ, ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕರಿನ ತೆ ತೊಡಿನ

2 ಕೊರಿಂಥ 5:21

ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

ಗಲಾತ್ಯ 1:12

ತುಮೊನೆ ಸುವಾರ್ತೆ ಮಳಲ ಮನಕ್ಹೊ ನ್ಹವೈ. ಕುನ್ನಜ಼ ಮನೆ ಸುವಾರ್ತೆ ಕದ್ಯುನತ್ತಿ. ಮಿ ಮನಕ್ಹೊನೆ ಕವಾನು ಸುವಾರ್ತೆ ಯೆಸು ಕ್ರಿಸ್ತಜ಼ ಮನೆ ದಿದಲ ವ್ಹೈ.

ಗಲಾತ್ಯ 1:4

ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.

ಗಲಾತ್ಯ 3:13

ಧರಮಶಾಸ್ತ್ರ ಅಪ್ನಾ ಉಪ್ಪರ ಕ್ಹರಾಪ ಲಾವಾ ವರಕ್ಹು ಕರಸ. ತೆನೈಸೊ ಕ್ರಿಸ್ತ ತೆ ಕ್ಹರಾಪ ತಿನಾ ಉಪ್ಪರ ಲಿದ್ಯೊ. ತೆ ಅಪ್ನಿ ಜ಼ಗಾ ತೆಜ಼ ಲಿದ್ಯೊ. ಕ್ರಿಸ್ತ ತಿನಾಕ್ಹು ತೆ ಕ್ಹರಾಪಮಾ ಪಾಡ್ಯೊ. ಪವಿತ್ರ ಗ್ರಂಥಮಾ ಬರ್ದಲ ಲಿಂಗತ"ಝಾಡನೆ ಅಟ್ಕಾಯಲ ಹರಿಯಕ್ಕ ಮನಕ್ಹ ಕ್ಹರಾಪ ಮಳಲಲಿಂಗತ ಥಯೊಸ.

ಎಫೆಸ 1:7

ತಿನಾ ರಗತಕ್ಹು ಅಪೊನೆ ಬಿಡುಗಡೆ ಮಳಿ. ಕ್ಹುದಾನಿ ಮ್ಹೊಟಿ ಮರಗಾಕ್ಹು ಅಪ್ನಾ ಪಾಪೊ ಮಾಫ ಥಯಾ.

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಇಬ್ರಿಯ 5:1

ಹರಿಯಕ್ಕ ಖಾಸ ಯಾಜಕನೆ ಮನಕ್ಹೊಮಾತೊ ಇನಿಲಿನ ಕ್ಹುದಾನೆ ಸಂಬಂಧ ರ‍್ಹಯಲ ಕಾಮೊ ಮನಕ್ಹೊನಾ ಹುತಿ ಕರಾನೆ ಹುಬ್ರಾಡಸ. ತೆ ಯಾಜಕ ತ್ಯುನಾ ಪಾಪೊನಾ ಹುತಿ ಕ್ಹುದಾನೆ ಕಾಣಿಕೆ ವರಿ ಬಲಿಯೊ ದಿವಸ.

ಇಬ್ರಿಯ 5:3

ತಿನಾಹುತಿ ತೆ ತಾಕತ ನೈಸೊವಾಲೊ ಥಯಲ ಹುತಿ ತೆ ಮನಕ್ಹೊನಾ ಪಾಪೊನಾ ಹುತಿ ಯಕ್ಕಜ಼ ನೈ ತಿನಾ ಸ್ವಂತ ಪಾಪೊನಾ ಹುತಿಬಿ ಬಲಿಯೊ ಚ಼ಡಾವಸ.

1 ಪೆತ್ರಾ 1:11

ಕ್ರಿಸ್ತನಿ ಆತ್ಮಾ ತ್ಯುನೊಕನ ವ್ಹತಿ. ತೆ ಆತ್ಮಾ ಕ್ರಿಸ್ತನೆ ಥಾವಾನಿ ಕಷ್ಟ ವರಿ ತೆ ಥಯಲಪರ ತಿನೆ ತಿನಿ ಥಾವಾನಿ ಮಹಿಮಾನಾ ಹುತಿ ಕತಿತಿ. ತೆ ಪ್ರವಾದಿಯೊ ಆತ್ಮಾ ದೆಕಾಡಾನು ತಿಳ್ದಿಲಿವಾನೆ ಕೊಶಿಶಿ ಕರತಾತಾ. ತೆ ಕ್ಹಾರು ಕೆಳಾಮಾ ಥಾವಸ ವರಿ ತೆ ಟೈಮ್ಮಾ ಜಗತ್ತ ಕಿಮ ರ‍್ಹವಸ ಕೈನ ತಿಳ್ದಿಲಿವಾನೆ ಕೊಶಿಶ ಕರ‍್ಯಾತಾ.

1 ಪೆತ್ರಾ 2:24

ಕ್ರಿಸ್ತ ಅಪ್ನಾ ಪಾಪೊ ತಿನಾ ಅಂಗಪರ ಉಚೈಲಿನ ಶಿಲುಬಿರ ಚ಼ಡ್ಯೊ. ಅಪೆ ಪಾಪನಾ ಹುತಿ ಜಿವ್ತಾ ರ‍್ಹಯಾವಾಚಿ಼. ಕ್ಹರಿಕ್ಹು ಜಿವ್ತಾ ರ‍್ಹೌ ಕೈನ ಮನಸ ವ್ಹತ್ತು. ತಿನಾ (ಕ್ರಿಸ್ತನಾ) ದುಕೊಕ್ಹು ತುಮೊನೆ ಅರಾಮ ಥಯು.

1 ಪೆತ್ರಾ 3:18

ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.

1 ಯೊಹಾನ 2:2

ಅಪ್ನಾ ಪಾಪೊ ವರಿ ಕ್ಹಾರಾ ಮನಕ್ಹೊನಾ ಪಾಪೊ ಪರಿಹಾರ ಕರಾನೆ ಯೆಸುಜ಼ ವಾಟ ವ್ಹೈ.

ಪ್ರಕಟನೆ 1:5

ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;